На гэтым відэа бачна, як затрымліваюць жанчыну і мужчыну. Гэта адбылося на бульвары Шаўчэнкі ў 18:30
Відэа: канал Антона Матолькі

Знайшоўся журналіст «Белсату» Аляксандар Любянчук. Зь ім усё добра, яго не затрымлівалі (удзельніцы пратэсту дапамаглі журналісту выйсьці ў бясьпечнае месца), паведаміў праваабарончы цэнтар «Вясна». Сувязі са Зьмітром Міцкевічам дагэтуль няма.

У бок плошчы Бангалор па вуліцы Багдановіча едзе калёна з аўтазакаў, бусікаў, канвойных і вайсковых машын, а таксама карэты хуткай дапамогі — @radiosvaboda

Плякаты пратэсту

Адпусьцілі журналістаў Свабоды Алеся Пілецкага і Андрэя Рабчыка з Кастрычніцкага РУУС. У тым жа РУУСе знаходзіцца журналіст Белсат Зьміцер Міцкевіч.

Крыніца: @radiosvaboda

19:29 АМАП вяртаецца ў аўтазакі і зьяжджае з плошчы Бангалор у бок унівэрсаму «Рыга», — @radiosvaboda

Менск, АМАП вяртаецца ў машыны і зьяжджае

Тысячы беларускіх студэнтаў патрабуюць правесьці новыя выбары, заклікаюць выходзіць з БРСМ.

Студэнты як мінімум 7 унівэрсытэтаў зьбіраюць подпісы пад агульнымі патрабаваньнямі: спыніць гвалт у адносінах да мірных пратэстоўцаў, вызваліць палітзьняволеных, прызнаць вынікі прэзыдэнцкіх выбараў несапраўднымі.

Студэнты БДУІР заклікаюць улады наладзіць дыялёг са Сьвятланай Ціханоўскай і прадстаўнікамі яе штабу, каб выйсьці з палітычнага крызісу. У БДУ студэнты патрабуюць адстаўкі Лукашэнкі, спыненьня гвалту і прыцягненьня да адказнасьці вінаватых, адстаўкі ЦВК і правядзеньня паўторных справядлівых і празрыстых выбараў. Пэтыцыі з аналягічнымі патрабаваньнямі зьявіліся таксама ў БНТУ, БДПУ, МДЛУ, БДЭУ, Унівэрсытэце культуры.

Чытаць цалкам

Менск, калёна дайшла да скрыжаваньня вуліц Сурганава і Якуба Коласа