لكن لو هتصلي في ملابس جه عليها مني فمستحب غسله،
بقول مستحب مش واااااجب
=طيب وأنا نايمة هعرف منين بأى
-لو صحيتي ولقيتي بلل في هدومك الداخلية يبأى تغتسلي سواء افتكرتي إحتلام أو لأ
-تاني نوع هو المَذْي:
المذي عبارة عن مية بيضاء رقيقة لزجة،
بيخرج لو شوفتي موقف مثير،
اتكلمتي مع حد عن حاجات تثير الشهوة أو قرأتي عنها،
أو حتى التفكير في أي حاجة تثير الشهوة ،
أو عند مداعبة الزوجة في مقدمات الجماع،
وممكن متحسيش إنه خرج أصلا،
طب وده إيه نظامه
-المَذي بأى نجس فلو جه أثر على الجسم يتغسل،
ولو جه على الملابس الداخلية يُنضح فيها الماء يعني ترشي مية بإيدك كده على المكان إللي جه عليه المذي،
وفي قول تاني بإنه يتغسل،
وهو بينقض الوضوء،
فلو نزل مَذْي بتستنجي يعني تغسلي الفرج وتتوضي👍👏
#إلي_الله_نمضي ⁦❤️⁩

#الحديث 💚💚
{ ففي الصحيحين من حديث أبي هريرة أن رسول الله صلى الله عليه وسلم قال: من صام رمضان إيمانا ً واحتساباً غفر له ما تقدم من ذنبه }

#الشرح 🍃🌙❤️
قال الحافظ ابن حجر في " فتح الباري": المراد بالإيمان: الاعتقاد بفرضية صومه. وبالاحتساب: طلب الثواب من الله تعالى. وقال الخطابي: احتسابا أي: عزيمة، وهو أن يصومه على معنى الرغبة في ثوابه طيبة نفسه بذلك غير مستثقل لصيامه ولا مستطيل لأيامه. اهـ. وقال المناوي في " فيض القدير": من صام رمضان إيماناً: تصديقاً بثواب الله أو أنه حق، واحتساباً لأمر الله به، طالباً الأجر أو إرادة وجه الله، لا لنحو رياء، فقد يفعل المكلف الشيء معتقداً أنه صادق لكنه لا يفعله مخلصاً بل لنحو خوف أو رياء. وقال الإمام النووي: معنى إيماناً: تصديقاً بأنه حق مقتصد فضيلته، ومعنى احتساباً، أنه يريد الله تعالى لا يقصد رؤية الناس ولا غير ذلك مما يخالف الإخلاص 💚

#إلي_الله_نمضي_آيه 🍃💛

كيف نصلي ؟
شير للبوست علشان يوصل للناس كتير وتاخد ثواب إن شاء الله 💛💛🏵️

"اول حاجه النيه 'والنيه محلها القلب يعني تكون عارف انتا هتصلي ايه ونيتك ايه وتأدية فرض الله "

"تاني حاجه التكبير'هترفع إيدك لحد أذنك أو لحد أكتافك ويكونوا واقفين في شكل مستقيم أو متساوي.."🤚✋كداا"

"تالت حاجه هتقرأ سورة الفاتحه وأي سورة تانيه معاها ممكن سورة قصيرة أو طويله او بعض آياتها 'وانتا بتقرأ كف إيدك يكون علي صدرك والإيد اليمين هيا اللي هتكون فوق الشمال..."

"رابع حاجه هترفع ايدك وتكبر وتركع ولازم وانتا بتركع ترفع ايدك علشان في ناس كتير مش بتعمل كداا ولما تركع كف ايدك هيكون علي ركبتك وضهرك هيكون في شكل مستقيم ومتساوي مع راسك يعني مش في شكل منحني أو تكون رافع راسك لفوق اوي أو منزلها لتحت اوي كداا غلط لازم تكون مستقيمه مع ظهرك ومتساويه بالظبط وهتقول "سبحان ربي العظيم تلات مرات ...."

"خامس حاجه وأنتا بترفع من الركوع هترفع إيدك لو انتا بتصلي لوحدك هتقول "سمع الله لمن حمده 'ربنا لك الحمد
لكن لو بتصلي جماعه هتستني لما الإمام يقول "سمع الله لمن حمده وانتا هتردد وراه وتقول "ربنا لك الحمد ..."

"سادس حاجه هتنزل تسجد وانتا نازل تسجد هتقول" الله اكبر بس من غير ما ترفع إيدك ولما تسجد جبهتك ومناخيرك لازم يكونوا ملامسين الأرض وهتقول "سبحان ربي الاعلي "تلات مرات " .."ملحوظه صغننه' وانتا ساجد كف إيدك يكون علي الارض يعني ما تفرش بدراعك كله ، كف إيدك بس .."
وبعدين ترفع من السجود وتقول "ربي اغفر لي ربي اغفر لي "
وبعدين تنزل تسجد تاني وتقول سبحان ربي الاعلى "تلات مرات ... وادعي بكل اللي نفسك فيه بس قبل ما تدعي لازم تكون قولت "سبحان ربي الاعلى تلات مرات وبعدين ادعي.."

"دي الركعه الاولي ..."
الركعه التانيه بقااا وانتا قايم علشان تصلي الركعة الثانية
مترفعش إيدك عند التكبير قول الله اكبر وأبدأ قرأة الفاتحه ."
وهتكرر نفس اللي حصل في الركعه الاولي ..."

"في بداية الركعه التالته ..."
وانت قايم تصلي الركعة التالته هتكبر وتقول الله اكبر و لازم ترفع إيدك وهتقرأ سورة الفاتحة فقط ...وتكمل بقاا نفس الخطوات اللي قولت عليها ..."

ملحوظه صغننه"
في الركعه الأولي والتانيه هتقرأ سورة الفاتحه وسوره طويله او قصيرة أو بعض الآيات يعني علي حسب استطاعتك.."
"لكن في الركعة التالته والرابعه هتقرأ سورة الفاتحة فقط .."

ملحوظه كمان "
في بداية الركعه الأولي والركعه التالته لازم ترفع إيدك وتقول الله أكبر لكن عند بداية باقي الركعات ما ترفعش ايدك ..."

"لما تيجي تركع لازم ترفع إيدك ولما ترفع من الركوع لازم بردوا ترفع إيدك 'ولكن لما تيجي تسجد وانتا نازل علي الارض ما ترفعش إيدك..."

ملحوظه بردوا "
وانتا واقف بتصلي أو وانتا راكع نظرك هيكون محل السجود
يعني مينفعش تكون باصص لفوق أو باصص لتحت
لازم نظرك يكون مكان سجودك...."

"نيجي بقا لآخر حاجه وهيا "التحيات "
في التشهد الأول هتقول
"التحيات لله والصلوات والطيبات السلام عليك أيها النبي ورحمة الله وبركاته السلام علينا وعلي عِباد الله الصالحين أشهد أن لا إله إلا الله وأشهد أن محمداً عبده ورسوله..."

"داا في التشهد الأول بعد اول ركعتين يعني ..."
ولكن في التشهد الاخير هتقول
"التحيات لله والصلوات والطيبات السلام عليك أيها النبي ورحمة الله وبركاته السلام علينا وعلي عِباد الله الصالحين أشهد أن لا إله إلا الله وأشهد أن محمداً عبده ورسوله
اللهم صلي علي محمد وعلي آل محمد كما صليت على ابراهيم وعلى آل إبراهيم إنك حميد مجيد وبارك على محمد وعلى آل محمد كما باركت على ابراهيم وعلى آل إبراهيم إنك حميد مجيد..." وانتا بتقول التحيات ايدك الشمال هتكون ثابته علي رجلك لكن إيدك اليمين هتكون ضامم صوابعك علي بعض ورافع صباع السبابه وتبدأ تقول التحيات...." متحركش صباع السبابه الافضل يكون ثابت..'
وتكون مثبت عينك علي صباع السبابه..."

وفي النهاية هتقول " السلام عليكم ورحمة الله وبركاته.."
هتبدأ من الناحية اليمين الاول ...
في دعاء جميل اووي اووي ديماً بقوله لاني سمعت أنه الرسول صلى الله عليه وسلم كان بيقوله قبل ما يسلم من الصلاة .."
النبي كان بيقول
"اللهم إني أعوذ بك من عذاب في القبر وعذاب في النار وأعوذ بك من فتنة المسيح الدجال وفتنة المحيا والممات..."
الدعاء ده ليه فضل وثواب كبير اووي بس للأسف مش فاكره بالظبط بس حقيقي جميل اووي والله
ممكن بعمل صغير او بسنه تحرص انك تعملها ديماً ممكن تكون سبب في نجاتك ودخولك الجنه..."
#إلي_الله_نمضي ⁦❤️⁩