У Лёндане пачалася цырымонія пахаваньня каралевы Лізаветы II.

Больш фота: https://rferl.link/rbR7

З VPN або з-за мяжы

Амністыю, якой не дачакаліся 17 верасьня, абяцаюць неўзабаве.

Адпаведнага законапраекту чакаюць ва ўрадзе.

У той жа час у Палату прадстаўнікоў ужо паступіў законапраект аб пазбаўленьні грамадзянства беларусаў-«экстрэмістаў», якія зьехалі за мяжу.

https://rferl.link/NWWA

З VPN або з-за мяжы

Ня толькі Сахашчык. Амаль 9 тысяч беларусаў атрымалі расейскае грамадзянства з пачатку году.

І толькі 27 украінцаў атрымалі статус уцекача ў Расеі, хоць выехалі туды больш за мільён чалавек.

https://rferl.link/Nx9Z

З VPN або з-за мяжы

«Бел-чырвона-белы» – унікальнае беларускае слова.

Не таму, што яно з трох частак, а бо яго першая частка бел- гучыць асабліва ўзвышана, калі ведаць народныя песьні і паэтычную клясыку («бел-сьвет» у Купалы). Гэтае слова – у гімне БНР, і яму ўжо сто гадоў.

А вось «бэ-чэ-бэ» лепш не казаць: няма сакральнасьці.

Тлумачыць мовазнаўца Вінцук Вячорка.

31 год таму беларускія нацыянальныя сымбалі бел-чырвона-белы сьцяг і герб «Пагоня» зацьвердзілі як дзяржаўныя.

У Менску вялікія чэргі ў крамы H&M: сетка распрадае рэшткі тавару, пакідаючы Беларусь

Беларусы публікуюць фота і відэа з гандлёвага цэнтру.

«Гэты народ не перамагчы».

https://rferl.link/NWWW

З VPN або з-за мяжы

Што пішуць раёнкі. Сабралі сьвежыя загалоўкі:

🖊 «Адкрылі сэзон паляваньня на гусь». «Трыбуна працы», Бабруйск

🖊 «Своечасовасьць выплаты заработнай платы – на асаблівым кантролі». «Слонімскі весьнік», Слонім.

🖊 «У Высокаўскай СШ пачаўся тыдзень беларускай мовы». kamenec.by, Камянец

🖊 «Цікава і весела жыць у вёсцы сямʼі Натальлі Яморскай і Міхаіла Чаховіча». www.postawy.by, Паставы

🖊 «На плошчы Свабоды ўсталявалі альтанкі: маладыя ацанілі». «Працоўная слава», Валожын

🖊 «Безь віны вінаватыя». «Прыпяцкая праўда», Нароўля

Музыка Ігар Банцэр выйшаў на волю пасьля 45 дзён арышту

Праз гэта «Медиазоне» расказалі яго блізкія. Паводле іх, Банцэр «знаходзіцца ў цяжкім маральным і фізычным стане». Яго судзілі за распаўсюд «экстрэмісцкіх матэрыялаў».

Карбалевіч: Пуцін і Лукашэнка спрычыніліся да разбурэньня сусьветнай стабільнасьці «лізавецінскай эпохі»

На пахаваньне Лізаветы II у Лёндан прыехалі каля 500 прадстаўнікоў з амаль двухсот краін сьвету. Аднак не Беларусі і Расеі. Наш аналітык Валер Карбалевіч знайшоў пэўны сымбалізм у тым, што Лукашэнка не паехаў на разьвітаньне з ангельскай каралевай:

https://rferl.link/Nx9J

З VPN або з-за мяжы

Фота: Reuters

💸 «Белпошта» ўвяла плату ў 15% за буйныя міжнародныя пераводы

«Інфармуем, што РУП „Белпошта“ з 17.09.2022 уведзена плата ў 15% ад сумы міжнароднага паштовага грашовага пераводу, якая перавышае 4 000 руб. у каляндарны месяц:

🔸 за выдачу і пералік наяўных грашовых сродкаў пры выплаце ўваходных міжнародных паштовых грашовых пераводаў у апэрацыйных касах аб’ектаў паштовай сувязі і дома;
🔸 за дасылку на пісьмовае распараджэньне атрымальніка міжнародных пераводаў на бягучы (разьліковы) банкаўскі рахунак», — гаворыцца ў афіцыйным паведамленьні.

Раней «Белпошта» таксама стала браць плату за прыём плацяжоў і пераводаў з картак замежных банкаў.

Як хоча адраджаць Беларусь «пераходны ўрад» Ціханоўскай. Інтэрвію з прадстаўніцай па нацыянальным адраджэньні

Былая вядоўца Белсату Аліна Коўшык увайшла ў Аб’ядананы пераходны кабінэт Беларусі. Яна стала яго прадстаўніцай па нацыянальным адраджэньні.

У інтэрвію Свабодзе Коўшык расказала, чаму пагадзілася далучыцца да «пераходнага ўраду», што мае намер рабіць на новай пасадзе, як разумее нацыянальнае адраджэньне і ці ёсьць сэксізм у Аб’яднаным кабінэце.

🎥 https://youtu.be/uER0chvBZwQ

Чытаць: https://rferl.link/ryDv

Кішынёў запатрабаваў ад амбасадара Беларусі тлумачэньняў за словы Лукашэнкі аб магчымым уцягваньні Малдовы ў вайну

Напярэдадні за словы Лукашэнкі аб тым, што «ЗША падштурхоўваюць Эўропу да ваеннай канфрантацыі з Расеяй», а наступнымі ўцягнутымі ў канфлікт могуць быць Малдова, Польшча, Румынія ці краіны Балтыі, МЗС Румыніі ўручыў часоваму паверанаму ў справах Беларусі ноту пратэсту.

Паводле інфармацыі мясцовага выданьня Ziarul de Garda («Штодзённая газэта»), ад дыплямата запатрабавалі тлумачэньняў у сувязі са словамі Лукашэнкі аб тым, што нібыта «ЗША падштурхоўваюць Эўропу да ваеннай канфрантацыі з Расеяй», а наступнымі ўцягнутымі ў канфлікт могуць быць Малдова, Польшча, Румынія ці краіны Балтыі.

Міністэрства замежных спраў і эўрапейскай інтэграцыі Малдовы шкадуе аб «ролі Беларусі ў прапагандзе расейскай ваеннай агрэсіі супраць Украіны і неаднаразовым прасоўваньні ў публічнай прасторы паведамленьняў, накіраваных на стварэньне дэзынфармацыі і фэйкаў».

У Польшчы апублікавалі відэа як доказ спрыяньня беларускіх памежнікаў нерэгулярным мігрантам

У Дзяржаўным памежным камітэце Беларусі відэа назвалі «чарговым сфабрыкаваным фэйкам».

https://rferl.link/Ppxj
З ВПН або з-за мяжы

Легендарны гурт — этна-трыё «Троіца» прыпыніў сваё існаваньне. Пра гэта паведаміў лідэр гурту Іван Кірчук у сваім фэйсбуку:

— Чарговы жыцьцёвы этап скончыўся. Я прыняў рашэньне пра роспуск этна-трыё «Троіца». Да сустрэчы на маіх сольных выступах.

Акрамя Івана Кірчука, у «Троіцы» выступалі Юры Дзьмітрыеў і Юры Паўлоўскі.

Гурт існаваў 22 гады, браў удзел у сотні міжнародных фэстываляў ад Малайзіі да Чылі і выдаў 7 кружэлак з апрацоўкамі музычнага фальклёру.

Пакуль Лукашэнка абяцае сагрэць Эўропу, многія жыхары Беларусі ня могуць дачакацца дроваў на зіму. Чэргі ў лясгасах расьцягнуліся на месяцы, а самі дровы вязуць гнілыя і крывыя. Сабралі гісторыі з розных куткоў краіны. 

https://rferl.link/P9p4
З ВПН або з-за мяжы

Абвясьцілі сьпіс намінантаў на прэмію Гедройця 2022

У поўным сьпісе літаратурнай прэміі Гедройця сёлета апынулася 21 кніга. Гэта найменш за ўсю гісторыю прэміі, калі не лічыць яе першага сэзону ў 2012 годзе — тады ў поўным сьпісе таксама была 21 кніга.

https://rferl.link/PL0j
З ВПН або з-за мяжы

Расейскіх турыстаў не пускаюць у Літву. А што зь беларусамі?

19 верасьня Літва, Латвія, Эстонія і Польшча закрылі межы для расейскіх турыстаў.
Міністарка ўнутраных спраў Літвы Агне Білатайце не выключае ўвядзеньня забароны на ўезд для грамадзян Беларусі.

Спыталі ў расейцаў і беларусаў на памежным пункце «Лаварышкі» — «Катлоўка», што яны думаюць пра забарону.

Галоўнае за 19 верасьня 2022

🔐 Маці васьмігадовага сына прысудзілі 8 гадоў калёніі; 70-гадовы пэнсіянэр атрымаў 6 гадоў.

🏢 У Варшаве пачаўся беларускі бізнэс-форум.

🏆 Абвясьцілі намінантаў на прэмію Гедройця.

⛔️ Краіны Балтыі і Польшча закрылі ўезд расейцам з турыстычнымі візамі.

🇬🇧 У Лёндане адбылося ўрачыстае пахаваньне каралевы Лізаветы ІІ.

Аляксандар Лукашэнка 19 чэрвеня падпісаў указ аб пазбаўленьні званьняў больш як 80 былых вайскоўцаў і супрацоўнікаў сілавых ведамстваў

Паводле афіцыйнага сайта Лукашэнкі, «пералічаныя ў дакумэнце асобы пазбаўленыя званьняў, клясных чыноў за ўчыненьне злачынстваў, адміністрацыйных правапарушэньняў і дыскрэдытуючых правін, несумяшчальных са статусам вайскоўца, работніка органаў пракуратуры».

Указ таксама датычыць былых вайскоўцаў, «якія цяпер прымаюць удзел ва ўзброеных канфліктах на тэрыторыях іншых дзяржаў».

Канкрэтныя прозьвішчы пазбаўленых званьняў пакуль што не называюцца.

У траўні 2021 году Лукашэнка ўжо пазбаўляў чыноў і званьняў былых сілавікоў, тады гэта закранула таксама каля 80 чалавек.

Добрага ранку!

20 верасьня 1939 году пры ўключэньні тэрыторыі Заходняй Беларусі ў склад БССР пачаўся бой за Горадню.

У 1944 годзе Беластоцкую вобласьць пераўтварылі ў Горадзенскую, Вялейскую – у Маладачанскую, утварыліся Бабруйская і Полацкая вобласьці.

У 2001 годзе ў Курапатах улады пачалі рэканструкцыю Менскай кальцавой дарогі. Актывісты паставілі намётавы лягер у абарону народнага мэмарыялу. Вахта доўжылася 28 сутак і скончылася перамогай.

119 гадоў таму нарадзілася паэтка Натальля Арсеньева (на фота), аўтарка тэксту гімна «Магутны Божа».

Свой дзень нараджэньня сёньня адзначаюць палітвязьні Уладыслаў Еўсьцягнееў і Яўген Каліноўскі.

Пачаўся 209-ы дзень вайны Расеі супраць Украіны.