نخاف يكون اللي حاسه صح ونخسر حاجات ما نقدرش نكسبها الا لو كان احساسي غالط، وانا احساسي عمره ما كان غالط، فا هكي عمري ما حنكسبها وبهكي محسومة لكن قاعد خايف.

ما تقدرش تتخيل تكون في مكاني، لأني أنا نفسي انحطيت في مكانات مش متخيّلها، كل يوم نفيق على نسخة مني ما نعرفهاش، ما نكرههاش وماعنديش مشكلة معاها ونقدر نفهمها، لكن ما نقدرش نتقبّل حقيقة إنها انفرضت عليا، بين شعور يوجع، وبين وعي ورضى، وشوية تعب من السكات برا والدوشة الداخل

فهمت روحي لدرجة نقدر نميّز بين النفس اللي مرتاح فيه والنفس اللي مخليني عايش وخلاص، فهمت روحي ومع ذلك ما قدرتش نساعدها، لأن مش في مكاني، وغالباً مالياش مكان.

ديما نبي أقل شيء ساعة في اليوم ننعزل فيها على كل شيء، نتأمل في الفراغ ونتعامل مع روحي كأني شخص مختلف على الشخص اللي عنده مسؤوليات وأفكار ما تكملش، ساعة نتجرّد فيها حتى من الحاجات اللي نحبها وتريحني، ساعة واحدة بس على الأقل نفضي فيها دماغي من سنين هلبا.

بعد كل شيء أنا ديما حنتمنى ما نكرهش حاجة حبيتها، وما تتغيرش نظرتي للحاجة اللي ماعمريش عرفت نغضّ نظر عليها، نتمنى نعيش مش مضطر نغيّر الموضوع، ولو تقاطعت الطرق ما نكونش محتاج نغيّر طريقي، نتمنى نكون ديما قادر نتفكر كل شيء من دون ثقل، ويكون قلبي متطمن حتى وهو بروحه.

الأيام الفاضية واللي معبية ملل، حتقعد أفضل أيام حياتي، أيام مافيهاش حاجة تضايقني في وقتها، ولا حاجة حلوة بتولي ذكرى توجع بعد وقت، فـ يعني مانبيش أكثر من هكي.

انا منضركش لكن فعلتك ما ننساهلكش

ازمتك تافهة جدا في عين اللي ممرش بيها
ف شد روحك و ما تشكي لحد وشيل شيلتك بروحك

i tried and tried and tried
till the "r" switched place with the "i".

خليك معاي علي الحلوه
المره انت مش قددها .

انت نتاج خلواتك ،العبادة ، اقرا و طالع الحاجات الجديدة ،شوية رياضة ،تجارب مفيدة ( ورشة علمية ) ، ندوة عن شي معين ، حـ يظهر قدام الناس سلامك الروحي ، ثقتك بعلمك ، لياقتك البدنية ،خبرتك المفيدة ، و فن في التعامل ، اما تعبيها خلواتك تفاهات و ضحك ، مع معاصي حـ تظهر خفيف قدام الناس و غير متزن . ربي يثبتكم

بينما كانت الأيام تهددم فيا ، أمي كانت بدعائها بعد الله تبني كل خير في طريقي .

بعد 20 سنة من توا حـ تتمني ترجع لهذا العمر بالتحديد بهادي الصحة و الملامح والتفاصيل لـ انت توا تشوف فاها عادية ، و حـ تعرف وقتها انه الايام هادي لـ كنت تشتكي منها هي نعمة حقيقية ما انتبهتش ليها ،فـ أهدي شوي خود نفسس هك بالشوي ، وشوف للأيام هادي حاليا بعين الإمتنان و الشكر عليها ،مش بـ عين انك معتاد عـ الوضع و انه حاجه عادية .

احيانا نندموا هلبا علي تصرفات درناها ، لكن في النهاية احني بشر تحكمنا مشاعرنا اكتر من عقولنا ، احيانا عقلك يقولك فيه خير و المنطق كذلك ، بس مشاعرك صبرها تم ،لانه ملقتش غايتها.

تجيني لحظات نفقد فيها الشغف و نقول تو علاش احنا نتعبوا و نقروا ونخدموا ومشقيين روحنا هكي!!

تو بالله مش كان مرتاحين وندوروا في حجز في استراحه او مكان نمشوا نغيروا فيه جو بعد العيد ولا حتى راقدين ومرتاحين مش خير من هالحرب الي تورطنا فيها وضيعنا عمر العشرين فيها 🥲
لكن ما تنسي نفسك ، و اهلك و احبابك كلها مستنية منك تنجح ، هو عمر واحد اعطي فيه افضل شي سواء دراسة ، عمل و متخليش حد يقولك شن الفايدة ،لانه الفايدة تبان بعدين .

يُخجلني إهتمام شخص، لم أصنع له يوما معروفًا ، ويؤلمني تجاهل شخص، أشعلت له أصابع يدي شموعا .

الي يعشّم الولاية ما يربحش

الطريق طويلة هلبا وصعبة، فيها تعب يطفي الحماس، و وِحدة تخليك تشك حتى في روحك، وفيها أيام تمشي فيها في جيهة ودماغك في جيهة تانية بكل وكل خطوة بالحمل متاعها

الطريق مش بشخص، وجملة "الرحلة فردية زيادة عن اللزوم" ما نقالتش بلاش، لأن مهما كان محيطك كويس مافيش حد حيمشي بدالك، ومهما حاولوا يساعدوك، في وجع وتعب لازم أنت بروحك تمر بيه باش تتعلم تساعد روحك، وباش وقت توصل تحس بقيمة اللي أنت فيه، تحس بالمكسب الحقيقي لأنك الوحيد اللي يعرف قداش خسرت من روحك باش توصل.

"ياربّ إني مُحسن الظن في تدبيرك فتولّني".

رتبة العلم أعلى الرتب ✨

الناس نوعين
نوع يشوف العمل جزء من الحياة
نوع يشوف الحياة جزء من العمل
انا حرفيا من النوع الاول ،النوع لي يبي يرتاح بعد العمل ،يطلع يدور يغير جوه ، يلعب ، منحبش ندخل العمل لـ حياتي ولا حياتي للعمل ، العمل جزء و حياتي حاجه اكبر ، متخليش وقتك للعمل لانه ح تتقاعد بأمراض و ضغط نفسي ، بل خلي العمل جزء من حياتك و ريح بالك ، لأنه ما فيش أفضل من حياة مع أهلك و احبابك و انت فيها بعقلك مش متوتر .