Чүйдө 13 жашар баласын сабаган ата кармалды

Чүй облустук милициясынан билдиришкендей, 16-мартта милицияга 6-класстын окуучусу, 2010-жылы туулган Д.К. аттуу өспүрүм бала өз атасы тарабынан ур-токмокко алынгандыгын билдирген.

Аталган факт каттоого алынып, Кылмыш-жаза кодексинин 138-беренеси боюнча кылмыш иши козголгон.

Тергөө учурунда өспүрүмдүн өз атасы тарабынан ур-токмокко алынганы, буга чейин да мындай фактылар болуп келгендиги аныкталган.

Милиция кызматкерлери 1989-жылы туулган Д.З. аттуу жаранды кармап, убактылуу кармоочу жайына киргизишти.

"Караван-2" соода борборунун токтотулган курулушу уланууда, - тургун

Бишкектеги Сыдыков 131 дареги боюнча жайгашкан турак үйүнүн жашоочулары "Караван-2" соода борборунун курулушу уланып жатканын билдирип, нааразычылыгын билдирди.

Белгилүү болгондой, аталган соода борбору көп кабаттуу турак үйгө өтө жакын курулуп, анын чуңкуру казылганда, турак үйдүн пайдубалы көрүнүп калган. Андан кийин казылган чуңкурдун айынан жанаша турган үйдүн бышкан кыштан тургузулган тосмосу кулап калган.

17-мартта Reporter.kg’ге аталган үйдүн жашоочулары кайрылып, курулуш токтобой уланып жатканын билдиришти.

"Курулуш тиешелүү нормалар сакталбай жүрүп жатат. Мэр (Эмилбек Абдыкадыров – ред.) курулуш болгон жерге келип, аны токтоткон. Комиссия түзүп, бардык документацияны текшерүүнү тапшырган. Бирок курулуш уланып жатат", - деп билдиришти алар.

Бул боюнча мэрия маалыматты тактап берерин билдирди.

Караколдо мектептин жанында дрифт кылган айдоочу кармалды

16-март күнү социалдык тармактарда «Мерседес-Бенц» унаасынын айдоочусу №11 мектептин жанында дрифт кылып, кетип калганы тууралуу видео тараган.

Бул окуядан кийин айдоочу табылып, ага 15 миң айып пул салынган.

Reporter.kg

Бажыдагы коррупциялык схема боюнча шектүү катары кармалгандардын арасында башкы прокурор Курманкул Зулушевдин бир тууган кайниси бар. Бул тууралуу УКМКнын башчысы Камчыбек Ташиев билдирди.

Ошондой эле, ал "УКМК менен Башкы прокуратуранын жетекчилеринин ортосунда тиреш жүрүп жатат" деген сөздөрдү төгүндөдү.

Reporter.kg

Камчыбек Ташиев өзүнүн жана Садыр Жапаровдун жакындарынын арасынан кимдер кармалганы тууралуу айтып берди

Ал башкы прокурор Курманкул Зулушевдин кайнисинин кармалышы боюнча айтып жатып, чоң кызматта отурган адамдардын жакындары кармалган учурлар болуп жатканын, бирок ал көп учурда ачыкталбай турганын билдирди.

Reporter.kg

Тамчы аэропортунун кулаган дубалын подрядчы фирма калыбына келтирет

Ысык-Көл облусундагы аэропорттун кулап калган тосмо дубалын подрядчы фирма калыбына келтирет. Бул тууралуу президенттин администрациясынын маалыматтык саясат кызматынын жетекчиси Дайырбек Орунбеков социалдык тармактагы баракчасына жазды.

Анын айтымына караганда, «Ысык-Көл» эл аралык аэропортунун айланасын королоо боюнча “Кыргызстройсервис” ишканасы жеке подрядчы компания менен келишим түзгөн.

Бишкектеги үрөй учурган жол кырсык

Бишкек шаарында 50 жаштагы аялды өлтүрө сүзүп кеткен айдоочу үй камагына чыгарылды. Бул тууралуу жабырлануучунун баласы билдирип, президент Садыр Жапаровго кайрылды.

Reporter.kg

Аталган видеодон кийин коопсуздук курун тагынбай унаа айдаган ИИМдин кызматкерине айып пул салынды

Маалым болгондой, видеодогу кызматкер ИИМдин Күзөт кызматында иштейт. Ага миң сом айып пул салынган.

ЖКККББ мыйзам баары үчүн бирдей экенин белгилейт.

Reporter.kg

19-мартта Казакстанда өткөн шайлоодон көз ирмемдер

Шайлоого 6 млн 521,8 миң адам (54,19%) катышкан.

Эскерте кетсек, жекшемби күнү Казакстанда Мажилис (парламенттин төмөнкү палатасы) жана маслихаттарга (аймактык парламент) шайлоо болуп өттү.

Жети миллионунчу Жакшылыкка беш ай толду. Атасы менен маек

Былтыр 19-октябрда Кыргызстанда өлкөнүн жети миллионунчу жараны жарык дүйнөгө келген. Ал Баткен облусунун Кызыл-Кыя шаарында Валижан Абдурасулов менен Айжаркын Сыраждинованын үй-бүлөсүндө төрөлгөн. Наристеге атты президент Садыр Жапаров Жакшылык деп койгон.

19-мартта Жакшылык беш айга толду.

Reporter.kg Жакшылыктын атасы Валижан Абдурасулов менен чакан маек курду.

Толугу менен Reporter.kg

Кайгуул кызматы МАИчи бөбөктөргө белек берди

Маалым болгондой, балдардын улуусу Алымбек жети, анан иниси Адилет беш жашта. Ал эми, кошунасы Байхан алты жашта.

Кайгуул кызматкерлери жеткинчектердин ата-энесине жолдо унаа тосуп ойноо балдардын өмүрүнө өмүрүнө коркунуч жаратарын түшүндүрүшкөн.

Reporter.kg

Садыр Жапаров кыргызстандыктарды Нооруз майрамы менен куттуктады

https://reporter.kg/nooruz-zharatmandyktyn-majramy-prezidenttin-kuttuktoosu/

Нооруз майрамына карата Бишкекте бир тоннадан ашык сүмөлөк даярдалды.

«Дасмия» этнокомплексинде сүмөлөк кайнатуу аземи өттү.

Уюштуруучулардын айтымында, жалпысынан 1 тонна 200 литр сүмөлөк даярдалды. Нооруз күнү таттуулар кыргызстандыктарга жана балдар үйлөрүнө бекер таратылат

Reporter.kg