Менск. Увесь праспэкт Незалежнасьці гудзе, кіроўцы сыгналяць у знак салідарнасьці і пратэсту. Затрыманьняў няма.

На праспэкце Дзяржынскага людзі стаяць у «ланцугу салідарнасьці». Езьдзяць бусы зь сілавікамі, ганяюць людзей

На плошчы Якуба Коласа, дзе сабралася частка людзей, утварыўся «ланцуг салідарнасьці». Людзі яшчэ падыходзяць

Менск. У бок цэнтру па праспэкце Незалежнасьці едуць бусікі зь сілавікамі.

Паведамляюць, што на станцыі мэтро «Пушкінская» ў Менску разагналі людзей. Калі ў вас ёсьць відэа — дасылайце на @SvabodaBelarus!

Людзі сталі ў «ланцуг салідарнасьці» ля ўнівэрсаму «Цэнтральны»

На плошчы Якуба Коласа пачаўся хапун. Затрымалі некалькі чалавек. Дасылайце нам відэа таго, што адбываецца ў горадзе @SvabodaBelarus

Паведамляюць пра затрыманьні каля станцыі мэтро «Малінаўка». Там стаяў «ланцуг салідарнасьці», прыехалі бусікі зь сілавікамі, пачаўся разгон.

Яшчэ відэа затрыманьняў на плошчы Якуба Коласа ў Менску

Менск, каля Купалаўскага тэатру затрымліваюць людзей. Затрыманы прынамсі адзін чалавек.

Таксама быў «хапун» на «Пушкінскай», затрымалі 6 мужчын. Сілавікі не даюць людзям сабрацца

На праспэкце Незалежнасьці кіроўцы цяпер наўмысна тармозяць рух: машыны часам едуць вельмі марудна, за імі ўтвараюцца вялікія заторы

У Магілёве таксама затрымлівалі людзей. Жанчына пытаецца ў сілавікоў, на якой падставе яны затрымліваюць мужчыну. Адказ сілавіка: «Мы супрацоўнікі міліцыі!»

Менск. Каля філярмоніі сілавікі бегалі за людзьмі, якія стаялі ў ланцугу салідарнасьці, затрымалі некалькі чалавек.

Менск. На Якуба Коласа сёньня горача. Там пастаянна бегаюць сілавікі, затрымліваюць людзей.

Менск, сілавікі забеглі ў «Цэнтральны», забіралі і адтуль людзей. Жанчыны на відэа эмацыйна камэнтуюць убачанае.

На Ўсходзе сабраліся на вечаровую акцыю салідарнасьці. Пакуль без затрыманьняў

На плошчы Якуба Коласа затрымліваюць нават тых, хто проста сядзеў на лаўцы. Да бусіка сілавікі павялі маладую дзяўчыну. Жанчына на відэа камэнтуе: «Ну яны ж ня могуць пустымі зьехаць, трэба некага зьвезці»

Нягледзячы на затрыманьні, ланцуг салідарнасьці на плошчы Якуба Коласа зьявіўся зноў.

Відавочцы паведамляюць, што невядомыя езьдзяць на машынах па Менску і страляюць у пратэстоўцаў, якія стаяць у «ланцугах салідарнасьці», з пэйнтбольных стрэльбаў.

Вядома пра такія выпадкі ў менскім мікрараёне Ўсход і каля 19:50 на праспэкце Дзяржынскага, ля дома № 119.