Бясстрашная Ніна Багінская каля Камароўскага рынку. Людзі скандуюць: "Ніна! Ніна!"

А вось як сёньня раварысты каталіся па плошчы Якуба Коласа ў Менску. Відэа ад чытача

Менск. Жанчыны ідуць у бок вуліцы Куйбышава. У пераходзе скандуюць: «Лукашэнку ў аўтазак»

Менск, Няміга. Прыехалі раварысты зь бел-чырвона-белымі сьцягамі

Менск. На вуліцы Веры Харужай пад’ехалі аўтазакі, перакрываюць рух

У Берасьці сёньня таксама сабраўся жаночы «ланцуг салідарнасьці», каля 150 удзельніц. А падчас шэсьця ў Салігорску затрымалі шматдзетную маці Вольгу Баброву. У Менску ж пачалі затрымліваць ня толькі мужчын, але і жанчын

Менск. Жанчыны рухаюцца па вуліцы Багдановіча на чале зь Нінай Багінскай

Менск, на скрыжаваньне Машэрава і Багдановіча (каля «Белай вежы») пад’ехалі аўтазакі і вайсковае аўта. Яны разьбіваюць калёну на часткі — @radiosvaboda

Жанчыны ў Менску блытаюць сілавікоў, адзначае «Наша Ніва»: АМАП спрабуе разьбіць калёну на часткі і павярнуць жанчын у бок плошчы Бангалор — жанчыны скандуюць «На Нямігу». Калі «падманным манэўрам» частка пабегла ў бок Нямігі, сталі скандаваць «На Бангалор»

18:48 Менск, аўтазакі падʼехалі да крамы «Акадэмкніга» на вуліцы Багдановіча. З аўтазакаў выбеглі амапаўцы, якія пачалі разьдзяляць калёну. Частка ўдзельніц зьбегла. Ці былі затрыманьні, невядома.

Крыніца: карэспандэнт Свабоды.

На гэтым відэа бачна, як затрымліваюць жанчыну і мужчыну. Гэта адбылося на бульвары Шаўчэнкі ў 18:30
Відэа: канал Антона Матолькі

Знайшоўся журналіст «Белсату» Аляксандар Любянчук. Зь ім усё добра, яго не затрымлівалі (удзельніцы пратэсту дапамаглі журналісту выйсьці ў бясьпечнае месца), паведаміў праваабарончы цэнтар «Вясна». Сувязі са Зьмітром Міцкевічам дагэтуль няма.