Кызыл-Кыяда уурулукка шектелип 16 жаштагы өспүрүм кармалды

Милициянын маалыматы боюнча, белгилсиз жаран түн ката шаардагы телефон саткан дүкөнгө чатырын тешип кирип, PS 5 оюн жабдыгын жана iPhone үлгүсүндөгү бир нече телефонду уурдап кеткен. Натыйжада дүкөн ээсине 400 миң сомго жакын зыян келтирилген.

Бул ишке 16 жаштагы өспүрүм кармалды. Ал эми уурдалган буюмдар ээсине кайтарылды.

Бишкекте көп кабаттуу үйдөн өрт чыкты

Эркин күрөш боюнча балбан Нурсадык Нурдинов 17 жашка чейинки спортчулар арасында Азия чемпиону болду

Финалда ал атаандашын тушеге басып жеңди.

Видео: Тахир Гафуров

Ысык-Көлдө милиционер сууга чөгүп бараткан өспүрүмдү куткарып калды

Окуя 21-июнда болгон. 14 жаштагы өспүрүм Каракол шаардык пляжында сууга түшүп жатып, бир убакта чөгө баштаган. Ошол учурда пляж жакта кайгуулда жүргөн улук лейтенант Ринат Токоев чөгүп жаткан баланы көрүп калып, дароо жардамга чуркаган. Ал баланын жанына сүзүп барып, аны суудан алып чыгып, куткарып калган.

Учурда баланын абалы жакшы.

Өзбекстандын Кашкадарыя облусундагы Карши университетинде студент кызга 8 жолу бычак сайылган

Кыргызстандык эгиз бир тууган заманбап бий боюнча дүйнө чемпионатынын финалына өттү

Бишкекте 22-23-июнда Fusion Concept qualifier Kyrgyzstan – заманбап бий боюнча дүйнө чемпионатына тандоо таймаштары өттү. Иш-чара Бишкектеги эс алуу жайларынын биринде болуп, бийчилердин өнөрүн көрүүгө бий сүйүүчүлөрү келди.

Иш-чаранын алкагында Freestyle (эркин стиль) боюнча 2х2 форматында экиге эки чыккан бийчилердин, Hip-hop pro жана Popping багыттары боюнча жеке бийчилердин жарыштары болду.

Жеке бийчилердин жарышында алдыңкы орундарды алгандарга акчалай сыйлык тапшырылды.

Ал эми экиге эки жарышынын жеңүүчүлөрүнө заманбап бий боюнча Францияда өтө турган дүйнө чемпионатынын финалына жолдомо берилди. Жолдомону кыргызстандык эгиз бир тууган Oma менен EMA жеңип алды.

Жогорку Кеңеш электрондук тамекилерди өлкөгө ташып келүүгө, сатууга жана колдонууга тыюу салган мыйзамды экинчи жана үчүнчү окууда кабыл алды

Мыйзамга ылайык, өлкөгө электрондук тамекилерди алып келген юридикалык жактарга 200 миң сом, жарандарга 150 миң сом айыппул каралган же 1 жылдан 2 жылга абакка кесилет.

Аталган тамекилерди саткан жарандар 50 миң сом, юридикалык жактар 65 миң сом айыпка жыгылат.

Ошондой эле электрондук тамекилерди колдонгон жарандарга 10 миң сом, юридикалык жактарга 60 миң сом айыппул каралган.

Демилгечилердин бири депутат Шаирбек Ташиев билдиргендей, мыйзамга кол коюлган соң ал бир жылдан кийин күчүнө кирет.

Эми аталган мыйзам президенттин кол коюусуна жөнөтүлөт.

Видеодогу окуя 20-июнда саат 17:00дар чамасында Бишкектеги №3 төрөтканада болгон. Шаар тургуну аялын төрөт үйүнө алып барган. Гинекологиялык бөлүмгө кирип бара жатканда, бир дарыгер аял эркек кишиге киргенге болбой турганын айткан. Ошол учурда эркек аны түртүп жиберип, дарыгер жерге кулап түшкөн. Анын айынан башына менен урунган аялдын мээси чайкалып, ооруканага жаткырылган.

Дарыгер милицияга арыз жазган.

Иликтөөнүн жүрүшүндө милиция дарыгерди түртүп жиберген адам 37 жаштагы Р.О. аттуу жаран экенин аныктаган. Ал милицияга көрсөтмө берип, өз версиясын айткан.

Толугу менен 👉 Reporter.kg