Каля 4-й гарадзкой клінічнай бальніцы ў Менску сабралася акцыя салідарнасьці

🚑 «Схапілі чалавека, які ўратаваў мне жыцьцё»

Так кажа пісьменьнік Уладзімер Арлоў пра кардыяхірурга Алега Паланецкага, які сёньня ўдзельнічаў у «ланцугу салідарнасьці» ў менскай Грушаўцы.

«Будуць судзіць доктара, які ўратаваў здароўе і жыцьці тысячам суайчыньнікаў. Будуць судзіць, бо ён супраць таго, каб гэтыя здароўе і жыцьці адбіралі на беларускіх вуліцах і плошчах»

«Страшна, што ва ўсіх амапаўцаў „прамытыя“ мазгі» — акторку з «Калыханкі» і «Купалы» білі пры затрыманьні

Алена Гіронак, голас Бусьліка з «Калыханкі», выканаўца ролі Ўладзіславы ў фільме «Купала», расказвае пра сваё жорсткае затрыманьне. Білі па галаве, прымушалі ісьці па чалавеку, праводзілі ідэалягічныя гутаркі. Склалі пратакол і позна ўначы адпусьцілі.

Затрымалі фактычна за бел-чырвона-белую застаўку ў тэлефоне: «Грузіце яе, у яе іх сьцяг», — крычалі АМАПаўцы

«Сувязь паміж непрызнаньнем рэпрэсій 1937-га і цяперашнім гвалтам сілавікоў відавочная»

«Ноч расстраляных паэтаў» у Курапатах адбудзецца, нягледзячы на арышт аднаго з арганізатараў і меркаваных вядоўцаў Зьмітра Дашкевіча.

«Не выключаю, што менавіта таму і пасадзілі, каб сарваць вечарыну. Але гэта ня ўдасца», — паведаміла яго жонка Наста

🦠 Колькасьць інфікаваных каранавірусам у Беларусі дасягнула ўзроўню першай хвалі пандэміі: +902 выпадкі за дзень

І гэта толькі паводле афіцыйных зьвестак. Ёсьць некалькі падставаў лічыць гэтыя зьвесткі моцна заніжанымі.

Фота — з БДЭУ, студэнтаў якога па-ранейшаму не пераводзяць на дыстанцыйную адукацыю, як і большасьць навучэнцаў у Беларусі

🚑 Невядомыя выкралі двух анастэзіёлягаў Менскай абласной лякарні

Супольнасьць «Белыя халаты» паведамляе, што Ганна Сушчынская і Ганна Карась выйшлі пасьля працы падтрымаць калегаў з РНПЦ «Кардыялёгія». Іх проста ў лякарні забралі і зьвезьлі ў невядомым напрамку.

UPD: Выкрадзеныя знайшліся ў Бараўлянскім аддзеле міліцыі

«Мы ўсе сталі як сёстры»

Былая акторка Купалаўскага тэатру Сьвятлана Зелянкоўская і былая акторка тэатру імя Горкага Анастасія Шпакоўская расказалі, як у эміграцыі яны запісвалі драматычны відэаролік у падтрымку беларускіх жанчын, і пра ідэю беларускага тэатру ў Кіеве.

Відэа, 20 хвілін >>
Тэкст, тэзісна >>

На 63-гадовую Алену Гнаўк пасьля 18 дзён у ізалятары завялі крымінальную справу

Справу завялі за «арганізацыю і падрыхтоўку дзеяньняў, якія груба парушаюць грамадзкі парадак, альбо актыўны ўдзел у іх» (342 КК РБ), паведаміла Tut.by яе дачка Аляксандра.

«Відаць, іх асабліва зачапіў мамін ліст пра ўмовы ў ізалятары, што няма сьвятла і бегаюць мышы», — казала яна пасьля затрыманьня маці

✊ Удзельнікі страйку на «Беларуськаліі» запісалі зварот у падтрымку страйкоўцаў на «Гродна Азоце»

На блогера Эдуарда Пальчыса завялі крымінальную справу? ⁉️

Сёньня Пальчыса павінны былі выпусьціць пасьля 30 дзён арышту на Акрэсьціна. Ён застаецца пад вартай — #МотолькоПомоги піша, што распачалі крымінальную справу, але за што, невядома

🦖 Абанэнты А1 падалі ў суд на апэратара, патрабуюць кампэнсацыі за блякаваньне мабільнага інтэрнэту

Патрабуюць вярнуць 100% абанэнцкай платы за кожны дзень адсутнасьці сэрвісу + кампэнсаваць маральную шкоду па 100 рублёў кожнаму і спагнаць з адказьніка выдаткі на юрыдычную дапамогу

У ніводным выпадку «тэрарыстычных пагрозаў» зламысьнікі ня знойдзеныя, адзначае Валер Карбалевіч.

Дзяржаўныя мэдыя бясконца круцяць сюжэты пра экстрэмістаў і бандытаў, якія выходзяць на вуліцы, піша ён: «складаецца ўражаньне, што ладзіцца маштабная спэцапэрацыя па ператварэньні мірных дэманстрантаў у тэрарыстаў».

У БДАМ за ўдзел у акцыях пратэсту адлічылі 3 студэнтаў

Студэнцкія тэлеграм-каналы «Студэнцкая думка» і «Отчислено» апублікавалі дакумэнт з загадам аб адлічэньні трох студэнтаў Беларускай дзяржаўнай акадэміі мастацтваў за парушэньне загаду рэктара «Аб забароне правядзеньня масавых мерапрыемстваў» і пішуць, што ва ўнівэрсытэты пачалі паступаць паперы са сьпісамі на адлічэньне студэнтаў, якія ўдзельнічалі ў пратэстах.

Супрацоўнікі менскага офісу МТС выйшлі ў падтрымку сваіх гомельскіх калег, якіх затрымалі ўчора, 26 кастрычніка, падчас акцыі салідарнасьці ў свой перапынак на абед

Паліттэхноляг Віталь Шкляраў, грамадзянін ЗША, пра вызваленьне якога дзяржсакратар ЗША Майк Пампэо нядаўна размаўляў з Лукашэнкам, зьехаў зь Беларусі, паведамляе Tut.by. Шклярава затрымалі ў ліпені 2020 году па так званай «справе Ціханоўскага», калі ён наведваў бацькоў

Менск: вечаровая акцыя каля філярмоніі. Хор сьпявае «Мы разам, нас многа! За намі перамога!»

Пазьняк заклікаў, каб нядзельны марш 1 лістапада ішоў у Курапаты

Штогод шэсьце на Дзяды ладзіць партыя Пазьняка. Сёлета чальцы КХП-БНФ заклікаюць 31 кастрычніка а 10.00 прыйсьці на талаку ў Курапаты. На сваёй старонцы ў інтэрнэце Зянон Пазьняк, адкрывальнік праўды пра Курапаты як месца масавых камуністычных рэпрэсіяў, заклікаў, каб менавіта туды накіраваліся ўдзельнікі маршу, якія штонядзелі адбываюцца ў Менску.

У пракуратуру Магілёва падалі на Лукашэнку скаргі ў сувязі з карупцыяй і незаконным абаротам зброі

Магілёўскі праваабаронца зьвярнуўся ў пракуратуру з заявамі аб тым, што Аляксандар Лукашэнка незаконна канфіскаваў у нейкага дзяржпрадпрыемства 15 тысячаў даляраў (сам Лукашэнка казаў, што аддаў узятыя з прадпрыемства грошы Сьвятлане Ціханоўскай, перад тым як яе вывезьлі за мяжу), а таксама ўзброіў свайго непаўналетняга сына Мікалая агнястрэльнай зброяй.

Сьведкі паведамляюць, што ў Вялікім тэатры опэры і балету замест опэры «Царская нявеста» артысты засьпявалі «Магутны Божа». Калі вы маеце відэа зь месца падзей, дасылайце, калі ласка, на @SvabodaBelarus

Што адбываецца на «Гродна Азоце» ў другі дзень страйку

➖Па ўсім заводзе страйкуюць больш за сотню работнікаў
➖Зь вечара 25 кастрычніка частка работнікаў працавала 36 гадзін запар.
➖Трэцяя зьмена з пачатку страйку цэху «Аміяк-3» адмаўлялася прыступаць да працы, потым некалькі чалавек пагадзіліся.
➖Пад пытаньнем застаецца начная зьмена з 20-й гадзіны. Кіраўніцтва абзвоньвае пэнсіянэраў і былых работнікаў з прапановай выйсьці на працу
➖Некаторым азотаўцам зранку заблякавалі электронныя пропускі

Усё пра сытуацыю на «Азоце» цяпер >>