⛽️ Звольнілі супрацоўнікаў «Беларусьнафты», якія заявілі пра страйк

На прадпрыемстве кажуць, што іх звольнілі «за парушэньне працоўнага заканадаўства». Усе яны даўно працавалі ў «Беларусьнафце», мелі добрыя заробкі. Напярэдадні яны запісалі відэазварот

Беларусы стварылі сьпіс бізнэсаў, якія «з народам», і тых, што «за бацьку»

У праекце «Зашкварка» сабралі больш за тры сотні крамаў, кавярняў і іншых бізнэсаў, якія займаюцца дабрачыннасьцю, ратуюць пратэстоўцаў і выказваюць салідарнасьць зь імі

🎺 Паслухаць аркестар Фінбэрга на Купалаўскай сцэне прыйшлі каля 10 гледачоў

На фота налічылі 8. Адзін з супрацоўнікаў Купалаўскага тэатру назваў іншую лічбу — 11 чалавек. Сёньня плянуецца даць другі з заплянаваных там 10 канцэртаў

Выйшлі яшчэ 4 мэдыкі РНПЦ «Кардыялёгія». Усім ім выпісваюць пратаколы за ўдзел у несанкцыянаванай акцыі

«Ты ў мяне зараз зьясі гэты сьцяг»

«…і пачаў пхаць сьцяг мне ў рот, — расказвае 50-гадовы інжынэр Аляксандар Броўка пра падзеі ў «сінім бусе» 9 жніўня. — Я сьціснуў зубы і маўчаў. Бачыў шалёныя вочы і разумеў, што размаўляць няма сэнсу.

Пада мной ляжалі іншыя людзі, а я на іх зьверху; хлопец, які быў пада мной, цішком паціснуў мне руку. Увесь час, пакуль мы ехалі да аўтазака, чалавек у чорным спрабаваў скарміць мне сьцяг, біў кулакамі па галаве — у мяне быў разьбіты нос, сінякі пад вачыма».

Гісторыі гвалту сілавікоў пасьля выбараў >>

«Ніякіх рэпрэсій няма»

У менскай гімназіі № 50 абверглі зьвесткі з чатаў пра тое, што дырэктарку гімназіі звальняюць, а настаўнікаў выклікаюць у Мінадукацыі за ўдзел у відэазвароце з патрабаваньнем спыніць гвалт і рэпрэсіі.

Тым часам выпускнікі гімназіі апублікавалі адкрыты ліст у падтрымку настаўнікаў

‼️ Вызвалілі апошніх затрыманых мэдыкаў РНПЦ «Кардыялёгія»

Тым часам пад самім РНПЦ сабралася акцыя ў падтрымку мэдыкаў, перадае чытач

Супрацоўнікі МТС другі дзень запар выходзяць на «ланцуг салідарнасьці» каля парку Чалюскінцаў у Менску.

«Джэкі Чан за завадчан» — такі борд таксама ў ланцугу салідарнасьці.

Нягледзячы на загадкавую відэакамэру на ўваходзе, у БДМУ сабралася вялікая і гучная акцыя салідарнасьці

Слоўнік беларускай рэвалюцыі. Хто выйшаў — натоўп ці грамадá? Тлум ці народ?

Чуем: „Натоўп ад стэлы рушыў у бок палацу Незалежнасьці“.
Ці правільна так казаць?
У слова натоўп два значэньні : 1) ‘Хаатычнае зборышча’. 2) ‘Звычайныя людзі ў процілегласьць героям’. Абодва крыўдныя.
Невыпадкова БТ любіць расейскае слова „толпа“: „Беснующаяся толпа“.
Але маса людзей, аб’яднаных высокай ідэяй, — гэта грамадá, народ.

https://svabod1.azureedge.net/a/natoup-ci-hramada/30913403.html

Супрацоўнікі «Інтэгралу» паведамляюць пра звальненьні страйкоўцаў

«Учора выйшлі на тэрыторыі завода крыху больш за 10 чалавек, — гаворыць суразмоўца. — Ахова прадпрыемства ўсіх перапісала. Сёньня раніцай заблякавалі пропускі ў іх. Некаторыя атрымалі вымову. Ва ўнутраным чаце «Інтэгралу» зьявілася інфармацыя пра звальненьне дваіх чалавек. Сёньня страйку ў нас больш няма»

💥 Менск, што там здарылася на Някрасава?

Па чатах разьлятаюцца паведамленьні пра нейкі гучны выбух. Калі ведаеце, што здарылася, або маеце відэа, пішыце нам: @SvabodaBelarus

Каля лінгвагуманітарнага каледжу ў Менску ад раніцы дзяжураць невядомыя ў цывільным. Студэнты спрабавалі сабрацца, каб сьпяваць песьні, але іх пачалі разганяць. Студэнтак завялі на размову да кіраўніцтва каледжу.

🔧 Што адбываецца на прадпрыемствах краіны на другі дзень усеагульнага страйку

Яшчэ два шахтары далучыліся да страйку на «Беларуськаліі», яшчэ два рабочыя — на «Гродна Азот». Страйкуюць абодва рэжысэры ў горадзенскім драмтэатры. А ўдзельнікаў учарашняга страйку на МЗКЦ сёньня не пускалі на тэрыторыю прадпрыемства.

Дайджэст страйку >>

Менск. Каля корпуса БДУ зьбіраюцца студэнты на страйк.

Два погляды на затрыманьне мэдыкаў:

🇧🇾 «Усё ня так адназначна. Супрацоўнікі выйшлі на пікет зь недзяржаўнай сымболікай, а па сутнасьці, зладзілі правакацыю перад вялікай міжнароднай канфэрэнцыяй»,— дзяржаўны тэлеканал АНТ.

👨🏼‍⚕️«Мэдыкі заўсёды былі і будуць супраць гвалту, гэта іхная сутнасьць. І затрымліваць, арыштоўваць за тое, што яны пра гэта адкрыта гавораць? Ды іх гэтаму ва ўнівэрсытэтах вучылі! Я абураны такімі паводзінамі сілавых структур», — экс-дырэктар РНПЦ «Кардыялёгія» Аляксандар Мрочак.

Менск, студэнты БДУІР таксама выйшлі на акцыю перад унівэрсытэтам.

Аднаго зь лідэраў магілёўскіх пратэстаў Валадара Цурпанава пакінулі ў ізалятары яшчэ на 6 дзён

Іх ён не адбыў праз сухую галадоўку, якую трымаў раней там жа ў ізалятары, пратэстуючы супраць незаконнага зьняволеньня. Пасьля 10 дзён галадаваньня ў выніку пагаршэньня стану яго тады даставілі ў лякарню, дзе ён прабыў тыдзень. Сёньня ён меў выйсьці на волю пасьля чарговых 15 дзён арышту

У БДТУ студэнты ходзяць калідорамі зь бела-чырвона-белым сьцягам і скандуюць «Далучайся!»