Быйыл 7 айда Өзбекстан Кыргызстанга 765 жүк ташуучу унаа экспорттогон. Бул тууралуу коңшу мамлекеттин Статистика агенттиги билдирди.

Маалыматка караганда, быйыл 7 айда Өзбекстан чет мамлекеттерге 11,6 млн долларга 1 миң 69 жүк ташуучу унаа саткан. Алардын көбүн Кыргызстан сатып алган.

Өзбекстан жүк ташуучу унаа эң көп экспорттогон өлкөлөр:

— Кыргызстан – 765 унаа
— Казакстан – 256 унаа
— Азербайжан – 32 унаа
— Тажикстан – 11 унаа

Reporter.kg

Бишкекте үйлөргө кирип, уурулук кылып жүргөн шектүү кармалды

Шаардык милициядан билдиришкендей, 11-августта белгисиз адамдар "Жер Ынтымагы" конушундагы үйгө кирип, 150 миң сом жана алтын зер буюмдарды уурдап кеткен.

Милиция бул ишке шектүү катары мурда уурдоо боюнча бир нече жолу соттолгон 31 жаштагы жаранды (А.С.) кармаган.

Учурда анын башка ушул сыяктуу кылмыштарга катыштыгы бар экени аныкталган.

Шектүү соттун чечими менен №1 тергөө абагына 1 айга камакка алынган.

Тергөө иштери уланууда.

Кыргызстанда электр унааларынын ээлерине бир катар жеңилдиктерди берүү сунушталууда

Аталган сунуш айлана-чөйрөнүн булганышын азайтуу максатында, анын ичинде Бишкектеги ыш маселесин чечүү үчүн иштелип чыккан мыйзам долбоорунда каралган.

Мыйзам долбоору депутат Марлен Маматалиев тарабынан демилгеленген.

Reporter.kg

Россияда кыргызстандык айдоочулук күбөлүк менен иштөөгө тыюу салуу сунушталууда

Белгилүү болгондой, орус тили расмий катары кабыл алынган мамлекеттердин жарандарына Россияда өз өлкөсүнүн айдоочулук күбөлүгү менен иштөөгө уруксат берилген. Эми аталган норманы мыйзамдан алып салуу сунушталууда.

Эгер мыйзам кабыл алынса, Россияда айдоочу болуп иштөөнү каалаган чет элдиктер россиялык автомектептерде окуп, айдоочулук күбөлүк алышы керек болот. Болбосо айдоочу болуп иштей албай калат.

Reporter.kg

Бишкекте аймактар аралыкты кастыкты козутууга шектүү кармалды

Шектүү катары 27 жаштагы жаран кармалып, убактылуу кармоочу жайга камакка алынган.

Эскерте кетсек, 31-августта Ошто болгон көк-бөрү оюнунан кийинки жаңжалдан соң Таласта белгисиз адамдар Россиядан Ош облусуна бараткан 4 жаранды сабап салган. Сабагандардын тарткан видеосу соцтармактарга тарап кеткен. Кийин шектүү катары 5 адам кармалган.

Таластагы окуядан кийин белгисиз жаран соцтармактар аркылуу видеокайрылуу жасап, аталган облустун тургундарынын кадыр-баркына шек келтирген билдирүү жасаган. Милиция аталган жаранды кармаган.

Милиция расалык, этностук, улуттук, диний же аймактар аралык кастыкты козуткан жарандар мыйзам алдында жоопко тартыларын эске салат.

Reporter.kg

10-сентябрда Бишкектин Ленин району боюнча Жогорку Кеңештин депутатын шайлоо болот

Урматтуу Ленин районунун тургундары шайлоого катышып, татыктуу талапкерди тандап алыңыз.

Чүйдө блогер А.Жумагулова кармалды

УКМК маалымдагандай, ал Чүй облусунун ИИББ Жол кыймылынын коопсуздугун камсыздоо башкы башкармалыгынын кызматкеринен 60 миң сом өлчөмүндө акча талап кылууга шектелүүдө.

Reporter.kg

Бишкекте топ бала өспүрүмдү уурдап кетип, сабаган. Шектүүлөр кармалды

Маалыматка караганда, 3-сентябрга караган түнү Садырбаев менен Валдайский көчөлөрүнүн кесилишинен белгисиз адамдар өспүрүм баланы күч менен унаага отургузуп, белгисиз жакка алып кетип, сабаган.

Аталган фактыга байланыштуу Кылмыш-жаза кодексинин 165-беренеси (адам уурдоо) боюнча кылмыш иши козголгон.

Милиция шектүү катары 18, 19 жага 23 жаштагы 6 жаш жигитти кармады.

Алар убактылуу кармоочу жайга камакка алынган.

Учурда иликтөө иштери уланууда.

Reporter.kg

Депутат Тазабек Икрамов көк бөрү боюнча облустук командаларды жоюп, алардын ордуна клубдук командаларды түзүүнү сунуштоодо

Анын айтымында, Оштогу көк бөрү оюнунан кийин болгон тополоң көк бөрүгө заман талабына ылайык жаңы жүз берүү керектигин көрсөттү.

Депутаттын сунушуна ылайык, клубдук командаларга ар бир облустан бир оюнчу кирет. Командасында 7 облустан оюнчулар болбогон командалар республикалык ири мелдештерге катыша албайт.

"Республикалык маанидеги көк бөрү оюунуна жалаң гана клубдук командалар катышып, команданын мүчөлөрү ар бир региондон, тактап айтканда ар бир облустан бирден оюунчу катышуусу керек. Биз командалардын ар бир мүчөсүн региондордон тандап алып, аларды оюнга аралаштырмайынча мындай бөлүнүү коркунучу мындан ары көбөйө берет. Ал эми колдоочулар, күйөрмандар аймак аралык эмес, клубдар аралык болуп, жалпы күйөрмандар аралашып, чыр-чатак чыгуусун алдын алат", - дейт Икрамов.

Reporter.kg

Алмамбет Шыкмаматов Мамлекеттик ипотекалык компаниянын жетекчиси болуп дайындалды

Эскерте кетсек, аталган кызматты буга чейин Аида Төлөгөнова ээлеп келген. Анын эмне себептен кызматтан кеткени тууралуу маалымат жок.

Reporter.kg

УКМК: Кыргызстандын жараны Индияга мыйзамсыз алтын чыгарып кетүүгө аракет кылган

Маалыматка караганда, аталган жаран 3-сентябрда "Манас" аэропортунан 3 кг 985 грамм алтын менен кармалган. Анын алтынга тиешелүү расмий документтери болгон эмес.

Бул фактыга байланыштуу "Манас" аэропортунун авиациялык коопсуздук кызматынын 2 кызматкери жана 2 жаран кармалып, УКМКнын тергөө абагына камакка алынган.

УКМКнын маалыматы боюнча аталган коррупциялык схема боюнча аткезчилер Индияга бир нече жолу алтын чыгарып кетишкен.

ИИМдин кызматкерлери депутат Адахан Мадумаров менен бирге 13 жаштагы уулун кармап кетип, жашы жете элек баласын 3 саат Тергөө кызматына кармап отурган. Бул тууралуу бүгүн, 6-сентябрда Жогорку Кеңештин жыйынында Гуля Кожомкулова билдирди.

Анын айтымында, Мадумаров 13 жаштагы баласы менен сейилдеп жүргөндө ИИМдин атайын багыттагы бөлүмүнүн кызматкерлери кармап кеткен.

«Атайын багыттагы кызматкерлер уюшкан кылмыштуу топтун мүчөлөрүн кармоо жүргүзүп жатканда да үй-бүлө мүчөлөрүн кармабайт. Балдарына да, аялына да тийбейт. Мадумаров 13 жаштагы баласы менен көчөгө чыкканда, аларды атайын багыттагы кызматкерлер кармап, алып кетишкен. Баланы «кармалган адам» (задержанный) катары ИИМдин Тергөө кызматында 3 саат кармап отурушкан. Бул туура көрүнүшпү?! Бул кыжырды келтире турган факт», — дейт ал.

Эскерте кетсек, Мадумаров 2-сентябрда милиция тарабынан кармалып, 2 айга УКМКнын тергөө абагына камакка алынган. Ал "мамлекеттик чыккынчылыкка" шектелүүдө.

Reporter.kg

Ысык-Көлдө аялын сабап, өлүмгө жеткирген адам 9 жылга соттолду. Бул тууралуу Reporter.kg’ге маркумдун сиңдиси Асел Сакешова билдирди.

Эскерте кетсек, былтыр 9-майда күйөөсү мас абалында болуп, 44 жаштагы аялын катуу сабаган. Анын айынан аял ооруканага түшүп, эки күндөн кийин көз жумган. Шектүү катары 50 жаштагы жаран кармалган.

Быйыл 26-майда Ысык-Көл райондук соту айыпкерди 2 жылга соттогон. Ал өкүм чыкканга чейин бир жылдай тергөө абагында отургандыктан, камактагы бир күнү эки күн деп (эки жыл отурду деп) эсептелип абактан бошотулган.

Кийин маркумдун жакындары апелляциялык арыз менен облустук сотко кайрылган.

Облустук сот 5-сентябрда өкүм чыгарып, айыпталуучуну 9 жылга абакка кескен.

Reporter.kg

Режиссер Айбек Дайырбеков Россиядагы эл аралык кинофестивалда «Мыкты режиссер» сыйлыгын алды

Дайырбековго «Мыкты режиссер» сыйлыгы «Эрмен жыты» тасмасы үчүн «Чыгыш-Батыш. Классика жана Авангард» кинофестивалында ыйгарылган. Фестиваль Оренбург шаарында 25-31-августта өткөн.

Reporter.kg

Жакынкы айларда Кыргызстандын жарандарына АКШга виза берүү жеңилдетилип, аны 5-10 жылдык мөөнөткө чейин алууга болот. Бул тууралуу бүгүн, 7-сентябрда Жогорку Кеңештин жыйынында төрага Нурлан Шакиев билдирди.

«АКШнын элчилиги, алардын бийлиги менен сүйлөшүүлөр жүрүп жатат. Буйруса жакынкы айларда оң жыйынтык чыгат. Биздин кыргыз жарандарына визаны берүүнү жеңилдетүү, аны менен катар мөөнөтүн 5-10 жылга чейин узартуу жөнүндө сөз болуп жатат. Буйруса жакшы жагына чечилет», — деди Шакиев.

Reporter.kg

Сузакта кылмыш чөйрөсүнө аралашкан адамды өлтүрүүгө аракет кылган деп шектелип үч жаран кармалды

Маалыматка караганда, окуя 30-августка караган түнү болжол менен саат 00:30да болгон. 29 жаштагы Н.С. аттуу киши таксиде бара жатканда белгисиз адамдар Hyundai Getz унаасы менен келип, такси унаасын ок атуучу курал менен аткылап кетишкен.

Натыйжада Н.С. аттуу жаран октон жараат алып, ооруканага түшкөн. Жабырлануучу криминалдык чөйрөгө тиешеси бар адам болуп саналат.

Учурда милиция шектүү катары 23, 24 жана 28 жаштагы үч жаранды кармады.

Белгилүү болгондой, кармалгандар криминалга тиешеси бар адамдар.

Reporter.kg

Кыргызстанда мектептерден китеп табуу Нарын дарыясынан крокодил тапкандай маселе болууда. Бул тууралуу бүгүн, 7-сентябрда Жогорку Кеңештин жыйынында депутат Эрулан Көкүлов билдирди.

Ал мектептердеги китептердин жетишсиздиги боюнча маселени көтөрдү.

Эскерте кетсек, Нарындагы дарыясындагы крокодил тууралуу кеп азыр билим берү министри кызматын ээлеп турган Каныбек Иманалиевге таандык. Мындан төрт жыл мурда парламенттин жыйынында ошол учурда депутат болуп турган Каныбек Иманалиев ага кылмыш ишин табуу мүмкүн эместигин билдирип, «мага кылмыш ишин табуу, Нарын дарыясында крокодилди тапкандай иш» деп айткан.

4-сентябрда депутат Эрулан Көкүлов Билим берүү министрлигине барганда, министр Каныбек Иманалиев менен кайым айтыша кеткен.

Кудайберген Базарбаев эмгек, социалдык камсыздоо жана миграция министри кызматынан бошотулду. Бул тууралуу президенттин маалымат кызматы билдирди.

Тиешелүү жарлыкка президент Садыр Жапаров кол койгон.

Президенттин башка жарлыгы менен Гүлнара Баатырова саламаттык сактоо министри кызматынан бошотулуп, эмгек, социалдык камсыздоо жана миграция министринин милдетин аткаруучу болуп дайындалган.

Reporter.kg

Президент Садыр Жапаровдун жардамчысынан 300 миң доллар опузалаган адам кармалды. Бул тууралуу УКМКдан билдиришти.

Маалыматка караганда, шектүү катары Инвестицияларды коргоо агенттигинин мурдагы директору А.Д.Б. (Данияр Акматов) кармалган. Акматов президенттин жардамчысынан, ага тиешелүү чагымчыл материалдар бар, аны ММКларга чыгарам деп коркутуп, 300 миң доллар опузалаган деп шектелүүдө.

УКМКдан билдиришкендей, Данияр Акматов 6-сентябрда опузалаган акчасынын бир бөлүгүн алып жатканда колго түшүрүлгөн.

Ал УКМКнын убактылуу кармоочу жайына камакка алынган.