На Камароўцы каля 300 жанчын у ланцугу!

Каля 11 раніцы ў Менску каля будынку Белтэлерадыёкампаніі на вуліцы Макаёнка сталі зьбірацца жанчыны ў белым адзеньні, зь белымі балёнікамі і кветкамі, паведамляе Tut.by. Трымаюць плякаты «Вярніце справядлівыя выбары», «Вярніце на ТВ навіны і журналістыку». Фота ланцугу публікуе «Наша ніва».

«Ланцугі салідарнасьці» зьбіраюцца і па іншых раёнах Менску (у тым ліку ў цэнтры гораду, на Нямізе і праспэкце Пераможцаў) і ў іншых гарадах ад самай раніцы.

Амэрыканскі сьпявак і актор Джарэд Лета (гурт 30 Seconds To Mars) падтрымаў беларусаў у Instagram: "Мы з табой, Беларусь"

На Нямізе таксама ланцуг салідарнасьці

Ліда сёньня, відэа ад чытача

Японія заклікала ўлады Беларусі забясьпечыць прынцыпы дэмакратыі і ўстрымацца ад гвалту. МЗС краіны глыбока занепакоенае сутычкамі паміж удзельнікамі мітынгаў пратэсту і сілавікамі, якія адбыліся па ўсёй Беларусі.
Японія падтрымала пазыцыю БДІПЧ АБСЭ, якое выказала шкадаваньне, што арганізацыя не змагла накіраваць місію па назіраньні за выбарамі ў Беларусь. На чатырох апошніх прэзыдэнцкіх выбарах у Беларусі прысутнічалі назіральнікі і ад Японіі. АБСЭ таксама раскрытыкавала відавочнае запалохваньне палітычных актывістаў, затрыманьне прэтэндэнтаў у прэзыдэнты.

Менск. На Камароўку да ланцуга салідарнасьці прыйшла Марыя Калесьнікава, з кветкамі ў руках

Дырэктар IT-кампаніі Andersen Аляксандар Хоміч прывёз кветкі жанчынам, якія стаяць у ланцугу салідарнасьці ў Менску, і заклікаў у сваім Фэйсбуку мужчынаў далучацца.

Былая прэзыдэнтка Літвы Даля Грыбаўскайце ў Twitter: «Дыктатар з рукамі ў крыві, Лукашэнка, сыходзь зараз. Ты вызначыў свой лёс: ніякай будучыні на беларускай зямлі» 

Такі ж самы ланцуг у іншым раёне Менску. Аўтамабілісты падтрымліваюць!

Каналы Nexta і «Беларусь головного мозга» паведамляюць пра забастоўку на заводзе БелАЗ у Жодзіне — адным з найбуйнейшых прадпрыемстваў краіны. Фота рабочых таксама публікуе #МотолькоПомоги

Жаночы ланцуг з песьнямі ў Новай Баравой, Менску

Тэлевядоўца Сяргей Казловіч, які ўчора звольніўся з БТ, вядзе ў Instagram трансьляцыю з-пад Белдзяржфілярмоніі ў Менску. Капэля ўжо трэці раз сьпявае «Магутны Божа».

Супрацоўнікі філармоніі сьпяваюць «Магутны Божа»!
У руках плякаты з надпісам «У нас скралі наш голас»

Відэа адтуль жа!

Паводле Tut.by, баставалі таксама два цэхі на ГроднаАзоце. Да супрацоўнікаў Гроднажылбуду тым часам прыехалі старшыня гарвыканкаму і гарадзкі пракурор. Пратэсты адбываюцца на менскіх «Інтэграле» і заводзе Казлова, але там забастоўку 12 жніўня не вялі.

Каля Белтэлерадыёкампаніі людзей пабольшала!

Капітан міліцыі з Наваполацку, супрацоўнік Дэпартамэнту аховы Ягор Емяльянаў 11 жніўня апублікаваў у Instagram заяву аб звальненьні на фоне масавых пратэстаў. Як піша Tut.by, Дэпартамэнт аховы сьцьвярджае, што яго звольнілі «за прагул», а жонка кажа, што яго затрымалі: пасьля таго, як ён падаў рапарт на звальненьне, папрасілі прыехаць перааформіць дакумэнты. Факт затрыманьня пацьвердзілі, у чым вінавацяць — не сказалі.

UPD: пішуць, Емяльянава раптоўна вызвалілі!

Участковы інспэктар з Гомля Іван Колас, які публікаваў відэазварот да калегаў з заклікам не чыніць гвалт супраць бяззбройны і не настаўляць зброю на пратэстоўцаў, зьнік, піша Tut.by. Да яго ў ноч на чацьвер прыяжджалі дзьве машыны «забраць пасьведчаньне і жэтон», ён скінуў іх з вакна.