مع اقتراب موسم 2022 بنهايتها..
أذكركم ونفسى بقول الله فى الحديث القدسى "لا تسبوا الدهر فإنى أنا الدهر، بيدى الأمر أقلّب الليل والنهار".
هى أيام الله، وأقدار الله، وما من صغيرة ولا كبيرة حدثت فيها إلا بأمر الله، وما من أمر وقعنا فيه أو نجونا منه إلا بتدبير الله..
نحمده على جميع أقداره، ونثنى على قضائه، وما لنا إلا التسليم له بالمشيئة، والدعاء بالعافية، والتضرع بأن يحسن لنا فى ما هو قادم..

#منقول

[ قصة عيسى عليه السلام 1 ]
بداية الحكاية .. دعوة الجدة..
زوجة عمران امرأة صالحة تقية من بني إسرائيل.. وهي جدة سيدنا المسيح عيسى رسول الله صلى الله عليه وسلم ..
أثناء حملها في السيدة مريم .. ولم يكن أحد وقتها يعرف جنس الجنين إلا بولادته..
فنذرت ما في بطنها لله ولخدمة بيت المقدس ..
"رَبِّ إِنِّي نَذَرْتُ لَكَ مَا فِي بَطْنِي مُحَرَّرًا فَتَقَبَّلْ مِنِّي"
وكانت المفاجأة عندما ولدتها أنثى!
فأعاذتها قائلة "وَإِنِّي أُعِيذُهَا بِكَ وَذُرِّيَّتَهَا مِنَ الشَّيْطَانِ الرَّجِيمِ"
وبصدق نية امرأة عمران .. تقبل الله نذرها وأعاذها وذريتها .. فأصلح لها المولودة فصارت سيدة نساء العالمين .. (مريم ابنة عمران)
بل وأصلح لها حفيدها المسيح عيسى فجعله نبياً من أولي العزم من الرسل..
وفي طفولة مريم تسابق بنو إسرائيل في كفالة مريم فكانت كفالتها عن طريق القُرعة..
فجعل الله كفالتها لزكريا عليه السلام ، وهو زوج خالة مريم..
ولم يكن عنده من أولاد..
فاهتم زكريا بتربية مريم .. وأسكنها محراب عبادته..
وكانت تأتيها كرامات من الله ، فكانت تُرزق من الفاكهة في غير موسمها ومن غير كسب ولا تعب..
فيسألها زكريا يا مريم من أين لكِ هذا؟!
فتقول : "هُوَ مِنْ عِندِ اللَّهِ ۖ إِنَّ اللَّهَ يَرْزُقُ مَن يَشَاءُ بِغَيْرِ حِسَابٍ"
فكانت مريم مصدر إلهام لزكريا أن يطلب من الله الولد والذرية..
حتى ولو كان كبير السن وامرأته عاقر لا تلد..
إلا أن الله قادر على الرزق بدون أسباب..
وبالفعل تقبل الله دعوة زكريا وبشرته الملائكة بالولد..

عارف الزعبوط الأحمر 🎅 اللي فيه ناس بتلبسه روشنة كدة بمناسبة راس السنة ؟؟!
طب عارف شجرة الكريسماس 🌲اللي فيه بعض الناس بيجيبوها أصلها ديكور ممتاااااز في راس السنة؟؟!!
الحقيقة إنك كمسلم موحد...حراااام عليك تشتري الشجرة دي 🌲والزعبوط ده 🎅

هتقولي ... المهم نيتي ايه وأنا نيتي بحتفل مع أهلي بسنة جديدة
هقولك .. نيتك ماتنفعش مع حاجة ليها عقيدة تخالف عقيدتك
الحاجات دي احتفالات بعقيدة بتقول إن ربنا ليه ولد أو ثالث ثلاثة ..وأنا فاهم إنك مش مؤمن بكده ومعتقد ((قُلْ هُوَ اللَّهُ أَحَدٌ))..بس كمان ماينفعش تلبس أو تعلق حاجة هي شعار للعقيدة دي
زي بالظبط ماينفعش تعلق صليب وتقول نيتي انه زينة بس
الزعبوط الأحمر وشجرة الكريسماس
هم كماااان رمز لعقيدة بتقول إن لله ولد أو هو ثالث ثلاثة...
👈ماتشتريش شجرة الكريسماس
👈لو عندك في البيت بوظها وارميها
👈ماتشتريش الزعبوط الأحمر
عقيدتك أهم من إنك تكون روش واستايل

استعديت للكريسماس⁉️
بجد ..استعديت..!!
مش احنا في زمن ابتلينا فيه بمسلمين بيستعدوا للكريسماس....
ومحلات المسلمين تجيب زينة للكريسماس وتخفيضات للكريسماس ...
ومدارس المسلمين وحضانتهم لازم تعلم الأطفال يحتفلوا بالكريسماس ....
طب ليه إنت كمان ماتستعدش ؟؟!
استعد يلا ......
- بإنك توعى الناس بخطورة الاحتفال بالكريسماس وإنه مش من ديننا❌
-بخطورة شجرة الكريسماس وإنها مش مجرد زينة ....دي عقيدة
-بإن الكريسماس ده عيد ميلاد الرب اللي إنت كل يوم بتقول عنه ( لَمْ يَلِدْ وَلَمْ يُولَدْ)

🚫وعشان كدة :
مسؤولية كل مسلم دلوقتي إنه يعرف الناس إن حفلات الكريسماس مش رقي واستايل
لكن.....
مصيبه كبيرة في دينك وعقيدتك
🚫وعشان كده لازم تقاطع الحفلات دي بكل صورها

حرام حرام حرام حراااااام! 😭
زعلانه إن الشرع مدقق معاكي؟!
يعني حرام حتى خصلة شعر بس تخرج من الطرحة..
حرام حتى تظهر رجلك..
ممنوع تشمري الكم فـ حتة من ذراعك تبان..
ممنوع مكياج أو عطور...
.....
احب أقولك إن ده من غلاكي يا ست البنات..
لو مكونتيش غالية عند دينك.. مكنش دقق معاكي كدة..
الميزان بيدقق أوي مع الحاجة الغالية زي الذهب مثلاً.. فبيبقى بالجرام.. لأن الشعرة منه بحساب..
المفروض تفرحي إنك غالية.. وفي شرع حريص عليكي..
"يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ۚ ذَٰلِكَ أَدْنَىٰ أَن يُعْرَفْنَ فَلَا يُؤْذَيْنَ"

[ قصة عيسى عليه السلام 3 ]

كانت مريم على وشك الولادة..
"فَأَجَاءَهَا الْمَخَاضُ إِلَىٰ جِذْعِ النَّخْلَةِ"
داهمتها آلام الولادة فاستندت على نخلة.. وما أصعب ولادة البكريّة لاسيما إذا كانت بمفردها كـ مريم..
ومن شدة الألم الجسدي والنفسي والخوف من ردة فعل قومها..
"قَالَتْ يَا لَيْتَنِي مِتُّ قَبْلَ هَٰذَا وَكُنتُ نَسْيًا مَّنسِيًّا"..
فكان الموت أهون عندها من اتهامها بالفاحشة..
لكن الله لطيف لما يشاء.. أنزل عليها السكينة
"فَنَادَاهَا مِن تَحْتِهَا أَلَّا تَحْزَنِي قَدْ جَعَلَ رَبُّكِ تَحْتَكِ سَرِيًّا..وَهُزِّي إِلَيْكِ بِجِذْعِ النَّخْلَةِ تُسَاقِطْ عَلَيْكِ رُطَبًا جَنِيًّا"
قيل أن الذي ناداها هو جبريل..
وقيل هو المولود المسيح عيسى وكان يكلم الناس في المهد..
(سرياً) يعني نهرًا .. و(الرطب) البلح الطري..
والعجيب أن النخلة لا يستطيع الرجال الشداد مجتمعين على هزها ولن تُسقِط بذلك ثمارها! فكيف بامرأة نفساء أن تهز نخلة؟!
لكي تترسخ قاعدة الأخذ بالأسباب.. فمع أن الله قدير يرزقها بغير سبب..
كما رزقها سابقاً بالفاكهة في غير موسمها من غير كسب ..
ورزقها الحمل من غير أب..
إلا أنه لا يصح لأحد أن يترك الأسباب..
ثم قال لها : "فَكُلِي وَاشْرَبِي وَقَرِّي عَيْنًا"
فمهما كان الابتلاء شديد.. لا تيأسي ولا تتوقف حياتك.. كلي واشربي
بل وتأملي جمال مولودك المبارك.. وليفرح قلبك برحمته الله بكِ ومعيته لكِ..
أما بشأن الناس.. أراد الله عز وجل أن يريحها من الجدال.. فأمرها بالسكوت.. "فَقُولِي إِنِّي نَذَرْتُ لِلرَّحْمَٰنِ صَوْمًا فَلَنْ أُكَلِّمَ الْيَوْمَ إِنسِيًّا"
تسكت وتشاور على المولود.. فيتكلم هو ليكون أكبر دليل على صدق وبراءة أمه قائلاً :
"إِنِّي عَبْدُ اللَّهِ آتَانِيَ الْكِتَابَ وَجَعَلَنِي نَبِيًّا وَجَعَلَنِي مُبَارَكًا أَيْنَ مَا كُنتُ وَأَوْصَانِي بِالصَّلَاةِ وَالزَّكَاةِ مَا دُمْتُ حَيًّا وَبَرًّا بِوَالِدَتِي وَلَمْ يَجْعَلْنِي جَبَّارًا شَقِيًّا"..
آية ومعجزة تكلم بها المسيح عيسى بن مريم عند مولده ليبرئ بها أمه الطاهرة وليعلن عبوديته لرب العالمين ..
وبشارة لما سيكون له بعد ذلك من الشأن الكبير ..

الصورة كدة تمام ؟؟!!
✋تعالى أقولك ...قبل ماتروح تاخد صورة للذكرى مع شجرة الكريسماس ..إن الشجرة دي مش مجرد ديكور شكل حلو وخلاص
الشجرة دي هي رمز لعقيدة تخالف عقيدتك كمسلم ..اه والله زي ماسمعت كدة
دي عقيدة مش تشدد خالص...
ماينفعش تتصور مع شجرة الكريسماس
ماينفعش تتصور وانت لابس الزعبوط الأحمر
دي حاجات بترمز لعقيدة بتقول إن لله ولد وأنت مسلم موحد بتقول لم يلد ولم يولد

هتقولي ..✋بس دي مجرد شجرة وصورة حلو وخلاص
هقولك ..الشجرة دي رمز لعقيدة زي ما الصليب رمز لعقيدة وزي ماتمثال بوذا رمز لعقيدة ...كل دي أشكال ترمز لعقيدة تخالف عقيدتك...ينفع تقول أنا هتصور جنبها أصل شكلها حلو؟؟!!

هقول تااااني ..
❌ماينفعش تتصور مع شجرة الكريسماس ولا بالزعبوط الأحمر ولا بخلفيات ليهم بتركبهم على صورتك ...
كل الحاجات دي رموز لعقيدة ضد عقيدتك فركز الله يكرمك ..
لأن دينك أهم من أي حاجة ...فحافظ عليه

[ قصة عيسى عليه السلام 2 ]
"بشارة الحمل بالمسيح عيسى بن مريم"

صارت مريم فتاة شابة تتعبد وتخدم المصلين في بيت المقدس.. لا تغادر المسجد إلا لضرورة..
لا تكلم الرجال ولا يكلمها الرجال.. فهم يعلمون جيداً من هي مريم العذراء العفيفة المحصنة..
وفي يوم خرجت من المسجد.. فاعترض طريقها رجل.. فخافت مريم وقالت "إِنِّي أَعُوذُ بِالرَّحْمَٰنِ مِنكَ إِن كُنتَ تَقِيًّا"
ولم تكن تعلم أن هذا الرجل إنما هو من الملائكة..جبريل عليه السلام وقد تمثل لها في صورة بشر..
فأخبرها بذلك وقال "إِنَّمَا أَنَا رَسُولُ رَبِّكِ لِأَهَبَ لَكِ غُلَامًا زَكِيًّا"
لم تفرح مريم بهذا الخبر مطلقاً..
بل تعجبت وخافت"قَالَتْ أَنَّىٰ يَكُونُ لِي غُلَامٌ وَلَمْ يَمْسَسْنِي بَشَرٌ وَلَمْ أَكُ بَغِيًّا"
فأخبرها جبريل أن الله قادر على ذلك.. وأن الأمر واقع لا محالة..
"كَذَٰلِكِ قَالَ رَبُّكِ هُوَ عَلَيَّ هَيِّنٌ".."وَكَانَ أَمْرًا مَّقْضِيًّا"
نفخ جبريل فيها روح المسيح عيسى " وَمَرْيَمَ ابْنَتَ عِمْرَانَ الَّتِي أَحْصَنَتْ فَرْجَهَا فَنَفَخْنَا فِيهِ مِن رُّوحِنَا"
كما نفخ ربنا في آدم الروح من قبل"فَإِذَا سَوَّيْتُهُ وَنَفَخْتُ فِيهِ مِن رُّوحِي"
فحملت بعيسى بكلمة "كن" بدون أب وبدون نطفة.. حملاً دام تسعة أشهر.. تخفي حملها داخل المسجد..
لكن مربيها زكريا تشكك في أمرها بسبب حجم بطنها فسألها :
"هل يكون قط زرع من غير بذر؟ وهل يكون ولد من غير أب؟"
فقالت: "نعم (لأنها فهمت قصد سؤاله) فإن الله قد خلق الشجر والزرع أول ما خلقهما من غير بذر ، وإن الله قد خلق آدم من غير أب ولا أم"

عندك مطعم🍔 ..
عندك محل بتبيع أي حاجة أي حاجة ...
🔴البوست ده يهمك ..
داخلين طبعًا خلاص على رأس السنة ولزوووم الموسم ده تعمل ديكورات فيها شجرة الكريسماس ولا نويل ...ماينفعش ❌
الحاجات دي رمز لعقيدة بتخالف عقيدتك كمسلم ..
عارف إن مش قصدك ومش في نيتك وبتعمل كدة عشان بس المطعم أو المحل يشتغل شوية ..بس برضو ماينفعش
شَغّل المحل بأي طريقة ماتبقاش ضد عقيدتك ودينك ..
هو انت فاكر مثلاً إن شجرة الكريسماس دي زي أي شجرة عادية؟؟!! ..
دي شجرة معينة ليها شكل مخصوص مرتبط بعقيدة مخصوصة بتكون في الوقت ده ..
والعقيدة دي هي احتفال بميلاد الرب ...
ماتقنعش نفسك بأنهم بيحتفلوا بميلاد الرب في يوم تاني وده مجرد احتفال بسنه جديدة ....لإن الحقيقة إن الفترة دي كلها بيسموها احتفالات أعياد الميلاد واختلاف الأيام ده بسبب اختلاف التقويمات بس مش أكتر والشجرة دي بقى هي رمز عندهم للعقيدة دي ونويل نفس الكلام ..
فمهما كانت نيتك برضو ماينفعش تحط ديكورات المحل شجرة ونويل أبداااا❌..
عشان ده دينك وعقيدتك
🚫ماتعلقش زينة رأس السنة في محلك أو مطعمك ...
خد بكل سبب حلال يوسع رزقك وتأكد من وعد ربنا ليك :
((وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ ۚ))

- ها ياترى السنة الجديدة توقعاتها ايه ؟!
=بص بقي دي سنة كلها خير والأرزاق فيها واسعة ، أصل النجم الخزعبلي هيقابل التاتور المغربي🙃
- طب والأبراج أنا برجي مائي
=لا انت حظك في السما .. الأبراج المائية هيتجوزوا ويتخطبوا ويطيروا في السما كمان 🤭
إنما بقر الأبراج الترابية الله يعينهم السنة عليهم كلها ابتلاءات 😁
---
ايه دا ياجماعة ؟! احنا ازاي بنسمع الخزعبلات دي ؟!
كل سنة بيطلعلنا شوية كهنة ومدعين لعلم الغيب على الفضائيات وعلى المواقع ، واحنا ننساق وراهم ونسمعهم ونصدق كلامهم ..
وننسي ديننا بيقولنا ايه !
فقال عز وجل : " قل لا يعلم من في السموات والأرض الغيبَ إلا الله "
أنا بخاطبك انت كمسلم ومسلمة .. الأمور دي من الشركيات حتى لو بتشوفها لمجرد التسلية ، قال النبي صلى الله عليه وسلم : (ليس منا من تَكهن أو تُكهِن له)
وقال : "من أتى كاهناً فصدقه بما يقول، فقد كفر بما أنزل على محمد"
متخيل العقوبة عاملة ازاي ..؟!
طيب هتقولي لا أنا مش بصدق الكلام دا بس ادينا بنتسلى ..
هقولك حديث النبي صلى الله عليه وسلم :
"من أتى عرافاً فسأله عن شيء لم تقبل له صلاة أربعين ليلة"
الحديث مفيهوش لفظ (فصدقه)
- يبقي كده هتسمعهم وتصدقهم .. يبقى العقوبة كفر
- هتسمعهم ومش هتصدقهم .. لن تقبل صلاتك لمدة أربعين يوم
يبقى الأسلم إنك ماتسمعش أصلاً .. صح ولا ايه ؟ 👌

هتقضي ليلة رأس السنة فين ؟؟....
اوعى تكون ناوي تقضيها في حفلة أو سهرة من السهرات إياها ..
وأيا كان مكان أو محتوى السهرة دي..
فنصيحة مني ..بلاش تحضرها
بلاش تخرج اليوم ده عشان ماتبقاش شاركت في احتفالات رأس السنة ..
الحفلات دي مااقصدش بيها بس حفلات المغني المشهور ولا حتى المغمور ..
الحفلات دي أقصد بيها أي حفلات تلاقيها موجودة في نوادي أو كافيهات أو مطاعم أو مولات أو غيرها من الأماكن ..
اهجر المعصية ..اهجر فعلها وماتعملهاش وكمان اهجر مكانها وبلاش تكون موجود في المكان اللي فيه معاصي ..
ومهم جداااا كمان تهجر المعصية بقلبك ..
يعني تكرهها وتنكرها .. وماتقولش ياريت أقدر أروح الحفلات دي ماكنتش أتأخر ، لإنك كده بتاخد ذنب المعصية وأنت في بيتك بنيتك دي ..
خليك مهاجر ...
في الحديث :
((المُسْلِمُ مَن سَلِمَ المُسْلِمُونَ مِن لِسَانِهِ ويَدِهِ، والمُهَاجِرُ مَن هَجَرَ ما نَهَى اللَّهُ عنْه))
اهجر معاصي راس السنة
اهجر حفلات رأس السنة
خليك مهاجر يهجر المعاصي

خلينا نتفق إن الأعياد من أعظم شعائر الدين ..
وإن ربنا سبحانه وتعالى وحده هو اللي بيشّرع الأعياد ☝️
يعني المسألة معلش مش بمزاجنا 🙄
لأن النبي - صلى الله عليه وسلم - زي ما انت عارف لما شاف الصحابة في المدينة بيحتفلوا بيومين كانوا بيحتفلوا بيهم قبل كدة قبل الإسلام
نهاهم عن كدة ❌
وقال : "إن الله قد أبدلكم بهما خيراً منهما يوم الأضحى ويوم الفطر"
ما بالك بقه لو العيد ده متعلق بحدث ديني معين عند غير المسلمين 🤔
بصرف النظر بقه هما شايفين ده صح ولا غلط
لكنه بيخالف تمامًا عقيدتك كمسلم !
بيخالف دينك وكلام ربك !
لأ وكمان فيه انتقاص لربنا سبحانه وتعالى باتخاذه الصاحبة والولد !
ينفع بكل بساطة تحتفل بيه وتقول أصل أنا مش قصدي حاجة ❗️
أنا عارف وواثق ان ربنا سبحانه أكبر في قلبك من انك تحتفل بحاجة زي دي
ودي أبداً مش دعوة للكراهية ✋
دي دعوة إنك تعتز بدينك وهويتك كمسلم 😊

[ قصة عيسى عليه السلام 6 ]

مائدة من السماء !!!

كان ذلك هو طلب الحواريين ...وهم أهل الصفوة من المؤمنين الذين آمنوا بالمسيح عيسى بن مريم عليه السلام ....حين قالوا له: ((هَلْ يَسْتَطِيعُ رَبُّكَ أَنْ يُنَزِّلَ عَلَيْنَا مَائِدَةً مِنَ السَّمَاءِ))
أي نريد أن يختصنا ربنا بمعجزة جديدة وهي إنزال أكل من السماء
لكن ..لماذا يريدون آية جديدة ؟؟!!
ماذا عن كل الآيات الأخرى من إبراء ذوي العاهات وخلق الطير من طين وإحياء الموتى ..ألم يكن فيها الكفاية ؟؟!!
لذلك رد عليهم المسيح عيسى بن مريم عليه السلام قائلاً:
(( اتَّقُوا اللَّهَ إِنْ كُنْتُمْ مُؤْمِنِينَ))
لكنهم ألحوا في طلبهم لنبيهم ، فدعا الله أن ينزل عليهم مائدة من السماء ...وأجاب الله طلبهم ولكن ...
مع تهديدٍ شديدٍ :
((قَالَ اللَّهُ إِنِّي مُنَزِّلُهَا عَلَيْكُمْ فَمَنْ يَكْفُرْ بَعْدُ مِنْكُمْ فَإِنِّي أُعَذِّبُهُ عَذَابًا لَا أُعَذِّبُهُ أَحَدًا مِنَ الْعَالَمِينَ))
وهكذا هو حال كل من يقترح الآيات ..إن لم يؤمنوا بعد نزول الآية ..ينزل عليهم العذاب الشديد
وكانت المفاجأة...
نزلت بالفعل مائدة من السماء عليها طعام ..
وكانت معجزة جديدة للمسيح عيسى بن مريم عليه السلام ..
وإثباتًا جديدًا لنبوته التي أنكرها اليهو_د ...فكيف سيكون تصرفهم الأخير بعدما عجزوا عن مواجهة الحجج والبراهين...؟؟!

لو مش فاهم حوار الكريسماس دا تعالى هضربلك مثال ..
ليك واحد جارك بيشتم أبوك بأبشع الألفاظ اللي بيكرهها أبوك ..
انت موقفك ناحيته ايه 😒
أكيد تلقائي بتاخد منه موقف سلبي ..
دا بيغلط في أبويا اللي خيره مغرقني .. سندي وضهري وسبب وجودي في الدنيا ..
طب الكبيره بقى .. قالك تعالا أنا عازمك على حفلة ..
قولتله "حفلة ايه ؟!"
قالك "حفلة هغلط فيها في أبوك !!"
ها رد ياصاحبي هتعمل معاه ايه 😡
أيوة أيوة شايف وشك احمر والنار طلعت من ودانك ..
....
ولله المثل الأعلى ..
مادا اللي بيحصل في الكريسماس .. !!
ناس بيجتمعوا يسبوا الله - والعياذ بالله - يدعون له الولد ..!
والغريب انك انت تروح تبارك وتشارك ..!!
الكريسماس عيد مظاهره كلها أوصلها وثنية وتم إلحاقه بالمسيحية ، يعني ملناش دعوة بيه كـ مسلمين ..
بس ازاي .. لا لازم نحط التاتش بتاعنا 😏
ونروح نشتري الشجرة ونلبس لبس الأخ نويل
عيد هما بيحتفلوا فيه بميلاد ربهم ..
طيب هل انت عقيدتك بتقولك إن فيه حاجة اسمها ميلاد الرب
دا شرك بالله عزوجل ❌
دا ضربه في مقتل في عقيدتك ❌
اوعي تستهين بالأمر ..
صورك وانت جنب الشجرة مش هتزودك .. لكن هتنقص رصيد إيمانك
صورك وانت بلبس نويل مش هتكسب من وراها فلوس
لكن هتخسر قصادها حسنات ..
ياجماعة أي ذنب عند الله أهون من ذنوب الشركيات دي ..
بلاش تغامر بدينك
الاحتفال بالكريسماس حراااام ❌
كل مظاهر الكريسماس حراااام ❌
الشجره اللي هتشتريها وتحطها في بيتك حرام ❌
بالله عليك كله إلا عقيدتك

[ قصة عيسى عليه السلام 5 ]
"هنا الحقيقة.."

كانت معجزات المسيح عيسى بن مريم عليه السلام معجزات لا تقبل الشك ...فكانت تؤكد أنه نبي مرسل
لكن...كالعادة انقسموا إلى فريقين ..
فريق المكذبين الذين كذبوا كل المعجزات ووصفوا المسيح عيسى بن مريم وأمه بأشنع الصفات
وفريق المؤمنين الذين آمنوا به وكان منهم الحواريين ..وهم صفوة من آمنوا بعيسى عليه السلام وقالوا نحن أنصار الله فنصروا نبيه ودعوا لدينه ..

لكن إلى أي دين دعا المسيح عيسى بن مريم عليه السلام ؟؟
كان المسيح عيسى بن مريم عبد الله ورسوله فدعا إلى نفس الدين الذي دعت له جميع الرسل وهو الإيمان بالله وحده والاستسلام لأوامره وعبادته وحده لاشريك له...فالأنبياء كلهم دعوتهم واحده

ثم إن المسيح عيسى بن مريم عليه السلام تضمنت دعوته تصديقًا بنبيٍ سابق له وهو موسى عليه السلام وتبشيرًا بنبيٍ لاحقٍ يأتي بعده وهو محمدﷺ ((وَإِذْ قَالَ عِيسَى ٱبْنُ مَرْيَمَ يَٰبَنِىٓ إِسْرَٰٓءِيلَ إِنِّى رَسُولُ ٱللَّهِ إِلَيْكُم مُّصَدِّقًا لِّمَا بَيْنَ يَدَىَّ مِنَ ٱلتَّوْرَىٰةِ وَمُبَشِّرًۢا بِرَسُولٍۢ يَأْتِى مِنۢ بَعْدِى ٱسْمُهُۥٓ أَحْمَدُ))
فلم يخبرهم المسيح عيسى عليه السلام أنه آخر الانبياء ولم يطلب منه أن يكذبوا بخاتم النبين بل من تصديق عيسى عليه السلام الايمان بمحمد ﷺ
وبالطبع...لم يخبرهم أنه إله أو ابن الإله كما زعموا ..

ليه بعض الشباب مصمم يدخل المحرمات في أي جملة مفيدة أو غير مفيدة في الحياة!
عنده فرح يشرب.. راس السنة يشرب..ليلة العيد يشرب.. عطلة نهاية الأسبوع يشرب!!!!
ليه يا شباب بتستجلبوا غضب ربنا كده؟!
👈دلوقتي سنة قديمة عدت من حياتك ليه تختمها بخمر وشرب وإباحيات.. بدل ما تندم عالحرام اللي ارتكبته فيها والأوقات اللي ضيعتها منها؟!!
👈سنة جديدة فرصة ومهلة من ربنا ليك.. ليه تبتديها بالشرب؟! ليه البداية تكون كده؟!
قال رسول الله ﷺ "أتاني جبريل فقال: (يا محمد، إن الله لعن الخمر، وعاصرها، ومعتصرها، وشاربها، والمحمولة إليه، وبائعها، ومبتاعها، وساقيها، ومسقاها)"
اللعن هو الطرد من رحمة ربنا..
يعني عشان تدخل سنة جديدة تطرد نفسك من رحمة ربنا!