Бийликтин Курманбек Бакиевди Кыргызстанга алып келели деген планы жок.

Бул тууралуу президент Садыр Жапаров “Кабар” маалымат агенттигине берген маегинде билдирди.

“Аскар Акаевден айырмаланып, Курманбек Бакиевге каршы козголгон кылмыш иши бар. Соттун чечими бар. 30 жылга соттолгон. Ал чечим бүгүн да күчүндө турат. Келсе, албетте, камакка алынат. Соттун чечимдерин жокко чыгарууга менин да акым жок. Мен болгону, эгер Курманбек Бакиев ырайым сурап кайрылса, ырайым бергенге, же баш тартканга укугум бар. Беремби же бербейминби, аны да 2010-жылы жабыркаган элдин пикирин эске алып туруп, чечим кабыл алышым керек”, - деп жооп берген Жапаров.

Reporter.kg

🎸Баткенде чек арачы Камчыбек Ташиевге ыр аткарып берди

Баткенде «Ак-Сарай», «Максат» чек ара тозоттору ачылып, «Жаштык» жана «Чон-Талаа» чек ара бекеттери жаңыланды.

Улуттук коопсуздук мамлекеттик комитетинен билдиришкендей, 28-майда УКМК башчысы Камчыбек Ташиев аталган чек ара тозотторунун менен чек ара бекеттеринин ачылышына катышты.

Камчыбек Ташиев жаңы ачылган чек ара бекеттеринде чек арачылар менен бирге тамактанып, алар менен баарлашты. Ошондой эле, чек арачы ага гитара менен ыр аткарып берди.

Толугу менен ➡️ Reporter.kg

Бишкекте күрөш боюнча дүйнөлүк рейтингдик мелдеш өтөт

Мелдеш 1-4-июнь күндөрү өтүп, ага Кыргызстандын атынан 46 спортчу катышат.

Бул мелдеште байгелүү орундарга илинген балбандарга медаль жана рейтингдик упайлардан тышкары, акчалай сыйлык берилет.

Бишкектеги рейтингдик турнирдин акчалай сыйлыктары:

1-орун — 1500 швейцариялык франк (145 миң сом)

2-орун — 750 швейцариялык франк (72 миң сом)

3-орун — 500 швейцариялык франк (48 миң сом)

Reporter.kg

Садыр Жапаров Түптүн акими Каныбек Адиевге сөгүш берди.

Эрбол Султанбаев билдиргендей, президент Түп айыл өкмөтүнүн башчысына да сөгүш берүүнү тапшырды.

Буга кышында жолго себилген кумдарды жана жол жээгиндеги таштандыларды алып чыкпаганы себеп болду. Мындай көрүнүшкө айрыкча турсезондун алдында жол берилбеш керек.

“Бул жергиликтүү бийликтин бардык жетекчилери үчүн эскертүү. Президент Жапаров турсезонго даярдыкты шаарларда, район борборлорундагы, өзгөчө борбордук көчөлөрдөгү тазалыктын сакталышын күтүүсүз текшерүүгө алат”, - деди Султанбаев.

Reporter.kg

D Billions – бул жалпы Кыргызстандын сыймыгы, - Акылбек Жапаров

Министрлер кабинетинин төрагасы Акылбек Жапаров дүйнөгө белгилүү “D Billions” чыгармачыл тобунун мүчөлөрү менен жолукту.

Команданын курамында топтун негиздөөчүсү Эрнист Үмөталиев, ошондой эле аткаруучулар: Исманалиев Бактыбек - Чики (Chiky), Анаркул уулу Асылбек - Ча-Ча (Cha-Cha), Жаныбек Жеңишбеков - Бум-Бум (Boom-Boom) жана Дарина. Векуа - Ляля (Lya-Lya).

Жолугушуунун жүрүшүндө Акылбек Жапаров “D Billions – биздин өлкөнүн чоң сыймыгы” деп белгиледи.

Reporter.kg

Бишкектеги Ботаникалык бакта аял кишини сөккөн адам 5 күнгө камакка алынды

Октябрь райондук милициясынан билдиришкендей, кармоо учурунда шектүү богооздонуп сөгүнгөн. Ага байланыштуу ага протокол түзүлгөн. Материалдар сотко жөнөтүлүп, райондук сот аны 5 күнгө камакка алган.

Ошондой эле, шектүүнүн Ботаникалык бактагы сөздөрү боюнча экспертиза дайындалып, анын жыйынтыгы менен юридикалык баа берилет.

Учурда иликтөө иштери уланууда.

Толугу менен 👉 Reporter.kg

Бишкекте гүл сатып алганы келген адам сатуучунун телефонун уурдап алган

Окуя дүкөндүн ичиндеги камерага түшүп калган.

Шектүү катары 32 жаштагы жаран кармалып, Ленин райондук соттун чечими менен 18-июнга чейин камакка алынган.

Толугу менен 👉 Reporter.kg

Кыргызстан менен Мальдивдин жарандары 30 күндүк мөөнөт менен визалык талаптардан бошотулду.

Тиешелүү мыйзамга Садыр Жапаров кол койду. Мыйзам Жогорку Кеңеш тарабынан 2023-жылдын 3-майында кабыл алынган.

Reporter.kg

Садыр Жапаров 30-майда, Чолпон-Атада жаңы курулган паркты ачты.

Эс алуу жана сейилдөө үчүн жерди уюштурууну мамлекет башчысы демилгелеп, бул максатта № 2 Мамлекеттик резиденциясынын аймагын бөлүп берген.

Парктын жалпы аянты 16 гектарды түзөт, анын аймагында: амфитеатр, веложол, көпүрөлөр, фонтан, жасалма арал жайгашкан. Парк Чолпон-Ата шаарынын мэриясынын балансына өткөрүлүп берилди.

Садыр Жапаров Монголияга сапар менен барат

Сапар июль айынын ортолоруна белгиленген. Азырынча так датасы айтыла элек.

Reporter.kg

Кыргыз тилин билбеген мамкызматкерлер иштен бошотулат. Долбоор колдоо тапты

Жогорку Кеңештин жыйынында "Мамлекеттик тил" жөнүндө мыйзам долбоору үчүнчү окууда каралып, кабыл алынды.

Аталган мыйзам долбооруна ылайык, мамлекеттик кызматкерлер сөзсүз түрдө "Кыргыз тесттен" өтүшү керек болот. Алардын мамлекеттик тилди билгени боюнча беш деңгээлде бааланат — А1, А2, В1, B2, С1. Тестти В1 деңгээлинен төмөн тапшырган мамлекеттик жана муниципалдык кызматкерлер токтомдун талабы менен жумуштан бошотулат.

Reporter.kg

Өткөн дем алыш күндөрү кармалган "Казак" каймана аты бар Умар Маратов менен Ж.А. аттуу жаран камактан чыкты

Маалым болгондой, 30-майда алардын баш коргоо чарасы каралып, Ош шаардык соту шектүүлөрдү эч жакка кетпөө тилкаты менен камактан чыгарган.

Эскерте кетсек, алар Бишкектин тургунунун Toyota Camry унаасын тартып алып, башка жаранга сатып жиберген деп шектелүүдө.

Reporter.kg

Адахан Мадумаровду кылмыш жообуна тартууга макулдук берүү маселесин кароо үчүн атайын депутаттык комиссия түзүлдү

Комиссиянын курамына депутаттар Карим Ханджеза, Кундузбек Сулайманов, Миргүл Темирбаева, Гуля Кожокулова, Мурадил Сыдыков, Фарходбек Алимжанов, Мирлан Самыйкожо, Динара Ашимова кирди.

Reporter.kg

Камчы Көлбаевдин уюшкан кылмыштуу тобунун 4 мүчөсү камакка алынды

Маалым болгондой, алардын бөгөт чарасы 25-майда Биринчи май райондук сотунда каралып, шектүүлөр тергөө аяктаганга чейин камакка алынган. Алар УКМКнын тергөө абагында камакта болот. 

Эскерте кетсек, 23-майда Камчы Көлбаевдин кылмыштуу тобунун «Алтуха» (А.И.), «Протез» (А.Ш.), «Кеня» (К.Т.) жана А.К. аттуу мүчөлөрү Кытайдан жүк ташыган ишкерлер менен жарандардын товарларын тартып алып жүргөн деп шектелип кармалган. Учурда бул ишке абакта отурган адамдардын катыштыгы текшерилүүдө.

Reporter.kg