Труна, якую пакінулі пад палацам Лукашэнкі ў Менску

У выпуску навінаў а 19-й гадзіне на дзяржаўным тэлеканале «Беларусь 1» амаль цалкам праігнаравалі сёньняшнія акцыі пратэсту ў Менску і іншых гарадах Беларусі. Адзіная згадка пра антыўладныя выступленьні прагучала на шостай хвіліне выпуску. Тэлеканал згадаў інфармацыю Міністэрства ўнутраных спраў Беларусі, маўляў «удзельнікі несанкцыянаванага мітынгу накінуліся на спэцтранспарт і супрацоўнікаў, якія ў ім знаходзіліся».

Менск, парк Чалюскінцаў. Вайсковая тэхніка зьяжджае з гораду

Вянок у Верхнім горадзе «Ад дарагіх купалаўцаў. Ніхто не спяе Купалінку»

Колькасьць затрыманых удзельнікаў пратэставых акцый у Менску павялічылася з 125 да 140. Пра гэта паведаміла расейскаму інфармацыйнаму агенцтву ТАСС прэс-сакратар МУС Беларусі Вольга Чамаданава. «Затрыманьне праходзіла ў рамках адміністрацыйнага працэсу. У дачыненьні да іх распачаты адміністрацыйны працэс за ўдзел у несанкцыянаваных масавых мерапрыемствах. Абстаноўка стала нашмат спакайнейшая, людзей на вуліцах меней. Яна кантралюецца", — сказала Чамаданава.

Менск, каля 15-й гадзіны. Жанчына зьвяртаецца да АМАПу: «Хто скраў нашыя галасы?»
Чалавек у форме ёй адказвае па-беларуску «Я вас пачуў»

Як стала вядома Свабодзе ад прадстаўніка футбольнага клюбу «Крумкачы», у раёне Раманаўскай Слабады затрымалі футбалістаў клюбу Паўла Расольку і Сяргея Казеку. Яны вярталіся з трэніроўкі разам з трэнэрам Бялінскім. Міліцэйскія кардоны прайшлі, наляцеў АМАП, хлопцаў схапілі і зьбілі. Ім інкрымінуюць напад на міліцыю.

Трэнэра не чапалі. Павал Расолька і Сяргей Казека ня ўдзельнічалі ў Маршы пратэсту.

Вось такая бел-чырвона-белая калёна праехала сёньня па раёне Альшанка ў Горадні

Іншы ракурс

Горадня. Падчас маршу незалежнасьці затрымалі ня менш за сем чалавек. Вядомыя імёны некаторых: Андрэй Янковіч, Ліза Мерляк, Павал Мамуль, Віктар Шыкуць, Дзьмітры Розмысел, Павал Дораш, Станіслаў Васюхоўскі.

Трошкі атмасфэры сёньняшняга маршу ў Менску. «Тры чарапахі» каля Катэдральнага касьцёла.

МУС пакуль не падлічыла колькасьці ўдзельнікаў Маршу міру і незалежнасьці. Можаце ацаніць самі

А так выглядаў Палац Незалежнасьці ў 15.35. Паводле прэс-сакратаркі Лукашэнкі Натальлі Эйсмант, праз 25 хвілін кіраўнік выйдзе на ганак палаца са зброяй. Але чытач Свабоды такога не заўважыў.

Сёньня ў Менску было так

Фота: канал Антона Матолькі

Ніна Багінская на Маршы міру і незалежнасьці спрабуе прайсьці праз ачапленьне

Паводле МУС, 140 чалавек было затрымана ў Менску на 18 гадзіну. У сьпісе праваабарончага цэнтру "Вясна" ўжо 90 прозьвішчаў затрыманых. Некаторых адпусьцілі, некаторых адвезьлі ў турмы на Акрэсьціна ў Менску і ў Жодзіна.

Цяпер на праспэкце Дзяржынскага