Асноўнае за 4 траўня

• «Знутры Беларусі людзі хочуць бачыць згоду сярод нас». Поўны тэкст інтэрвію з Паўлам Севярынцам

• «ПіК Свабоды». Трагедыя беларускага ўцекача. Чаму Беларусь трывожыць Зяленскага

• Як Лукашэнка рэагуе на праблемы Пуціна. Аналіз Валера Карбалевіча

• Пашпарты, дамовы, фота. Што з архіву Рады БНР перадалі Скарынаўскай бібліятэцы ў Лёндане

• У Ерэване праходзіць саміт Эўрапейскай палітычнай супольнасьці, на яго запрасілі Ціханоўскую

💬 Цытата дня. Анджэй Пачобут пра вяртаньне ў Беларусь:

Ужо сёньня. 90 гадоў з дня нараджэньня пісьменьніка Васіля Якавенкі → https://smarturl.click/xVG0n

Васіль Якавенка ня толькі напісаў шмат кніг. Ён запомніўся і выбітнай грамадзкай дзейнасьцю.

• У 1980-я актыўна выступаў супраць вялікага мэліярацыйнага праекту абвалаваньня і выпростваньня рэчышча Прыпяці. У выніку праект быў скасаваны.

• У 1990-м узначаліў Беларускі сацыяльна-экалягічны саюз «Чарнобыль».

• У 1991-м стварыў сацыяльна-экалягічную газэту «Набат».

• Быў каардынатарам грамадзянскай ініцыятывы «Інстытут нацыянальнай памяці» і рэдагаваў грамадзкі бюлетэнь «Рэха ГУЛАГу».

❗️ І нават кароткі час — старшынёй аргкамітэту БНФ. Пра тое, як так сталася і пры чым тут Васіль Быкаў, — чытайце на Свабодзе.

Дроны атакавалі НПЗ і абаронны завод у Расеі. Ракетную трывогу абвяшчалі ў Ханты-Мансійску за 2000 кілямэтраў ад Украіны: https://smarturl.click/7vLxX

Бесьпілётнікі пашкодзілі Кірышынскі нафтаперапрацоўчы завод.

Выданьне ASTRA паведаміла пра пажары на нафтаперапрацоўчым заводзе ў Ленінградзкай вобласьці.

Быў атакаваны і завод «ВНІІР-Прагрэс» у Чэбаксарах. Гэтае прадпрыемства вырабляе антэны Comet, якія выкарыстоўваюцца ва ўдарных БПЛА Shahed.

Ракетная трывога была як мінімум у 18 рэгіёнах Расеі.

Расейца, які адбыў тэрмін за камэнтар, затрымалі ў Менску і вывезьлі ў Расею. Цяпер ён зноў за кратамі: https://smarturl.click/5ZdvO

Жыхара Калугі Івана Любшына затрымалі ў менскім аэрапорце, адкуль ён спрабаваў вылецець у Армэнію, каб эміграваць у Францыю. Да гэтага Любшын адбыў у Расеі пяцігадовы тэрмін за камэнтар пра выбух у офісе архангельскай ФСБ.

Яго спачатку перадалі міліцыі, а потым КДБ Беларусі, супрацоўнікі якога вывезьлі яго на тэрыторыю Расеі і перадалі апэратыўнікам з Калугі.

Суд Горадні знайшоў "экстрэмізм" на фэйсбук-старонцы Мікалая Статкевіча, якой ён не карыстаўся амаль 6 гадоў.

Такім чынам суд праігнараваў асноўнае прававое палажэньне аб тым, што закон ня мае зваротнай сілы.

Гэта рэдкі выпадак, калі на рукі трапіў афіцыйны дакумэнт на гэты конт. У Беларусі абвінавачаньні ў экстрэмізьме выкарыстоўваюцца ўладамі для барацьбы з Лукашэнкам і іншадумствам у цэлым.

Дзе і як сёлета беларусам лепш атрымліваць шэнгенскія візы. Паразмаўлялі з экспэрткай: https://smarturl.click/zdJW8

Найбольш імаверныя варыянты атрымаць турыстычны шэнген — Гішпанія і Грэцыя, але на кароткія тэрміны. Адносна «шчодрая» Італія мяняе візавы цэнтар. Польшча летам больш ляяльная, але зьявіліся новыя праблемы.

Беларусам, якія хочуць атрымаць шэнген, па-ранейшаму складана запісацца на прыём. Даводзіцца сутыкацца з новымі выклікамі — напрыклад, з вэрыфікацыяй твару і фота ў пашпарце. Але шанцы ёсьць.

Хворага на рак ліквідатара аварыі на ЧАЭС Целепуна вінавацяць у паклёпе на Лукашэнку: https://smarturl.click/aRaM0

«Ён хворы на рак, цяпер у стадыі рэмісіі. Хто яго бачыў перад арыштам, адзначаюць, што вельмі схуднеў. Ясна, што патрэбны дагляд, увага лекараў, але ў СІЗА гэта забясьпечыць будзе складана, ведаю па сабе, год там быў. Нават невядома, ці атрымлівае ён патрэбныя лекі. Была надзея, што зьменяць меру стрыманьня на падпіску, улічаць ягоны ўзрост і стан здароўя, але на такі гуманны крок сьледзтва не пайшло»

Пасьля затрыманьня Ўладзімера Целепуна тры дні трымалі ў мазырскім ізалятары, адкуль перавезьлі ў гомельскі СІЗА. У якіх умовах там апынуўся праваабаронца, дакладна невядома. Адвакат, які зь ім сустракаўся, пра ўмовы нічога не сказаў, спасылаючыся на падпіску, дадзеную сьледзтву.

Фонд BySol распачаў традыцыйны летні збор для дзяцей палітвязьняў: https://smarturl.click/y6Jpd

«Як правіла, гэтыя грошы ідуць на набыцьцё летняга адзеньня, аплату дадатковых заняткаў, псыхалагічную дапамогу і арганізацыю адпачынку. У мінулым годзе падчас падобнай акцыі нам удалося сабраць сродкі для 252 дзяцей»

Заяўкі на атрыманьне дапамогі прымаюцца з 5 па 31 траўня, іх могуць падаць бацькі, якія знаходзяцца ў Беларусі і за мяжой.

Кіраўніца «Вольнага хору» Галіна Казіміроўская мае анкалягічную хваробу, ёй зьбіраюць дапамогу: https://smarturl.click/Jno6g

«Імя Галіны Казіміроўскай стала для многіх беларусаў сынонімам адвагі. Сёньня Галіна, якая перажыла арышт, допыты, „суткі“ на Акрэсьціна і вымушаную эміграцыю, сутыкнулася з ворагам, якога нельга перамагчы песьняй, — з анкалёгіяй»

«Вольны хор» загучаў падчас пратэстаў 2020 году. Хор зьяўляўся зьнянацку — у гандлёвых цэнтрах ці на прыступках філярмоніі сотні галасоў сьпявалі аб свабодзе. Улады прызналі калектыў «экстрэмісцкім фармаваньнем».

Павал Севярынец пра тое, чаму беларусам варта аб'яднацца, а не сварыцца

🔻Пра якую «спэцыфічную актыўнасьць» на мяжы з Беларусьсю гаворыць прэзыдэнт Зяленскі?
🔻Ці выйшаў з комы 23-гадовы беларус, які спрабаваў учыніць самагубства праз адмову ў прытулку ў Чэхіі?

https://www.youtube.com/watch?v=-qn2ZovGMtE

«Зь яго хацелі больш за мільён рублёў». Дэталі гібелі намесьніка начальніка цэха на «Гродна Азот»

• Што стала прычынай самагубства намесьніка начальніка цэха на прадпрыемстве «Гродна Азот»?
• Што адбываецца цяпер на прадпрыемстве?
• Як уплывае на бясьпеку і працоўную атмасфэру адсутнасьць незалежных прафсаюзаў?

Пра абставіны самагубства намесьніка начальніка цэха на прадпрыемстве «Гродна Азот» у «ПіКу Свабоды» гаворым з прадстаўніком«Рабочага руху» Юрыем Рававым, які раней быў лідэрам страйку на «Гродна Азот». 

https://youtu.be/2dUiUCBU7O4

Упершыню зь Беларусі ў Літву не прапусьцілі аўтобус празь перабор паліва → https://smarturl.click/DYo3Z

Як апавёў «Люстэрку» адзін з пасажыраў, аўтобус выехаў зь Менску а 4-й раніцы і на мяжы ў Медніках яго не прапусьцілі літоўскія мытнікі:

«Нам сказалі, што не паедзем далей праз паліва, больш нічога не тлумачылі. Давялося выклікаць таксі да Вільні з найбліжэйшай запраўкі з боку Літвы.

Ад 3 траўня ў Літву нельга ўвозіць больш як 200 літраў паліва. Абмежаваньне тычыцца транспарту беларускіх і расейскіх грамадзян і зьвязанае з вайной ва Ўкраіне.

Ціханоўская ў Ерэване сустрэлася з больш як дзясяткам эўрапейскіх лідэраў

А Лукашэнка кажа, што армяне нікому не патрэбныя па-за постсавецкай прасторай.

Той самай прасторай, якая распадаецца на нашых вачах.

У Польшчы здымуць абмежаваньні з 8 тысяч беларускіх трактароў → https://smarturl.click/vdJyv

Такую пастанову вынесла Эўрапейская камісія.

Праблема з была ў тым, што трактары, купленыя палякамі ў Беларусі пасьля 2016 году, мелі ня ўсе дазволы, патрэбныя ў Эўразьвязе.