Менск, яшчэ зусім нядаўна на праспэкце Незалежнасьці!

Вось такое фота даслалі чытачы. Людзі пераставілі адбойнікі так, што цяпер яны выглядаюць як бел-чырвона-белы сьцяг!

Менск. На плошчы Перамогі дзясяткі тысяч людзей, інцыдэнтаў карэспандэнты Свабоды ня бачаць, ёсьць машыны хуткай, мэдыкі і ДАІ, затрыманьняў няма, няма міліцыі і аўтазакаў.

На Кастрычніцкай плошчы, якая была раней агароджаная белымі і чырвонымі плястыкавымі барʼерамі, моладзь разабрала гэтую агароджу і збудавала зь яе вялікую бел-чырвона-белую канструкцыю, якая нагадвае нацыянальны сьцяг. Міліцыі тут няма.

Як і тыдзень таму, значныя сілы кінутыя на ахову Палаца Незалежнасьці. Праспэкт Пераможцаў перакрыты шарэнгамі экіпаваных і ўзброеных амапаўцаў — 23 жніўня Лукашэнка, высадзіўшыся з аўтаматам зь верталёта, падзякаваў тым за службу і назваў іх «красаўцамі». Тут жа спэцтэхніка «Рубеж» са шчытамі-сеткамі, вадамёты, напагатове «шпулі» калючага дроту

Фота ад чытача: Менск, між вуліцамі Сямашкі і Чурлёніса

Пратэстоўцы ідуць да стэлы «Менск — горад-герой», дзе стаяць вайскоўцы. Галава калёны ўжо зайшла за Палац спорту.

Карэспандэнт Свабоды ацэньвае, што людзей сёньня больш, чым на першай масавай акцыі, калі налічылі 220 тысяч чалавек.

Менск. Каля Катэдральнага касьцёла духавы аркестар грае “Тры чарапахі” — Tut.by

«Ваш кіраўнік NEXTA сказаў вам ісьці налева (у бок стэлы. — РС)», — сказаў праз гукаўзмацняльнік адзін зь сілавікоў тым пратэстоўцам, якія застаюцца каля ГУМу, перадае карэспандэнт Свабоды

Менск. Людзі прыйшлі да стэлы «Менск — горад-герой». Каля стэлы некаторыя спыняюцца на газонах, некаторыя пайшлі ўжо за стэлу, галавы калёны не відаць, перадае карэспандэнт Свабоды. Людзі крычаць: «Пайшоў прэч! Мы ідзём на дзень нараджэньня!»

Тым часам у Гомлі

На вэб-камэры ў рэжыме онлайн можна назіраць, што цяпер адбываецца на праспэкце Пераможцаў