🚑 Віцебскія мэдыкі запісалі зварот пра гвалт сілавікоў і сытуацыю з каранавірусам → 👮 Пракуратура папярэдзіла пра крымінальную адказнасьць

Іх папярэдзілі аб «недапушчальнасьці публічнай дыскрэдытацыі органаў улады, скажэньня грамадзка-палітычнай сытуацыі ў краіне, ажыцьцяўленьня іншых дзеяньняў, здольных пацягнуць прычыненьне шкоды нацыянальным інтарэсам Беларусі»

🔧 Што цяпер на «Гродна Азот». Каротка

➖ «Аміяк-3» не прыняў начную зьмену. Ноччу там працавалі іншыя азотаўцы і начальства. Працягвае страйк «Карбамід-4».
➖Азотаўца і сябра незалежнага прафсаюзу Аляксандра Жука ўвечары перавялі ў ізалятар да суду. Учора ён зьнік зранку. Потым пазваніў з КДБ.
➖Работнікі паведамляюць, што ёсьць звальненьні «задняй датай»

Сваякі палітвязьняў стварылі ініцыятыву «Вызваленьне-2020», заклікаюць да салідарнасьці

Колькасьць падазраваных і абвінавачаных па палітычных матывах дасягнула каля 500 чалавек. Іх блізкія вырашылі наладзіць камунікацыю.

📲 @viazni2020_bot — тэлеграм-бот ініцыятывы «Вызваленьне-2020»

Аднакурсьнікі палітвязьня Максіма Знака зачыталі ягоны верш «Былым юрыстам»

Максіма Знака затрымалі 9 верасьня, вінавацяць у «закліках да дзеяньняў, накіраваных на прычыненьне шкоды нацыянальнай бясьпецы Рэспублікі Беларусь»

‼️ З «Гродна Азот» задняй датай звольнілі адразу 11 чалавек, паведамілі рабочыя

За надпіс «Не забудзем» на месцы гібелі Тарайкоўскага завялі крымінальную справу

25-гадовай Марыі Бабовіч пагражае да 10 гадоў турмы за «хуліганства» і «пашкоджаньне маёмасьці».

Ці пагражае штосьці забойцы Тарайкоўскага, невядома: інфармацыі пра крымінальную справу па факце забойства мірнага пратэстоўца не было

👮 У будынак ДАІ ў Мазыры кінулі «кактэйль Молатава». Відэа з камэраў назіраньня няма 🤔

Як сьцьвярджаюць МУС і СК, каля паловы на 4-ю ночы невядомы выбіў шыбу і кінуў у будынак бутэльку з гаручай сумесьсю. Пацярпелых няма, гарэў толькі адзін пакой. На відэа МУС — толькі наступствы пажару, але няма кадраў нападу. Няма і апісаньня падазраваных.

Два тыдні таму МУС заяўляла, што «кактэйль Молатава» кінулі ў аўтобус менскага аддзяленьня міліцыі. Зь відэа было відаць, што бутэльку кінулі проста з агароджанай тэрыторыі аддзяленьня. Ці знайшлі нападніка, не паведамлялі

З БНТУ «задняй датай» адлічылі затрыманых на маршы ў панядзелак? ⁉️

Пра гэта сьцьвярджаюць чытачы «Эўрарадыё». 📲 Калі адлічылі вас або калі маеце кантакт адлічанага, раскажыце нам: @SvabodaBelarus

У МДЛУ тым часам некалькі дзясяткаў выкладчыкаў і супрацоўнікаў далучыліся да страйку

Адміністрацыя «стараецца зрабіць выгляд, што нічога не адбываецца і заняткі праводзяцца ў штатным рэжыме», расказала Свабодзе дацэнтка катэдры італьянскай мовы Натальля Дуліна

🙀 ШЧУЧЫНШЧЫНА ў Менску!

Учора тая самая Алена Жалудок выступіла ў менскім жылым комплексе «Магістар» — быў цэлы пэрформанс з «чыноўнікамі» і «целаахоўнікамі»

🇧🇾 «Лукашэнка ў 90% выпадкаў блефуе»

Дарадца Сьвятланы Ціханоўскай Францішак Вячорка тлумачыць, чаму Лукашэнка больш ня будзе жорстка разганяць пратэсты. Тэкст і відэа >>

🔧 Навіны «Гродна Азот»

👮 Азотаўцу пагражаюць крымінальнай справай за «заклік да забастоўкі». Аляксандар Жук прапаў учора каля 6:30 раніцы, знайшоўся ў КДБ, цяпер у ізалятары чакае суду за «несанкцыянаваную акцыю».
👴🏻 Ранішнюю зьмену ў «Аміяку-3» не прынялі тыя, хто ішоў паводле пляну. Замест іх на працу пайшлі іншыя азотаўцы і начальства, у цэх пусьцілі стажораў. На цэнтральнай панэлі кіраваньня працуюць за двайную плату.
⛔️ Некаторых рабочых раніцай не пускалі на завод, бо яны нібы звольненыя. Пасьля патэлефанавалі з заводу, сказалі выходзіць на працу.
💻 «Кібэрпартызаны» ўзялі на сябе адказнасьць за тое, што сайты «Гродна Азоту» перасталі працаваць

А на «Нафтане» страйкуе апэратар устаноўкі з 14-гадовым стажам

«Скажуць, што страйк незаконны? Дык вось людзей сёньня б’юць на па законе, а па ўсіх частках цела, не зважаючы, гэта дзяўчына, мужчына ці пэнсіянэр. Страляюць у пратэстоўцаў таксама не па законе», — кажа Аляксандар Кухаронак

‼️ Затрымалі мінімум трох супрацоўнікаў МТС

Аднаго АМАПаўцы білі на вачах калегаў, якія выйшлі на праспэкт Незалежнасьці ў Менску і сталі ў «ланцуг салідарнасьці».

UPD: У 14.30 у МТС прыедзе міністар сувязі, паведамілі супрацоўнікі мабільнага апэратара

Рабочы «Атланту» залез на комін заводу зь бел-чырвона-белым сьцягам і запісаў зварот да Лукашэнкі

Відэа ягонага звароту перадае «Белсат». Да коміна прыехала машына МНС, побач і міліцыя, піша Tut.by

Больш за 200 выпускнікоў унівэрсытэту «МІТСО» патрабуюць спыніць ціск на студэнтаў

Нагодай для звароту стаў аўдыёзапіс, абнародаваны ў сеціве 21 кастрычніка, на якім ідэоляг і прарэктар пагражаюць студэнтцы 2-га курсу. У звароце пішуць, такія паводзіны «выклікаюць глыбокае расчараваньне і зьдзіўленьне»

‼️ Азотаўцу Аляксандру Жуку прысудзілі 30 дзён арышту

За два мітынгі — па 15 дзён за кожны. Ён пасьпеў патэлефанаваць жонцы і сказаць пра гэта. Гэта яму пагражалі крымінальнай справай за «заклік да страйку»