تستوطنين لأصمعان

للكاتبه: #ريم_نايف

تصويت+متابعه للحساب لطفاً 🤍🫂"

                            °°°°°°°°°
                            (ألعشرون)

وقنعتُ باللُّقيا وأول نظرة
إنَّ القليلَ من الحبيبِ كثيرُ

شَجن
گاعده ومگابلتها وهيا عَل سديه گبالي،
ماصدگ هاي أمي القويه
هيج صار بحالها،

من أجاني خبر أمي بالمسشتفى ضربتها جلطه
مااصدگت،
أحس أمي أقوا من هيج
من شفتها بعيني وهيا مددا
گلبي وجعني عليها وين ذيج القوه راحت

اجت خالتي نجوى، وخالي سعد يمها

والي عرفته سبب جلطتها أبويه مطلگها
ومزوج عليها،
مو بس هيج
ابنه لأبويه ازغر مني ب3 سنوات
يعني أبويه من زمان مزوج
وكُل هاي الفترى ضام عَلينه
وهسه طردها من البيت وگعد مرته وجهالها

اخذتلها فترى بالمستشفى
وبعدها طلعناها،
أخذتها يمي بالبيت،
أداريها،
جانت گوه تگوم وگوه تگعد
حيلها الأولي كُله راح

خالو سعد شگد حجينه ويا عَله بابا
بس يگول خلو براحته هوا حر

تعجبت شلون خالو هيج محترمه لأبويه
وأني أتذكر كُلش زين شلون چان يهينه

صح بابا مجان محترم بينهم
وهسه هوا مو زين ويانه
بس من جنت زغيرا حيل أحبه
وجان مدللني
ومن يرجع يجيبلي أشكال ألوان ويا
وأني اتلگا وأحضنه
بس من يوم ألي أنتقلنه للبيت ألجديد
بابا تغير وصار أنسان ثاني،

مرت سنه
جان ألوضع عَادي،
بس أمي بدت تنتكس حالتها

أوس جان شبه موجود بالبيت
فقط يجي بالليل
ومرات حتى بالليل ماكو

بس مجان مقصر ويانه بشي ،
يخلي فلوس عَل ميز قبل لايطلع
وشنو أحتاج أطلع اتسوگ وأرجع

ملابسه هوا يغسلهن،
غرفته هوا يرتبها، ومانعني أنو أدخللها
أكل مياكل بالبيت
مرااات،

واني وأمي وجعفوري عايشين سوا،
مرات تجي وحده من خالاتي يسيرن علينه
لو مياده لو خالتي نجوى

خالو سَعد ضاعت أخباره ،نعرفه بوضع زين ومرتاح
بس لايجي ولا يمر علينه
وخالو سامر هم منعرف وين
بس حاله نفسه مو مثل حَال خالو سَعد

وبابا كذالك منعرف عنه أي شي،

انطاني خبر أوس أنه رايح سبوع شغل عنده،

بعد 3 أيام من روحتا
ماما تعبت فجئى ونتكست حالتها كُلش
وأخذتها للمستشفى
گالو صاير عدها نزيف بالدماغ
وماتلاحگو عليها وماتت،

كملت أجرائات موتها يالله نطيتهم خبر
حته خليتهم يدفنوها،
ومحد عرف ،وبعدين يالله سويتلها فاتحه
ماردت أحد يتشمت بيه

من أجا أوس يالله گلت،
بقا يحجي عليه وماقبل
بس من شاف وضعي وكسرتي تقبل الموضوع
سوينالها فاتحه،

وبالأحداث لأخيرا ألي صارت لسقوط بغداد
أحنه ماطلعنه مناا
أوس ما قبل
بس سمعت بابا وخالو سعد لازميهم جيش المهدي
وساحليهم ومعذبيهم وشكو واحد چان يشتغل ويا صدام
وبابا وخالو سعد جانو وياهم

شبعت بچي وقهر من سمعت أبابا هيج حاله

ومشت حياتي،
لحد هل يوم أني مكسوره بفراگ أمي وأختي وأبويه
مابقالي بس جعفوري

بيوم متت كُلش نقهرت
خليت جعفر عَد خاله نجوى ورحت لبيتنه لقديم

دخلت بدربونته الضيگه، رغم انها ضيگه لكن جانت حيا
وجنه نتمنه نكضي يومنا نفتر بيهـا
عيوني تباوع عل بيوت، اغلبها تغيرت وصار بنائها حديث
تغيرت مثل ماتغيرت انفوسنه واطباعنه
كملت مشي وذاكرتي تسترجع كُلشي عشته بهاي لدربونه
طفولتي، مراهقتي ايام لمدرسه من جنت امر من هنانه والشباب تباوعلي وتذب حجي
بعض البيوت متهالكه وبنفخه ممكن تسقط للأرض
صرت گبال بيتنه القديم
باوعت للباب الحديد مغفول بسلاسل
كم مره بمره وگفت هنا واني انتضره لأبويه يرجع من الشغل وبيدا محمل اشكال والألوان اليه ولأخواني
كم مره بمره وگفت هنا واني اباوع للشباب وهمه يلعبون دعبل وتجي أمي ترزلني،

باوعت للبيت لبصفنه وذكرت حجيه نزها الي تبيع لوزينه هنانه

نزلت دموعي وگعدت گدام الباب،
تمنيت هاي لأيام ترجع

تمنيت ترجع أمي تمنيت يرجع ابويه اخواني ملار كلهم شتاقيتلهم


ملار -
بقت هيا تبجي گبالي وتشكي حالها
وأني ماهتزت بيه شعرا وحده
كُل ألي صارلها مايعادل لليله من الليالي المريت بيها
ماهتميت الكلامها گمت ردت ادخل جوا

حجت هيا - صح أني جنت مو زينه وياج بس جنت جاهله وما أعرف
والله ملار أني تغيرت الدنيا غيرتني
أوس جان شاك بيج أنتِ ملار من شافج أخر مره
وگالي، وأني شجعته يروح يدور عنج
أوس بعده يحبج مثل قبل وأكثر


- شكراُ عل معلومه،
سحب الجگاره من أيد أوس
- مو زين عليك الجگاير

واخذتها أني أشربها
وهوا عينه بعيوني،

أتنهد وباوع الشجن - روحي

گامت هيا،

- ليش گومتها خو أبقو كملو سهرتكم وأني أروح

لزم أيدي بهدوئ وخلاني گباله وهوا گاعد عل كُرسي
وأني وأگفه

- أگعدي، عندي حچي وياچ

- أريد أروح أنام

- ستوچ گعدتي

- أريد أعوض

- تعوضين بس مو هسه

- اگولك أريد أروح لبيت الحجيه أكيد بالها عليه هسه

- محد باله عَليچ بگدي

- مو هل گدامك

- حتى وأنتِ يمي أخاف عليچ

لويت شفتي - أي صح،
مربيلي هايشه يعلف عليها وجاي يگلي اخاف عليج

- هايشه ؟ منيلي هايشه ؟

- لعد هاي الگامت شنو ؟ كناري ؟ لوو عصفور ؟

بتسم - لا الگدامي حمامه والوراي هايشه چلبه شيعجيج سميها

تنهدت وأني اتذكر أسم حمامه
- أوس كافي لتگول حمامه ما أحب هل أسم،

- لعد شيخة گلبي

- ولا هذا

- لبة گلبي

- اهووو ولا هذا أسمي صخر صيحلي صخرررر

- صخل ؟

تنرفزت - أووووس

ضحك - عيون أوس

- أريد أمشي أنام هد أيدي

- أگعدي خل أسولف وياج شويه

گعدت وبنتر - ايي أحچي شترييد ؟

- أعصابچ

- او اوس يابرودك.

- أولاً ملابسج هاي باجر أطلع وأجيبلج ملابس غيرها

قاطعته - تؤا عاجباتني

ماهتم الكلامي كمل - وأخذج الدكتوره نسائيه علمود دورتج

ستحيت - شبيك متستحي شهل حجي

- عادي حتصيرين مرتي
وغمزلي

- بأحلامك

- متعود أي شي أحلم بي يتحقق،
لمهم، وأخذج دكتور يسويلج ليزر لوجهج
واجيبلج زيوت الشعرج،

رفعت تك حاجب - ليش ماتتقبلني هيج ؟

بتسم - مستعد اتقبلج بكل حالاتج

- لعد خليني هيج أني مرتاحه

- أريد أسويلج جنسيه شلون تبقين هيج ؟

باوعتله - أني تصيرلي جنسيه ؟
ضحكت بستهزاء - خل أعرف اهلي منو عود تصيرلي جنسيه

عگد حواجبه - شنو أهلج منو ؟ متعرفين ابوج هوا خالي محمد وأمج أفراح

- اني بت زنا ممعرفوف أبويه من أمي، لأن لو صدُگ إني بتكم مسويتي بيه هيج
وأني لو بت حلال مجان ذبتني أمي ولا أبوي تبرا مني

- شنو هل حجي ملار ؟ هذا الخرط منيلج ؟
أنتِ بت حلال وأمج ما ذبتج
كلشي راح يرجعلج بس أريدج تتفهميني وتسوين لأاگلج عَلي

- لعد وينهم عمي ؟

تنهد ومسح وجها - يرجعون أن شالله بس أصبري

- شنو يرجعون هما وين ؟

- موجودين

- اي أعرف موجودين وذابيني وأني ماريدهم

عصر أيدي حيل - ملااااار أهلج ما ذابيج الدنيا قست وياهم وبعدتهم عنج

مجاي أفهم عله كلامه شي - شتقصدج ؟ أوس أحچي أمي وأبويه عايشين ؟ وأني بت حلال ؟ وهما ذابيني لو لا ؟

- أول شي أنتِ بت حلال أنسي هاي السالفه مال بت زنا ،ثانياً أمج وأبوج عايشين بس أرجعي مثل ما جنتي وراح تشوفيهم

أحس حيلي باد
ماگدرت اتماسك
خويت وردت أوگع عل گاع
بس لگيت نفسي بحضنه،

بخوف - ملاارر شككو شبيج ؟

گمت أبجي - أهلي وين ؟

حضني - تشوفيهم بس عاونيني خل نرجعج مثل ماجنتي

- أريد اعيش.طبعيه اوس تعبت

- اااخ لو يندار التعب والله أخذ تعبج وماا أخلي

حضنته وگمت أبجي،
شالني بين ادي وأخذني للغرفه
خلاني عل جربايه

وبشقه گال - حلال ألمسج بحكم أنج ولد حالياً

دفعته عني - وخر هسه أني أعرف الحلال والحرام

- أعلمج علي، لاتخافين،

- باجر شنسوي ؟

- اطلع أجيبلج ملابس

- وحدك ؟

- أي، خو اروح وياك أختار ملابسي هنا ترا

ضحك - شوفي هيج بهذا المنظر ما أگدر أطلعج، وأذأ أگلج البسي من ملابس شجن وأخذج مراح تقبلين أعرفج الذالك أروح أجيبلج كم قطعه مشي حالج بيهم ونوب نطلع سوا نشتري

لويت بوزي - عيع مالبس منها

ضحك هوا وگال - أي مو گتلج أعرف،
حجه بجديه - عويناتي ترا شجن مو القديمه

- والله حبيبي لا الماي يروب ولا الـگح**** أتوب

عفس وجها - والفاضج هاي هم نحاول نشيلها

- تربيت شارع عذرني

- أربيج عَله أيدي ميخالف

- أطلع يالله شو ماخذ راحتك وگاعد بصفي مو تحلل وتحرم ؟

ضحك.ونزل باسني بخدي وگام - يا أحلل وأحرم هوا أني من أشوفج دين مايبقه براسي

- بعدك تحبني ؟

- تحجين صدگ ؟

- والله صدگ شتحب بيه شو خلقتي تلعب النفس

- أحب گلبج شلي بخلقتج

- گلبي متعوب ميفيدك

- انشنشه لتخافين أرجعه توب

ضحكت - شو اطلع يالله مالي خلگ سوالف الحب هاي

- طالع أنام وأحلم بيج بحضني

- والله طلعت أنتَ متربي بالشارع مو أني

بجديه - ملار أنسي موضوع الشارع مو كل شويه وگلتي اني بت شارع، أنتِ بت گلبي وتربات روحي

مارديت علي،
حطيت المخده عله راسي ودرت وجهي

وهوا طفى الگلوب وسد الباب وطلع،

وخرت المخده عن راسي
وأباوع بالظلام،
معقوله تصير حياتي طبيعيه ؟
أرجع بنيه ؟ ويرجعون أهلي ؟
واتزوج لأنسان ألي يحبني ؟
شنو هاي حتى بالأفلام مصايره "!

خخ أحس نفسي بحلم


نمت،
وگعدت الصبح
شفت عله طرف الجربايه علاگه
رحت فتحتها
بيها ملابس،
رحت غسلت ورجعت گلبتهن
حته ملابس داخليه جايبلي
صخام.الصخمه ولايستحي

اخذتهن ورحت للحمام
سبحت وبدلت،
أول مره ألبس ملابس بنات
بس جان شكلي كلش نشاز بيهن
وجهي وشعري وحته صدر ماكو
ضجت ورجعت لبست ملابسي،

عفتهن بالحمام وطلعت مقهورا،

شفت شجن تنضف بالصاله

حجت - صباح الخير

مارديت عليها عفتها ومشيت للمطبخ
شربت مي،
وفتحت الثلاجه أسوي ريوگ،

لتفتت من سمعت صوت وراي

- صباح الخير

رديت - صباح النور

- شلونج

- زين

- قصدج زينه

-.بكيفي شگول أگول، لمهم أنتَ مو ماتكعد ألصبح هنا وعله أساس تطلع الصبح ترجع بالليل أشو راز روحك هنا اليوم أي طلعت حقيقتكم.

- اليوم عطله ماعندي دوام، وجنت منتضرج نروح للمستشفى

- ما أروح.،وما ألبس الملابس

- ماتردين أهلج ؟

- هما ميردوني شكو أريدهم أني

- البارحه شحجينه ؟

- حچي الليل يمحي النهار

- أخر مره أگلج أهلج ما عافوج ،ويتمنون شوفتج
هسه أريدج تروحين تبدلين حتى نطلع للدكتوره حجزت يمها

- شبسرعه ؟

- رتبت شغلي ،لأن أهلج يردون يشوفوج وأني أريد ازوج تعبت

- لعد هاي السعلوه العندك شنو ؟

شفته يباوع للباب،
لتفتت شفتها وراي وبيدها مكناسه ومكرافه

لويت بوزي - أوي يخاف عله مشاعرها

مارد عليه وغير الموضوع - تريگتي ؟

جقيت بحلگي - تؤؤ

- لعد أمشي بدلي نتريگ برا

مشيت،
رجعت لبستهن
وممقتنعه،
بس لازم أرجع كافي تعبت،
لبست شال،
حيل طلعت نشاز
گعدت أبچي،

تأخرت ماطلعت علي.،

دخل بدون ميدگ الباب،
شافني أبجي أجه يمي - ليش تبجين شككوو ؟

حطيت وجهي بوجها - هذااا وجه بنيههه
شوف الشعررر شوف الجروح شووف البهاگ
شوف بشرتي شلون خشنه
لك شلون ألبس حجااب قرررف

أخذ الحجاب وخلا عله راسي شمرا شمر
ولزم أيدي بهدوئ

- أحنه رايحين نعالج هذا الموضوع، ألي عشتي أسوء من هاي لأمور التافها لاتخلين شي يكسرج

- عوفني أوس خليني أرجع منين ما أجيت

- وأهلج ؟

- كاافي أهلج أهلججج اصلاا هما ميردونيي

- والله يردوج وداعة عيونج يردوج وكاسره ضهورهم بس طيعيني لاتعبيني ملاار

مشيت ويا، تريگنه بالطريق لبلبي
وطلعنه للمستشفى
جان السره وأصل ألنه،

دخلنه للدكتوره
ودخل وياي،

سولفت وياي بخصوص الدوره

- باعي ماما من أسباب أنقطاع الدوره
أولاً ممارسة الرياضه المفرطه
ثانياً تكسيات المبايض وهذا أخطر شي
ثالثاً ادوية الحساسيه وضغط الدم لكن مو لكل لبعض أجسام النساء أكو متتقبلها
رابعاً أخذ علاج الكيمياوي
خامساً علاج ادوية النفسيه وأخذها بشكل مفرط ممكن يأدي لأنقطاع الدوره مع الأكتئاب لحاد
سادساً زياده او نقصان الوزن بشكل حاد ومفاجئ
سابعاً خلل بالغده الدرقيه
ثامناً أشطراب بالشهيه

وبعد أسباب ممكن تأدي بأنقطاع الدوره
ف ماما أنتِ من شنو تشكين ؟

ماحجيت شي،

أوس جان لازم أيدي
عصرها وهمس - احجي

- أوس خلي نطلع مطايقه المكان

- بسم الله ستونه بالشنه

- اوفف

حجت الدكتوره - ها بنيتي شنو ؟

- أني ما أمارس رياضه بس جنت أطفر من أماكن عاليه
وبالأكل مو شي
وبالنسبه للضطرابات والأكتئاب ف عندي
بس ما أخذ علاجات

- أني حسويلج فحوصات وان شالله خير
شكم شهر صارلها مجايتج ؟

- 5 سنوات

جحضت بعيونها - شننوووو صدُگ تحجووون 5 سنوات ساكتين عن الموضوع ؟

أوس - جانت عدنه ضروف

- الله يساامحكم عله هل اهمال، موو مبينه البنيه حته شعر بوجها بسبب الهرمونات انتو متعرفون شنو يعني الدوره للمرئه
كولشي بالمرئه متوقف عل دوره ياريت متتهاونون بالموضوع
المفروض شهرين متخليها تمر عليها
لازم دارون نفسكم شويه

- ان شالله دكتوره، هسه أفحصيها وشوفي شنو من علاج تحتاج

- والله ماعرف بعد نسبة الشفاء كُلش قليله ترا من هسه أگلكم، يعني 5 سنوووات هسه حته رحم ما ألگه عدها

تنرفزت من كلامها
گمت
- اوس گوم ماريد بطلت

باوع للدكتوره وأشرلها - دكتوره ستعجلي بلازحمه

مشت گدامنه وگالت لحگوني،
فحصتني ،

- للأسف عدها تكيس كُلش قوي يحتاج أدويه وفترى طويله ولازم ألتزام
ولأزم تراجع بيها كُل فترى لاتتركها حتى من ترجعلها

كتبتلنه علاجات،

اخذها وهز راسه - ان شالله

اخذني وطلعنه، للصيدليه
اخذنه العلاج
وطلعنه للسياره

بقيت ساكته وأباوع للطريق،

- نروح نتغدى ؟

مارديت،

تنهد - ملاار

- خرا بملار وعيشتهاا

- گولي يالله

- تعبت أووووس تعبت

- تهون ان شالله ماضل شي

- أهلي شوكت أشوفهم ؟

- من بعد عملية اليزر

- وشنو هاي أنوب ؟

- اتشيل الشعر البوجهج كُله
هسه وين تحبين نتغدى ؟

- رجعني للبيت ما أگدر أطلع وافرفر بين العالم بهذا شكلي

- وشبي شكلج جنج العافيه

- أوس بدون كذب رجاءً ورجعني للبيت

طبگ سيارته عَلى مطعم
ونزل جاب أكل وأجه
ورجعنه للبيت،

لگينه شجن مسويه أشكال وأنواع لأكل
ماا هتميت، وگتله مراح أكل منها
حاول يقنعني بس مقبلت،

أخذت لأكل ألي جبنا
ورحت لغرفتي، وبقيت انتظر أشوفه يجي
يمي لو يروح يتغدى يمها

ماطول دقائق ودخل،
بدون ميدگ الباب،


باوعتله - أگول عيني شهل صلافه أشو تدخل بدون مدگه للباب ؟

ضحك - أمون عَليچ

- مره ألخ دگه

- هنا كم يوم عله كم أسبوع وتصيرين مرتي وبعد عادي أچفت گبل

- أي عود أعزمني عله عرسك

گعد گبالي
وأخذ خبزه من العلاگه وحجه - ياب مو تدللين

- شعجب ماتغديت يمها ؟

- منو ؟

- مرتك

- جاي أتغده وياها

لويت شفتي - نننننن

بلشنه ناكل،

- العصر أجيبلج زيوت للشعرج ،حته ترجع گصيبتج طويله وأني أضفرها ألج

بتسمت - وتغنيلي هيلا يا رمانه

- لأ

عفيت وجهي - لُيش ؟

- بعد محد يزعلاها رمانتي مادام أني موجود

خفيت بتسامتي

احس بداخلي فرحه چبيرا
بس أكابر ماريد أضهرها
أخاف لااترجع تنكسر
اخااف من أفراحي دائما مادوملي
بقيت صامته وأكل
وأني اتخبل نفسي راجعه بهيئة بنيه
وشعري طويل
وهوا يمشطلي ويضفرلي
وألبس فستان أبيض حالي حال البنات

كلمنه غده،
وراح هوا للستقبال نام،
وأني تمددت عل جربايه،
وأنسج خيالات

للعصر اجا أخذني،
ورحنه مركز تجميل
عنايه بالبشره،
حجزنه موعد ليزر
واخذنه كريمات شعر
وكريمات وجه

ورا 3أيام
رجعت للحجز
وجانت أول جلسه أليه
مو كُله أنشال بس خف عَن قبل

- حطيتي زيت لشعرج ؟

- لا مالي خلگ

گام للمرايه
جاب الزيت وأجه صعد عل جربايه من ورايه
وگعد ورايه كُلش،

- أوس دتتماده شكو هل ميانه الزايده ؟

- وخر أيدج خل ادهنلج شعرج
ترا أنب منتظرا يرجع أكثر منج

- وخر أني أدهن

- معليج

گعد يدلكلي بشعري،
ويخلل اصابعه بين خصلات شعري القصيره
حسيت براحه مو طبيعيه
جن نسمة هوى أداعب گلبي

مغمضه واتخيل نفسي بفستان أبيض
وهوا لازم أيدي،
وأمي وأبويه حواليه

فتحت عيوني من ذكرت أهلي
- أوس أهلي وين ؟

- مابقه شي ان شالله وتلتقين بيهم

- ليش ما التقي بيخم هسه ؟ شنو قابل راح يرفضوني ؟

- لا بس افضل لو نرجه شويه منج عل أقل وتلتقين بيهم

- هما يحبوني ؟

- أكيد أي

- لعد ليُش عافوني ؟

- مو بيدهم ملار

تنهدت بحسره،

وتذكرت شخص

- أوس

- عيونه ؟

- سامر شلون خلص حياته، شجن من حجت سالفتها ماجابت طاريه

- سامر أخر سنه أله اتمنى الموت وماالگا

- شلون ؟

- تمرض بمرض لأيدز

- شنو هذا ؟

- هذا المرض يصير أغلب لأحيان بسبب العلاقات الجنسيه المتعدده
وهوا گام يخبط شيش بيش بأخر فترى
وقبل سنه عرف بي أيدز تعذب عذاب ماصاير


- بس هوا مات شهيد

عگد حواجبه - منو گالج ؟

- أني شفته بالانفجارات،لگيت راسه عل گاع وجثته بغير مكان

- لاا هوا مات بمكانه ومحد تقربله لان يخافون لايعديهم ،

- بس أني شفته

- أني متاأكد بعيني شفته بغرفته ميت
أجو گالولي

- وليش ماا شلته ؟

- نگس ما أتشرف بي، لأخر لحضه بعمره وهوا مات عله نگاسه شلون ترديني أشيله بيدي وأدفنه

- معقوله ألي شفته مو هوا ؟

- أي، لان جثته اعتقد لهسه بالغرفه
بس هسه ماكلها الدود ولو حتى لدود ميتشرف بي

- خالو سعد ؟

- مات أبشع موته، سحل أخذو جيش المهدي صگطه تصگط

- شنو جان يشتغل هوا ؟

- ويا صدام، ماخله عائله مافجعها هوا ورجل خالتي مزاهر
اااخ خوالي كلهم مابيهم خير

- وأبويه ؟

تنهد بحسره - أبوچ، ملار أبوچ أطيب گلب ،أبوج وأمي نفس الشي
بس ذوله الطلعو من خلفة جدي خيرين
واله الباقي زباله شتعلت روحهم وهما بگبورهم


- خالتي مياده مشتاقتلها

- راح أخابرها وأخليها تجي

- علاقتك بأبوك زينه ؟

- لا بأس بيها

- شوكت تاخذني لاأهلي ؟

ضحك - هواي تلحين ملار مو گتلج بس يتحسن وضعج

- زين يالله وخر كافي دلك
ترا وگعته لشعري

وخر من ورايه،
وراح غسل أدي من الدهن

- أني طالع محتاجه شي ؟

ضجت - لأ

- أشو ضجتي ؟

- مبقيني وحدي هنا مگابله الحياطين لتخليني أطلع لاصخام

- أكعدي ويا

قاطعته - والله لو مخليني بسجن أنفرادي ولا أگعد أسولف ويا شجعونه

ضحك - شنو شجعونه ؟

- زربونه خريونه، ماريده ولااريد الگاع التريدها اكرهااااااااااا واكره امهااااااا الله لايرحمهااا الله يجعل قبرهااا جهنم
لكك والله دمرونيي كرهوني عيشتيي

گمت أبجي،

أجا يمي وخله أيدا عله متني وسحبني لحضنه - شبيج ملاار شكو هل دمووع

- لك أوس تعبونييي ضيعوي طفولتي ضيعو شبابي مرااهقتيي لك بعمر ال20 هسه أني مااشفت الراحه من صرت لليوم
وأني طفله جنت شاابعه ضيييم من عدهم والله
لاتلومنييي اوسس الي شافته عيني محد يتحمله
كُله من وراهم ضياااعييي والله من وراااهم

حضني حيلل - شششش كافي كلشي راح أعوضج عنه والله بس اصبري
ربج أخذ حوبتج وحوبة أهلچ منهم وزياده
أنتِ مااشفتي خالتي بأخر أيامها شلون صارت
حاجتها جواهاا، مابيها تگوم للحمام
لو سعد ألي نربط بسياره وجرو عل رصيف لج حتى احشائه طلعت من خشمه وبطنه تسردت
لو سامر ألي جانت يتمنى الموت وماايلگااا
مات بمكانه ومحد شاله،
ربج عادل كريم مستحيل ينسى عبد حتى لو بعد حين
20 سنه وانتِ تتعذبين وهسه أجا الفرج أن شالله كُلشي يتعوض

بقيت ساكته،
وأني بحضنه،

هدوى

كسره
وهوا يغني، - هيلا يا رمانه هيلا يما
من هيا الزعلانه ؟
هيلا يما
حميمه لزعلانه
هيلا يما
منهو يراضيها
هيلا يما
أني أراضيها
هيلا يما

بتسمت ومسحت دموعي،
باوعتله - أوس هواي أحبك

ضحك
وحسيتها ضحكه من كل گلبه
واني أشوف الفرح بعيونه - مشتتتتتقلها هواااي

رجع حضني ويمسح عله ضهري - أن شالله أعوضج عن كُلشي

.

مر شهر،

وجهي صار يلمع
لتزمت بالكريمات
التزمت بالزيت
التزمت بعلاجات الدوره
والمراجعات
وجان هوا فوگ راسي
ها شربتي علاجچ ؟
حطيتي زيت ؟
گومي حطي كريم
أليوم موعد اليزر

أشربي حليب يقوي عظمج
أكلي زين،

تغير شكلي شويه شويه

شعري مو كلش طول بس صار يدگ ويا أذني
يعني أليشوفني حيگول بنيه مو ولد

گاعدين بالحديقه وهوا يدهنلي زيت عَله شعري،

- تعرفين باجر شنو ؟

- شنو ؟

- نروح لأهلج

باوعتله مصدومه - والله ؟

- والله

يُتبع .....

متواجده هنانه دائماً 🦋

تستوطنين لأصمعان

للكاتبه: #ريم_نايف

تصويت+متابعه للحساب لطفاً 🤍🫂"

                            °°°°°°°°°
                      (ألحادي و ألعشرون)
قالوا شَبابُكَ قد مضَتْ أَيامُهُ
بالعيشِ قلتُ وقد مَضت أَيامي

فكأنَّ ذاكَ العيشَ ظلُّ غَمامَةٍ
وكأنَّ ذاكَ اللهوَ طَيفُ مَنامِ

-

مَلار
باوعت النفسي بالمرايه للمره المليون
وأني متوترا
خايفه، فرحانه،حزينه
مشاعر مخربطه
ما أعرف أفسر مشاعري شنو

- مَلار كَافي خَلي نمشي

- بس أعدل شالي

- كافي مية مره عدلتي

- يعني طالعه حَلوه ؟

- كيكه

- أووو أوس أحچي لصدُگ

- والله شحلاتج،

مشيت ورا،

لاگتنه شجن بالمطبخ مبتسمه
عابت هل أبتسامه

- ملار حبيبتي راح أدعيلچ الله يسهل دربج وتنجمعين بأمچ

باوعتله بطرف عَيني - ممحتاجه دعوتج عود أذا نقبلة.يعني
ولو يگلك دعوة العا**** طاهرا

أوس - ملارر

- أويي عيني مرضيت عله ست رغد صدام

- أمشيي تأخرنه

شجن بتسمت - تمونين حبيبتي، الله وياكم دير بالك عليها أوس

- بعيوني

باوعتلها بشمئزاز وعفتها وطلعت،

ركبت السياره
أوس محچه شي،
حرك السياره ومشينه

طگت روحي وأني انتظرا يعلق عل موضوع

- أيي أحچي دافعلها شمنتظررر ؟

أبرود - منو ؟

- للأنسان شجعونه
أوبس العفو المدااام شجن نسيت أنُ هيا مرتك

-وشكو أدافعلها ؟ بنات خاله بيناتهن أني شكو أحشر نفسي بالنص، وبعدين شوكت تبطلين سالفة مرتك ؟ شفتيني فد يوم حاصرها بالمطبخ ؟ شفتينه طلعنه من الحمام أصلاً شفتينه نايمين بغرفه وحده ؟

نترت بي - لالاااااا هيا هاي العاااايزه تنام وياها بغرفه وحدكم أذااا ضاله بنفسكك سويهااا لُيش مستحيي

- منو گال أني أستحي ؟ ألي گلج كذاب ديلفق عَليه

- أي والله غاسل وجهك أب بـو*

باوعلي مخنزر - ملار غلط عليه لاتغلطين فاهمه

- بكيفي

تنهد - لا حول الله، كافي رايحين لأاهلج أشو جنتي شحلاتج ومتوترا وهسه نگلبتي فرد دور

ذكرت أهلي وخنست
وأني أتخيل شلون راح يكون القاء،

- أحجيلي ليُش عَافوني قَبل لا نوصلهم حَتى أعرف شگللهم

- هما حَيسولفولچ كُلشي
ألأريده منچ متجيبيلهم طاري عن ألي صار وياج أبد

- لُيش ؟

- ألبيهم مكفيهم،

- ما أعتقد أكثر من ألبيه

- كلمن حمله ثگيل،

بقيت ساكته ومارديت،

تقريباً مشينى نص ساعه،
طلعنه من الولايه، وفتنه بقطع التجاوز
فتنى بشوارع بيوتها كُلها بسيطه

طبگ السياره يم بيت زغير،
خرابه كُلش وحتى يريد يوگع

باوعتله وبلعت ريگي - أوس هذا بيتهم ؟

هز راسه بأي،

نزلنه ،
وأباوع بالمنطقه، كُلها بيوت قديما ،

وگف هوا يدگ الباب،
وأني وأكفه يم السياره

طلعتله مره ،يصير عُمرها بالـ40
واضح عَليها التعب،

بتسملها وسلم عَليها،
هيا مانتبهتلي، جانت عَينها عَله أوس

باوعلي أوس - تعاي

تقربت يمهم،
هيا باوعتلي وزغرت عيونها ركزت بيه
وأشوف عيونها غورگت،

باوعت لأوس -

أوس هز راسه وگال - أي بنتج هاي

توقعتها راح تاخذني بالأحضان،
دخلت تركض

باوعت لأوس بخاطر مكسور
خابت كُل أحلامي - رجعني

- تعاي ندخل

- گتلك رجعنننيييي
مااريدهمم

قاطع حديثنه صوت صياح من داخل
صوت رجولي مبحوح

دفع الباب أوس
نصدمت برجل عل عربانه
بس عظم وجلد ويجهش بالبكاء
والمره تدفع بي وهم تبجي،

وهوا يصيح - ياابويه ولج وصليني ألها وينها

تبجي وترد علي - گبالك

أشوف ادي تهومش بالهوا - وينهاا وينها خل احضنها وينها خل أشمها وترد روحي

باوعتلي المره - تعااي ولج يماا تعايي
تعاي وردي عافيت أمچ وأبوج

باوعت لأوس
اشرلي أدخل،

دخلت عليهم

- وينهااا ام أمل ووينها بنيتي

أني گباله ليش ميشوفني ؟.

اجتني المره
ولزمت بأيدي،
وقربتني علي،
هوا لزم أيدي وحضني حيل
وصار يبجي،
ويمسح عله راسي ويشمني
وأمي گاعده عد رجلينه وتبوس بأيدي
وهوا يبوس بشعري ويشم بي،

دفنت راسي برگبته وبچيت،

وبصوت مخنوگ - ليش عفتوني ؟

حجه ويادوب افهم كلامه صوته جان مشحرج كُلش

- واللله ماعفتچ عساني بالموت كون عايفج بس ااااخ من السببب عساهم بالحرگ الفرگوني عنچ وحرموني منج

حجت امي وهيا تبوس بأيدي وجرتني من حضن أبويه الحضنها - ولج يمااا والله ماعتفج أكو وحده تعوف ضناها بس گدامي حطوج وگالو نكتلها لو وصلتيلها بعد

حچه أبويه - وينها افراح رديها لحضني ماشبعت منها بعدني، أريد أمل
أنتِ تشوفينها أني مااشفتها ارد اعوض أريد أملي ريتي بريحتها اااااخ متعين العيون الراحن

بجيت من عرفت بي أعمه،
ورجعت الحظنه وماما تبوس بيه من جتافي
وهوا حاضني ويبجي
وجن طفل يصرخ صريخ وصوته مبحوح
وأمي كذالك

بجيت عله بجيهم،
بجيت لأن كُل هاي السنين أني محرومه من هيج حنيه
بحضنهم لگيت لحنيه كُلها،
عطر أبويه مااشامته من قبل
دخل روحي،
وأمي ولمساتها وبوساتها أليها،
شي ماينوصف،

ساعه وهما بس يبجون ويحضنون بيه

رفعت راسي واشوف مره عجوز محدبه أكبر من ماما تصير
ساندها أوس  وهيا تبجي ،
- ردتلج بتج يفرحه گرة عينج
سنين واني أگلج أصبري يما تجيج ساعة الفرج
توه رجلج رجعلج وهل رجعتلج بنيتج

فرح - اااااخ يالظيم الشافه گلبي

- هانت أن شاءلله ماضل شي
حجتها الحجيه وهيا تمسح دموعها بشيلتها

أشرتلي - تعالي بيبي

گمت سلمت عليها وبوستني وهيا تشم بيها وتبجي،

فرح - أدخلونه جواا ،
يما أوس أعذرنه ماضيفناك

أوس عيونه جانت حمرر واضح باجي عَله بچينه - لاخاله معذوره،

دخلنه جوا،
وابويه يتشكر من أوس ،

گعدنه بالغرفه
وراحت أمي جابت مي،
انطتني وماقبلت أخذ أنطيته لأبويه ،

جنت گاعده جوا العربانه مالته وهوا لازم بيدي وكُل شويه يبوسها،

أوس - خالي بعد ما ألك گعده هنا تجي يمي

- لا بعد خالك ما اريد أكلف عليك هذا مكاني وبنيتي رجعتلي كلش كافي

- لاا خالي بيتي جبير او واسع وعيب عليك هيج تحجي اني بحسبة أبنك ،وبعد موضوع بس مو هسه وكته نسولف بي بعدين،
لمهم أني ترا جاي أخذكم يمي ماجاي أمسير عَليكم

راد يحجي أبويه قاطعه

- حگك يرجعلك عمي ومحلك يرجعلك تعرف بعد من صار السقوط شلون تولو جماعة صدام وأخذو أملاكهم بس اني كـ محامي راح أشتغل عَله موضوع المحل وأرجعه ألك
وبيتك راح أشتري، لأن قبل لايطلع منه باعه وارجعه بأسمك
وبنيتك راح أسويلها جنسيه ،

مسح دموعه أبويه وحجه - والله ماعرف شلون اشكرك عله أفضالك المغرگتنه ماتركتنه من ذاك وكت لهذا وكت والله طلع بيك خير اكثر من أخوي أبن امي وأبوي

- الخال وألد وأنتَ أبوي الثاني، والأسوي ألك مو فضل هذا واجب
وهم راح اجيب أمي تشوفك، لأن سنين وهيا منتظره رجعتك

تنهد بسحره - اااخ مياده أم گلب الحنين
أذكر شلون چانت تعزل من ماعونها وتضملي من إرجع من الشغل تعبان وألگه مرت أبوي كُلشي مضامتلي

- الحمدالله هيا أخر ماتبقالك من أخوتك

- ونجوى ؟

- نجوى طلعت تهريب ومانعرف أخبارها شنو

- ماحجيتلي عنها ؟

- ماا اجت فرصه

تنهد - الحمدالله على كل حال 
لتفت على مكاني بدون ميباوعلي وحجه - بويه أمل شلونج ؟

عگدت حواجبي منو أمل ؟

اوس أشرلي،
براسه

- الحمدالله با...
أريد انطقها
مدا أگدر صعبه
سنين وأني محرومه منها
من طفولتي لهذا أليوم
صعبه أگولها،

- گوليها بعد أبوچ كمليها وفرحي گلبي الخلص من ضيم السنين

حجيتها وغصيت بعبرتي - بابا

أمي چانت گاعده بصفي.،
جرت أيدي باستها وتترجى بيه - گولي ماما أبوس أيدج گوليها وفرحي گلبي مثل ما فرحتي گلب أبوچ

بجيت وگلتلها - ماما ليُش عفتوني عدهم لُيش ما أخذتوني يمكم وينكم عَني كُل هاي السنين ؟
وينج عَني من أتمرض ومحد يمي
وينچ عَني من أخطأ ومحد يعلمني
تعبت أني بسببكم
عمه حيل چانت تأذيني

حجه أبويه - والله مو بيدنه ، الليل نهار أفكر بشوفتج وشوفة أمچ سنين وأني محروم منكم

- أنتَ وين جنت بابا ؟

- ااااخ جنت جوا ألگااع بغرفه ظلمه ومابيها حتى نفس وما ادري شلون طلعت ،بس رب العالمين كاتبلي أعيش وأقر عيني بشوفج وشوفة أمج

حجت امي - وأني جنت أروح وأتوسل بيهم ينطوج ألي بس ميقبلون والله دنگت عله رجله لسعد وبستها وماقبل وگال أذا وصلتي بعد يمي أذبحها وحلف
أو وصلت كُلش حط السجينه عله نحرج
وشگه شويه حته طلع دم وأني روحي شاغت خليت ومشيت وتوسلته يعوفج

مجاي افهم عله كلامهم - شنو فهموني شي شي مجاي أعرف شنو تقصدون؟!

حجه ابويه،
من زغري مكروه بين أخواني
ودائماً يلتمون عَليه ويكتلوني سامر وسَعد ومزاهر
رغم أنُ چنت أني أكبر منهم
بس عودي جان كُلش رچيج وناعم
وسامر حيل زغير جان
بس ضخم وسعد ويا
جنت أسكت وماروح أحجي لا لأمي ولا لأبويه
أخاف لايكتلوهم وأستخطيهم
وأمي هم جانت مره فقيره
وأم مزاهر مراويتها الويل

أني من دونهم چنت أشتغل وأكد عله نفسي وأمي وحتى سعد چنت أني أنطي مصرف لأن أبويه ألله يرحمه مچان يحط دينار بجيبنه

مرت لسنين وكبرنا
وماتوقعت كرهم وحقدهم يكبر وياهم

حبيت أمج وتعلقت بيها كُلش
ورحت حاجيت أبوها وحدي
الله يرحمه چان رجال خير
هيا جانت زغيرا توها بـ لأول بتدائي
مدري شلون گلبي رف الوحده هيج بهل عمر
ضحك أبوها وگالي ماا أنطيك أياها أله تصير صايغ ذهب
وتصوغلها ذهب،
جنت بعمر الـ18 سنه
أشتغل الليل نهار
وگمت مصرفي ما أنطي لأحد كلش
بس لأمي،من تحتاج
شگد يكتل أبويه يريد مني مصرف ما أنطي
شغتلت شغل مو يم ألحچي دوم
لمهم
مرت السنين
وأني عيني عله فرح
وأيدي بالشغل،
بس وقت حلتها أروح أشوفها
خلوها تكمل دراسه لأن هيا الوحيده ألهم
طلعت من لابتدائيه
وراحت متوسطه
وراحت عداديه
توفى الحجي الله يرحمه
تركت الدراسه لان ماضللهم معين
وهوا چان صاحب محل مخضر
أني بذلي الـ 10 سنوات صار عندي محل ذهب
ورا وفات أبوها بسنه رحت وخطبتها
هيا هم جانت رايدتني وتبادلني نضرات
تزوجنه وأجرت بيت وگعدت
جنت مأجل موضوع ألزواج من أشتري بيت
بس بعد توفا أبوها ومابقالهم أحد

ورا سنه من زواجنه حملت بيج
وشتريت بيت بيوم ولادتج
فرحتنه جانت شكبرها
وسميناج أمل
وجنه متأملين بيج الخير
بس مادامت فرحتنه

ورا شهرين  أجو أثنين ملثمين بالليل
ضربوني عله راسي بالمسدس
ماوعيت أله أني بمكان مظلم
گوه أجر ألنفس منه
وما أعرف الليل من النهار
مادري شگد مر وقت عليه وأني بالمكان
لأن ماكو أي شمس
صيحت دفرت بالباب ماكو ولابشر
بالي كله چان يمج ويم أمچ
شسوو بيچن،

وراها دخلو عليه
سامر وسَعد
وبيدهم فانوس
تگابلو عليه أثنينهم قبل ما أحچي كلمه
كسروني تكسر

وحطو رگبتي ونحروني

رفع راسه وأشر عل جرح

هناا نحروني

كل وجعي هين گدام شوفتي ألهم
وهما متگابلين عليه ثنينهم

سَعد عتبي عَلي أكثر
أخوي من أمي وأبوي
بالله ذاك نگول من غير أم وماراضعين سوا
بس هذا
،،اااخ
تنهد وكمل كلامه،

خلوني أمدد وطلعوا

وراها دخل واحد عليه
أنطاني خبز ومي

ومشى،
جنت كلش تعبان
والجوع موتني

أكلت،

أستمريت

كُل فتره يجون يعلگوني فلقه
ويضربوني لحد ما يملون ويعوفوني ويروحون

أكلي باليوم كله خبزا وماي
ولا أشوف شمس ولا أسبح
وحاجتي بنفس المكان،
جسمي طگع وطلع بيه گمل وجرب

أنواع العذاب شفت
وكل هذا وابالي يمج ويم أمج.

نزلت عله رجله وبستها بس يجيبكم أشوفكم
وكل ما أسأله يگول بخير عايشين من خيري

گامو مايجون
كم شهر أجو وبعدها ماشفتهم
ومن اسأل الحارس اليجيبلي الماي والخبز
ماايحجي ولاحرف.

المكان جان هدوء كَلش
وريحته مقرفه بشكل

العذاب الشافته عيني
ماضن أحد يحمله

20 سنه أني بسرداب جوا الگاع
ومن منو ؟
من أخوتي
وعلمود شنو ؟
علمود فلوس

عيوني راحن من البواجي
جنت أصلي
بس ما اعرف الوقت شنو
وماجنت اتوضه
وجنت دائما عله نگاسه
بس رب العالمين يعرف حالي
ولو غيري جان هسه ماضل عَقل براسه
سنين ماشايف شمس
ومادريت بروحي أعمى
شگد أصلي وأدعي لهذا أليوم
بس تمنيت أشوفج
تمنيت أشوف أمچ
لاتعتبين عليه بابا، والله ماجان بيدي

ملار
حطيت راسي بين رجليه وأجهش بالبكاء
شنو سوو بينه ذوله
ألي محسوبين علينه أهل

باوعت لأمي ألي تبجي

وكملت - بالليلة ألي أخذوا أبوچ
سحلوني أني وأمي وذبونه بالشارع وأخذوج
حتى لا أطالبهم بحقج
وأخذوا البيت الي جنتي بي والمحل
وجنت كل فترى أروحلهم
وأتوسل لحد مايطردوني طرد
يجروني من شعري
أخر مره رحت
جابج عمج سعد وجان عمرج 6 أشهور
وحطج گدامي وحط سجينه عله رگبتج
وگال أذا ماتروحين منا هسه أنحرها

ضليت أتوسل بي
وجر السجينه شويه عله نحرج
طلع دم وأني تخبلت
نزلت عله رجله
وگتله ماشيه وبعد ما أرجع والله

گعدنه بخرابه أني وأمي
وأجمع غواطي من الزباله وأبيع
وگوه دبرت وضعي،

مرت السنين وأني ألوب عليج وعله أبوچ
الي ما أعرف گاعه من سما

گلت أكيد هسه كبرت
وجنت أروح أباوعلج من أبعيد

بس مره لگاني سعد
وسحلني سحل وحلف أذا يشوفني راح يذبحج

ومن أهدها مارحت بعد
وجان بوقتها عمرج 3 سنوات تلعبين بالشارع وشفتج

ومن 17  سنه مااشافتج عيني
مو جفه مني والله يما مو بيدي جنت خايفه عليج

ومن عرفت سعد مات
رحت لأهله وگلبت الدنيا عليهم صياح وبواجي
وجنت أروح المياده
ماجنت أعرف مياده رجعت لبغداد
عبالي بالنجف
ولو أدري بيها هنا چان رحتلها من ألبدايه
لأن محد يساعدني غيرها

وأنصدمة بيه
عبالها اني جنت صدگ ذابتج
گالتلي بنتج هجة من ضيم مزاهر
عاتبتها ليش ماخلتج يمها
بس گالت مو بيدي والله

وعذرتها
لأن مزاهر وسعد طغوا ومحد يگدرلهم

بس گلبي ما ارتاح
وكل فترى أروح واتوسل بيهم يدوروچ

وچان أوس متعيني علي
معلگ أصورج بكل العمدان وبكل مكان

وهذا الضيم السده عله أمچ
يبعد أمچ وعمرها
والله ماذبيتج والله گلبي چان يلوب عليج
لاتشوفيني هيج عبالج جبيره الضيم كبرني ترا

عمري 36 بس اليشوفني چني أكبر مني أمي

ملار،
باوعت بوجوهم حيل متعوبه
أبويه جنه هيكل عضمي
وأمي صدگ اليباوعلها يشوفها أكبر من أمها
رتميت بحضن أمي وابچي،

حجت أمي وهيا تحضني - گليلي يما وين جنتي ؟

ماحجيت شي
وبس أريد أشبع من حضنها،

حجه أوس - جانت گاعده أبيت حجيه عدها 3 بنات

تمسح عله راسي بحنيه وتحجي - أوووف الغريب أحن من ابن امك وأبوك.

محمد - بويه أمل خو ما جانو يعذبوج ؟

باوعت لأوس بقهر.
اااخ لو تدري بويه شسوو بحالي

أوس هز راسه بلا
لاتحجين شي،

- بويه بس جانت تذب الشغل كُله عَليه

- جا شلون شردتي بويه ماتخافين الشارع كُلشي بي

- بويه رحت يم هاي المريه أعرفها
وهيا ضمتني يمها

- الله يوفقها أن شاءالله

أوس - هسه خالي شنو شوكت نروح ؟

- لابعد خالك غداك هنا

- لاخالو غدانه هناك جاهز

باوعتله وضيقت عيوني
بمعنى منو طابخه

بتسم وفهم قصدي
بس محجه،

گام - يالله خاله گومي لمي أغراضج

أمي بقت محتاره ماتعرف شنو تسوي،

حجه أبويه - خالي والله ماريد ..

قاطعه - لاتكلف ولاشي خالي أبوس ايدك لاتعاملني هيج جني غريب عنكم أني أبنكم مو واحد غريب حتى هيج مستحين مني وتتشكرون وتتعذرون
هسه گومي خاله لمي أغراض خالي وأغراضج واغراض الحجيه وخلي نتوكل

گامت أمي راحت للغرفه تلم الأغراض
وأني حاضنه چف أبويه
شگد شايله حنيه،
وأيده الثانيه يمسح عَله راسي بيها،

أبوس بأيده وأشمها،
وين جنت عايشه أني
هيج عشت كل عمري مفتقده هاي الحنيه

اوف الله لايرحمكم عساكم بنار تجوي جلودكم جوي مثل ما جويتوا گلوبنه،

لمت أمي أغراض أبويه وأغراضها وأغراض بيبي
وأخذنه أوس بالسياره ورجعنه للبيت،

شنو من فرحه چانت بداخلي
ماتنوصف
هسه حسيت بطعم الحيا

عمري كُله ماتوقعت يجي ليوم ألي أنجع بأمي وأبويه
صح متعوبين وبالگوه يحجون ويمشون
بس حنيتهم ترفه

دخلنه للبيت، وأوس ورانه ينزل بالأغراض
تلگتهم شجن
سلمت عليهم

سلموا عليها برحابة صدر
ولا كأنو أمها مسويه بيهم العمايل
طبعاً هذا كُله ألي صار بأهلي چان تخطيط منها
وخالو سعد چان يمشي بشورها

باوعت عَل طباخ لجدوره منصبه
والمعرض مليان سلات فواكه
وزلاطه وطرشي وحلويات

لويت شفتي،

جنت لازمه بيبي وساندتها أمشي بيها،
واسمعها دعي ألشَجن

والله يبيبي هاي حيه رگطعه
مال واحد يدعي عليها مو ألها

گعدتها بالصاله
وبابا تدف بي أمي

شجن - شلونك خالو

- الحمدالله زين بعد خالچ أنتِ شلونج ؟

- الحمدالله تحت رحمة الباري

ملار
شالچ الباري كون

- شلونج خاله ؟

- الحمدالله بنيتي بخير

دخل أوس بيده علاليگ الملابس،

- الغَده جاهز ؟

شجن - أي

- صبي بين ما نصلي

- صار

وگلبت بوزها أو ولت تصب الغده،

گمت ورا أوس،
وهوا دخل للغرفه دخل العلاليگ

- شلون تخليها تطبخ ؟
تدري بيه ما أكل من ايدها

- منو گال هيا طابخه ؟

- لعد منو أمي ؟!

- تدري بيه ولك ما أحب أسوي شي يضوجك
دزيت عَله مره هنا جوارينه طباخه وخليتها تطبخ وانبهت شجن ماتمد أيدها بشي فقط تكون وياها ودليها عَله كُلشي

- أكيد ؟

رفع تك حاجب - شتدرين بيه أچذب ؟

- لا حشاك

گرصني من خشمي وكال - روحي يم أهلج عوفي شجعونه معليج بيها

- اي طبعاً متقبل عليها وجه الخ&&&

- حبيبتي روحي يم أهلج مشايفتهم صارلج سنين ،هسه عيب يگولون شعدهم وحدهم بالغرفه
وغير هيج أريد أحچي ويا أهلج أليوم عَله موضوع ألزواج مالتنه

- ومنو گلك أني أرضه بيك ؟

- ليش عندج غيري أبالج

- ليش هوا أنتَ أبالي أصلاً ؟

بتسم بغرور - أعرف مو بالج بگلبچ أني

ضحكت - صح عفيه عليك

طلعت من الغرفه
والضحكه ماليه وجهي
واحس گلبي يرفرف فوگ الغيم،

طلعت بوجهي شجعونه

- أوس وين ؟

رفعت تك حاجب - شلچ بي ؟

- ألمره تريد فلوسها

- روحي أني أگله

- مو أريد أتفاهم ويا عَل سعر لأنو هيا مطبخت شي أكثر شي صار عَليه

- روحي أني أحاجي،

خلت ومشت،
وأني روحي طلعت من عرفت هيا ألي طبخت أكثر شي
رجعت لاوس
ستوا طلع من باب ألغرفه

- ها ها شبيج چنچ ثور هايچ ؟

- غده ماتغده من هذا الطبخ تروح تجيبلي لفات صخام حتلو نعول بس أكل من أيد هاي الجربه ما أكل فهمتتتتتتتت

- ششش لاصيحين، وأني مو گتلج جبت طباخه ؟

- أي ستوها أجت أم عيون مبگگه تگول "تقلد صوتها" والله اكثر شي أني طبخت
أتافهم ويا أوس عَل سعر
أم الگلگ عساس طبخها شلونه ال* بت * انعل *

- أني أروح وأتفاهم وياها،
بس بطلي فشار خوش

عافني ومشى،

وأني رحت لأاهلي
طالعين بالحوش يتوضون وگاعديلهم بفي،

شفت منضهرم شگد حلو،
رغم تعبهم بس متاركين الصلا
وأني بحيلي وماا راكعه عل تربا عُمري كُله

گعدت يمهم
ماما حچت
- ها حبيبتي توضيتي ؟

ضليت ساكته وماعرف شگللها

- ماما توضيتي ؟

- لا ماما

- أي لعد هاج ألبريگ توضي

ضليت ساكته،
أني محجيت لأوس أنُ أني ما أصلي
عله ألرغم.هوا أكثر من مره سألني
وچان يگعدني الصلاة الصبح
بس أرجع أنام وما أصليها،

أحس ذنوبي هواي
وأضحك عَله نفسي أذا صليت
ماكو أي فائده

فزيت عله كلام أمي وهيا تهمسلي - شنو حبيبتي جايتج الشهريه

ضليت مفهيا بوجها
وهزيتلها راسي بأي حتى لتگلي صلي ،

بتسمت - فدوه لبنيتي الكبرت

بتسمت بوجها،

أخذت أبويه ودخلت
وأني رحت سندت بيبتي

صلو كُلهم بالصاله
وأني اتفرج عليهم،

حسيت بجتف وراي
لتفتت أوس،
همسلي - ليش متروحين تصلين ؟

- شعليك بيه ؟

- ساعاتج مو سوى ولج ملار
ساعه شحلاتج وساعه أسم على مسما

- بكيفي

- كيفج مايمشي عندي
صح أحبج بس لازم تحترمين قراراتي وكلمتي تمشي فوگ راسج هذا المدعبل
وحجايتي ماتصير أثنين وصوتج ما يعلى عليه

لويت شفتي - لابشرفك ؟

- اي وشرفي،

- روح منا لاا أخلي شرفك.طشار هسه

گرصني من متني

- اااحح ولك

- شتفقنه ؟ تحترميني بالطيب أو بالغصب

گرصته مجانت توجع
بس جنت حيل ضايجه ، عله فرحانه
بحيث
گبل بجيت،

هوا من شافني بجيت
دفعني للغرفه عله يسارنه
اهلي جانو منطيني أضهورهم ف محد يشوفنه

- شبيج ملار دا اشاقه وياج والله

- وخر عنييي اوس

- ششش لايسمعوج، وگليلي ليش هيج بجيتي، ترا ما أذيتج والله دا أشاقه

- أوس أني تعبانه عوفني مالي خلگ روحي

- أبيعنّ عُمري كِله وأشتري لعُمرج فرَح

بجيت بالزايد،

- ملاار حاجيني شنو المأذيج ؟

- غصة بداخلي احسها راح تبلعني.

- شنو المضوجج مو أهلج هل رجعولج وصحتج بلشت ترجع ؟

- كُلي على بعضي غلط مدا أعرف اصلح نفسي

- أني وياچ ما أعوفچ وشويه شويه نصلح كُلشي
بس عيونج ما أريدهن يبجن ملار دموعج تأذيني

سحبت نفس أحاول اتماسك
بس كلامه يخليني أبچي بالزايد

- كافي أترجاج كافي ملار لاتعذبيني
جاي أگلج ما أگدر أتحمل دموعج

نترت بي - سننننين وأني أبچي وشفت الظيم وينك عنيييي

باوعلي مستغرب - ملاار شهل كلام ؟

دفعته - وخر عنييي لتسويلي هاي السوالف مال الحب عساس أنتَ مهتم بيه
لو مهتم مجان رحت وتزوجت

صك عَله سنونه وحچه - فهمتج عَله كُلشي بعد ليُش هل حَچي

عفته وطلعت من ألغرفه،
رحت للمطبخ
شفت شجن تحضر بالماعين،
تمنيت احط راسها بالجدر واسويها باجة مال صخول

رحت غسلت وجهي
ومشيت گعدت يم أهلي،
بهدوى،

حجت أمي - شبيج ماما شو ضايجه ؟

باوعتلها ونترت بيها - عساااس يهمكم لو يهمكم مااعفتوني كُل هاي السنين وهسه جايين تهتمون بيه
عبالكم بكُل بساطه راح أتقبلكمممم

عفتها قبل لاتحجي شي
ورحت لغرفتي،
شمرت نفسي عل چربايه وضليت أبجي،
ماعرف شبيه وشنو هل تناقض
أني أريدهم
وفرحانه بوجودهم
بس خاايفه
أني ملارررررر
تعرفون شنو ملااار
يعني أني ممقسومتلي الفرحه
من نعومة أضافري وأني معلعله
تالي وكت أرتاح ؟
مستحيل أدوملي فرحه

ندگ الباب بخفه
ودخل قبل لا أذنله بالدخول،

وأني مستمره بالبجي،

عَرفته من خطواته الهادئه

گعد عله طرف الچربايه،
وبس ضربت رجله أسمعها،

- أطلع برا

- شنو سبب هل تناقض ؟

- ماحبكُم

- بس أحنه نحبج

- كذاابين لو تحبوني معفتوووني

- كلمن مر بضروف وكلنه سمعتي ضروفنه

- محد مر بالمريت بي

- سجن جوا الگاع
ونعمة عيونه
ونحر برگبته
20 سنه مشايف الشمس ولا سابح ولا ماكل غير الخبز والمي
ونغدر من أخوانه
تشوفينه ضرف عادي ؟
تعرفين أبوج وين لگيته ؟
لو ما لحارس ألي چان علي
چان هسه أبوچ ميت
بس الحارس من مات سَعد
أجا وأنطاني خبر

لو مره تفقد رجلها وبتها وبيتها
وتتوسل ينطوها بتها وميقبلون ويهددوها أذا وصلت راح يقتلون بتها گبال عينها
وتنذل وتشتغل بمعامل الزبل

هم ضرف هين تشوفينه ؟

ما اقارنهم بضرفج لكن أيضاً ضروفهم چانت صعبه

- وأنتَ

- شنو الضل وماسويته حتى ألگاج ؟
فريت بغداد شبر شبر وما لگيتج
ذبيت افلوس عل مراكز لمن مليت وما لكولج أثر
أسهر الليالي واني ابچي
رجال وأبچي شبقيت للمره بعد ؟
تعرفين شنو يعني رجل عاجز ؟
أصعب شعور يحس بي لرجال
إنُ يشوف نفسه عاجز
أني جنت أشوف نفسي عاجز ناقص
گبال عيني ورحتي مني

ماا راح أگلج عشت أصعب منج
بس قدري ألي عشته
أيام ما أضوگ النوم والله
ولا الزاد
صرت أخرس حتى كلامي قليل
روحي خاويه ومالي خلگ أي بشر
تعرفين أني ماعندي ولا صديق
لا بالشغل ولا بالمنطقه
محد يعرفني أله قليل وهم علاقه سطحيه
كاره روحي
كاره العالم كُله
كل هذا لأنچ ماجنتي موجوده
ملار مكانج بگلبي مو مكان عادي
أنتِ مو شخص عادي بالنسبه أليه
أذا غاثج زواجي من شجن أطلگها والله
وهناك ادزها تعيش يم أمي

أريدچ
أريييدچ
قابل بيچ بكل حلوچ ومرچ
بس أفهميني

- ماا أستاهلك أوس عوفني شوفلك بنيه أني مو بنيه

- جاي أگلج قابل بيچ بكُل تفاصيلج
ألي صار مو بأرأدتج
ممكن غيري يشوفها قلة رجوله لو نقص
أقبل بوحده معتدين عليها
بس ماريد أصير أني والزمن عَليچ
أني جاي أحترگ من داخل
أموت ألف موته من أشوفج تتعذبين
عبالچ هينا عَليه ؟، ياخذون منچ أعز شي
ااخ ملار متعوب كُلش مو هينه عليه والله
رجال أني ألي كرامتي
بس الخاطرج أدوس عله كلشي

گومي كافي خطيه أمچ بقت تبجي هناك
وابوج مقهور
ليش هيج تاذيهم وهما سنين ينتظروچ

- أخاف أفقدهم أوس أخاااف

- الي چانو السبب راحو وصارو تحت التراب
هسه أجا وقت الفرج، بعد من شنو خايفه ؟

- ما أعرف

مد أيدها ولزم أيدي - گومي نطلع نگعد يم أهلج لأن كُلش ضايجين بسببچ

لزمت أيدا بقوا - أوس لتعوفني!

- وياچ للوحه
رفع أيدي وباسها،

وطلعنه سوا،

گعدت يم أمي وبست راسها وتعذرت منها
عل كلام ألي حجيته،
ورحت لأبويه هم بوست راسه وأيده

گعدنه وتغدينه سوا،
وجانت لمه شحلاتها،
وأني گاعدا بنص ماما وبابا
وأوكل بأبويه
وأضحك وأسولف ويا أمي
وأوس گبالي
بس يباوعلي ومبتسم

أول مره أعيش هيج شعور
شعور العائله
الأمان
الحنيه
الضحكه

نسيت خوفي
نسيت حزني
نسيت أيامي السود
كُلشي شمرته ورا ضهري

خلاص كافي لأزم أعيش
ألماضي صفحى واطويها من حياتي،

وأليوم أني اتبشر بأحلى خبر
من بعد 6 شهور أستمرار عل علاج
والأدويا
الاكياس نشالت من المبايض ورجعتلي الدوره
وراح أگدر أمارس حياتي طبيعيه مثل أي بنيه

رجع شعري طول،
وجهي صار صافي
بشرتي توحدت

گاعده بين أهلي  والمستحى واضح عله خدودي،
وجهي مجمر وگلبي طااير فوگ الغيم،

- ها خالو ؟

- خالي انتم مستوينها من زمان هههه

- هسه نتوكل على الله ونزوج ؟ توافق تنطيني بنتك ؟

- أذا بنتي موافقه بعد أني مالي علاقه،
ها بابا أمل شنو رأيچ ؟

تعودت عَله أسم أمل
وصرت أحبه
ولو ما أوس يصيحلي بأسم ملار جان غيرت لأسم
بي ما أگدر هم أحبه من شفاف أوس،

بتسمت - بكيفك بابا

هلهلت أمي وعمتي مياده ألي جانت موجوده طول الـ6 أشهر
فرحانه برجعت أخوها،

مياده وعيونها مغورگه دموع - والله صبرت ونلت يا أوس والله عوضك صبرك

أوس جان طاير من الفرحه وعيونه مانزلها عَني - بركة دعواتج يما

حچه أبو أوس - ألف مبروك وليدي

- يبارك بيك يابه يوم ألك

خزرته عمتي مياده - شنو ولك

ضحكنه كلنه،

حضنتني أمي وباست راسي - مبروك يروح أمچ

- الله يبارك بيج ماما

باوعت لأوس - حطها بعيونك يما داريها

- لاتوصين حريص خاله، أذا ماتشيلها عيوني أخليها بروحي وبين أضلوعي

باوعتله والدمعه بعيني
وعيني بعينه صارت،

سنين وأحنة متعذبين
وأخيراً رب العالمين جمعنه

البيت متلاٌ هلاهل ،
وفرحه شكبرها،
ماضنيت بيوم تغمرني هيج فرحه وهيج راحه

تنهدت وتذكرت ميامين الله يرحمها
حيل شتاقيتلها وتمنيتها يمي،
وأني أتذكر شلون تتنبئلي بالمستقبل
وجنها تعرف لكل بدايه حزينه نهايه سعيده
صح كلام الروايات والقصص
دائماً البدايات تكون مُأذيهَ والنهايات تكون مُرضيهَ
هذا مو كلام من عدنه أو جبنا من الكُتاب
لا بل هاي عدالة رب العالمين ولطفه بعباده

من ثاني يوم بلش أوس بالتحضيرات وجنه ممصدگ

قرر رجل عمتي مياده يبيع بيته ويسكن ويانه

وبابا وماما باعو ألبيت ألي رجعه ألهم أوس
وخلو بحسابهم،

عزمت الحجيه وبناتها،
الي زرتهم مره وحده من بعد ما طلعت من بيتهم فجئه
بشخصية.صخر الذكر
ورجعتلهم فجئه بشخصية ملار الأنثى،

فرحت الحجيه جانت شكبرها،
والبنات كذالك،

أخذت أمي وعمه مياده ورحنه للسوگ
شتريت كُلشي بنفسي
وشتريت دشداشه ألوان لأمي وخليتها تذب لأسود
وخليت الحفافه تحف وجهاا وحواجبها،

وعمه مياده هم رتبت نفسها،

خو أني طلعتهن كسر
بلايه حفافه ماحتاج لأنو عملية أليزر شالت كُل شعر وجهي،
أبوس روحي مممممُمُمُححح

رجعنه للبيت محملين أغراض
فتحلنه ألباب جعفوري،
صح أمه تطلع روحي منها وأخته ماطيقها
بس وجوده بالبيت كُلش حلو

وجنت جايبتله ملابس
شجن مجانت تطلع من غرفتها
قليل كُلش،

ماهتميت
وأصلاً چنت فرحانه لأن ما أشوفها
ما اريدها تنكد عليه فرحتي،

ماسوينه حنه،
بس ثاني يوم سوينه عرس
وهل أسبوع كُله ممنوع ألتقي بأوس
هذا قرار من عمه مياده وماما فرح

يگلولي خلي يشتاقلج
وتشتاقيله
ميدرون أحنه مگابلين بعض ونشتاق البعض،
ومن يجي يدخلني للغرفه ويغفلن الباب عليه
واوس أسمعه يداهرهن وهنا ميتات ضحك،

وأني اضحك ويا ضحكتهن
ومقهورا لأن ما أشوف أوس،

وصدُگ خطتهن چابت نتيجه،
ماشفته أله بالليلة ألعرس،

عالم هوسه ودگ وأغاني،
وأني روحي وبالي وتركيزي كُلها بيعيونه
وهوا لازم أيدي ويباوع بعيوني

- يصير أشِدچ لحضني وأتأمل عيونچ شويه ؟

بتسمت - أنتَ راح تبلعها لعيوني مو بس تتأملها

- ااخ شلون طالعه حلوه

- حبك الباين على وجهي ، محليني

- هيج ألحب يحلي ؟

- يخلي الواحد يجنن ههههههه

- أروح نذر الهاي الضحكه

- أوس كلامك أحسه يبوس گلبي

- مايصير أبوسچ أني بدل كلامي ؟

ضحكت - لا عيب

- وهاي رموشچ المَفروض كل ما تنرفع تنباس .

بتسمت بحب،

- حمامتي رديتي الضريحج

- انتَ يا أول ضريح ذنوبي تكثر من أطوفك.

ضحك بصوت خافت - شويه نگوم وأعلمچ الذنوب شلون تصير

بتسمت بخجل وحجيت - دور وجهك لتبقا هيج تباوعلي

- أحب أطبق عبارة "لاتغض البصر عن اشيائك الحلوه تأملها ."

- ليش اني شي تحبه ؟

- أشياء أنتِ مو شي واحد ،

- أحب سوالفك

- فَدوه ألچ روَحيَ وَ سوآلفها وحُزنها ،يا لبة گلبي أنتِ

- ساعات أحسك شاعر

- صرت شاعر بحبج مو بيدي هههه ياا شيخة گلبي

أذكرت شي - أوس

- عيونه وسنونه

- ههه ذكرت مره من زمان گتلي كلمه ومااعلمتني شنو معناها، گتلي "أنتِ گاعده بنص لأصمعان"

- يعني گاعده بگلبي ههه، لاصمعان مكان ذكي بالقلب وانتِ هيج گاعده بگلبي

أجت عمتي مياده

- عزا بعينكم فضحتونه
هسه نزفكو ودخلو أضحكو وسولفو براحتكم مو هيج گدام العالم

اوس - يما عليچ الله أطرديهم

- يماا صخام لصخمني تريد تفضحنى

- لو طردينهم لو تزفوني راح اتخبل

ضحكت - يبعد روحي شوف الفرحه شلون تاررستك ،صار والله هسه اخليهم يزفوك انعل ابو العالم

طفر باس راس أمه - كفوو

أجت ماما
- مبروك عليكم أن شاءالله

- الله يبارك بيج

دخلو بابا يسلم عليه،
جان كُلش فرحان،
بوسته وبوست أدي،

حجه - شوف ولك أوس مو تگول أبوها أعمى ومايگدرلي ترى أذا طخيت شعره منها احط جيله براسك

ضحك اوس - حطها بعيوني وعلي خالي أنتَ وياها وامها كولكم بعيوني

- بعد خالك دير بالك عليها ترا قطعه من گلبي هاي
نزلت دموعه،

حضنته وگمت أبجي،
وماما هم بجت

حجت عمه مياده - گولوا يالله شسالفه ترى كُلنه بنفس البيت مرايحين القاره ثانيه،

فرح - فرحانه يمياده هاي دموع فرح مو حزن ،سنين أحلم بشوفة بنيتي والحمدالله الله رزقني شوفتها وشفت هل يوم هذا ألي تتمنى كُل أم لبتها

- الحمدالله الله يتمملهم على خير يارب
وتشوفين جهالهم

- أمين،



يُتبع ....

هذا البارت لأخير من الجزء لأول 🦋.
أنتضرونه بالجزء الثاني،
بس مامعلوم يا وقت،

كلش أعتذر عن التأخير بس مجان الي واهس أكتب
وماحبيت أكتب بدون واهس وأخربها للقصه

اتمنى أذا أكو فد خطأ تنبهوني
أو أذا أكو فد شي ما ذكرته أو ذكرت معلومه خطأ

أني ممكن إرجع اصححه للبارت وأضيف علي تعديلات،
لأن مو كُلش مقتنعه ،بس لا بأس
لأن تأخرت عليكم هوايه عَذروني 🦋.

معنى أسم الروايه.
ذكرى أوس


أشباه لأبطال شويه وأنزلهم بين ما الگاهم 🦋.

شكراً لحبكم لهاي الروايه.
واتمنى تنطوني رايكم بيها بصدق

شنو تعلمتو منها ؟

حبيتوها ؟

شي محبيتو بيها ؟

معلومه ستفاديتو منها ؟



اليحب يتواصل وياي يدزلي رأيه أنشرا 🦋.
انستا
kri.v2




راح انقطع عَن الواتباد
وأكون متواجده بقناة التلي، گروب أني والبنات
نحجي عَن كولشي،

@lreema2




وهنا قناتي الثانيه الي انزل بيها روايات 🦋.

reemxix



  
             *مشهد*     ‏

گاعده ولازمه كتاب بين اديه، الي صارت جلد على عظم، اگلب بالكتاب بملل، مالي خلگ لشي،
اباوع بالفراغ،
رغم مساحة الغرفه الجبيره و لاثاث الفخم،
لكن كنما سجن، او يمكن لسجن ارحم منها،
تنهدت بحسره،
وگمت اباوع بالمرايه،
شكلي حيل متغير، وجهي ضعفان، عيوني حولها هالات سود، شعري الجان لحد افخاذي، صار فوگ اذني،

ندفع باب الغرفه بقوه،
دخل وعيونه تطاير شرار،

-شگايله لابوي ولججج

باوعت برود ،ومارديت
درت وجهي ومشيت تمددت عل جربايه،
شراح يسوي يعني أكثر من الي سوا

غمضت عيوني،
واني اتخيل شنو ممكن يسوي،

فتحت عيوني من حسيت اكو ثگل فوگ جسمي،
جان حاط 3 جگاير بين شفايفه، ستغربت شكله،
بثانيه ماحسيت اله وهوا شاگ ثوبي من الطول للطول،

حاولت اوخره وادفعه،
لكن جانت قوته امام قوتي لاشيء ،
،

يتبع .....

عمري،راح ابلش بيها ان شالله ،وكل وقت فراغ انزللكم ،
بس اهم شي اذا شفت تفاعل استمر،
🦋🤍

حسابي لانستگرام،

kri.v2

البارت ( لاول )

غرور انثى وشموخ رجل

#للكاتبه_ريـم_نايف

""""""""

"" اللهم صلِ على محمد وأل محمد ""

اسراء،
مجتمعين كُلنه عل سفره وضحكه وسالفه،
كُلش احب هاي الجمعه،
ودنسولف عن ايام قبل ونسترجع ذكرياتنا ويا بابا

اسراء بضحكه - تذكر لمن برو سوتها على ملابسك واحنى جنه طالعين بيت عمو سلام هههههه

براء بوزت - شنو شوكت

ضحك بابا - اي، دائماً جانت تخليني بمواقف محرجه هل برو

براء مسويه نفسها زعلانه - يعني متحبني صح ؟

جراها بابا لحضنه وباسها براسها - شلون ماحبج انتِ غير قطعه من گلبي

رفعت تك حاجب و باوعتلهم - اي عيني واني شنو ناطور خضره؟

ضحك بابا
وكل مايضحك كأنما نسمة هوى اداعب گلبي،
رغم الفقر والعوز ويتم لام لَـگِنْ بابا عوضنه عن كُلشي، وضحكته هيا اساس فرحتنه،

جرني من متني وحضني وباسني براسي،
- اميراتي وحبيباتي شعندي غيرجن اني
انتن كلشي الي بهاي الدنيا اللّـه لايحرمني منجن

بوسنه أدي اني وبراء،
وهوا ضل يباوعلنه وعيونه بيها دموع

سألته - لُيش هل حزن ؟

تنهد ومسح عيونه - احس نفسي مقصر وياجن وما موفرلجن كلشي

بتسمت - بابا وجودك كلش كافي،واحنى الحمدالله ممحتاجين شي

- حرمتجن من الدراسه والطلعه، بس والله من خوفي عليجن

ببتسامه رغم انُ هل اشياء بنفسنه من زمان
لكن وجوده لـبابا وخوفه علينه من الشارع والناس
صرنه نتغاضه عن هذا الأمر
- انتَ لو ما تحبنه وتخاف علينه مجان سويت هيج وعادي احنى تأقلمنه

براء - بابا حبيبي احنى نحبك لتحجي هيج والله ابد انتَ ممقصر ويانه بشي

بتسم وحضنه بقوه،
وبعدها نهض من مكانه - اني طالع ،باباتي محتاجات شي ؟

- لٱ حبيبي سلامتك، الله وياك
گلت هيج واني انهض ورا ،وانطي غترته المعلگه
بسمار بالحايط ،

خلاها على راسه وتشكرني،

وگف بالباب واني وراء،
وكل عاده، - سدي الباب زين ولاتفتحينه اله من احاجيج اني

- صار بابا

طلع، وغفلت الباب ورا

رجعت لبرو،
- ها يحلو شو ضايج ؟

- يعني بابا يعرف نفسه حارمنه من كُلشي لُيش هيج
مو هاي العالم دتخلي بناتها بالمدارس يعني معقوله كُلهن هسه منحرفات ؟

- بابا من خوفه علينه وحرصه، احنى بس بنات وماعدنه لٱ اخ يدير باله علينه بغياب بابا ولا عدنا أم من نوگع بفد مشكله نلجئلها او تگعد و تنصحنى وتحل مشكلتنه
والعالم الخارجي ترى يخوف،

- يعني انتِ بهذا عقلج ممكن تسوين فد غلط؟ ترى احنى نفتهم

- من كبرنا صرنا نفتهم لكن قبل ممكن ننخدع بأي شي

- ماعرف اني ما احس نفسي عايشه مثل بقية العالم، اني آحـب بابا بس احس نفسي مسجونه هنانا لا نطب لانطلع الى متى يعني؟

- كافي براء، الحمدالله مستورين وماعدنه شي

ضلت تتذمر مثل عادتها،
احياناً اوافقها الرأي، لكن من جانب اخر
اشوف بابا ويا حق ،لكن خوفه ممكن كان مبالغ بي
لدرجه يغفل الباب علينه بالليل لو نام ،
لكن اسلوبه وتعامله ويانا و حنيته خلتنا نتغاضا عن بعض لامور المزعجه النا ،

كانت براء مراهقه ،
واكبر احلامها انها ترتبط برجل يطلعها من هذا السجن حسب ماتسمي هيا،

مرت لأيام كـ عادتها هادئه،
عائله صغيره، يمليها حنان لأب
ألي معوضنا عن لأم الي فتقدناها باحد انفجارات بغداد
بعمر صغير،
كانت براء طفله صغيره، واني اذكر عمري كان 5 سنوات،
بابا هوا الي أهتم بينه، من لبس ومأكل ومشرب
لكن بالوقت الي كان يروح بي لواجبه بالحراسه المدرسيه
الي هوا من الساعه 4 العصر لحد ال7 بالليل
اخذت دور لأم، بعمر صغير
واجهت صعوبه بالبدايه لكن بعدها تعودت،
ربيتها على ايدي،
حالياً اني عمري 20، وهيا عمرها 16،
تشبه لبابا بشكل فضيع،
واني اشبه الماما الله يرحمها،
دائماً ألاحظ بابا يصفن بوجهي ويبتسم بحزن
وهوا يگول - تذكريني بأمج الله يرحمها بشكلج وكلامج، حتى بحنيتج على اختج

كُلش افرح انُ اني اشبها لماما،
هواي يسولفلي عنها وعن طيبتها،

،،،،،


باوعتله بغضب - انتَ شوكت تستعدل؟

ابرود - مااستعدل شعدك وياي ياخي خليني اتونس بشبابي جنك عيوز ماكول عشاها

- لاحول الله ،غسان كافي استعدل رحمه لدينك اذا باقي دين براسك ما ضلت وحده بالجامعه ما *

- هنا گح*** شسويلهن تجيني فاكا روحها شسوي اردها ؟ وخل اگلك شغله بالعباس ما اجتني وحده شريفه كلهن ملعوب بيهن

- وانتَ شنو مثلاً تقدم خدمات مجانيه ؟ للـ***

- يا مجانيه ترى ذاب عليهن كوما فلوس، بس الزرگه الجلحه ملحه ابلاش، شبيك جا اخلي بنفسهن ؟ حرام مايجوز

سكتت واني لعبانه نفسي،
كل عاده من احاجي مايسمع مني،
والمشكله ما أگدر اعوفه احبه، رغم الحجي الي اسمعه عني بسببه لأن اماشي، وكلها تعرف طينته شنو،
بس هوا لشخص الوحيد الواگف وياي بكل شده
وساندني بأصعب ايامي، ماكدر اعوفا وكلمن ذنبا على جنبه اني انصح بي شنو البيدي اسوي بعد ؟،

باوعتله - لادخن بالجامعه لٱ يلگفونك

- لٱ والله دافعلهم فلوس ومايخلوني ادخن؟
بعدين ترى الجگاره تجذب انظار البنات

- ميت على جنس حوا

- اقذر جنس

- لعد شكو كاتل روحك عليهن ؟

- هنا گح*** ورخاص شسويلهن واني آحـب اذل المره، ماتشوفهن من يصيرن بين ايديني شلون تضل تتلوه وتصيح، استمتع

- كافي غير الموضوع وذب الجگاره لٱ تسويلنه مشكله

ذب الجكاره وداس عليها برجله،
- ولايهمك ضرغومي حبيبي وهاي الجگاره اذبها بس لاضوج

باوعتله بطرف عيني، وسكتت،
هذا غسان وهذا طبعه شبيدي علي،


،،،،


مجتمعين على وجبة الغده

ابو جواد - وين جواد ؟

- بغرفته

- والى متى يضل هيج ياكل بغرفته ؟

بقلة حيله - شسويله ماتگلي

تنهد - لاحول الله

عسل - ميخالف بابا خلي يسوي اليعجيه لمهم يكون مرتاح

- يي لشوكت يا بنيتي،

- بعد هوا هيج شنسوي شبيدنا

- شنو رأيك نزوجا ؟ بلكت يتغير

- ومنو تقبل بي ؟ اروح اظلم بت الناس ؟ تقبلين تنطين بنتج الواحد مثل حالته ؟

- گول يالله ترى هوا مابي شي بس شوية مرض ،بلكت الله و تعالجه التاخذه

- انسي هاي السالفه ام جواد
وكافي سدوا الموضوع،

عسل،
كملنه اكل بدون منحجي
واني اشوف الحزن واضح على ماما وبابا،
واني كذالك گلبي يوجعني على حالة اخويه



يتبع ....


بارت خفيف ☺️
الدسومه جايتكم بالبارتات الجايه ان شالله

تابعوني عل انستا يحلوين 😉

kri.v2




وهنا عل تلي خاف يعطلون الواتباد 🥹😂

reemxix

يجي يوم ارجع اقوى من قبل 🫰

في القادم يُسرٌ يَسُر 🍃 💙

كلتها وارجع اكولها ❤️‍🩹

بنات