З самай раніцы 13 жніўня людзі зноў выйшлі на вуліцы ў розных раёнах Менску і сталі ў ланцугі салідарнасьці. Машыны сыгналяць ім у падтрымку.

З цэнтра ізаляцыі прапарашальнікаў на 1-м завулку Акрэсьціна ў Менску уначы 13 жніўня вызвалілі каля 100 удзельнікаў акцый пратэстаў.

Прозьвішчы вызаваленых дае тэлеграм-канал «Акрэсьціна сьпісы».

Цяпер у Менску жаночы ланцуг салідарнасьці

Прэзыдэнт Літвы Гітанас Наўседа разглядае магчымасьць наўпроставых кантактаў зь кіраўніцтвам Беларусі для пошуку рашэньня выхаду з крызіснай сітуацыі ў суседняй краіне. Пра гэта паведаміла яго дарадца па пытаньнях зьнешняй палітыкі Аста Скайсгірыце.

Тэлевядоўца Андрэй Макаёнак расказаў, чаму пакінуў БТ.
— З моманту пачатку перадвыбарнай кампаніі да гэтага моманту выходзіў у эфір з жаданьнем даказаць людзям, што ў гэтай сытуацыі, якая падзяліла людзей на два лягеры, усё роўна можна заставацца чалавекам пазытыўным. Цяпер я зразумеў, што ўсьмешкі здаюцца блюзьнерскімі, зьдзекам зь людзей, якія пацярпелі ў нейкай сытуацыі. Я вырашыў, што знаходжаньне ў эфіры ў якасьці коміка пакуль недарэчнае. Самае галоўнае для мяне — гэта адсутнасьць гэтых ахвяр, пра якія пішуць нашыя паблікі. Як толькі ў гэтым усім пачынаюць гінуць людзі, гэта перастае быць пратэстам, гэта перастае быць чымсьці волевыяўляльным, гэта пачынае быць грамадзянскай вайной. https://www.svaboda.org/a/30781178.html

Карэспандэнт расейскага выданьня Znak.com Мікіта Целяжэнка быў затрыманы беларускімі сілавікамі 10 жніўня каля 19.00 у цэнтры Менска на вуліцы Няміга. Ён распавёў, што яго білі, часта для забавы, і ўтрымлівалі ў камэры на дваіх чалавек разам з яшчэ 20-30 затрыманымі. «Прымушаюць людзей маліцца і малоцяць дручкамі» – падрабязна чытайце на сайце. https://www.svaboda.org/a/30781303.html

Менская гарадзкая выбарчая камісія апублікавала афіцыйныя вынікі галасаваньня. За Ціханоўскую — 14.9%. За Лукашэнку 64.5%. 10 жніўня старшыня ЦВК Ярмошына абʼявіла, што па краіне паводле папярэдніх дадзеных Аляксандар Лукашэнка атрымаў 80,23% галасоў, а Сьвятлана Ціханоўская — 9,9%.

Як паведамілі Свабодзе ў амбасадзе Ўкраіны ў Менску, украінскія консулы паспрабавалі знайсьці затрыманых учора праваабаронцаў Канстанціна Равуцкага і Яўгена Васільева. Невядомае нават СІЗА, у якім яны знаходзяцца.
Равуцкі і Васільеў зьяўляюцца падазраванымі ў крымінальнай справе пра масавыя беспарадкі ў Менску 10–12 жніўня. Яны прыбылі ў Менск раніцай 12 жніўня, а ў абед былі жорстка затрыманыя.

Менск, Зялёны луг. Жанчыны зноў выходзяць у ланцугі! 13.08.2020

Міністэрства ўнутраных справаў паведамляе, што за ўчора па Беларусі на «несанкцыянаваных масавых мерапрыемствах» былі затрыманыя 700 чалавек. МУС заяўляе, што «беспарадкі па краіне страцілі масавасьць, але ўзровень агрэсіі адносна праваахоўнікаў застаецца высокім».

Паводле МУС, 9–13 жніўня «ў выніку проціпраўных дзеяньняў грамадзянаў» пацярпелі 103 праваахоўнікі, зь якіх 28 шпіталізаваныя. Пра колькасьць пацярпелых грамадзянаў МУС не паведамляе.

А гэта Каскад, Менск. Прыкладна ў 10:30 там таксама стаялі жанчыны ў знак салідарнасьці з рэпрэсаванымі

На Камароўцы каля 300 жанчын у ланцугу!

Каля 11 раніцы ў Менску каля будынку Белтэлерадыёкампаніі на вуліцы Макаёнка сталі зьбірацца жанчыны ў белым адзеньні, зь белымі балёнікамі і кветкамі, паведамляе Tut.by. Трымаюць плякаты «Вярніце справядлівыя выбары», «Вярніце на ТВ навіны і журналістыку». Фота ланцугу публікуе «Наша ніва».

«Ланцугі салідарнасьці» зьбіраюцца і па іншых раёнах Менску (у тым ліку ў цэнтры гораду, на Нямізе і праспэкце Пераможцаў) і ў іншых гарадах ад самай раніцы.

Амэрыканскі сьпявак і актор Джарэд Лета (гурт 30 Seconds To Mars) падтрымаў беларусаў у Instagram: "Мы з табой, Беларусь"

На Нямізе таксама ланцуг салідарнасьці

Ліда сёньня, відэа ад чытача

Японія заклікала ўлады Беларусі забясьпечыць прынцыпы дэмакратыі і ўстрымацца ад гвалту. МЗС краіны глыбока занепакоенае сутычкамі паміж удзельнікамі мітынгаў пратэсту і сілавікамі, якія адбыліся па ўсёй Беларусі.
Японія падтрымала пазыцыю БДІПЧ АБСЭ, якое выказала шкадаваньне, што арганізацыя не змагла накіраваць місію па назіраньні за выбарамі ў Беларусь. На чатырох апошніх прэзыдэнцкіх выбарах у Беларусі прысутнічалі назіральнікі і ад Японіі. АБСЭ таксама раскрытыкавала відавочнае запалохваньне палітычных актывістаў, затрыманьне прэтэндэнтаў у прэзыдэнты.

Менск. На Камароўку да ланцуга салідарнасьці прыйшла Марыя Калесьнікава, з кветкамі ў руках

Дырэктар IT-кампаніі Andersen Аляксандар Хоміч прывёз кветкі жанчынам, якія стаяць у ланцугу салідарнасьці ў Менску, і заклікаў у сваім Фэйсбуку мужчынаў далучацца.