У Менскім архікатэдральным касьцёле Найсьвяцейшага Імя Марыі пачалося разьвітаньне зь першым кіраўніком незалежнай Беларусі Станіславам Шушкевічам.

Разьвітаньне будзе працягвацца ўсю ноч і скончыцца імшой 7 траўня. У першы дзень разьвітаньня прысутнічаюць члены сям’і спачылага, сябры. У залі прысутнічае зараз каля 200 чалавек, людзі падыходзяць.

Упершыню за тры гады афіцыйныя ўлады далі сёлета дазвол на правядзеньне 9 траўня акцыі «Несьмяротны полк». Прычым шэсьце ў Менску гэтым разам пройдзе найбольш цэнтральным маршрутам: ад Кастрычніцкай плошчы да плошчы Перамогі.

Што такое «Несьмяротны полк» і чаму беларускія ўлады яго то дазваляюць, то забараняюць: https://svaboda.global.ssl.fastly.net/a/31837860.html

З VPN або з-за мяжы

❌ Прэзыдэнт Украіны Ўладзімір Зяленскі падпісаў законапраект аб дэсаветызацыі ўкраінскага заканадаўства. Пра гэта паведамляецца на сайце Вярхоўнай Рады.

Старшыня Вярхоўнай Рады Руслан Стэфанчук растлумачыў, што дакумэнт адмяняе 1200 актаў органаў дзяржаўнай улады і кіраваньня СССР і Ўкраінскай ССР.

https://svaboda.global.ssl.fastly.net/a/31837929.html

З VPN або з-за мяжы

Amnesty International: Расея датычная да ваенных злачынстваў пад Кіевам

Міжнародная праваабарончая арганізацыя Amnesty International апублікавала новы даклад аб ваенных злачынствах, па ўсёй верагоднасьці ўчыненых расейскім войскам паблізу Кіева.

У дакумэнце праваабаронцы расказваюць пра 22 забойствы мірных грамадзян у Бучы і авіяўдары па Барадзянцы, падчас якіх загінулі больш за 40 чалавек.

https://svaboda.global.ssl.fastly.net/a/31837843.html

З VPN або з-за мяжы

23 гады таму, 7 траўня 1999 году быў выкрадзены і, імаверна, забіты былы міністар унутраных спраў Беларусі, дзяяч апазыцыі генэрал Юры Захаранка

У датычнасьці да зьнікненьняў Юрыя Захаранкі сярод іншых падазраецца былы камандзір СОБРу Зьміцер Паўлічэнка. У 2000 годзе яго арыштавалі, але ён прабыў пад вартай толькі адзін дзень і быў вызвалены асабістым загадам Аляксандра Лукашэнкі.

Пра Юрыя Захаранку - міліцыянта, які адмовіўся стаць катам, - у нашым архіўным артыкуле:

https://svaboda.global.ssl.fastly.net/a/31241096.html

У Італіі арыштавалі яхту за $700 млн., якую зьвязваюць з Пуціным

У пятніцу ўлады Італіі наклалі арышт на яхту «Scheherazade», якая, мяркуецца, належыць Уладзіміру Пуціну.

Паводле італьянскіх уладаў, была выяўлена сувязь «з высокапастаўленымі элемэнтамі ў расейскім кіраўніцтве і людзьмі, якія трапілі пад санкцыі ЭЗ». Імя ўладальніка яхты ў заяве ня ўказваецца.

Паводле незалежных ацэнак, 140-мэтровы вадаплаў можа каштаваць каля $700 млн.

Акупацыйная адміністрацыя Херсонскай вобласьці хоча далучыць рэгіён да Расеі і вярнуць герб часоў Расейскай імпэрыі

Прызначаны кіраўнік акупацыйнай адміністрацыі Херсонскай вобласьці Кірыл Стрэмавусаў заявіў расейскаму агенцтву «РИА Новости» аб намеры ўключыць рэгіён у склад Расеі.

«Мы маем намер жыць у складзе Расейскай Фэдэрацыі і будзем нагадваць па тэмпах разьвіцьця нешта блізкае да Крыму. Рэгіён будзе імкнуцца стаць суб’ектам Расеі. Ніхто ні да чаго не будзе прымушаць, але спрадвечна рускія землі павінны вярнуцца ў сваё гістарычнае рэчышча культуры і каштоўнасьцяў», — заявіў Стрэмавусаў агенцтву.

Таксама ён заявіў пра намер вярнуць герб часоў Расейскай імпэрыі ў вобласьці.

Цяпер Херсонская вобласьць Украіны знаходзіцца пад расейскай акупацыяй.
Што яшчэ адбываецца ва Ўкраіне 7 траўня:

https://svaboda.global.ssl.fastly.net/a/31838593.html

З VPN або з-за мяжы

Мы вам пакажам, дзе генацыд. Навошта беларускія ўлады пачалі распаўсюджваць тэзіс пра «генацыд беларускага народу»? Ці ён сапраўды быў, ці гэта міт, створаны ўладай?

Больш за год прадстаўнікі беларускіх сілавых структур займаюцца расьсьледаваньнем справы аб генацыдзе беларускага народу ў часы Другой сусьветнай вайны.
На дзяржаўнай тэлевізіі паказваюць пра гэта дзясяткі рэпартажаў і ток-шоў, пракуроры сустракаюцца з вучнямі школаў і студэнтамі ўнівэрсытэтаў, каб прачытаць лекцыі аб генацыдзе.

Што стаіць за гэтымі дзеяньнямі? Ці гэта патрэбна толькі ўладам для штодзённых палітычных патрэбаў? Свабода паспрабавала адказаць на гэтыя пытаньні.

Як дзяржава стварае міт пра генацыд беларускага народу:

https://svaboda.global.ssl.fastly.net/a/31833720.html

З VPN або з-за мяжы

Чарга на разьвітаньні са Станіславам Шушкевічам

На другі дзень разьвітаньня са Станіславам Шушкевічам некалькі соцень ці тысяч чалавек прыйшлі ў касьцёл з чырвонымі і белымі кветкамі.

@radiosvaboda

Воплескі пасьля заканчэньня імшы па Станіславу Шушкевічу

@radiosvaboda

Людзі праводзілі доўгімі воплескамі першага кіраўніка Беларусі ў апошні шлях

Пасьля заканчэньня імшы па Станіславу Шушкевічу людзі праводзілі яго авацыяй. Разьвітальныя воплескі пры вынасе труны доўжыліся больш за 10 хвілін. Станіслава Шушкевіча пахаваюць на Паўночных могілках.

На пахаваньні Станіслава Шушкевіча труну накрылі нацыянальным бел-чырвона-белым сьцягам.

Фота: @zerkalo_io

Гомельскага фэрмэра, які спрабаваў ісьці ў прэзыдэнты, асудзілі па «наркатычным» артыкуле

Гомельскага фэрмэра Юрыя Ганцэвіча, які ўдзельнічаў у парлямэнцкіх выбарах 2019 году і прэзыдэнцкіх выбарах 2020-га, асудзілі па «наркатычным» артыкуле. У эфіры навін рэгіянальнага тэлеканала ў пятніцу яго паказалі ў клетцы ў залі суда, заўважыла Zerkalo.io.

Як паведамляецца ў сюжэце, мужчыну абвінавацілі ў тым, што з красавіка 2020 па жнівень 2021 году працаваў на інтэрнэт-краму наркотыкаў: атрымліваў тавар у Расеі, фасаваў і рабіў закладкі ў Гомельскай вобласьці. Паводле сьледзтва, ён пасьпеў збыць псыхатропы як мінімум 7 пакупнікам, зарабіўшы каля 160 тысяч рублёў. Мужчыну асудзілі на пазбаўленьне волі ў калёніі ўзмоцненага рэжыму, тэрмін не ўдакладняецца.