بۆ ئەوەی بە کوردییەکی باش بنووسیت و قسە بکەیت، پێویستت بە سێ شتی سەرەکییە:
ڕێنووس، ڕێزمان و وشە.

ئەم بەستەرانە، باشترین یارمەتیدەرن بۆ ئەو مەبەستە:

بۆ ڕێنووس:
http://diyako.yageyziman.com/%DA%95%DB%8E%D9%86%D9%88%D9%88%D8%B3/#25
***
بۆ ڕێزمان:
http://diyako.yageyziman.com/%da%95%db%8e%d8%b2%d9%85%d8%a7%d9%86/
***
بۆ وشە:
http://diyako.yageyziman.com/%d9%88%d8%b4%db%95%d9%86%d8%a7%d9%85%db%95/
***
بۆ ئەوانەی ڕێگەیان پێ نەدراوە یان نادرێت بچنە قوتابخانە و خوێندنگەی کوردی:
کتێبەکانی قوتابخانە:
http://diyako.yageyziman.com/%DA%A9%D8%AA%DB%8E%D8%A8%DB%8C-%D9%82%D9%88%D8%AA%D8%A7%D8%A8%D8%AE%D8%A7%D9%86%DB%95/20/11/2020/
***
@diyakohashemi

بە ناوی خوای گەورە و دلۆڤان.
لای خواوە هاتووین و هەر بۆ لای ئەویش دەگەڕێینەوە.
ــــــــــــــــــــــــــــــــــــــــــــــــ
بە داخ و کەسەرێکی زۆرەوە هەواڵی کۆچی دواییی باوکی بەڕێز خاتوو (بەهار)مان پێ‌ گەیشت. 💔🖤

بە نوێنەرایەتی لە دەستەی بەڕێوەبەرانی فێرگەی زمانی کوردی ☀️، پرسە و سەرەخۆشیی خۆمان ئاراستەی خاتوو بەهار و بنەماڵەی هێژایان دەکەین.

ئینشائەڵڵا ڕۆحی کۆچکردوو بە بەهەشتی بەرین شاد بێت و خەمی دواییی بەڕێزانیان‌ بێت و سەبووری بدرێت بە بنەماڵە و کەسوکاری بەڕێزانیان.

@bahar8536
ــــــــــــــــــــــــــــــــــــــــــــــــ
بەڕێوەبەرانی فێرگەی زمانی کوردی ☀️

🔴 بابەت: چراکانی نیشتمان
ــــــــــــــــــــــــــــــــــــــــــــــــ
د. وریا عومەر ئەمین، ئەو ڕووناکبیرەی سنووری کوردستانی شکاندووە.

وەرگیراو لە: چاو میدیا
ــــــــــــــــــــــــــــــــــــــــــــــــ
🌻 @renusisaratayi

🔳 ئاگاداریی بەڕێوەچوونی خولی سەرهێڵی ڕێزمان.

🔘 بەڕێوەچوونی خولی سەرهێڵی ڕێزمانی کوردی لەلایەن فێرگەی زمانی کوردیی هێما.

🔺وانەبێژ: سینا ڕەحیمپوور

بۆ ناونووسی و زانیاریی زۆرتر پەیوەندیی بە ئایدیی خوارەوە لە تێلێگرام بگرن:
@sinarehimpur

پوختەی ڕێنووس و خاڵبەندی، نوێ کراوەتەوە لە 16-08-2024:
ڕێنووسێک کە زیاتر لە ٢٠ ساڵە کاری لەسەر دەکرێت و بەردەوام بە خاڵی گرنگی ڕێنووسی دەوڵەمەندتر دەکرێت و هەمیشە، بەخۆڕایی، بە شێوەی سەرهێڵ لە بەردەستی هەموواندایە.

https://diyako.yageyziman.com/wp-content/uploads/2024/08/Puxtey_Renus_U_Xallbendi_Weshani_3_New.pdf?fbclid=IwY2xjawEtbCBleHRuA2FlbQIxMAABHRnyDdlJoKuFDBt3gYoHcv-xBN2IHe6A8_ADDLz2LLIaer1nGTDVF5acZg_aem_rC1W4xNqtT6NrsQ8eGA8_A
***
@diyakohashemi

سڵاو
پێویستمان بە لۆگۆیەک هەیە بۆ ئەکادیمیای کوردی، لۆگۆیەک بە هەردوو زمانی کوردی و ئینگلیزی لێی نووسرابیت:
لە سەرەوە: ئەکادیمیای کوردی
لە خوارەوە: Kurdish Academy

بەو هیوایەی هونەرمەندان بە دەنگ ئەم بانگەوازەوە بێن. خاوەنی لۆگۆی براوە پادداشت دەکرێت. لەڕێی مەسنجەرەوە پێوەندیمان پێوە بکەن.
ــــــــــــــــــــــــــــــــ
ڕێز: ئەکادیمیای کوردی

https://www.facebook.com/KRG.KurdishAcad.Official

🟥 گشتمان یەکسان نیین
هۆنراوە و خوێندنەوەی: نەوا موکرجی
ــــــــــــــــــــــــــــــــــــــــــــــــ
🌻 @renusisaratayi

ڕێنووس و خاڵبەندی: کلیلی نووسینی کوردیی ڕاست و ڕەوان
ئایا دەتەوێت نووسینەکانت بە شێوەیەکی پوخت و پاراو بنووسیت؟ ئایا بە دوای سەرچاوەیەکی باوەڕپێکراو و نوێدا دەگەڕێیت بۆ ڕێنووس و خاڵبەندیی کوردی؟ ئەوا ئەم کتێبە چارەسەری کێشەکانتە!
تایبەتمەندییە سەرەکییەکان:
بەردەوام نوێ دەکرێتەوە: لەگەڵ گۆڕانکارییەکانی زمان و پێشکەوتنی بەکارهێنانی، ئەم کتێبە بەردەوام نوێ دەکرێتەوە.
دوا نوێکردنەوە: ئەمڕۆ!
گشتگیر: هەموو خاڵە گرنگەکانی ڕێنووس و خاڵبەندیی کوردی لەخۆ دەگرێت.
متمانەپێکراو: بۆ چەندین ساڵە لەلایەن پسپۆڕان و خوێنەرانەوە پشتگیری دەکرێت.
ئاسان بۆ بەکارهێنان: بە شێوازێکی ڕوون و ئاسان نووسراوە. بۆ هەموو ئاستەکانی خوێنەر گونجاوە.
بۆ نووسینێکی یەکدەست و باوەڕپێکراو، ئەم کتێبە بکە هاوڕێی نووسینت. ئێستا وەک PDF بەردەستە، بۆ ئەوەی لە هەر شوێن و کاتێکدا دەستت پێی بگات.
تۆش بەشدار بە لە پاراستن و پەرەپێدانی زمانی کوردی
هەر ئێستا کۆپییەک بۆ خۆت دابگرە!

https://diyako.yageyziman.com/wp-content/uploads/2024/08/Puxtey_Renus_U_Xallbendi_Weshani_4.pdf
***
@diyakohashemi

🔳 ئەو ڕستانەی کە لە کوردستاندا زۆر جار دەیبیستینەوە
ــــــــــــــــــــــــــــــــــــــــــــــــ
🔺 قەی ئەکا.
🔺 قەی نا./ قەی ناکا./ قەی ناکات.
🔺 قەیدی هەیە.
🔺 قەیدی نییە.
🔺 قەیدی ناکات.
🔺 قەیدی چییە؟
🔺 قەی چی ئەکات؟/ قەی چییە؟

1️⃣. ئەمانە چین و بۆچی بەکار دێن؟ ئایا لە بەشی یەکەمی نموونەکاندا، وشەی (قەی) کوردییە؟
چەند بۆچوونێک هەن:
1. بۆچوونێک دەڵێت کە قەی، لە (القید)ی عەرەبییەوە هاتووە بە واتای ڕێگر، ترس، مەرج یان بەربەست.

2. بۆچوونێکی تر دەڵێت کە "قەی" لە "خەیدین/غەیدین/خەید"ی کرمانجی وەرگیراوە؛ بە واتای تووڕەبووون، زویر یان زیزبوون.
"قەیدی نییە" یان "قەی ناکات" واتە: زیز نیم، زویر نیم، تووڕە نیم.

3. بۆچوونێکی تر دەڵێت: "قەی" واتای "هەرگیز" دەدات. (قەی نا) هەمان (قەت نا)یە؛ واتە: "هەرگیز نا".

کاتێک دەڵێین: "قەی ناکات." یان "قەی چی ئەکات؟" واتە: کێشەمان لەگەڵ داوایەک یان بابەتێک نییە؛ ڕێگەی پێ دەدەین و پەسەندی دەکەین. کۆسپ و ڕێگرێک لە داواکارییەکە نییە؛ ئاسایییە و دەشێت؛ یان واتە: گوێی مەدەیێ؛ لێی گەڕێ.

2⃣ . پێکهاتە و شرۆڤەی ڕێزمانییان چۆنە؟
ئەمانە ڕستەی لێکدراون.
[قەی]، بەشی یەکەمی کارەکەیە.
[ئەکا، ناکا/ ناکات، هەیە، نییە] بەشی کارەکەن.
کارەکە ڕانەبردووە.

🔴 قەی/قەیدی چی ئەکات؟
[قەیدی ئەکات] = کاری لێکدراوە.
[ئەکات] = کاری ڕانەبردووی تێپەڕە.
[چی] = ئەوەیە کە پرسیارەکە لەبارەیەوە کراوە و کارەکەی کەرت کردووە؛ واتە: هۆکارەکەیە؛ لەوانەیە کەسێک لە وەڵامدا بڵێت:
قەیدێکی زۆر ئەکات.
قەیدێکی ناخۆش دەکات.
قەیدێکی سەرسوڕمان دەکات.
قەیدێکی نامۆ دەکات.
قەت هیچ ناکات.
قەت هیچ نییە.

3⃣ . ڕێنووسی دروستی ئەم نموونانە چۆنە؟
ڕێنووسی دروستی ئەم ڕستانە ئەوەیە کە لەنێوانیاندا بۆشایی هەبێت؛ چونکە وشە نین؛ بەڵکوو ڕستەیەکی تەواون؛ واتە ڕستەیەکی لێکدراون.

لە [قەی ناکات] 👈 (قەیدی چی ئەکات؟) و (قەیدی ناکات) و نموونەکانی سەرەوە داڕێژراون، هەروەها لە ناوچەکانی کوردستان، (قەیدی چی ئەکات؟) بووەتە: (قەیچێکا؟/ قەیچییەکا؟/ قەیچێکە؟) بەڵام (قەی چی ئەکات؟) پرسیارێکە؛ واتە: ڕستەیەکی پرسیارییە و لێکدراوە و دەبێت وا بنووسرێت: 👈 [قەی چی ئەکات؟]
نەک ئەوەی بنووسرێت: قەیچێکا؟ و قەیچییەکا؟ و قەیچێکە؟

🟪 دەرەنجام
🔸(قەی ئەکا.) یان (قەیئەکا.)؟
قەی ئەکا.

🔸(قەی نا.) یان (قەینا)؟
قەی نا.

🔸(قەی ناکا.) یان (قەیناکا.)؟
قەی ناکا.

🔸(قەی ناکا.) یان (قەیناکە)؟
قەی ناکا.

🔸(قەی ناکات.) یان (قەیناکات.)؟
قەی ناکات.

🔸(قەیدی هەیە.) یان (قەیدیهەیە)؟
قەیدی هەیە.

🔸(قەیدی نییە.) یان (قەیدینییە)؟
قەیدی نییە.

🔸(قەیدی ناکات.) یان (قەیدیناکات)؟
قەیدی ناکات.

🔸(قەی چی ئەکات؟) یان (قەیچیئەکات)؟
قەی چی ئەکات؟

🔸(قەی چییە؟) یان (قەیچییە)؟
قەی چییە؟

🔸(قەی چی ئەکات؟) یان (قەیچێکا)؟
قەی چی ئەکات؟

🔸(قەی چی ئەکات؟) یان (قەیچێکە)؟
قەی چی ئەکات؟

🔸(قەی چی ئەکات؟) یان (قەیچیەکا)؟
قەی چی ئەکات؟

🔲 چەند نموونە لەناو ڕستەدا

قەی چی ئەکا ژن لە ماڵی خۆیا چی لەبەر بکات؟ واتە: ڕێگرێک نییە کە ژن لە ماڵی خۆیدا چ جلێک لەبەر بکات.

دوێنێ درەنگ گەیشتمە خوێندنگە.
بە مامۆستام وت: داوای لێبووردن دەکەم درەنگ هاتم؛ مامۆستاش لە وەڵامدا وتی: قەی ناکات؛ ئاسایییە.

مامۆستا بە فێرخوازەکانی: داوای لێبووردن دەکەم کە نەمتوانی وانەی ڕێزمان پێشکەش بکەم.
فێرخوازەکان: قەی ناکات.

هاوڕێکەم تەلەفۆنی کرد و وتی: ببوورە درەنگ دەگەمە لات. منیش وتم: قەی چی ئەکات؟ تۆزێکی تر چاوەڕوان دەبم.

بۆ تۆ کە بیکر و تازە وەکوو حۆریی جەننەتی
قەیدی چییە عەجووزەیی دنیا بدەم تەڵاق؟
«نالی»
ــــــــــــــــــــــــــــــــــــــــــــــــ
🖊 ئامادەکردنی: ئیدریس هاشمی
🌻 @renusisaratayi

وەرگیراو لە پەڕەی ئەکادیمیای کوردی
ــــــــــــــــــــــــــــــــــــــــــــــــ
ڕێز و سوپاس بۆ هەموو ئەو هونەرمەندە هێژایانەی بە دەنگ داخوازییەکەمانەوە هاتن. ئەم لۆگۆیەی کۆمپانیای گیگانت تەکنەلۆجی پەسەند کرا.

ئەنجوومەنی ئەکادیمیای کوردی
10ی سێپتێمبەری 2024

https://www.facebook.com/share/p/AaqpW7fPYeQh9uZy/

🟠 پرسیاریان لێمان کردووە کە:
- بەپێی ڕێزمانی کوردی، (دەڕوا) دروستە؟ یان (دەڕوات)؟
- ئایا نووسینی (ت) پێویستە؟
ـ ئایا دەکرێت ئاماژە بە هۆکارێکی سەرەکی بکەن کە کامیان دروستترە؟
ــــــــــــــــــــــــــــــــــــــــــــــــ
🟢 وەڵام: "دەڕوات" ڕاستترە.

سەرەکیترین هۆکار بۆ دروستبوونی نووسینی (ت)، ئەو کاتە خۆی نیشان دەدات کە پاشگری (ەوە) بە کارەکە زیاد بکەین، ئەو کاتە دەبینین کە نووسینی (ت) پێویستە.
دەڕوا + ەوە = دەڕواەوە. ❌
دەڕوا(تـ) + ەوە = دەڕواتەوە. ✅
سانا دەڕوات/ دەڕواتەوە. ✅

چونکە (ەوە)، وەک کەرەستە و پێوانەیەک ڕوخساری جێناوەکە ڕاست دەکاتەوە و ئەوەی کە لە ڕۆخساردا دەر نەکەوتووە لە ناخەوە دەری دەهێنێت.
هەروەها ئەوەش لەبیر نەکەین کە دەنگی (ا)، دەنگێکی ڕەسەنە و لەگەڵ (ەوە)، ئاوێتەبوون پەسەند ناکات؛ واتە: دوو بزوێن پێکەوە و لەتەنیشت یەکەوە نایەن.
سانا دەڕوا/ دەڕواەوە. ❌

چەند نموونەی تر:

🔹 تۆ دەخۆی؟ یان تۆ دەخۆیت؟
تۆ دەخۆیت. ✅
تۆ دەخۆیـ(تـ)ـەوە. ✅

🔹 تۆ دەخەوی؟ یان تۆ دەخەویت؟
تۆ دەخەویت. ✅
تۆ دەخەویـ(تـ)ـەوە. ✅

🔹 دەکات/ دەکاتەوە. ✅
🔹 دەبات/ دەباتەوە. ✅
و... هتد
ــــــــــــــــــــــــــــــــــــــــــــــــ
🖊 ئیدریس هاشمی
🌻 @renusisaratayi

🟩 5ی ئۆکتۆبەر، ڕۆژی جیهانیی مامۆستا، لە هەموو مامۆستایان پیرۆز بێت.

مامۆستایان بەنرخترین و گەورەترین ژێرخانی فێرکاری و پەروەردەی ڕۆشنبیرین.
پیشەی مامۆسـتایی لە جیهانـدا، پیـرۆزتـرین پیشـەیە و بە دایکی هەموو پیشەکانی تر دادەنرێت. مامۆستایان، خاوەنی پیرۆزتـرین پەیامن و مژدەبەخشن بۆ هێنانەدیی ژیانێکی باشتر و داهاتوویەکی گەشتر و جیهانێکی ئاسوودەتر. مامۆسـتایانی سەرکـەوتـوو، کۆڵەکەکانی بنیاتنانی فێرکردن و پەروەردەکردنێکی سەرکەوتوون.

مامۆستایان بە دڵسۆزی و لەخۆبووردن و ماندووبوونەوە خزمەت دەکەن، بێ ئەوەی چاوەڕوانی سوپاس و هیچ پاداشـتێک بن. لە هـەموو وڵاتانـدا، مامۆستایانن بەردی بناغە و کۆڵەکەکانی شارسـتانی و پێـشکەوتـن و داهـێـنان و گۆڕانکارین. ڕابەر و چرای گـەشی ڕووناککردنەوەی شـەوەزەنـگی تاریکین. مۆمئاسایی دەسووتـێن بۆ ئەوەی ڕێی سەرکەوتن و پێشکەوتـن و داهاتوو بۆ ڕۆڵەکانی نیشـتمانەکانیان ڕووناک بکەنەوە. مامۆستایان هەنگئاسایین و شیلەی گوڵانی زانیاری و زانسـتی دەمـژن و هـەنگوێنی زانیاریمان پێشکەش دەکەن.
مامۆستایان لە مێژووی هەر نەتەوەیەکدا ڕۆڵێکی گرنگ و کارتێکەریان هەیە. چونکه مامۆسـتایان نەوە لە دوای نەوە پێ دەگەیـەنن. هێمایەکن لە هـێماکانی پێشکـەوتن و شارستانی. گەر گەلان شانازی بە زانا و دانا و بیرمەند و بلیمەت و داهێنەرەکانیانەوە بکەن، دەبێ ئەوە بزانن کە هەموو ئەم هەڵکەوتووانە لە پێشا قوتابیی مامۆستا بوونە.

ئێمەش لە پڕێک، نەبووینە بە کچ و کوڕێک. مامۆستایانی کوردپەروەری دڵسۆزمان، فێری ئەلفبێی کوردایەتی و کوردستانپەروەری و تێکۆشان و گەشبینی و هیوادارییان کردین. هـۆشی ئێمە زەوییەکی بەیار بـوو، مامۆستاکان کێڵایان و تۆوی زانسـت و زانیارییان لێ تۆو کرد. لە هەر پایە و پۆستێکـدا بین، هەمیشە قەرزاری مامۆستاکانمانین. پشکی شانازی بۆ دڵسۆزی و ڕەنج و ماندووبوونی ئەوان دەگەڕێتەوە.

مامۆستایانی خۆشەویست! پێشمەرگە گیانبەخشەکانی گۆڕەپانی فێرکردن و پەروەردە! ئێوە شایەنی ئەوپـەڕی سوپاس ڕێز و پێـزانینن.
ئێوەن منـداڵانی گـەلەکەمـان بەباشی فـێر دەکەن و بەدروستی پەروەردەیـان دەکەن. ئێوە دایک و باوک و خوشک و بـرائاسایین، دەستی سۆز و خۆشەویستی و ڕێز بەسەر منداڵە چاوگەشەکانماندا دەهـێنن.
ئێوە خۆشـەویستی و هاوبەستەبـوون بۆ کوردسـتان و کورد، لە لایان، شیرینتر دەکەن.

مامۆستایانی دڵسـۆز! ئەو منداڵە چاوگەشـانەی کە تـا دوێـنێ قـوتـابیی ئێـوە بـوون، لە ئەمـڕۆدا: مامـۆسـتان، نووسـەرن، هـونەرمەنـدن، پارێـزەرن، پزیشـکن، ئەنـدازیارن، بەڕێـوەبـەرن، تێکـۆشـەرن، ڕۆژنـامەنـووسن، ڕاگەیـانـدنکـارن، چـالاکـوانـن،.. هـتد. ئەمـانە ئەو تـۆوانەن، کە ئێـوە تۆتـان کرد و پێیانتان گەیـانـد و هاتـوونـەتە بەرهـەم.

مامۆستایانی فـرە بەڕێـزمان، ئێوە شوێنێکی تایبەتیتان لە دڵماندا هەیە، خۆشەویستی و ڕێزمان بۆ ئێوە بێسنوورن. هەردەم لە یادتان ناکەین، هەرگـیز ڕێز و خۆشـەویستیتان لە دڵماندا کـاڵ نابـنەوە. نەک تەنها لە ڕۆژی جیـهـانیی مامۆستایاندا، بەڵکوو لە هەموو ڕۆژەکانی ساڵدا، ڕوخساری گـەش و شـیرینی ئـێوە لە بـەر چاومـانە. وشـە ناسـک و جوانەکـانتان، ڕێنماییە دروست و بەسوودەکانتان، زەردەخـەنە شیرینەکانتان، چـێژێکی تایبەتییان لە یادەوەرییەکانماندا هەن. لە ئێوەی دڵسۆزەوە فێری تێکۆشان و کوردایەتی و کوردستانپەروەری و گەشبینی و کۆڵنەدان و هـیوا و ئومێدی سەرکـەوتـن بوویـن. لە ئێـوەوە فـێر بـوویـن کە لە بـەردەم بـڕوا و متمانەبەخـۆبـوون و ئیرادەی پـۆڵایـین و خۆڕاگـری و کۆڵـنەدانـدا، بۆ گـەیشـتن بە هـیوا و ئاواتـەکـانمان، ئەستەم، بوونی نیـیە.
مامۆسـتایـانی دڵسـۆز و کوردسـتانپـەروەر، وشــەی سوپـاس و سـتایـش شەرمـتان لـێ دەکەن. چونکە ئێـوە زۆر لـەوە گـەورەتـر و جیـاوازتـر و شایستەتـرن، کە وشـە و ڕستەی شیرین، بتـوانن ببن بە پارسەنگ و هـاوسەنگی دڵسـۆزی و شـکـۆداریتـان.

مامۆستایانی کوردستان! ئێـوە لە شۆڕشەکانـدا پێـشـمەرگـەی هـەڵمەتبەری شـێرئاسـایین. لە ئاشتیـشـدا هـەڵگـری چـڵە نێـرگـزی خۆشـەویسـتی و ئاشـتین. ئەمـە باوەڕتـان بـووە و باوەڕتانە و نەگـۆڕاون و ناگـۆڕێـن.
ڕێـز و پێـزانـین و خـۆشــەویسـتیی ڕاستیی گەلەکـەمـان بۆ ئێوە مامۆستایانی دڵسۆزمان، بەرزتـرین میـدالیای پێزانین و ڕێـزلـێـنانە.

پـڕبەدڵ جـوانتـرین پـیرۆزباییتـان لێ دەکـەیـن. دەسـتە پیـرۆزەکـانی یـەک بە یەکتـان مـاچ دەکـەین و جـوانـترین چەپـکە گـوڵی خـۆشـەویسـتی و ڕێز و دڵسـۆزی و ئەمەکـداری و پێـزانیـنمـان پێشکـەشـتان دەکـەیـن. ئەمـەش کەمـترین شـتە لـە ئاسـتی دڵسـۆزی و شـکـۆداریی بەرخـودانی ئێـوەدا. گـەشـبـیـنیـن کـە لـە سـایـەی دڵسـۆزی و پەرۆش و مانـدووبوونی ئێـوەدا، داهـاتـووی گەشـتر بۆ کورد و کوردســتان دێـتە دی. ✌️

🖋️ ڕەزا شــوان - سوید

🌻@renusisaratayi

🔲 وشەڕۆنان بە هاوەڵکاری (دوا)
ــــــــــــــــــــــــــــــــــــــــــــــــ
🔴 شرۆڤە ڕێزمانییەکەی:
هاوەڵکارەکان بۆیان هەیە کە بەبێ ئامرازی ڕێزمانی، لەگەڵ ناودا لێک بدرێن و وشەی نوێ ڕۆ بنێن. بۆ نموونە:
🔺(ژێر) 👉 ژێردەست، ژێرخان و...
🔺(لا) 👉 لامل، لادێ، لالووت، لادەم و...
🔺(بەر) 👉 بەرهەیوان، بەرڕۆژ، بەرماڵ و...
🔺(ناو) 👉 ناوخۆ، ناوماڵ و...
🔺(جێ) 👉 جێناو و...
🔺(سەر)👉 سەرخەرمان، سەربان و...
هاوەڵکاری (دوا)ش وەک نموونەکانی سەرەوە، هاوەڵکاری بنەڕەتییە و بۆی هەیە بەبێ ئامراز، زاراوە چێ بکات و وشەی لێکدراو پێک بهێنێت. وەک: دواڕۆژ، دواجار و دوانیوەڕۆ کە هەموویان هاوەڵکاری کاتن و هەروەها لەبەر ئەوەی وشەی فەرهەنگیشن، بەسەر یەکەوە دەنووسرێن؛ بۆ نموونە:

🔴 دواڕۆژ
لە دواڕۆژ، کوردستان دەبێتە دەوڵەت.

🔴 دواجار
دواجار من و تەنیایی، پێکەوە دەمێنینەوە.

🔴 دوانیوەڕۆ/ بە ئینگلیزی: (afternoon)
ئەگەر چاو لە وشەی ئینگلیزیی (afternoon)یش بکەن، ئافتە لەگەڵ نوونەکە پێکەوە دەنووسرێت، کەواتە بەپێی بیردۆزی و ژیربێژی دەبێت بەسەر یەکەوە بنووسرێت:
دوانیوەڕۆ/ (afternoon).
دوانیوەڕۆ کۆبوونەوەکە دەست پێ دەکات.

🔸 چەند نموونەی تر لە وشە فەرهەنگییەکان کە (دوا)ی تێدایە و پێکەوە دەنووسرێن؛ وەک:
دواچۆڕ، دوابەر، دوامژ، دوابەگ، دوابینی، دوابینین، دواهاتن، دواکەوتن، دواخستن، دواکەوتوو، دواسات، دوادانە، دواخراو، دوادە، دواپلە، دواڕادە، دواچارە، دواداوایی، دوابڕوا، دوابڕیار، دواجەنگ، دواپێهێنان، دواپێشەنگ و... هتد

🔳 بەڵام پرسیارێک دێتە ئاراوە:
ئایا ئەو وشانەی پاش هاوەڵکاری [دوا] دێن، هەمیشە لێکدراون و پێکەوە دەنووسرێن؟ 👈🏿 نە.
لە ڕستەدا جوانتر دەر دەکەون کە لێکدراو بن یان بۆشایییان پێ بدەین؛ بۆ نموونە:
🟡 دواجار (بە لێکدراوی)
بە واتای: ئاخری، عاقیبەت (سرانجام)
دواجار ناونیشانەکەم دۆزییەوە.
دواجار = (ئاخری، عاقیبەت)

🟠 دوا جار (بە بۆشایی)
بە واتای: دوایین جار، کۆتا جار، ئاخر جار، جاری داهاتوو
دوا جار کە هاتم بۆ ماڵتان، لە ماڵ نەبوویت.
دوا جار = ئاخر جار

دوا جار کەی بوو لە کۆبوونەوەکە بووین؟
دوا جار = ئاخر جار

دوا جار پێش ئەوەی مامۆستا پرسیارت لێ بکات، وانەکەت بخوێنەوە.
دوا جار = جاری داهاتوو

🔷 هەروەها ئەگەر (دوا)، لەگەڵ کاردا بێت و کارەکەش هێزێکی تێپەڕی هەبێت، لە کاتی گەردانکردندا بەشی یەکەمی بەجیا دەنووسرێت؛ بۆ نموونە لە چاوگی دواخستن یان دواهێنان:
چاوپێکەوتنەکە دوا دەخەم.
خوێندنم دوا هێنا.
ــــــــــــــــــــــــــــــــــــــــــــــــ
🟪 دەرەنجام//
ئەو وشانەی پاش وشەی [دوا] دێن، لەناو ڕستەدا و بەپێی پێکهات و ناوەڕۆکیان، دەر دەکەون کە بە لێکدراوی بیاننووسینەوە یان بۆشایییان پێ بدەین:

بە لێکدراوی
🔴 دواجار بەبێ ماڵاوایی ڕۆیشت.
واتە: [ئاخری/ عاقیبەت بەبێ ماڵاوایی ڕۆیشت].

بە بۆشایییەوە
🔴 دوا جار پێش ئەوەی بێیت، پەیوەندیم پێوە بکە.
واتە: [جاری داهاتوو پێش ئەوەی بێیت، پەیوەندیم پێوە بکە ].
ــــــــــــــــــــــــــــــــــــــــــــــــ
🖊 ئیدریس هاشمی
🌻 @renusisaratayi

هۆنراوەیەکی جوانی کاک "کاوە خوسرەوی" بە کوردیی خواروو
پێشکەشکار: کاک سارۆ خوسرەوی
کتێبخانەی کوردی - سوید/ ستۆکهۆڵم
2024-10-12

سپاس لە کاک ئیدریس هاشمی بەڕێز ک زامەت گرتن فیلمەکە کیشایە.

یاد

من گ ڕووژێ یادت کەم
یاد ڕووژەیل شادت کەم
وێنەد لە وەرچەو منە
لەناو دیدە و خەو منە

لەناو نەرمیی هەورەکان
لەناو دەیشتە گەورەکان
لەناو چەم و لە کانی
شێوەت دۊنم وەجوانی

دایم لە وەرچەو منی
هەسارەگەی شەو منی
خوەرهەڵات بەختمی
هاز ژین سەختمی

هەر چەو دەم و نییەی تو
سوومای دۊر دییەی تو
خەم دۊریت من کیشم
لەپای عشقت من نیشم

وە دیینت خەمم چوو
فەسڵ تار و تەمم چوو
من و تو یەک وێنەیم
لەناو چەم یەک شێوەیم

من گ ڕووژێ یادت کەم
یاد ڕووژەیل شادت کەم
وێنەد لە وەرچەو منە
لەناو دیدە و خەو منە

"کاوە خوسرەوی"
ــــــــــــــــــــــــــــــــــــــــــــــــ
🌻@renusisaratayi