🔲 بابەتێکی گرنگی ڕێزمانی
ـــــــــــــــــــــــــ
لەم دوو ڕستەیە:
1. تۆ بەهێزی.
2. ئەوان جوانن.
🔴 چۆن بزانین کاری ڕستەکان چین؟

🟢 وەڵام//
لە هەردوو ڕستەکە کارەکان، کاری ناتەواون بۆ کاتی ئێستا و دەر نەکەوتوون.

🔳 ڕوونکردنەوەی زیاتر
کاری ناتەواو بۆ کاتی ئێستا، (ە/ـە)یە.
لە چەند حاڵەت (ە/ـە)، واتە: کاری ناتەواو بۆ کاتی ئێستا دەر ناکەوێت کە ئاماژەی پێ دەکەم:
1⃣. ئەگەر نیهادی ڕستەکە، کۆ بێت. وەک:
🔴 گوڵەکان جوانن. [(ە) دەر نەکەوت.]

2⃣. ئەگەر نیهادی ڕستەکە، جێناوێکی سەربەخۆ بوو، لەم دۆخەش (ە) دەر ناکەوێت. [جگە لە "ئەو"]
من کوردØم.
تۆ کوردØیت.

ئێمە کوردØین.
ئێوە کوردØن.
ئەوان کوردØن.

⚠️ بەڵام ئەگەر نیهادی ڕستەکە، (ئەو) بوو، کاری ناتەواو دەر دەکەوێت؛ بۆ نموونە:
(ئەو) کوردە.
(ئەو) زیـرەکــە.
(ئەو) ئازایــە.
(ئەو) مامۆستایــە.
لەو نموونانە، کاری ڕستەکان دەر کەوتوون و کاری ناتەواوی (ە)ن.

🟧 پرسیارێک دێتە ئاراوە ⁉️
بۆچی کاری ناتەواو بۆ کاتی ئێستا [تەنیا لە کەسی سێیەمی تاک] دەر دەکەوێت؟
چونکە جێناوی لکاوی کەسی سێیەمی تاک سفرە.Ø واتە: کۆمەڵەی بەتاڵە و چونکە هیچ جێناوێکی لکاومان نییە، کەواتە (ە) دەر دەکەوێت.

3⃣. لە هەندێ پەندی کوردیدا، کاری ناتەواو بۆ کاتی ئێستا، دەر ناکەوێت وەک:

🔴 نان بۆ نانەوا، گۆشت بۆ قەساب.
🔴 ساڵ بە ساڵ خۆزگە بە پار.

🟧 پرسیارێکی تر
🔳 بە چەند ڕێگا دەتوانین بزانین کە لەناو ڕستەکاندا، کاری ناتەواو بۆ کاتی ئێستا (ە/ــە)، دەر نەکەوتووە؟

1⃣. ئەگەر هیچ کارێکی تر لە ڕستەکەدا نەبێت:
مامۆستایانی فێرگە شارەزان. "جگە لە کاری ناتەواو هیچ کارێکی تر لە ڕستەکەدا نییە."

2⃣. ئەگەر توانیمان ڕستەکە بە نیشانەی (نی) نەرێ بکەین:
کچەکان ژیرن. ـــ کچەکان ژیر نین.

3⃣. ئەگەر توانیمان لە ڕستەکە (بوو) دابنێین:
کوردەکان بوێرن. ــــ کوردەکان بوێر (بوو)ن.
ــــــــــــــــــــــــــــــــــــــــــــــــ
🖊 ئامادەکردنی: ئیدریس هاشمی

🌻 @renusisaratayi

  کاناڵی "پرسبڕکێی زمانەوانی"، ئارشێڤێک بۆ پرسبڕکێی زمانەوانی.

@pirsbirkeyzmanewani

🟪 (شۆڕ) کام لەمانەیە؟
پێشگر؟ پاشگر؟ یان وشە؟
ــــــــــــــــــــــــــــــــــــــــــــــــ
🟩 (شۆڕ)، نە پێشگرە و نە پاشگر؛ بەڵکوو "وشەیە" و هاوەڵناوێکە کە وشەی داڕێژراو و لێکدراوی لێ دروست دەکرێت.

🔸 شۆڕ، وشەیەکی سادەیە بە واتای: داڕۆچکە، داهێشتن، بەرەو خوار شۆڕکردنەوە، درێژ و...

ڕووت وەک پەلکی گوڵ وا سوور بووەتەوە
زولفت داو بە داو وا شۆڕ بووەتەوە
"سامی عەوداڵ"

خۆی لەلا عاقڵە یا پسپۆڕە
بۆیە وا چاکی کەواکەی شۆڕە
"نافیع مەزهەر"

🔸 لە زمانی کوردی، دەتوانین لە وشەی سادەی (شۆڕ)، وشەی داڕێژراو دروست بکەین بۆ نموونە:
شۆڕگە، شۆڕاوگە، شۆڕش، شۆڕە، شۆڕی، شۆڕک و...

🔸 هەروەها لە زمانی کوردی، لە وشەی سادەی "شۆڕ"، زۆر وشەی لێکدراو دروست کراون کە واتای جۆربەجۆریان هەیە؛ بۆ نموونە:
🔴 شۆڕ + ە + سوار = شۆڕەسوار
🔹 (شۆڕ)، لە وشەی لێکدراوی (شۆڕەسوار) واتای کارامە، لێزان و لێهاتوو و چالاک دەدات.

🔴 شۆڕ + ە + ژن = شۆڕەژن
🔴 شۆڕ + ە + لاو = شۆڕەلاو
🔹 (شۆڕ)، لە وشەی لێکدراوی (شۆڕەژن و شۆڕەلاو) واتای ڕێکوپێک و شۆخوشەنگ و جوان دەدات.

🔴 سەر + شۆڕ = سەرشۆڕ
🔴 چاو/چەم + شۆڕ = چاوشۆڕ/ چەمشۆڕ
🔴 لووت + شۆڕ = لووتشۆڕ
🔹 لە هەندێ وشەی لێکدراو واتای شەرمەزاری و خەجاڵەت و نەنگ و بەدناوی دەدات؛ بۆ نموونە: (سەرشۆڕ، چاوشۆڕ/چەمشۆڕ، ملشۆڕ)

🔴 سلاح + شۆڕ = سلاحشۆڕ
🔹 لە وشەی لێکدراوی (سلاحشۆڕ) واتای هەڵکشاو دەدات؛ واتە: کەسێک کە شارەزایە لە چەکهەڵکێشان و بەکارهێنانی؛ واتە: چەکدار و شەڕکەری بەشدار لە شەڕدا - جەنگاوەر.

چەند جار هەستاون بەرانبەر دوژمن
شەڕیان کردووە تێکڕا پیاو و ژن
لە شەڕا پسپۆڕ
کوردی سلاحشۆڕ
دوژمنیان چاوشۆڕ
کۆڵیان نەداوە بۆ ڕێی سەرکەوتن
"بەختیار زیوەر"

🔴 بەژن + شۆڕ = بەژنشۆڕ
🔴 کەزی + شۆڕ = کەزیشۆڕ
🔴 خەزێم + شۆڕ = خەزێمشۆڕ
🔴 سەر + ەو + شۆڕ = سەرەوشۆڕ
🔴 سەر + شۆڕ = سەرشۆڕ
بەژنشۆڕ و کەزیشۆڕ و خەزێمشۆڕ
سەرەوشۆڕم دەکەن سەرشۆڕ بەرەو گۆڕ
هەژار و خوار و لەش بیمار و دڵدار
دەبا وام لێ بێ، مافی خۆمە هەی گۆڕ!
"مامۆستا هەژار"

🔲 نموونەی زیاتر
شۆڕبوون
شۆڕبوونەوە
شۆڕکردنەوە
شۆڕەبەیبوون
شۆڕەبی
شۆڕەکابان
شۆڕەلاس
شۆڕەسەر
شۆڕەمێزەرە
شۆڕەنان
شۆڕەکات
شۆڕناخ
شۆڕئاو/شۆڕاو


پەلکەشۆڕ/ پەلکــشۆڕ
لەچکــشۆڕ
پرچــشۆڕ
زولفــشۆڕ
موژانــشۆڕ
شاقەڵــشۆڕ
کەواشۆڕ
فەقیانەشۆڕ
جبەشۆڕ
دامەنــشۆڕ
کراســشۆڕ
جلــشۆڕ
لاسەشۆڕ
لچــشۆڕ - لەوســشۆڕ - لێوشۆڕ
لووتــشۆڕ
گونشۆڕ
مەمکشۆڕ
سەرگوێــشۆڕ
شەپوشۆڕ
شەڕوشۆڕ
لفکەشۆڕ
دەمــشۆڕ
کلکــشۆڕ
و...
ــــــــــــــــــــــــــــــــــــــــــــــــ
🖊 ئیدریس هاشمی
🌻 @renusisaratayi

بەژنشۆڕ و کەزیشۆڕ و خەزێمشۆڕ
سەرەوشۆڕم دەکەن سەرشۆڕ بەرەو گۆڕ

هەژار و خوار و لەش بیمار و دڵدار
دەبا وام لێ بێ، مافی خۆمە هەی گۆڕ!
"مامۆستا هەژار"
ــــــــــــــــــــــــــــــــــــــــــــــــ
گرتەکە وەرگیراوە لە: پەڕەی ئینستاگرامی
@KURD._CLIP_
مەقامی: مامۆستا حەسەن زیرەک

🌻 @renusisaratayi

🟢 چەند کاناڵ و کۆڕی بەسوودی زمانەوانی.

بۆ ئەوەی بە کوردییەکی باش بنووسیت و قسە بکەیت، پێویستت بە سێ شتی سەرەکییە:
ڕێنووس، ڕێزمان و وشە.

ئەم بەستەرانە، باشترین یارمەتیدەرن بۆ ئەو مەبەستە:

بۆ ڕێنووس:
http://diyako.yageyziman.com/%DA%95%DB%8E%D9%86%D9%88%D9%88%D8%B3/#25
***
بۆ ڕێزمان:
http://diyako.yageyziman.com/%da%95%db%8e%d8%b2%d9%85%d8%a7%d9%86/
***
بۆ وشە:
http://diyako.yageyziman.com/%d9%88%d8%b4%db%95%d9%86%d8%a7%d9%85%db%95/
***
بۆ ئەوانەی ڕێگەیان پێ نەدراوە یان نادرێت بچنە قوتابخانە و خوێندنگەی کوردی:
کتێبەکانی قوتابخانە:
http://diyako.yageyziman.com/%DA%A9%D8%AA%DB%8E%D8%A8%DB%8C-%D9%82%D9%88%D8%AA%D8%A7%D8%A8%D8%AE%D8%A7%D9%86%DB%95/20/11/2020/
***
@diyakohashemi

بە ناوی خوای گەورە و دلۆڤان.
لای خواوە هاتووین و هەر بۆ لای ئەویش دەگەڕێینەوە.
ــــــــــــــــــــــــــــــــــــــــــــــــ
بە داخ و کەسەرێکی زۆرەوە هەواڵی کۆچی دواییی باوکی بەڕێز خاتوو (بەهار)مان پێ‌ گەیشت. 💔🖤

بە نوێنەرایەتی لە دەستەی بەڕێوەبەرانی فێرگەی زمانی کوردی ☀️، پرسە و سەرەخۆشیی خۆمان ئاراستەی خاتوو بەهار و بنەماڵەی هێژایان دەکەین.

ئینشائەڵڵا ڕۆحی کۆچکردوو بە بەهەشتی بەرین شاد بێت و خەمی دواییی بەڕێزانیان‌ بێت و سەبووری بدرێت بە بنەماڵە و کەسوکاری بەڕێزانیان.

@bahar8536
ــــــــــــــــــــــــــــــــــــــــــــــــ
بەڕێوەبەرانی فێرگەی زمانی کوردی ☀️

🔴 بابەت: چراکانی نیشتمان
ــــــــــــــــــــــــــــــــــــــــــــــــ
د. وریا عومەر ئەمین، ئەو ڕووناکبیرەی سنووری کوردستانی شکاندووە.

وەرگیراو لە: چاو میدیا
ــــــــــــــــــــــــــــــــــــــــــــــــ
🌻 @renusisaratayi

🔳 ئاگاداریی بەڕێوەچوونی خولی سەرهێڵی ڕێزمان.

🔘 بەڕێوەچوونی خولی سەرهێڵی ڕێزمانی کوردی لەلایەن فێرگەی زمانی کوردیی هێما.

🔺وانەبێژ: سینا ڕەحیمپوور

بۆ ناونووسی و زانیاریی زۆرتر پەیوەندیی بە ئایدیی خوارەوە لە تێلێگرام بگرن:
@sinarehimpur

پوختەی ڕێنووس و خاڵبەندی، نوێ کراوەتەوە لە 16-08-2024:
ڕێنووسێک کە زیاتر لە ٢٠ ساڵە کاری لەسەر دەکرێت و بەردەوام بە خاڵی گرنگی ڕێنووسی دەوڵەمەندتر دەکرێت و هەمیشە، بەخۆڕایی، بە شێوەی سەرهێڵ لە بەردەستی هەموواندایە.

https://diyako.yageyziman.com/wp-content/uploads/2024/08/Puxtey_Renus_U_Xallbendi_Weshani_3_New.pdf?fbclid=IwY2xjawEtbCBleHRuA2FlbQIxMAABHRnyDdlJoKuFDBt3gYoHcv-xBN2IHe6A8_ADDLz2LLIaer1nGTDVF5acZg_aem_rC1W4xNqtT6NrsQ8eGA8_A
***
@diyakohashemi

سڵاو
پێویستمان بە لۆگۆیەک هەیە بۆ ئەکادیمیای کوردی، لۆگۆیەک بە هەردوو زمانی کوردی و ئینگلیزی لێی نووسرابیت:
لە سەرەوە: ئەکادیمیای کوردی
لە خوارەوە: Kurdish Academy

بەو هیوایەی هونەرمەندان بە دەنگ ئەم بانگەوازەوە بێن. خاوەنی لۆگۆی براوە پادداشت دەکرێت. لەڕێی مەسنجەرەوە پێوەندیمان پێوە بکەن.
ــــــــــــــــــــــــــــــــ
ڕێز: ئەکادیمیای کوردی

https://www.facebook.com/KRG.KurdishAcad.Official

🟥 گشتمان یەکسان نیین
هۆنراوە و خوێندنەوەی: نەوا موکرجی
ــــــــــــــــــــــــــــــــــــــــــــــــ
🌻 @renusisaratayi

ڕێنووس و خاڵبەندی: کلیلی نووسینی کوردیی ڕاست و ڕەوان
ئایا دەتەوێت نووسینەکانت بە شێوەیەکی پوخت و پاراو بنووسیت؟ ئایا بە دوای سەرچاوەیەکی باوەڕپێکراو و نوێدا دەگەڕێیت بۆ ڕێنووس و خاڵبەندیی کوردی؟ ئەوا ئەم کتێبە چارەسەری کێشەکانتە!
تایبەتمەندییە سەرەکییەکان:
بەردەوام نوێ دەکرێتەوە: لەگەڵ گۆڕانکارییەکانی زمان و پێشکەوتنی بەکارهێنانی، ئەم کتێبە بەردەوام نوێ دەکرێتەوە.
دوا نوێکردنەوە: ئەمڕۆ!
گشتگیر: هەموو خاڵە گرنگەکانی ڕێنووس و خاڵبەندیی کوردی لەخۆ دەگرێت.
متمانەپێکراو: بۆ چەندین ساڵە لەلایەن پسپۆڕان و خوێنەرانەوە پشتگیری دەکرێت.
ئاسان بۆ بەکارهێنان: بە شێوازێکی ڕوون و ئاسان نووسراوە. بۆ هەموو ئاستەکانی خوێنەر گونجاوە.
بۆ نووسینێکی یەکدەست و باوەڕپێکراو، ئەم کتێبە بکە هاوڕێی نووسینت. ئێستا وەک PDF بەردەستە، بۆ ئەوەی لە هەر شوێن و کاتێکدا دەستت پێی بگات.
تۆش بەشدار بە لە پاراستن و پەرەپێدانی زمانی کوردی
هەر ئێستا کۆپییەک بۆ خۆت دابگرە!

https://diyako.yageyziman.com/wp-content/uploads/2024/08/Puxtey_Renus_U_Xallbendi_Weshani_4.pdf
***
@diyakohashemi

🔳 ئەو ڕستانەی کە لە کوردستاندا زۆر جار دەیبیستینەوە
ــــــــــــــــــــــــــــــــــــــــــــــــ
🔺 قەی ئەکا.
🔺 قەی نا./ قەی ناکا./ قەی ناکات.
🔺 قەیدی هەیە.
🔺 قەیدی نییە.
🔺 قەیدی ناکات.
🔺 قەیدی چییە؟
🔺 قەی چی ئەکات؟/ قەی چییە؟

1️⃣. ئەمانە چین و بۆچی بەکار دێن؟ ئایا لە بەشی یەکەمی نموونەکاندا، وشەی (قەی) کوردییە؟
چەند بۆچوونێک هەن:
1. بۆچوونێک دەڵێت کە قەی، لە (القید)ی عەرەبییەوە هاتووە بە واتای ڕێگر، ترس، مەرج یان بەربەست.

2. بۆچوونێکی تر دەڵێت کە "قەی" لە "خەیدین/غەیدین/خەید"ی کرمانجی وەرگیراوە؛ بە واتای تووڕەبووون، زویر یان زیزبوون.
"قەیدی نییە" یان "قەی ناکات" واتە: زیز نیم، زویر نیم، تووڕە نیم.

3. بۆچوونێکی تر دەڵێت: "قەی" واتای "هەرگیز" دەدات. (قەی نا) هەمان (قەت نا)یە؛ واتە: "هەرگیز نا".

کاتێک دەڵێین: "قەی ناکات." یان "قەی چی ئەکات؟" واتە: کێشەمان لەگەڵ داوایەک یان بابەتێک نییە؛ ڕێگەی پێ دەدەین و پەسەندی دەکەین. کۆسپ و ڕێگرێک لە داواکارییەکە نییە؛ ئاسایییە و دەشێت؛ یان واتە: گوێی مەدەیێ؛ لێی گەڕێ.

2⃣ . پێکهاتە و شرۆڤەی ڕێزمانییان چۆنە؟
ئەمانە ڕستەی لێکدراون.
[قەی]، بەشی یەکەمی کارەکەیە.
[ئەکا، ناکا/ ناکات، هەیە، نییە] بەشی کارەکەن.
کارەکە ڕانەبردووە.

🔴 قەی/قەیدی چی ئەکات؟
[قەیدی ئەکات] = کاری لێکدراوە.
[ئەکات] = کاری ڕانەبردووی تێپەڕە.
[چی] = ئەوەیە کە پرسیارەکە لەبارەیەوە کراوە و کارەکەی کەرت کردووە؛ واتە: هۆکارەکەیە؛ لەوانەیە کەسێک لە وەڵامدا بڵێت:
قەیدێکی زۆر ئەکات.
قەیدێکی ناخۆش دەکات.
قەیدێکی سەرسوڕمان دەکات.
قەیدێکی نامۆ دەکات.
قەت هیچ ناکات.
قەت هیچ نییە.

3⃣ . ڕێنووسی دروستی ئەم نموونانە چۆنە؟
ڕێنووسی دروستی ئەم ڕستانە ئەوەیە کە لەنێوانیاندا بۆشایی هەبێت؛ چونکە وشە نین؛ بەڵکوو ڕستەیەکی تەواون؛ واتە ڕستەیەکی لێکدراون.

لە [قەی ناکات] 👈 (قەیدی چی ئەکات؟) و (قەیدی ناکات) و نموونەکانی سەرەوە داڕێژراون، هەروەها لە ناوچەکانی کوردستان، (قەیدی چی ئەکات؟) بووەتە: (قەیچێکا؟/ قەیچییەکا؟/ قەیچێکە؟) بەڵام (قەی چی ئەکات؟) پرسیارێکە؛ واتە: ڕستەیەکی پرسیارییە و لێکدراوە و دەبێت وا بنووسرێت: 👈 [قەی چی ئەکات؟]
نەک ئەوەی بنووسرێت: قەیچێکا؟ و قەیچییەکا؟ و قەیچێکە؟

🟪 دەرەنجام
🔸(قەی ئەکا.) یان (قەیئەکا.)؟
قەی ئەکا.

🔸(قەی نا.) یان (قەینا)؟
قەی نا.

🔸(قەی ناکا.) یان (قەیناکا.)؟
قەی ناکا.

🔸(قەی ناکا.) یان (قەیناکە)؟
قەی ناکا.

🔸(قەی ناکات.) یان (قەیناکات.)؟
قەی ناکات.

🔸(قەیدی هەیە.) یان (قەیدیهەیە)؟
قەیدی هەیە.

🔸(قەیدی نییە.) یان (قەیدینییە)؟
قەیدی نییە.

🔸(قەیدی ناکات.) یان (قەیدیناکات)؟
قەیدی ناکات.

🔸(قەی چی ئەکات؟) یان (قەیچیئەکات)؟
قەی چی ئەکات؟

🔸(قەی چییە؟) یان (قەیچییە)؟
قەی چییە؟

🔸(قەی چی ئەکات؟) یان (قەیچێکا)؟
قەی چی ئەکات؟

🔸(قەی چی ئەکات؟) یان (قەیچێکە)؟
قەی چی ئەکات؟

🔸(قەی چی ئەکات؟) یان (قەیچیەکا)؟
قەی چی ئەکات؟

🔲 چەند نموونە لەناو ڕستەدا

قەی چی ئەکا ژن لە ماڵی خۆیا چی لەبەر بکات؟ واتە: ڕێگرێک نییە کە ژن لە ماڵی خۆیدا چ جلێک لەبەر بکات.

دوێنێ درەنگ گەیشتمە خوێندنگە.
بە مامۆستام وت: داوای لێبووردن دەکەم درەنگ هاتم؛ مامۆستاش لە وەڵامدا وتی: قەی ناکات؛ ئاسایییە.

مامۆستا بە فێرخوازەکانی: داوای لێبووردن دەکەم کە نەمتوانی وانەی ڕێزمان پێشکەش بکەم.
فێرخوازەکان: قەی ناکات.

هاوڕێکەم تەلەفۆنی کرد و وتی: ببوورە درەنگ دەگەمە لات. منیش وتم: قەی چی ئەکات؟ تۆزێکی تر چاوەڕوان دەبم.

بۆ تۆ کە بیکر و تازە وەکوو حۆریی جەننەتی
قەیدی چییە عەجووزەیی دنیا بدەم تەڵاق؟
«نالی»
ــــــــــــــــــــــــــــــــــــــــــــــــ
🖊 ئامادەکردنی: ئیدریس هاشمی
🌻 @renusisaratayi

وەرگیراو لە پەڕەی ئەکادیمیای کوردی
ــــــــــــــــــــــــــــــــــــــــــــــــ
ڕێز و سوپاس بۆ هەموو ئەو هونەرمەندە هێژایانەی بە دەنگ داخوازییەکەمانەوە هاتن. ئەم لۆگۆیەی کۆمپانیای گیگانت تەکنەلۆجی پەسەند کرا.

ئەنجوومەنی ئەکادیمیای کوردی
10ی سێپتێمبەری 2024

https://www.facebook.com/share/p/AaqpW7fPYeQh9uZy/

🟠 پرسیاریان لێمان کردووە کە:
- بەپێی ڕێزمانی کوردی، (دەڕوا) دروستە؟ یان (دەڕوات)؟
- ئایا نووسینی (ت) پێویستە؟
ـ ئایا دەکرێت ئاماژە بە هۆکارێکی سەرەکی بکەن کە کامیان دروستترە؟
ــــــــــــــــــــــــــــــــــــــــــــــــ
🟢 وەڵام: "دەڕوات" ڕاستترە.

سەرەکیترین هۆکار بۆ دروستبوونی نووسینی (ت)، ئەو کاتە خۆی نیشان دەدات کە پاشگری (ەوە) بە کارەکە زیاد بکەین، ئەو کاتە دەبینین کە نووسینی (ت) پێویستە.
دەڕوا + ەوە = دەڕواەوە. ❌
دەڕوا(تـ) + ەوە = دەڕواتەوە. ✅
سانا دەڕوات/ دەڕواتەوە. ✅

چونکە (ەوە)، وەک کەرەستە و پێوانەیەک ڕوخساری جێناوەکە ڕاست دەکاتەوە و ئەوەی کە لە ڕۆخساردا دەر نەکەوتووە لە ناخەوە دەری دەهێنێت.
هەروەها ئەوەش لەبیر نەکەین کە دەنگی (ا)، دەنگێکی ڕەسەنە و لەگەڵ (ەوە)، ئاوێتەبوون پەسەند ناکات؛ واتە: دوو بزوێن پێکەوە و لەتەنیشت یەکەوە نایەن.
سانا دەڕوا/ دەڕواەوە. ❌

چەند نموونەی تر:

🔹 تۆ دەخۆی؟ یان تۆ دەخۆیت؟
تۆ دەخۆیت. ✅
تۆ دەخۆیـ(تـ)ـەوە. ✅

🔹 تۆ دەخەوی؟ یان تۆ دەخەویت؟
تۆ دەخەویت. ✅
تۆ دەخەویـ(تـ)ـەوە. ✅

🔹 دەکات/ دەکاتەوە. ✅
🔹 دەبات/ دەباتەوە. ✅
و... هتد
ــــــــــــــــــــــــــــــــــــــــــــــــ
🖊 ئیدریس هاشمی
🌻 @renusisaratayi