‼️ Зьмітра Дашкевіча асудзілі на 15 дзён арышту

Былы лідэр «Маладога фронту» заяўляў пра катаваньні ў ізалятары, судзьдзя гэта праігнаравала

🇧🇾 Лукашэнка запатрабаваў звальняць рабочых і адлічваць студэнтаў, якія бяруць удзел у страйках і пратэстах

«Цяпер такі момант, калі кожны павінен выбіраць у сваім жыцьці тую дарогу, па якой ён будзе рухацца. Ня толькі ён, але і дзеці», — заявіў Лукашэнка.

(фота ўчорашняе, адна з калёнаў студэнтаў перад злучэньнем у аб’яднаны марш пэнсіянэраў і студэнтаў)

Бацька Тарайкоўскага перакананы, што сына застрэлілі сілавікі, і патрабуе крымінальнай справы

Сьледчы камітэт мусіць да 11 лістапада паведаміць аб выніках разгляду адпаведнай заявы. Факт забойства пацьвярджаецца шматлікімі відэаматэрыяламі, на кадрах якіх відаць, што Аляксандар стаяў з паднятымі рукам бяз зброі і іншых прадметаў у руках і быў застрэлены прадстаўнікамі сілавых структураў

«Амапавец сказаў ісьці ў бус па чалавеку, які ляжаў на падлозе»

«Я адмовілася, сказала: „Не пайду, пакуль вы мужчыну не падымеце, і ўвогуле нікуды з вамі не паеду, пакуль вы яго нармальна не пасадзіце“, — расказвае акторка Алена Гіронак пра затрыманьне ўчора. — На што ў адказ пачула: „Не табе тут дыктаваць умовы. Зараз усім астатнім будзе горш ад таго, што ты тут паўстаеш“».

Гісторыі гвалту сілавікоў пасьля выбараў >>

Amnesty International: «Урад Беларусі павінен неадкладна пакласьці канец міліцэйскаму гвалту»

«Мы з шокам і трывогай бачым, як гэты рэжым, які на працягу некалькіх тыдняў ужываў гвалт у дачыненьні да дэманстрантаў на вуліцах і ў месцах утрыманьня пад вартай, сёньня накіраваў АМАП у масках для зьбіцьцяў і арышту бастуючых рабочых проста на іх працоўных месцах», — заявіў прадстаўнік арганізацыі

Менск. У БДТУ пад воклічы «Верым, можам, пераможам» працягваецца забастоўка.

🔧 Раскажыце, што адбываецца на беларускіх заводах!

Ці абмяркоўваюць забастоўку, ці ідзе яна, ці кіраўніцтва цісьне на рабочых? Пішыце нам: @SvabodaBelarus

Менск. Каля 50-й гімназіі, настаўнікі якой запісалі зварот у падтрымку забастоўкі, сабраліся былыя вучні і настаўнікі, каб выказаць падтрымку.

Супрацоўнікаў МТС за акцыю салідарнасьці пакаралі арыштамі да 15 дзён

Учора ў Гомлі пяць супрацоўнікаў апэратара выйшлі да свайго офіса зь бел-чырвона-белымі аркушамі. Іх затрымала міліцыя. Ноч яны правялі ў ізалятары.

Дзьвюх супрацоўніц кампаніі ранкам 27 кастрычніка адпусьцілі з ізалятара з пратаколамі. Юры Сынкоў атрымаў 10 дзён арышту за «ўдзел у несанкцыянаванай акцыі», судзьдзя Віктар Казачок. Вадзіма Дынковіча, вядучага спэцыяліста кампаніі, судзіў Сяргей Кармановіч — 15 дзён. Аляксандра Ўласава судзіла Алеся Осіпава — 15 дзён

Чаму студэнты выходзяць на страйк? Спыталі ў іх пра гэта 👀
Адзін з асноўных аргумэнтаў — «За мною будучыня краіны»

Тым часам у Новай Баравой праходзіць невялікі марш, людзі заклікаюць далучацца да забастоўкі.

«Я сышоў з пасады — і Лукашэнка сыдзе»

Галоўнага рэжысэра драмтэатру ў Горадні Генадзя Мушперта і рэжысэра Сяргея Курыленку звольнілі 27 кастрычніка за невыкананьне працоўных абавязкаў.

Перад гэтым яны далучыліся да нацыянальнага страйку. Як будзе далей працаваць тэатар, невядома

У 4-й гімназіі Менску дзеці сабраліся ў калідоры і сьпяваюць песьню «Мы не "народец”»

Каля 4-й гарадзкой клінічнай бальніцы ў Менску сабралася акцыя салідарнасьці

🚑 «Схапілі чалавека, які ўратаваў мне жыцьцё»

Так кажа пісьменьнік Уладзімер Арлоў пра кардыяхірурга Алега Паланецкага, які сёньня ўдзельнічаў у «ланцугу салідарнасьці» ў менскай Грушаўцы.

«Будуць судзіць доктара, які ўратаваў здароўе і жыцьці тысячам суайчыньнікаў. Будуць судзіць, бо ён супраць таго, каб гэтыя здароўе і жыцьці адбіралі на беларускіх вуліцах і плошчах»

«Страшна, што ва ўсіх амапаўцаў „прамытыя“ мазгі» — акторку з «Калыханкі» і «Купалы» білі пры затрыманьні

Алена Гіронак, голас Бусьліка з «Калыханкі», выканаўца ролі Ўладзіславы ў фільме «Купала», расказвае пра сваё жорсткае затрыманьне. Білі па галаве, прымушалі ісьці па чалавеку, праводзілі ідэалягічныя гутаркі. Склалі пратакол і позна ўначы адпусьцілі.

Затрымалі фактычна за бел-чырвона-белую застаўку ў тэлефоне: «Грузіце яе, у яе іх сьцяг», — крычалі АМАПаўцы

«Сувязь паміж непрызнаньнем рэпрэсій 1937-га і цяперашнім гвалтам сілавікоў відавочная»

«Ноч расстраляных паэтаў» у Курапатах адбудзецца, нягледзячы на арышт аднаго з арганізатараў і меркаваных вядоўцаў Зьмітра Дашкевіча.

«Не выключаю, што менавіта таму і пасадзілі, каб сарваць вечарыну. Але гэта ня ўдасца», — паведаміла яго жонка Наста

🦠 Колькасьць інфікаваных каранавірусам у Беларусі дасягнула ўзроўню першай хвалі пандэміі: +902 выпадкі за дзень

І гэта толькі паводле афіцыйных зьвестак. Ёсьць некалькі падставаў лічыць гэтыя зьвесткі моцна заніжанымі.

Фота — з БДЭУ, студэнтаў якога па-ранейшаму не пераводзяць на дыстанцыйную адукацыю, як і большасьць навучэнцаў у Беларусі

🚑 Невядомыя выкралі двух анастэзіёлягаў Менскай абласной лякарні

Супольнасьць «Белыя халаты» паведамляе, што Ганна Сушчынская і Ганна Карась выйшлі пасьля працы падтрымаць калегаў з РНПЦ «Кардыялёгія». Іх проста ў лякарні забралі і зьвезьлі ў невядомым напрамку.

UPD: Выкрадзеныя знайшліся ў Бараўлянскім аддзеле міліцыі

«Мы ўсе сталі як сёстры»

Былая акторка Купалаўскага тэатру Сьвятлана Зелянкоўская і былая акторка тэатру імя Горкага Анастасія Шпакоўская расказалі, як у эміграцыі яны запісвалі драматычны відэаролік у падтрымку беларускіх жанчын, і пра ідэю беларускага тэатру ў Кіеве.

Відэа, 20 хвілін >>
Тэкст, тэзісна >>

На 63-гадовую Алену Гнаўк пасьля 18 дзён у ізалятары завялі крымінальную справу

Справу завялі за «арганізацыю і падрыхтоўку дзеяньняў, якія груба парушаюць грамадзкі парадак, альбо актыўны ўдзел у іх» (342 КК РБ), паведаміла Tut.by яе дачка Аляксандра.

«Відаць, іх асабліва зачапіў мамін ліст пра ўмовы ў ізалятары, што няма сьвятла і бегаюць мышы», — казала яна пасьля затрыманьня маці