У раёне Рыгі скандуюць «Верым! Можам! Пераможам!» і ідуць дваровым маршам.

Малінаўка таксама сёньня маршуе, пішуць нашыя чытачы з гэтага раёну.

Наш чытач зьняў відэа, як людзі ў чорнай уніформе сёньня ў Менску здымалі бел-чырвона-белы сьцяг з вышыні 10 паверху.

Палітвязень Ігар Лосік галадае дваццаты дзень. Ён прыслаў з турмы свой партрэт, нарысаваны ягоным сукамэрнікам

Ягоная жонка Дар'я Лосік расказала Свабодзе, што цяпер адбываецца з Ігарам у жодзінскай турме. Падрабязьней>>

Залатая Горка выйшла на першы марш у 2021 годзе, пішуць нам чытачы.

Флэшмоб са сьцягами правялі жыхары шматпавярховіка ў Сухараве

⚡️⚡️Арцыбіскуп Тадэвуш Кандрусевіч сыходзіць на пэнсію.

3 студзеня 2020 г., у дзень, калі мітрапаліту Менска-Магілёўскаму споўнілася 75 гадоў, папа Францішак прыняў яго адстаўку. Падрабязьней >>

Яраслаў Раманчук лічыць, што ўвесну будзе новы выбух пратэстаў.

«Калі Лукашэнка працягне сьцьвярджаць, што пратэстоўцы мярзотнікі, алькаголікі, дармаеды і трэба іх душыць, ну тады вясной атрымаем новы выбух пратэставага супрацьстаяньня, які пагоршыцца яшчэ і станам эканомікі». Падрабязьней>>

Жыхары Зялёнага Лугу ідуць маршам у сваім раёне.

Хто такі Казімер Велікаселец, каго папа Рымскі прызначыў апостальскім адміністратарам для часовага выкананьня абавязкаў біскупа?

Тадэвуш Кандрусевіч і Казімер Велікаселец даўнія знаёмцы. У 1980-х гадах малады сьвятар Кандрусевіч служыў у Вільні, а рабочы Велікаселец працаваў зваршчыкам. Ён рэгулярна прыходзіў у храм на сьвятую імшу і хацеў вучыцца ў духоўнай сэмінарыі. Так яны і пасябравалі з Кандрусевічам.

Чытаць цалкам>>

На гэты момант вядома пра 4 чалавек, затрыманых сёньня ў Менску. Інфармацыя пра іх зьмешчаная ў канале Списки задержанных.

Жыхары Койданава (Дзяржынску) сабраліся сёньня з партрэтамі палітыкаў, журналіста і ўдзельнікаў пратэстаў, якія зьніклі, былі забітыя ці памерлі пры загадкавых абставінах.

Баранавічы сёньня таксама выходзілі

Львоў. Там сёньня прайшла акцыя салідарнасьці зь Беларусьсю

Марш у Сокале каля Менску сёньня

Мітрапаліт Кандрусевіч пра сваю адстаўку

«Менска-Магілёўская архідыяцэзія не застанецца без кіраўніка. Апостальскім адміністратарам прызначаны біскуп Казімер Велікаселец, прашу вас прыняць яго з адкрытым сэрцам. Людзі мяняюцца, а касьцёл застаецца. Дзякуй усім, прыміце блаславеньне», — сказаў Тадэвуш Кандрусевіч пра свайго наступніка.

Чытаць цалкам>>

Бел-чырвона-белыя сьцягі ў менскім мэтро ✊

У Берасьці сілавікі праводзяць ператрус у актывісткі кампаніі «Эўрапейская Беларусь»

Аб прыходзе сілавікоў актывістка Паліна Шарэнда-Панасюк пасьпела паведаміць журналістам і праваабаронцам.

29 сьнежня міліцыянты схапілі яе мужа Андрэя Шарэнду, і цяпер ён знаходзіцца ў берасцейскім ізалятары часовага ўтрыманьня.

Муж і жонка вядомыя ў горадзе як удзельнікі ўсіх важных палітычных кампаній.

Працяг тут: