يا عم الشاب العازب الغلبان بطل تقلب في صور الممثلات و البنات اللي ع الانستا و تويتر و تقعد تحلم تتجوز واحده شبههم
دول قاعدين ليلهم و نهارهم قدام المرايه و الكاميرا
و منهم اللي قاطعه اشتراك في مراكز التجميل عشان شكلها الحقيقي ميظهرش و تفضل الناس فاكراها ملكة جمال و هي ملكة الدهان مش أكتر
عشان أنت بعد ما هتتجوز مش هتاخد مانيكان قاعد قدام المراية ٢٤ ساعة
إنما زوجة هتهتم بيك و بأكلك و لبسك و نضافة البيت و المطبخ و شكلها يتغير مع الحمل و الولادة و مشاكل البيت و الأولاد
فالخلاصة اتعود تغض بصرك عن صور البنات و الممثلات سلامةً لدينك و آخرتك و حياتك
و استوعب أن السوشيال ميديا ما هو إلا عالم افتراضي مش بيظهر عليه إلا عرض الڤاترينه بتاعة المحلات
غض بصرك عشان متتعبش و تتصدم بعد كده

#منقول

حسبنا الله ونعم الوكيل إنالله وإنا اليه راجعون، ربنا يصبر اهاليكم
اتخطفو واتسرق أعضائهم واترمو ف الشارع
حسبنا الله ونعم الوكيل في اللي عمل كده

️توعية لاخواتنا البنات.
للبنات اللي هتنزل الجامعه خلو بالكم
وبعد اللي شوفناه اليومين دول
إحترسو
ربنا يحمي الجميع يارب
تحذير هام وخطير لتجنب حالات الخطف للبنات وخصوصا الطالبات
و.هناك عدةطريقه شيطانيه جديده تتبعها العصابات لخطف البنات من الشوارع فأحذروها
وأخطر طريقة هى رقم ١١ فى المنشور
و طرق الخطف كالتالى

١_لو لقيتي واحدة بتقولك يا بنتى كلميني عيب كدة أنا زى أُمك انا زى شجرة الدر أنا زى خالتك مترديش عليهاولاتعبريها

٢_محدش ياخد أى ورقة فية ريحة بيرفيوم من أى حد بيوزع ورق لمحلات العطور حتى لو قالك المحل جديد و ياريت تجربى معانا أى نوع بيرفيوم الله أعلم أول ما بتشمية بيكون مُخدر و لا أيه.

٣_ (كريم مخدر)لو ركبتى فى الميكروباص و لقيتي واحدة جنبك بتقولك إلحقى يا بنتي فية حاجة علي هدومك (كريم) صوتي و لمى عليها الناس لإن بيكون معاها واحدة وراها بتحطلك حاجة مخدرة علي الهدوم و إنتى بحُسن نية بتمسحيها بإيدك و بتشميها فبيُغمى عليكي وتقول للسواق دى تبعى و أغمى عليها وبعدين تاخدك و كان الله بالسر عليم.

٤_ لو لقيتى طفل صغير بيعيط فى الشارع و بيقول أنا تايه ملكيش دعوة بيه وجمدى قلبك وبلاش حنيتك الزايده بيبقى فيه جماعه تبع الطفل واقفين بعيد منتظرين مين اللى عليها الدور فى الخطف

٥_لو لقيتي ست كبيرة سواء قد مامتك أو جدتك واقعة فى الشارع و بتصوت و عايزة مساعدة بالله عليكي خليكي فـي حالك أظن الرجالة موجودة فى الشارع بلاش تعملى انك بنت( جون سينا )البطل علشان بردو إنتى اللي هتتاخدى ..

٦_ لو واحدة وقفتك فى الشارع و قالتلك يا بنتي ياعسل ياعروسه ياانسه ياقمر أروح إزاى للعنوان دا منين ياأموره بردو مترديش ولو قالتلك ممكن تقريلى الورقة دى بردو متروديش حذارى

٧_ ماتقفيش جنب أى توناية يعنى(ميكروباص صغير جدا ) (مرفق صوره توضح ذلك غلى المنشور )
أو توكتوك أو تاكسى أو مشروع(مساحة ارض فضاء) من فضلك

٨_يوم ما تلاقى أى قلق او ناس ملمومه او هيصه من فضلك يا بنت الناس متبصيش و لا تقفى تتفرجى أمشى علي طول بعيد فى حالك.....خلى بالك وامشى فى طريقك

٩_ بلاش دور الحماسة و الشهامة ياخدك و تساعديهم لإنك إنتى اللى هتتخدى .. معلش يا بنتي اللى بيعمل خير دلوقتي بيتخطف .

١٠_يتم استخدام كاميرات مخدرة، بمعنى تطلب فتاة أو أكثر من البنت التى تنتظر لوحدها أن تصورهم بالكاميرا، والمفاجأة تكون فى أن الكاميرا مخدرة، وبعد أن يغمى عليك، ياخدوك بحجة أنك صاحبتهم وأغمى عليكى
.
١١_ ( أخطر طريقه حهنميه) تلاقى سيده عجوز كبيرة فى السن بالشارع لاتقوى على السير وحدها وتقف فى احدى الشوارع الجانبيه تطلب من أى فتاه موجوده بالشارع أن تساعدها وتوقفى لها تاكسى فهى لاتستطيع فعل ذلك بمفردها وعلى فكره فيه تاكسى واقف بعيد تبع الست العجوز اول مايشوفك واقفه معاها بياخدكم انتم الاثنين

خلوا بالكم يا بنات ربنا يرحمهم ويحفظكم يارب ويبعد عنكم الشر

#منقول

💌 المَوتُ مصيبةٌ عظيمةٌ، وفاجِعةٌ كبيرةٌ؛ لِما فيه مِن فَقْدِ النَّاسِ والأحِبَّةِ، ولكنَّ كُلَّ مُصيبةٍ مهما عَظُمتْ فيُقابِلُها أجرٌ لِمَن صبَر على شِدَّتِها، وهكذا مُصيبةُ المَوتِ؛ فيَنبغي عِندَ وُقوعِها الصَّبرُ عليه، وترْكُ الاعتِراضِ على قدَرِ الله سُبحانَه.

🍃 قَالَ النَّبِيُّ صلى الله عليه وسلم:
(لَيْسَ مِنّا مَنْ ضَرَبَ الْخُدُودَ، وَشَقَّ الْجُيُوبَ، وَدَعا بِدَعْوى الْجاهِلِيَّةِ)
(أخرجه البخاري ومسلم)

⬅️ في الحديثِ:
النَّهيُ عن التَّعبيرِ عن الحُزنِ باستِعمالِ اليَدِ في شَقِّ الثِّيابِ، ولطم الوُجوهِ، واستِعمالِ اللِّسانِ في النِّياحةِ.

🍃وقال تعالى:
{وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ} [البقرة: 155 - 157]

🍃وهذا حديث صحيح،
أنه -صلى الله عليه وسلم- رأى امرأة تبكي صبيًا فنصحها فقالت: إليك عني فإنك لم تصب بمثل مصيبتي، فلما أُخبِرَت أنه الرسول ﷺ ذهبت إليه في بيته فلم تجد عند بابه بوابًا فاستأذنت عليه وأخبرته أنها لم تعرفه، فقال لها ﷺ:
"إنما الصبر عند الصدمة الأولى"

⬅️ يعني: الصبر الذي فيه الثواب والأجر هو ما يحصل عند أول المصيبة من موت قريب أو مرض أو مفاجأة بشيء يضر الإنسان يصبر ويحتسب، فلا يجزع، ولا يتكلم بسوء، ولا يفعل ما لا ينبغي عند الصدمة الأولى، فيثاب على ذلك.

#منقول

شروط الدعاء الصحيح ؟! 💛 ندعي ازاااي وأمته ؟ السلام عليكم 💛

بوست مهم اوي , أعمله "save" عندك , 💛💛

" عن فضالة بن عبيد رضي الله تعالى عنه قال : سمع رسول الله ﷺ
رجلاً يدعو في صلاته ولم يحمد الله ولم يصلِّ على النبي ﷺ ،
فقال : عجل هذا ! ثم دعاه فقال :إذا صلى أحدكم فليبدأ بتحميد ربه
والثناء عليه ، ثم يصلي على النبي صلى الله عليه وسلم ، ثم يدعو
بما شاء . 💛

..
اولا :- قبل ما تدعي اى دعاء لازم تعمل ال 3 حاجات دول واسمهم
( أداب الدعاء ) وهما : -
1 - الحمد 💛
2 - الثناء على الله 💛
3 - الصلاة على النبي ﷺ 💛
..
ثانيا :- اوقات استجابه الدعاء :-

- الدعاء في جوف الليل وهو وقت السحر ووقت النزول الالهي
- بعد الصلوات المكتوبة
- بين الأذان والإقامة
- عند نزول المطر
- ساعة يوم الجمعة (( الساعه إلى قبل المغرب ))
- في السجود لأن أقرب ما يكون العبد من ربه وهو ساجد
..
قبل ما تدعى لازم تكون عارف ايه هي شروط و آداب الدعاء عشان ربنا
يستجيب ليك بإذن
لأن لو عملتهم يبقين الدعاء مستجااااااااااب بأذن الله :)) 💛

= ((آداب الدعاء )) اكتبهم فى ورقة أو أحفظ فيهم إلى تقدر عليه

- اللهم ربنا لك الحمد أنت قيم السماوات والأرض ومن فيهن
ولك الحمد أنت رب السماوات والأرض ومن فيهن
ولك الحمد أنت نور السماوات والأرض ومن فيهن
أنت الحق وقولك الحق ووعدك الحق ولقاؤك الحق
- سبحانك اللهم لا نحصي ثناء عليك أنت كما أثنيت على نفسك
لك للأمر كله ولك الملك كله .
- اللهم إنك عفو كريم تحب العفو فاعف عنا .
- يا حي يا قيوم رحمتك أستغيث .
اللهم صلي وسلم على نبينا محمد ﷺ

ثم تدعو بما تشاء 💛 , و متنساش تدعيلي هاااا 💛
-
-
-

= وتختم بالصلاه على النبي ﷺ 💛

الرساله دى ليك
خلى ديما عندك يقين وثقة في ربنا إنه قادر على كل شيئ , انه مستحيل يخذلك , مستحيل يرد دعائك , مستحيل يضيعك
انه هيرضيك ويرضي قلبك ويجبر بخاطرك بإذن الله .. سبحانه 💛

= مفيش مستحيل ابدا مع ربنا ولا ازاي ولا الواقع بيقول ولا الظروف !
= متملش ابدا من الدعاء ولا توقفه كمللللللل 💛
ادعي وفوض أمرك لربنا وبس مالكش دعوه بالباقي :)) 💛

واعلم ان

دعائك مستجاب بأذن الله والله 💛
..

كتير محتاج يعرف الكلام دا ..
= لو شايف انه هيفيد حد اعمل شير 💛

#الدعاء

#منقول.

#ماذا_تفعل_الحائض_يوم_عرفة


👌 لكل من لم تستطع صيام يوم عرفة أقول لها لا تغضبي من قضاء الله سبحانه وتعالى لكِ، لديك أشياء كثيرة تعمليها يوم عرفة غير الصيام والصلاة طبعاً


أولاً : أحب أذكرك بالثواب الذي حصلتي عليه بإذن الله وأقول لك من كانت نيتها أن تصوم "يوم عرفة" ولكن حال بينها وبينه ما حصل لها من الحيض فإنه يرجى أن يكتب لها أجر صوم هذا اليوم.
إنما الأعمال بالنيات لأنها قد عزمت النية على صومه لولا المانع ، والإنسان إذا نوى العمل الصالح وسعى في أسبابه ولكن حال بينه وبينه ما لا يمكن دفعه فإنه يكتب له أجره.

لقول الله تبارك وتعالى :

وَمَنْ يَخْرُجْ مِنْ بَيْتِهِ مُهَاجِراً إِلَى اللَّهِ وَرَسُولِهِ ثُمَّ يُدْرِكْهُ الْمَوْتُ فَقَدْ وَقَعَ أَجْرُهُ عَلَى اللَّهِ - سورة النساء


عرفتي ثوابك بإذن الله تعالى
لو كنتِ حائض في هذا اليوم .. ماذا تفعلين ؟

1- أكثري من الدعاء يوم عرفة لأنه يوم يستجاب فيه الدعاء

فلها أن تدعو وهي حائض بما شاءت سواء كان ذلك يوم عرفة أم غيره وفى فضل الدعاء يوم عرفة أن النبي صلى الله عليه وسلم قال : خير الدعاء دعاء يوم عرفة ، وخير ما قلت أنا والنبيون من قبلي: لا إله إلا الله وحده لا شريك له ، له الملك وله الحمد ، وهو على كل شيء قدير
رواه الترمذي وحسنه الألباني



2- أكثري من ذكر الله تعالى والتسبيح طوال اليوم

سبحان الله ، والحمدلله ، ولا إله إلا الله ، والله أكبر ، ولا حول ولا قوة إلا بالله ، والكثير من الاستغفار طبعاً



3- الإكثار من أعمال الخير التي لا تعد ولا تحصى...
من بر والدين، صلة أرحام ولو باتصال، السعي في قضاء حاجة أي أحد، تفريح مسلم، تفريج هم مسلم، كلمة طيبة، إطعام الطعام، نشر العلم...

ولاتنسى الصدقة في ذلك اليوم العظيم

لأن الصدقة إحسان إلى الغير ، والإحسان سبب للرحمة من الله عزوجل
وتذكري قول رسولنا الحبيب
عن أبي هريرة رضي الله عنه قال : قال رسول الله صلى الله عليه وسلم : ما نقُصتْ صدقةٌ من مالٍ ، وما زاد اللهُ عبدًا بعفوٍ إلَّا عزًّا ، وما تواضَع أحدٌ للهِ إلَّا رفعه اللهُ - المصدر: صحيح مسلم

4 كما يجوز للحائض قراءة القرآن بغير مس للمصحف من الهاتف أو بحائل أو من كتب التفسير

📍وأخيراً أذكر من لم تتمكّن من صيام يوم عرفة بما قاله الحبيب المصطفى للسيدة عائشة رضي الله عنها لما بكت بسبب الحيض : " إن هذا أمر كتبه الله على بنات آدم " .
#منقول

من آداب الإسلام
أن لا تسأل أحدا عن شيء يخفيه عنك، فإن لم يخبرك به فهو لا يخصك
#منقول
(دة بجد؟!)

لا تسأل أحدًا عن مجموع الثانوية العامة فهو من خصوصياته

اللي عايز يقول بيقول من نفسه
_من أخلاق المسلم ولياقته عدم التدخل في شؤون الغير

قال ‎ﷺ : (من حُسن إسلام المرء تركه ما لا يعنيه)

#منقول

الابراج !
- مالها
من آمن بها فقد كفر ..
ومن قرأ عنها لن تقبل له صلاة أربعين يوما !"

والواجب عليكم لما تشوفوا اي حد بيقرأها أو بياخد بيها تنصحوه ، للعلم حتي القراءه للتلسيه لا يجوز وحكمها مثل حكم الآخذ بها.

وما ينشر في الصحف من الطوالع وحظوظ أصحابها يطلق عليه اسم التنجيم، وجاء فيه حديث أبى داود وابن ماجه وغيرهما: من اقتبس علما من النجوم اقتبس شعبة من السحر، زاد ما زاد 🌸مينفعش أقرأ أخبار عن الأبراج ×
مينفعش حتى أقرأها كَـ تسلية ×

والكارثة ان المعظم بـ يآمن بيها انها فعلاً بـ تجيب أخبار عن شخصيتنا والوضع اللى بـ نكون فيه وانها فعلاً حاملة مفاجآت جاية لـ أبراج معينة 😐
وكمان بـ يدخلوا يشوفوا حظ اليوم ويشوفوا اى اللى هيحصلهم وهيتزوجوا امتى 😯

الكلام ده كله حرام وشرك بـ اللّٰه ان آمنتى به 🦋

يبقى حكم قراءته كَـ تسلية *تكونى آثمة عاصية*
الدلــيل 👈 🍃أنَّ رسولَ اللّٰه ﷺ قالَ " مَنْ أتى عَرَّافًا فَسَأَلهُ عَنْ شَئٍ لم تقْبَل لَهُ صَلاةُ أربعينَ ليلةً ".🍃

حكم الايمان بيها شرك بـ اللّٰه ✋
الدلــيل 👈🍃 "ﻣَ ﺃَﺗﻰ ﻋَﺮَّاﻓًﺎ ﺃَو ﻛَﺎﻫِﻨًا ﻓَﺼَﺪَﻗَﻪُ ﺑِﻤَا ﻳَﻘُوﻝ ﻓَﻘَﺪ ﻛَﻔَﺮَ ﺑِﻤَﺎ ﺃُﻧﺰِﻝَ ع ﻣُﺤَﻤَد." 🍃

والعرَّاف هو الـذى يلجأ إليه البعض لـ معرفة ما فـ الغيب وطبعًا منها الأبراج 🖤

ومش شرط يكون شخص يشمل السوشيال ميديا والكتب اللى بـ تتكلم عن كدا ♥

وتذكروا ان ربنا يغفر الذنوب جميعًا الا م جاءه يشرك به شيئًا 💚

طيب انا مكنتش اعرف انها حرام 😔
الرسول ﷺ قال *رُفع عن أمتى الخطأ والنسيان*
استغفرى وقولى لـ ربنا انك مكتتيش تعرفى وجددى نيتك انك مش هتقرأيها تانى ♥

ع كدا بقا انا ممكن اقرأ حاجات او اعمل حاجات وتطلع شرك بـ اللّٰه وانا معرفش😞
رددِ *اللَّهُمَّ إنَّا نَعُوذُ بك م أن نُشرِك بك شئً نعلمه ونستغفرك لما لا نعلمُه*

*قال تعالى: {قُل لاَّ يَعْلَمُ مَن فِي السَّمَوَاتِ وَالأَرْضِ الغَيْبَ إِلاَّ اللَّهُ} [النمل: 65]
وَقَالَ سُبْحَانَهُ: {وَمَا تَدْرِي نَفْسٌ مَّاذَا تَكْسِبُ غَداً وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ} [لقمان: 34]، وقال تعالى: {وَعِندَهُ مَفَاتِحُ الغَيْبِ لاَ يَعْلَمُهَا إِلاَّ هُوَ} [الأنعام: 59].

وقد جاء في الكاهن حديث: من أتى كاهنا فصدقه بما قال فقد كفر بما أُنزل على محمد. رواه البزار بإسناد جيد قوي..

وفى الحديث الذي رواه مسلم: من أتى عرافا فسأله عن شيء فصدقه لم تُقبل له صلاة أربعين يوما.🛑🛑
🛑

💥 # *حكم_قراءة_ومتابعة_الأبراج*..؟

✍ يقول الشيخ #صالح_آل_الشيخ - حفظه الله :-

« من قرأ الصفحة التي فيها الأبراج
وهو يعلم برجه الذي ولد فيه أو يعلم البرج الذي يناسبه ، وقرأ ما فيه
🚫 فكأنه سأل #كاهناً
🚫 فلا #تقبل له صلاة #أربعين يوماً
🚫 فإن صدق بما في تلك البروج فقد #كفر بما #أنزل على #محمد ﷺ…
✍ إلى أن قال :
وإدخال شيء من الجرائد التي فيها ذلك في البيوت
❌معناه إدخال للكهنة إلى البيوت ».

📔 [ #التمهيد_شرح_كتاب_التوحيد (ص349)

🌹اللهــم صــــل وسلــــم
علـــى نبينـــا محمــــدﷺ🌹
🛑
🛑
#منقول

‏تقول له لماذا لا تستيقظ لصلاة الفجر، فيقول لك: لا أستطيع، نومي ثقيل !!
ثم تراه بعد ساعة واحدة، يقفز من سريره إلى دوامه كما يقفز الأسد، لا يشتكي كسلا ولا نعسا !!
يا أخي باختصار: هي مسألة أولويات فقط، وأنت لم تجعل الله أولى أولياتك !!

#لقائله
#منقول

وانت بترتب مواعيدك عشان تتابع الدوري الإنجليزي والأوروبي وماتشات الأهلي والزمالك عشان تسمعهم في وقتهم مظبوووط ...
أصل أكيييد يعني مش هتسمعهم في الإعادة
ياريت ماتنساش كمان ترتب نفسك على مواعيد الصلاة في وقتها أصل هي كمان ماتنفعش في الإعادة 😊

صحيح انت راجع من الجامعة أو من شغلك تعبان وعاوز تناااام.... لكن اللي مايصحش أبداااا إنك تنام وتضيع صلاتك
والمصيبة الأكبر لما تكون مقرر تصحى وبتظبط منبهك ، بس على معاد ماتش أو معاد أصحابك اللي لازم تسهروا على القهوة وتسيب معاد الصلاة يضيع عادي ..

ربنا بيقولنا :
(( إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَّوْقُوتًا))
يعني ليها وقت محدد ماينفعش تتأخر عنه أو تتقدم ...تقوم انت تنام وتضيع وقتها!!!!
وكلامي هنا مش بس للي بيضيع الصلاة عشان ينام لا ...كلامي كمان....لـ
- المدرس اللي بيضيع الصلاة والطلبة شايفينه قاعد بيشرح لهم من قبل المغرب لحد بعد العشاء ومفيش صلاة مغرب ولا عشاء ...
انت مش بس بتضيع صلاتك انت بتطلع طلبة عندهم تضييع الصلاة ده حاجة عادية وكله في ميزانك ..
_ كلامي لأي حد بيضيع صلاته عشان في شغل ولا في درس ولا في محاضرة ...ماينفعش ياجماااااعة الصلاة أهم من أي حاجة قوم صلي وبعدها كمل شغلك
ومحاضراتك ودروسك وماتقولش مش عارف أصلي..
انوي بس تحافظ على صلاتك في معادها وهتلاقي كل حاجة سهلة إن شاء الله

#كاريكاتير_رسايل
#منقول

ممكن يبقى في حد راضي بقضاء ربنا ومؤمن جدا ان ربنا كاتبله الخير بس يبقى تعبان ، او حزين ، او مجهد
من كتر الخبطات والصدمات اللي شافها ف حياته ، و حتى وهو بيعيط بيقول " يا رب "

ده مش معناه انه مش راضي ، بلاش كل اما تشوفوا حد تعبان وحزين تقولوا له اصلك مش راضي ، اصلك بعيد عن ربنا ..اصلك لو بس تسلم امرك لله هتبقى سعيد..

طب ازاي ابقى في الاختبار الصعب فرحان و في السعد فرحان ؟

النبي عليه الصلاة والسلام أما فقد ابنه ابراهيم
قال " إن العين لتدمع وإن القلب ليحزن وإنا على فراقك يا ابراهيم لمحزونون"

الحزن ملوش علاقة بالرضا ولا بدرجة الايمان ، ما تحملوش الناس فوق طاقتها ، ممكن أكون حزين و راضي او سعيد و راضي..

ومن هنا جت دعوة " اللهم اجعلنا عبيد احسان لا عبيد امتحان "
#منقول

_ بس أنا مكنش ماشى معايا رجاله .

= أنا شوفت راجلين واقفين حواليكى ، مش هكذب عينى .
_

شيخ أحمد العزب كان بيحكى قصه بنت منتقبه حصلت فى لندن .

البنت دى ملتزمه جدًا جدًا و عايشه فى مدينة الضباب اللى هي لندن ، شغاله فى الدعوة إلى الله و أسلم على ايدها بنات كتير .

عندها أم مريضه ، و فى يوم من الأيام عطت لأمها العلاج و خرجت تدعوا إلى الله .

قعدت مع بنت تكلمها عن الدين و عن ربنا و عن سيدنا النبى عليه الصلاة والسلام لحد ما البنت دى رق قلبها للإسلام ، ف صاحبتنا المنتقبه فى نهاية القعده اكتشفت إن الساعه بقت اتنين بالليل .

تخيلوا بنت هناك فى لندن تمشى الساعه اتنين بالليل لوحدها وسط شوية متحرشين و مغتصبين و حراميه و قتالين قتله ، هتنجوا ؟!

ف البنت اللى كانت عندها نصحتها و قالتلها فيما معناه : أنا عارفه منطقتى كويس و فيها ناس كتير أوى أوى وحشين و ممكن يعملوا فيكى حاجه و أنا بقولهالك أهو لو خرجتى من هنا الوقتى أنا مش هعرف أشوفك تانى ، فباتى عندى أفضل الليله دى .

توديها كده تجيبها كده البنت المنتقبه مقتنعتش و قالتلها أمى تعبانه و مستحيل مكونش معاها و العلاج بتاعها لازم تاخده و أنا اللى ليها و بس .

فالبنت اللى كانت عندها نصحتها إنها بس متركبش تاكسى لوحدها و لا تقف فى مكان لوحدها و أهم حاجة يعنى يكون حواليها ناس .

مشيت صاحبتنا المنتقبة و توكلت على الله لحد أما وصلت للمترو ب سلام على الساعه اتنين و تلت كده ، و لكن لحظها اللطيف ، المحطه اللى المفروض هتركب منها فاضية ، حرفياً فاضيه مفهاش مخلوق .

قلقت شويه و مفيش دقايق و لقت راجل داخل المحطة ، و هي بتحكى بتقول عليه : لقيت فى وشه الظلم و الكفر و الغضب و القتل و كل حاجه وحشة .

لقيته بيبصلها جامد و ماشى ناحيتها ، بتحكى و تقول : نسيت القرآن كله ، نسيت كل حاجه ، مش فاكرة أي حاجة غير دعاء معين ، فضلت تقوله لحد أما الراجل ده جى جنبها و وقف قدامها شوية بصلها و بعدها كمل مشي و كل شوية يلتفت لها و هي مرعوبة و بتعيط من غير صوت و هي بتقول الدعاء .

المهم وصلت البيت ب سلام و سجدت ل ربنا و حمدته و اطمنت على نفسها و قعدت شويه و كل تمام .

مش هنا الحكايه و لا القصه ، القصه فى إنها لما قعدت و فتحت التليفزيون على قناة الأخبار الخاصه ب مدينة الضباب ، قناة مبتفوتش خبر قتل ولا خبر اغتصاب ولا خبر خطف و لا أي حاجة .

لقيتهم منزلين صورة الراجل اللى كان موجود معاها فى المحطه و كاتبين إنه قتل بنت فى المترو الساعه تلاته الفجر و تم القبض عليه .

بكت من رحمة ربنا بيها و راحت تانى اليوم القسم و طلبت منهم انها تشوف الراجل ده ، قالولها ازاي و ده قتال قتله و مجرم و خافى على نفسك ، عيطت لهم و أصرت إنها تشوفه ، فخرجوه لها و هو متكلبش و سألته بتقوله انت عارفنى ؟!

قالها آه عارفك و فاكرك ، انتى البنت اللى كنتى معايا فى المترو امبارح .

قالتله طب سؤال تانى معلش ، انت ليه مقتلتنيش أنا ؟!

قالها أقتلك ازاي و انتى كان واقف معاكى راجلين أقوياء جدا بيحموكى .

____

قصه لذيذة بس تعالوا نقف شويه كده ، راجلين مين اللى كانوا معاها و هي مكانش معاها حد و واقفه لواحدها .
دى كمان كانت ناسيه القرآن و ناسيه كل حاجه .
بس فاكرين الدعاء ؟!
هي فضلت تردد دعاء واحد و هو ده أصلاً اللى كانت فاكراه.

يشاء القدير العليم أن لسانها يعجز عن قول أي شيء من أثر اللبخه ، إلاّ دعاء واحد ، دعاء الحفظ ، الدعاء اللى يجعل ربنا يحفظك من كل سوء و شر .

هقولكم الدعاء ، احفظوه و خلوه معاكم فى كل مكان على لسانكم ، البنات اللى بتسافر و بتروح و تيجى من غير راجل معاها يسندها ، و علموه لأولادكم و لأخواتكم ، الدعاء اللى قدر يعمل المعجزه دى و يسخر ملكين يتجسدوا على هيئة بشر أقوياء تحميكم من عين العدو .

(( اللَّهُمَّ إِنِّي أَسْأَلُكَ الْعَافِيَةَ فِي الدُّنْيَا وَالآخِرَةِ ، اللَّهُمَّ إِنِّي أَسْأَلُكَ الْعَفْوَ وَالْعَافِيَةَ فِي دِينِي وَدُنْيَايَ وَأَهْلِي وَمَالِي ، اللَّهُمَّ استُرْ عَوْرَاتي ، وآمِنْ رَوْعَاتي ، اللَّهمَّ احْفَظْنِي مِنْ بَينِ يَدَيَّ ، ومِنْ خَلْفي ، وَعن يَميني ، وعن شِمالي ، ومِن فَوْقِي ، وأعُوذُ بِعَظَمَتِكَ أنْ أُغْتَالَ مِنْ تَحتي ))🥹🥹♥♥♥♥♥♥♥♥♥♥♥♥♥♥♥♥♥♥♥♥♥♥.
#منقول