نتمنى الحياة تحن على خوي
على قد خوفي عليه،
نتمنى نشوفه بخير
وفي خير، يارب نشوفه الضحكة معبيه ملامحه، نشوفه في عز وأمان، يارب سخر له الأرض ومن عليها♥️

وأجعل أيامي رحبة بنعم لاتزول يارب❤️

يارب ماتقعدليش ولا مـادة
لان الله وحدة يعلم كيف فات عليا سيمستر.❤️‍🩹

خليها في بالك : كلية الهندسة هيَ تختارك مش انت تختارها ❣️

#هندسة

اللهم اجعل تصحيح اوراقي برحمتك
لا بشدة البشر واجعل من يتولى
صوابا ينسى ولا جهدي يضيع ولا
تعبي يذهب
اللهم اجعل نتيجتي اعلى من
توقعاتي و اجمل مما تمنيت
وابشرني بما يفرح قلبي ويشرح
صدري
اللهم اني استودعتك مستقبلي
فاحفظة لي بخيرووفقني لما تحب
وترضى يا ارحم الراحمين🩷🩷🩷🩷🥹

وراء كل مهندسة ناجحة ، توفيق الله ليها ، ودعم عيلتها واجتهادها ♥️♥️♥️✨

يوصلني للكلية في الوقت ويرجع للعمل
يروح بيا
و يرجع للعمل
و مرات يستناني قدام الكلية بالساعات
يرفعني لصاحبتي القريبة و البعيدة
يروح بيا أمتى ما نبي
يرفعني للكورس
يدور على كتاباتي في المكاتب
يرفعني للمسابقات و التدريبات
يتحمل في الزحمة
يسألني بين الفترة والثانية لو مزال نبي مراجع
يشجعني
يدعمني
ينزل معاي لو مشيت بروحي بنأخذ نتيجتي
لو عطل عليا يتصل بيا و يشوف لو بروحي ولا معاي حد يسايرني
يسمع مني

أشهد وأقرّ بأن أبي العظيم لن ولم أوفِّي حقّه ، فما قدّمه من دعم و سند لا يسقط بالتقادم ولا يُقاس بمعيار ، وعليه أتعهد بأن يكون كل إنجاز أحققهُ شهادة إعتزاز بإسمه ، وردّاً جزئياً لدينه الذي لا يُرد .

حقا إن الأباء أبطال بناتهم ♥️.

الشخص اللي تسأله
وينك! ، و يرد بصوره ❣️.
You’re perfecttt

اليوم بس عرفت شن معناها الصحبة الحقيقية، وقداش وجود الشخص الصح في حياتك يفرق.

جربت نمشي في الطريق بروحي، وجربت نمشي ومعاي صحبة صالحة، وصدقوني الفرق كبير.

الصاحب الصالح يهون عليك التعب، يشاركك همّك، ويخفف عليك الحمل حتى بكلمة ولا ضحكة. تعيشوا مع بعض لحظات التوتر قبل الامتحان، والزعل على الدرجات، والفرحة بالنجاح، وكل لحظة يكون ليها طعم مختلف لأنه فيه حد يشاركك فيها.

الفرحة تكبر، والحزن يخف، والطريق يولي أهون مهما كان صعب.

والحمد لله على نعمة الصحبة الطيبة، نعمة تستحق الشكر كل يوم.

وأصعب حاجة هي لحظة الوداع... لما كل واحد يمشي في طريقه، ومحدش يعرف الأيام شن مخبية، وهل بنلتقوا من جديد ولا لا.

لكن الحمد لله على كل حال، وأقدار ربي كلها خير. ولو كتب لنا نجتمع مرة ثانية، بنرجع نحيوا أجمل الذكريات ونصنعوا ذكريات أحلى. ولو فرقتنا الأيام، يكفينا إن كل واحد فينا خلّى أثر طيب في حياة الثاني. 💙

-
❣️ يَـا مَـنْ آتَيْـتَ مُوسَىٰ سُـؤْلَـهُ كُلَّـهُ دَفْعَـةً
وَاحِـدَةً، لَا يَعْجِـزُكَ أَنْ تُؤْتِيَنَـا مَـا نَتَمَنَّـىٰ وَنَرْجُـو ❣️

اللي يتعامل بالحنية عمره ما يرجع خاسر.. 🤍

الحنية مش ضعف، الحنية أخلاق وتربية وأصل طيب.

إنك ما يهونش عليك تجرح حد بكلمة، ولا تكسر خاطر شخص محتاج منك موقف أو كلمة طيبة، ولا تزعل إنسان يحبك ويقدرك.

الحنية إنك تراعي مشاعر الناس، وتعرف إن الكلمة الزينة صدقة، وإن جبر الخواطر من أجمل الحاجات عند ربي.

الإنسان الحنين يخلّي أثره الطيب في كل مكان يمشي له، والناس تتذكره بالخير حتى بعد غيابه.

ربي يحنّن قلوبنا على بعض، ويخلّي فينا الرحمة والطيبة، ويديم الحلو اللي مازال ساكن في نفوسنا. 🤍

السيم هدا نقروا فيه من ايام ندعي اللهم بلغنا رمضان !!
وخشينا ع عاشوراءءءءءء😂💔

ولعلّ لنا في الغد ، أفراحٌ لا تُعد ❣

-
من طابَ قلبهُ ، طابَت ملامحَه دونَ أن يتصَنع ❣

*هل تعلم أين توضع ذنوبك وأنت في صلاتك ؟ ❣

*قال رسول الله صلى الله عليه وسلم*
*"إن العبد إذا قام يصلي أتى بذنوبه كلها فوضعت على رأسه وعاتقيه فكلما ركع أو سجد تساقطت عنه"*

*فيا من تتعجل في صلاتك*
*أطل سجودك وركوعك لتتساقط عنك الذنوب*
*فاللهم اجعل الصلاة قرة أعيننا وأجعلنا نصليها على الوجه الذي يرضيك عنا❣

لا تيأس إذا تأخرت أمنيتك، فالله لا يؤجل العطاء إلا ليعطيك كرمًا يدهشك حتى ترضى.

مفيش وقت للإنهيار
عين تقرا وعين تبكي 💔

بسم الله على قلبي حتى يهدأ
بسم الله على نفسي حتى تطيب
بسم الله على ابتسامتي حتى تعود
بسم الله على كل ما يهلك نفسي
بسم الله على أيامي حتى تتجمل
بسم الله على همومي حتى تزول
بسم الله على أقداري و أحوالي حتى تتغير لأفضلها♥️

أجمل ما في أيام الامتحانات:
▫️فهمت هادي؟
▫️نشرحلك فويس؟
▫️استني انا النت عندي قوي حندور الدرس ونبعتلك.
▫️ممكن تفهمني الجزء هدا؟
▫️المحاضرة هادي لقيتها وانا نقلّب.
▫️ماتقلقوش إن شاء الله خير.
▫️هتعدي زي ما كله عدى.
▫️تصدقوا؟ حنجيب تقدير مليح باذن الله .
▫️نمت امتى؟
▫️ امتى انوضك؟
▫️بديت أحسن توا ؟
▫️خد امتحان السنه الي فاتت يمكن يجي منه.
▫️طمني شن صار جاوبت؟
▫️لما تروح متنساش ابعتلي حجات الماده الي بعدها…

هانت ما تبقى إلا القليل ، ثق بتدبير الله