Атмасфэра насамрэч мірная, нават жыцьцярадасная, перадае карэспандэнт Свабоды, людзі прыгожа апранутыя, шмат сьцягоў і плякатаў, у калёнах гучыць музыка, скрыпач грае «Муры», а нейкі гурт — рэйв, маладыя танчаць пад іхную музыку

Менск, стэла проста цяпер

А гэта фота таксама са стэлы ў Менску!

Горадня. У канцы калёны ў раёне аўтавакзалу пачаліся адзінкавыя затрыманьні. Тыя, хто адышоў далей, разьвярнуліся і пайшлі ў бок аўтавакзала. Скандуюць «Адзін за ўсіх і ўсе за аднаго». Абʼяднаная шчыльная калёна зноў накіравалася на псыханэўралягічны дыспансэр

У Менску адкрылі ўсе станцыі мэтро. Апошнімі днямі іх закрываюць «у нагу» з калёнамі пратэстоўцаў — цяпер асноўная маса людзей ідзе ў бок Стэлы, а там мэтро няма. Бліжэйшая станцыя — «Фрунзэнская» за 1 км ад Стэлы

Паўторымся, што сёньня пратэсты праходзяць ня толькі ў Менску, але і ў іншых гарадах Беларусі! На відэа - пратэст у Берасьці!

Асноўная частка калёны падышла да стэлы і пайшла далей. Як расказаў Свабодзе ўдзельнік маршу, рок-музыка Андрэй Казлоўскі, пры гэтым «хвост» калёны яшчэ ў раёне Палаца спорту. Па яго словах, сілавікі не рызыкуюць набліжацца да людзей. Некалькі машын для перавозак асабовага складу вайскоўцаў паспрабавалі пад’ехаць, але хутка адʼехалі пад воклічы «Ганьба!», «Ніколі не даруем!». Таксама дэманстранты ігнаруюць патрабаваньні міліцыі спыніць «незаконныя акцыі».

Менск, стэла. Выглядае, што людзей сапраўды прыйшло болей, чым у мінулыя выходныя

А вось і відэа з вышыні! Можаце ацаніць колькасьць людзей!

Калі вы толькі зараз адкрылі тэлеграм і зусім ня ведаеце, што адбывалася ў Менску цягам гадзіны — паглядзіце кароткае відэа, каб быць «у тэме» 🙂

Віцебск сёньня

“Спартоўцы з народам!”
У калёне спартоўцаў ідуць вядомыя баскетбалісты Мікіта і Ягор Мешчараковы, цэнтравая зборнай Беларусі па баскетболе Алена Леўчанка

У Менску затрымалі карэспандэнта расейскага агенцтва ТАСС

Карэспандэнт ТАСС Іван Калыганаў у нядзелю прыбыў у Менск для асьвятленьня падзеяў у Беларусі, паведамляе агенцтва. Як вынікае з паведамленьня, якое прыйшло зь ягонага тэлефона, Калыганаў ужо дастаўлены ў Кастрычніцкі РУУС. 30 жніўня ён прыбыў у Менск і ўвесь час знаходзіўся ў сваім нумары ў гатэлі «Менск», на вуліцу не выходзіў.

Як адзначае расейскае інфармацыйнае агенцтва, на гэтым тыдні ўжо затрымлівалі трох карэспандэнтаў ТАСС, аднак пасьля праверкі дакумэнтаў адпускалі.