🇧🇾 «Ідзе вайна, а мы разварушваемся»

Кіраўнік МУС Караеў распавёў, калі па пратэстоўцах будзе прымяняцца баявая зброя. Кажа, не «без разбору» >>

🇧🇾 Папа Менскі. Дзеля каго Лукашэнка пакіне трон? Дыскусія аналітыкаў

Якую ролю ў гісторыі перадачы ўлады ў Беларусі можа адыграць выключная зацыкленасьць Аляксандра Лукашэнкі на сваім малодшым сыну? Якія ролі падрыхтаваныя іншым ягоным дзецям? Як доўга «клан Лукашэнкі» зможа ўтрымліваць стырно праўленьня ў сваіх руках?

🔧 «Адпрацаваў 13 гадоў, выказаў думку — і выкінулі за плот»

Трох работнікаў Менскага заводу колавых цягачоў звольнілі за ўдзел у страйку — Дзьмітрыя Кананка, Аляксандра Лаўрыновіча і Віктара Чайкоўскага. Мы пагутарылі са звольненымі. Што яны кажуць >>

🤔 Каля Генпракуратуры штосьці адбываецца. Але што?

Каля гадзіны таму нам прыйшло паведамленьне ад чытача, што будынак Генпракуратуры ў Менску абгароджаны, на ходніках ляжаць бутэлькі ад сьпіртных напояў, іх вартуюць сілавікі ў поўным абмундзіраваньні. Пры тым пра нейкія беспарадкі ці гучныя вечарыны на тым месцы нідзе не паведамлялася.

Цяпер Генпракуратура заявіла, што каля будынку «зафіксаваныя дзеяньні, магчыма, супрацьпраўныя, з удзелам мінакоў». Што там здарылася, так і не паведамілі

Латушка расказаў пра Народнае антыкрызіснае кіраўніцтва — новы орган, паралельны Каардынацыйнай радзе

Калі КР — для правядзеньня перамоваў, то НАК — для таго, каб дабіцца пачатку такіх перамоваў, кажа ён

«Актыўная фаза страйкаў перарастае ў іншыя формы „партызанскай барацьбы“»

«У аўторак у параўнаньні з панядзелкам стала цішэй, што датычыцца прадпрыемстваў. Але нішто нікуды не падзелася, зьнешнія праявы пратэсту сышлі ўглыб, у тым ліку ў сабатаж, „італьянскі страйк“», — тлумачыць старшыня Беларускага кангрэсу дэмакратычных прафсаюзаў Аляксандар Ярашук

🎭 Пасьля акцыі салідарнасьці ў Опэрным тэатры адмянілі спэктаклі. Афіцыйна: каранавірус 🦠

Адмена ўсіх спэктакляў і канцэртаў у малой залі з 29 кастрычніка па 20 лістапада

Пачалі звальняць страйкоўцаў на Менскім электратэхнічным заводзе імя Казлова

Зваршчык заводу Аляксандар Шымановіч сёньня раніцай аднёс у адміністрацыю заяву аб далучэньні да агульнанацыянальнага страйку, а пасьля абеду атрымаў SMS аб пералічэньні заробку ў сувязі са звальненьнем.
Паводле крыніц, агулам у рознай форме страйк падтрымалі да 70% працаўнікоў заводу.

Што распавёў звольнены работнік >>

Адлічваюць студэнтаў мэдычнага ўнівэрсытэту. Іншыя студэнты прыйшлі падтрымаць аднакурсьнікаў. Паводле зьвестак незалежнага аб'яднаньня мэдыкаў «Белые халаты», у сьпісе на адлічэньне з БДМУ цяпер 15 чалавек

Выпускнікі менскай гімназіі падтрымалі настаўнікаў, якія запісалі рэзанансны відэазварот

Амаль 2 тысячы чалавек падпісаліся пад лістом у падтрымку настаўнікаў менскай гімназіі № 50, што выклалі ў сеціве відэазварот, пасьля якога дырэктарку выклікалі ў Мінадукацыі. Сярод падпісантаў акадэмік НАН Беларусі Сяргей Жданок, стваральнік EPAM Аркадзь Добкін, культуроляг Андрэй Расінскі і інш.

Мэдыкі Беларусі і замежжа запусьцілі акцыю ў падтрымку страйкоўцаў

Яны запусьцілі акцыю # медики_бастующим і пераводзяць свой двухдзённы заробак у фонд салідарнасьці BYSOL. У рамках акцыі #YouStrikeWeWork беларускія дыяспары па ўсім сьвеце пералічылі ў фонд BYSOL ужо больш за 583 тысячы эўра.

Паводле інфармацыі BCSF, з Опэрнага тэатру звольнілі першую скрыпку аркестру Рэгіну Саркісаву, якая падпісала ліст дзеячоў культуры, а таксама скрыпачку Алу Джыган і альтыстку Аляксандру Пацёміну, якія ўчора перад пачаткам спэктакля выказаліся супраць гвалту і беззаконьня ў Беларусі

⚡️Таксама з Опэрнага тэатру звольнілі дырыжора Андрэя Галанава, заслужанага дзеяча мастацтваў Беларусі і ўладальніка мэдаля Францішка Скарыны. Меркаваная прычына — удзел у звароце культурных дзеячоў з нагоды ўльтыматуму.

У Мэдычным унівэрсытэце ў Менску зьбіраюцца студэнты і выкладчыкі, каб падтрымаць адлічаных студэнтаў. Паведамляюць, што дзьверы ўнівэрсытэту зачынілі, але на вуліцы таксама сабраліся людзі, якія прыйшлі выказаць студэнтам сваю салідарнасьць. Відэа чытача

Латушка абвясьціў пра стварэньне Народнага антыкрызіснага кіраўніцтва

Новы орган мае стаць «інстытутам дапамогі Каардынацыйнай радзе». Галоўная яго мэта — вырашэньне задач, якія будуць стаяць перад краінай пасьля сыходу экс-прэзыдэнта, пакуль не адбудуцца новыя выбары і ўлада не пяройдзе да новага ўраду.
Хто ўвайшоў у склад НАК >>

⚡️Сілавікі разагналі людзей, якія прыйшлі падтрымаць студэнтаў БДМУ. Нікога пакуль не затрымалі.

Літва прыпыніла вылучэньне сродкаў Беларусі ў рамках праграмы ЭЗ

«З улікам палітычнай сытуацыі ў Беларусі» Літва прыпыніла вылучэньне фінансаваньня Беларусі ў рамках праграмы Эўразьвязу па трансгранічным супрацоўніцтве, гэтак жа зрабіла і Латвія. На яе рэалізацыю прадугледжвалася 74 млн эўра (прынята 80 праектаў, якія ахопліваюць разьвіцьцё памежнай інфраструктуры, тэлекамунікацыйнай сыстэмы, ініцыятывы ў сфэрах культуры, адукацыі, аховы прыроды і інш.)

КДБ Беларусі ўгледзеў акт тэрарызму ў падпале будынку ДАІ ў Мазыры

Падпал будынку ДАІ ў Мазыры ўначы 28 кастрычніка кваліфікавалі як акт тэрарызму (ч. 1 арт. 289 КК РБ, пакараньне – ад 8 да 15 год пазбаўленьня волі). Матэрыялы крымінальнай справы перадалі для расьсьледаваньня ва ўпраўленьне КДБ па Гомельскай вобласьці, цяпер шукаюць датычных да падпалу.

Рабочы «Атланта», які залез на комін заводу і запісаў зварот да Лукашэнкі, трапіў у РНПЦ псыхічнага здароўя

У Навукова-практычным цэнтры псыхічнага здароўя Tut.by паведамілі, што каля 16.20 да іх паступіў мужчына з такім жа прозьвішчам і імем, як у завадчаніна. Афіцыйна пацьвердзіць інфармацыю не ўдалося, але факт, што Віктар трапіў у РНПЦ псыхічнага здароўя, пацьвердзілі ягоныя сябры і знаёмыя.