У Барсэлёне на знак салідарнасьцю зь Беларусьсю вывесілі бел-чырвона-белы сьцяг на помнік Рамону Бэрэнгеру ІІІ, сярэднявечнаму графу. На руку помніку павязалі белую стужку.

У чат-бот «Голасу» даслалі фота 450 тысяч бюлетэняў

Паводле стваральнікаў «Голасу», больш 120 тысяч бюлетэняў даслалі 12 жніўня, калі ў Беларусі вярнулі доступ у інтэрнэт.

Каманда «Голасу» супольна зь ініцыятывамі «Честные людзі» і «Зубр» апрацоўваюць інфармацыю і супастаўляюць яе з дадзенымі выніковых пратаколаў.

«Неўзабаве дадзім дэталёвую справаздачу. І апублікуем на мапе выбарчыя ўчасткі, дзе выбар людзей скралі», – адзначылі ў тэлеграме плятформы.

Францыя вельмі занепакоена гвалтам у Беларусі пасьля прэзыдэнцкіх выбараў, сказаў францускі прэзыдэнт Эманюэль Макрон у тэлефоннай размове з расейскім прэзыдэнтам Ўладзімірам Пуціным 12 жніўня.

Макрон сказаў Пуціну, што ён «вельмі заклапочаны сытуацыяй у Беларусі і тым гвалтам, зь якім грамадзяне сутыкнуліся падчас выбараў», — гаворыцца ў паведамленьні офісу прэзыдэнта Францыі.

«Ён падкрэсьліў неабходнасьць знайсьці шлях да дыялёгу».
Пуцін адным зь першых лідэраў краін павіншаваў Аляксандра Лукашэнку зь пераабраньнем.

Начныя затрыманьні ў раёне Альшанка ў Горадні. Як перадае сьведка, у "аўтобусе" былі чуваць стогны дзяўчат, імаверна, іх зьбівалі.

МЗС Чэхіі выклікала пасла Беларусі пасьля заявы Лукашэнкі, што пратэстамі ў яго краіне кіравалі з-за мяжы, у тым ліку з Чэхіі. Міністар замежных справаў Чэхіі Томаш Петржычэк сказаў: «Мы чакаем прадстаўленьня доказаў, і выказалі рашучы пратэст у сувязі з заявай, накіраваным супраць Чэхіі». Раней ён заяўляў, што ўлады Чэхіі ня маюць дачыненьня да пратэстаў.

Акцыя ў падтрымку беларусаў адбылася ў цэнтры Запарожжа на плошчы Герояў Рэвалюцыі. Удзельнікі акцыі прынесьлі з сабой беларускія сьцягі і плякаты з надпісамі "Жыве Беларусь", "Бел-чырвона-белы - моцны, сьмелы, мужны" і іншыя.

З самай раніцы 13 жніўня людзі зноў выйшлі на вуліцы ў розных раёнах Менску і сталі ў ланцугі салідарнасьці. Машыны сыгналяць ім у падтрымку.

З цэнтра ізаляцыі прапарашальнікаў на 1-м завулку Акрэсьціна ў Менску уначы 13 жніўня вызвалілі каля 100 удзельнікаў акцый пратэстаў.

Прозьвішчы вызаваленых дае тэлеграм-канал «Акрэсьціна сьпісы».

Цяпер у Менску жаночы ланцуг салідарнасьці

Прэзыдэнт Літвы Гітанас Наўседа разглядае магчымасьць наўпроставых кантактаў зь кіраўніцтвам Беларусі для пошуку рашэньня выхаду з крызіснай сітуацыі ў суседняй краіне. Пра гэта паведаміла яго дарадца па пытаньнях зьнешняй палітыкі Аста Скайсгірыце.

Тэлевядоўца Андрэй Макаёнак расказаў, чаму пакінуў БТ.
— З моманту пачатку перадвыбарнай кампаніі да гэтага моманту выходзіў у эфір з жаданьнем даказаць людзям, што ў гэтай сытуацыі, якая падзяліла людзей на два лягеры, усё роўна можна заставацца чалавекам пазытыўным. Цяпер я зразумеў, што ўсьмешкі здаюцца блюзьнерскімі, зьдзекам зь людзей, якія пацярпелі ў нейкай сытуацыі. Я вырашыў, што знаходжаньне ў эфіры ў якасьці коміка пакуль недарэчнае. Самае галоўнае для мяне — гэта адсутнасьць гэтых ахвяр, пра якія пішуць нашыя паблікі. Як толькі ў гэтым усім пачынаюць гінуць людзі, гэта перастае быць пратэстам, гэта перастае быць чымсьці волевыяўляльным, гэта пачынае быць грамадзянскай вайной. https://www.svaboda.org/a/30781178.html

Карэспандэнт расейскага выданьня Znak.com Мікіта Целяжэнка быў затрыманы беларускімі сілавікамі 10 жніўня каля 19.00 у цэнтры Менска на вуліцы Няміга. Ён распавёў, што яго білі, часта для забавы, і ўтрымлівалі ў камэры на дваіх чалавек разам з яшчэ 20-30 затрыманымі. «Прымушаюць людзей маліцца і малоцяць дручкамі» – падрабязна чытайце на сайце. https://www.svaboda.org/a/30781303.html

Менская гарадзкая выбарчая камісія апублікавала афіцыйныя вынікі галасаваньня. За Ціханоўскую — 14.9%. За Лукашэнку 64.5%. 10 жніўня старшыня ЦВК Ярмошына абʼявіла, што па краіне паводле папярэдніх дадзеных Аляксандар Лукашэнка атрымаў 80,23% галасоў, а Сьвятлана Ціханоўская — 9,9%.

Як паведамілі Свабодзе ў амбасадзе Ўкраіны ў Менску, украінскія консулы паспрабавалі знайсьці затрыманых учора праваабаронцаў Канстанціна Равуцкага і Яўгена Васільева. Невядомае нават СІЗА, у якім яны знаходзяцца.
Равуцкі і Васільеў зьяўляюцца падазраванымі ў крымінальнай справе пра масавыя беспарадкі ў Менску 10–12 жніўня. Яны прыбылі ў Менск раніцай 12 жніўня, а ў абед былі жорстка затрыманыя.

Менск, Зялёны луг. Жанчыны зноў выходзяць у ланцугі! 13.08.2020