💡Марғилонда корхона 1,8 млрд сўмлик электр энергиясидан ноқонуний фойдалангани аниқланди

Маълум бўлишича, ўзбошимчалик билан тармоққа уланган корхона электр таъминоти компаниясига 1 млрд 839 млн сўмлик зарар етказган.

🚀@raketauzb

🇺🇸АҚШ Ғазодаги инсонпарварлик миссиясини ёпади

​Бу ҳақда Reuters агентлигига дипломатик манбалар хабар берган.

Трамп маъмурияти Ғазо яқинида жойлашган Фуқаролик-ҳарбий мувофиқлаштириш марказини ёпишга қарор қилди. Ушбу марказ Исроил ва ҲАМАС ўртасидаги сулҳни кузатиш ҳамда инсонпарварлик ёрдамини мувофиқлаштириш учун масъул эди, бироқ танқидчилар уни ўз вазифасини уддалай олмаганликда айблаяпти.

​Марказнинг вазифалари яқин орада Ғазода жойлаштирилиши режалаштирилган Халқаро барқарорлаштириш гуруҳига (ISF) ўтказилади. Бу ўзгариш доирасида ҳудуддаги АҚШ ҳарбийлари сони 190 нафардан 40 нафаргача қисқартирилади ва уларнинг ўрни бошқа давлатлардан келган фуқаролик ходимлари билан тўлдирилади. Гарчи Оқ уй марказнинг ёпилиши ҳақидаги хабарларни рад этаётган бўлса-да, дипломатлар бу қадамни Трампнинг Ғазо бўйича режаси инқирозга учраётганининг белгиси сифатида баҳолашмоқда.

🚀@raketauzb

#Билиб_олинг
❗️Ипотека кредити бўйича даромад солиғини қайтариб олиш усули.

Ипотека тўлаётган бўлсангиз, ойлигингизнинг маълум бир қисмидан 12% даромад солиғи ушланмайди ва ўша пул ўзингизда қолади фақат маълум шартлар асосида.

Солиқ кодексининг 378-моддаси 16-бандига кўра,

Йил давомида ипотека асосий қарзи ва фоизлари учун тўлаган пулингизнинг МҲЭКМнинг 80 бараваригача (тахминан 84-85 млн сўм атрофида) бўлган қисмидан даромад солиғи олинмайди.

Маслан, Агар ойига 10 млн сўм топсангиз ва унинг 5 млн сўмини ипотекага тўласангиз, ўша 5 млн сўмдан 12% солиқ ушланмайди.

Бироқ имтиёздан фойдаланишнинг 2 та шарти бор.
1. Субсидияга олинган бўлиши керак
2. Ёш оила бўлиши керак

Субсидия бўлиши шартми?
Ҳа, лекин ҳамма учун эмас. Бунда сиз, Ипотека олганда давлатдан субсидия (бошланғич бадал ёки фоиз учун) олган бўлсангизгина бу солиқ имтиёзидан фойдалана оласиз.

Агар сиз "ёш оила" (эр-хотиннинг иккаласи ҳам 30 ёшдан ошмаган) бўлсангиз, субсидия олган-олмаганингиздан қатъи назар, бу имтиёз сизга берилади. Имтиёз эр ёки хотиндан бири 30 ёшга тўлгунига қадар амал қилади.

Уйни сотиб юборса нима бўлади?

Агар сиз ипотекага олинган уйни 3 йил (36 ой) ичида бошқа бировга сотиб юборсангиз ёки номига ўтказсангиз, Шу пайтгача давлат сизга берган (солиқдан чегириб қолган) ҳамма пулларни давлатга қайтариб тўлашингизга тўғри келади. Давлат буни "имтиёздан нотўғри фойдаланиш" деб ҳисоблайди.

Бу имтиёз нафақат асосий қарз олувчига, балки у билан бирга кредит олган (бирга қарз олувчи) оила аъзоларига ҳам тегишли. Фақат ҳамманинг жами фойдаланган имтиёзи юқорида айтилган суммадан (80 баравардан) ошиб кетмаслиги керак.

Агар субсидия билан ипотека олган бўлсангиз ёки ёш оила бўлсангиз, ойлигингиздан ушланадиган даромад солиғини ипотекага йўналтириб, пулингизни тежашингиз мумкин. Фақат уйни 3 йил ичида сотиб юборманг.

Яқинларингизга ҳам юбориб қўйинг.

🚀@raketauzb