Мээрим Жуманазарова казакстандык балбан кыздан реванш алды

Бишкекте өтүп жаткан күрөш боюнча рейтингдик мелдештин чейрек финалында Жуманазарова казакстандык Елена Шалыгинаны жеңип алды.

Белгилүү болгондой, Жуманазарова менен Шалыгина быйыл Алматыда өткөн Азия биринчилигинде коло байге үчүн күрөшкөн. Беттеш учурунда Шалыгина Жуманазарованы мурунга сүзгөн. Жуманазарованын мурдунан кан агып, токтобогондуктан, беттеш токтотулуп, жеңиш Шалыгинага берилген.

Белгилей кетсек, Жуманазарова жарым финалда монголиялык балбан кызга жеңилип калып, коло үчүн күрөшө турган болду. Үчүнчү орун үчүн ал өзбекстандык балбан менен күч сынашат.

Чолпон-Атада Садыр Жапаров Эмомали Рахмон менен жолугушту

Президент Садыр Жапаров бүгүн, 2-июнда, Чолпон-Ата шаарында Тажикстандын президенти Эмомали Рахмон менен жолугушту.

Өлкө лидерлери кыргыз-тажик эки тараптуу кызматташтыгынын актуалдуу маселелерин жана келечегин, аймактык жана эл аралык күн тартибинин артыкчылыктарын талкуулашты.

Сүйлөшүүлөрдүн жүрүшүндө кыргыз-тажик мамлекеттик чек арасын делимитациялоо жана демаркациялоо маселесине өзгөчө көңүл бурулду.
Мамлекет башчылары акыркы жылдарда эки өлкөнүн ортосундагы мамлекеттик чек аранын долбоордук линиясын макулдашуу боюнча азыркы учурга жетишилген натыйжага канааттануусун билдиришти.

Reporter.kg

Бишкектеги рейтингдик мелдеш: Айпери Медет кызы финалга чыкты

Жарым финалда ал кытайлык балбан кызды 6:3 эсебинде жеңип алды

Эми Айпери Медет кызы алтын үчүн беттеште дагы бир кытайлык балбан кыз менен күрөшөт.

Reporter.kg

Жакында эле Жогорку Кеңеш “Мамлекеттик тил” жөнүндө мыйзам долбоорун кабыл алган. Көп узабай бул боюнча Россиянын Тышкы иштер министрлиги үн катты.

Толугу менен 👉 Reporter.kg

Айпери Медет кызы Бишкекте өтүп жаткан рейтингдик мелдеште алтын утту

Ал финалдык беттеште кытайлык спортчуну 5:3 эсебинде утуп алды.

Reporter.kg

Рейтингдик мелдеш: Кыргызстандык балбандар 14 медаль утту

Бишкекте 1-4-июнь күндөрү күрөш боюнча дүйнөлүк рейтингдик мелдеш өттү.

Бул мелтеште кыргызстандык спортчулар 4 алтын, 2 күмүш жана 8 коло медаль алышты.

Грек-рим күрөшүнөн Бексултан Махмудов (97 кг), Дастан Кадыров (63 кг) жана Бексултан Назарбаев (82 кг) коло байге тагынды.

Кыз-келиндер күрөшүнөн Айпери Медет кызы (76 кг) алтын, Мээрим Жуманазарова (68 кг) коло утту.

Эркин күрөштөн Алмаз Сманбеков (57 кг), Тайырбек уулу Жумашбек (61 кг), Орозобек Токтомамбетов (70 кг) алтын, Бекзат Алмаз уулу (57 кг), Алибек Осмонов (65 кг) күмүш, Абдумалик Карачев (61 кг), Икромжон Хаджимуратов (65 кг), Эрназар Акматалиев (70 кг), Адилет Маратбаев (79 кг) коло медалга татыды.

Reporter.kg

Ысык-Атада кылмышка шектүү убактылуу кармоочу жайдан качып кетти

ИИМден билдиришкендей, окуя 5-июнга караган түнү болгон.

Шектүү Кушубек Сабыров 1994-жылы туулган, Балыкчы шаарынын тургуну болуп саналат.

Аталган жаран "адам уурдоо, "каракчылык", "адам өлтүрүү" сыяктуу кылмыштарга айыпталууда. 30-майда анын иши сотко өткөн.

Учурда качып кеткен адамды кармоо боюнча иштер жүргүзүлүүдө.

Милиция аталган жаранды көргөн-билгендер болсо, кабар берүүсүн суранат,

Толугу менен 👉 Reporter.kg

Бишкекте түн ортосунда шаар тургуну тонолду

Окуя 16-майга караган түнү Рыскулов менен Фучик көчөлөрүнүн кесилишинде болгон. Кылмышкер күч колдонуп шаар тургунунун 15 миң сомдук телефонун жана 5 миң сом акчасын тартып алган.

Милиция шектүү катары 22 жаштагы С.А. аттуу жаранды кармады. Ал убактылуу кармоочу жайга камакка алынды.

Иликтөө иштери уланууда.

Reporter.kg

Швециялык футболчу Златан Ибрагимович карьерасын аяктады

24 жылдан ашык футболдо жүргөн 41 жаштагы спортчу ойногон акыркы клуб италиялык “Милан” болуп калды.

Ал кесипкөй футболго 1999-жылы келген. Андан бери ал 34 ар түрдүү байге утуп, «Аякс», «Ювентус», «Интер», «Барселона», «Пари Сен-Жермен», «Манчестер Юнайтед», «Милан» сыяктуу клубдарда ойноду.

УКМК төңкөрүш уюштурууга шектүүлөрдү кармоо жүргүзүүдө. Бул тууралуу Reporter.kg’ге өздүк булактар билдирди.

Маалым болгондой, кармалгандардын арасында активисттер бар экени белгилүү. Канча киши, кимдер кармалганы, арасында саясатчылар бар же жок экени азырынча белгисиз. Кармалгандар төңкөрүш уюштурууга даярданган деп шектелүүдө. 

УКМК аталган иш боюнча маалымат бере элек.