У Менску затрымалі карэспандэнта расейскага агенцтва ТАСС

Карэспандэнт ТАСС Іван Калыганаў у нядзелю прыбыў у Менск для асьвятленьня падзеяў у Беларусі, паведамляе агенцтва. Як вынікае з паведамленьня, якое прыйшло зь ягонага тэлефона, Калыганаў ужо дастаўлены ў Кастрычніцкі РУУС. 30 жніўня ён прыбыў у Менск і ўвесь час знаходзіўся ў сваім нумары ў гатэлі «Менск», на вуліцу не выходзіў.

Як адзначае расейскае інфармацыйнае агенцтва, на гэтым тыдні ўжо затрымлівалі трох карэспандэнтаў ТАСС, аднак пасьля праверкі дакумэнтаў адпускалі.

Менск, па відэа можна ацаніць маштаб, колькі людзей ідзе да стэлы па праспэкце Перамогі

Калі вы побач — дасылайце нам фота і відэа ў наш тэлеграм! @SvabodaBelarus

Калёна вайсковай тэхнікі едзе да рэзыдэнцыі прэзыдэнта ў Менску. Відэа магло быць зьнятае і раней, але калёна пратэстоўцаў стаяла ўжо насупраць рэзыдэнцыі

Менск. Каля Палацу незалежнасьці АМАП стварыў такі самы кардон, як у мінулую нядзелю, з вадамётамі і спэцмашынамі, са спэцназам у касках і са шчытамі, перадае карэспандэнт Свабоды. Людзі наблізіліся да кардону, але не ідуць ушчыльную да яго. Хвост калёны яшчэ на Нямізе. Паводле МУС, сёньня ў Менску затрымалі ўжо 125 чалавек