Менск, вуліца Ўльянаўская. Людзі крычаць “Сыходзь” аўтазакам і спэцтэхніцы, якая стаіць побач

Менск. Ад плошчы Перамогі да Кастрычніцкай плошчы цалкам перакрыты рух, уся гэтая тэрыторыя запоўненая людзьмі. Праспэкт перакрыты ўжо ад вуліцы Казлова. Паводле карэспандэнта Свабоды, дзясяткі тысяч выйшлі, гэта сувымерна з акцыяй у мінулую нядзелю

Менск. Шмат удзельнікаў «Маршу міру і незалежнасьці» заблякаваныя сілавікамі на ўчастку ад будынку КДБ да скрыжаваньня праспэкту з вуліцай Леніна.
Пешаходная частка перакрытая АМАПам у баявой амуніцыі. Людзі скандуюць «Дай дарогу!» Сілавікі ідуць, грукаюць шчытамі.
У той жа час на плошчы Перамогі дастаткова мірна, паведамляе яшчэ адзін удзельнік акцыі. На ўсю моц вайскоўцы ўключылі празь перасоўны рэтрансьлятар старыя савецкія песьні, праезная частка перакрытая. Вялікай канцэнтрацыі праваахоўнікаў не назіраецца

Менск. Удзельнікі дэманстрацыі пад бой барабанаў пранесьлі труну і выяву вялікага таракана, скандуюць: «З днём народзінаў», «Гэта наш горад!»

Шматтысячная калёна з Кастрычніцкай плошчы накіравалася на Нямігу, у бок праспэкта Пераможцаў, перадае карэспандэнт Свабоды

Менск, камусьці стала дрэнна падчас акцыі пратэстаў. Відэа Olga Chekulaeva

Шматлюдная акцыя цяпер таксама ідзе ў Берасьці

А вось як было ў Менску перад тым, як людзі рушылі ў бок Нямігі

14:40 Менск. Паглядзіце, як выглядала калёна зусім нядаўна на праспэкце Незалежнасьці

Каб ня думалі, што толькі ў Менску сёньня на вуліцу выйшлі людзі, паглядзіце, колькі людзей выйшлі ў Берасьці

А яшчэ акцыі сёньня праходзяць у Маладэчне, Баранавічах...

Горадня. Калёна з боку стадыёну «Нёман» далучылася да пратэстоўцаў на чыгуначным вакзале. Першапачаткова збор пратэстоўцаў плянаваўся ў розных месцах гораду. Агулам каля пяці тысяч ходзяць вакол паркоўкі чыгуначнага вакзалу. Людзі ўсё падыходзяць. Скандуюць «Жыве Беларусь»

А вось Бабруйск цяпер. Фота ад чытача

Менск. Калёны людзей занялі праезную частку праспэктаў Незалежнасьці і Пераможцаў ад плошчы Перамогі да Палацу спорту.

Як паведамляе карэспандэнт Свабоды, ад плошчы Перамогі да Кастрычніцкай плошчы працягваецца рухацца плынь людзей, цалкам запоўнены праспэкт Незалежнасьці, як было на акцыі тыдзень таму. А людзі яшчэ паходзяць калёнамі ад плошчы Якуба Коласа. Другі карэспандэнт бачыць, як праспэктам Пераможцаў рухаецца вялікая калёна, галава ўжо ля Палацу спорту

Вось і ў Сьветлагорску выйшлі людзі!

Гомель. Людзі праходзяць побач са сцэнай, адкуль гучыць гучная музыка