Каля лінгвагуманітарнага каледжу ў Менску ад раніцы дзяжураць невядомыя ў цывільным. Студэнты спрабавалі сабрацца, каб сьпяваць песьні, але іх пачалі разганяць. Студэнтак завялі на размову да кіраўніцтва каледжу.

🔧 Што адбываецца на прадпрыемствах краіны на другі дзень усеагульнага страйку

Яшчэ два шахтары далучыліся да страйку на «Беларуськаліі», яшчэ два рабочыя — на «Гродна Азот». Страйкуюць абодва рэжысэры ў горадзенскім драмтэатры. А ўдзельнікаў учарашняга страйку на МЗКЦ сёньня не пускалі на тэрыторыю прадпрыемства.

Дайджэст страйку >>

Менск. Каля корпуса БДУ зьбіраюцца студэнты на страйк.

Два погляды на затрыманьне мэдыкаў:

🇧🇾 «Усё ня так адназначна. Супрацоўнікі выйшлі на пікет зь недзяржаўнай сымболікай, а па сутнасьці, зладзілі правакацыю перад вялікай міжнароднай канфэрэнцыяй»,— дзяржаўны тэлеканал АНТ.

👨🏼‍⚕️«Мэдыкі заўсёды былі і будуць супраць гвалту, гэта іхная сутнасьць. І затрымліваць, арыштоўваць за тое, што яны пра гэта адкрыта гавораць? Ды іх гэтаму ва ўнівэрсытэтах вучылі! Я абураны такімі паводзінамі сілавых структур», — экс-дырэктар РНПЦ «Кардыялёгія» Аляксандар Мрочак.

Менск, студэнты БДУІР таксама выйшлі на акцыю перад унівэрсытэтам.

Аднаго зь лідэраў магілёўскіх пратэстаў Валадара Цурпанава пакінулі ў ізалятары яшчэ на 6 дзён

Іх ён не адбыў праз сухую галадоўку, якую трымаў раней там жа ў ізалятары, пратэстуючы супраць незаконнага зьняволеньня. Пасьля 10 дзён галадаваньня ў выніку пагаршэньня стану яго тады даставілі ў лякарню, дзе ён прабыў тыдзень. Сёньня ён меў выйсьці на волю пасьля чарговых 15 дзён арышту

У БДТУ студэнты ходзяць калідорамі зь бела-чырвона-белым сьцягам і скандуюць «Далучайся!»

Выкладчыкі МДЛУ паведамілі рэктару пра пачатак забастоўкі, іх падтрымалі студэнты

🇧🇾 Лукашэнка заявіў пра «тэрарыстычныя пагрозы» ў сувязі з масавымі пратэстамі

🇷🇺 Міністар абароны Расеі заявіў пра ўмяшаньне Захаду ва ўнутраныя справы Беларусі

🤔 Сяргей Навумчык лічыць, што заяву Шайгу «зь вялікай доляй імавернасьці варта ўспрымаць як пагрозу ўводу ў Беларусь расейскіх войскаў»

Абодвух рэжысэраў Горадзенскага драмтэатру, Генадзя Мушпэрта і Сяргея Курыленку, звольнілі паводле артыкулу за невыкананьне працоўных абавязкаў. Галоўны рэжысэр Мушпэрт тут працаваў 26 гадоў (усяго ў тэатры 48 гадоў), Курыленка - 40. Раней рэжысэры далучыліся да агульнанацыянальнага страйку.

Судова-сілавіковы дайджэст

👮 МУС: У Беларусі падчас першага дня страйку затрымалі больш за 580 чалавек.

🇷🇺 У ліку затрыманых у Баранавічах — кіраўніца інтэрнэт-праектаў «Ельцын-цэнтру» Марына Пятрушка.

🚑 Гомельскага лекара-фтызыятра Мікалая Козіча пакаралі арыштам на 15 дзён за плякат «Жыве Беларусь».

🎻 Музыку Эрыка Арлова-Шымкуса асудзілі на 12 дзён арышту. Яго затрымалі ў нядзелю. Блізкія кажуць, білі дручкамі па нагах і галаве, «амапавец паставіў яму пазнаку на левай шчацэ маркерам».

💻 Выйшлі на волю затрыманыя ўчора дырэктар Onliner.by Ільля Жукавец і распрацоўнік кампаніі Аляксандар Мохараў. Першаму прысудзілі 162 рублі штрафу, другому — 189 рублёў

Менск. Сілавікі затрымліваюць людзей на плошчы Незалежнасьці, кажуць, гэта студэнты БДУ.

Чулі пра такую праграму для жаночага здароўя Flo? Ёй карыстаюцца 145 млн чалавек па ўсім сьвеце. Яе распрацавала кампанія зь Менску.

Цяпер у офіс кампаніі кіруюцца сілавікі, піша «Эўрарадыё». Супрацоўнікаў папрасілі пакінуць працоўныя месцы.

Як перадае Dev.by, у Flo расказалі: АБЭЗ едзе ў офіс да аднаго з супрацоўнікаў, каб «задаць некалькі пытаньняў аб яго адміністрацыйным правапарушэньні»

‼️ Зьмітра Дашкевіча асудзілі на 15 дзён арышту

Былы лідэр «Маладога фронту» заяўляў пра катаваньні ў ізалятары, судзьдзя гэта праігнаравала

🇧🇾 Лукашэнка запатрабаваў звальняць рабочых і адлічваць студэнтаў, якія бяруць удзел у страйках і пратэстах

«Цяпер такі момант, калі кожны павінен выбіраць у сваім жыцьці тую дарогу, па якой ён будзе рухацца. Ня толькі ён, але і дзеці», — заявіў Лукашэнка.

(фота ўчорашняе, адна з калёнаў студэнтаў перад злучэньнем у аб’яднаны марш пэнсіянэраў і студэнтаў)

Бацька Тарайкоўскага перакананы, што сына застрэлілі сілавікі, і патрабуе крымінальнай справы

Сьледчы камітэт мусіць да 11 лістапада паведаміць аб выніках разгляду адпаведнай заявы. Факт забойства пацьвярджаецца шматлікімі відэаматэрыяламі, на кадрах якіх відаць, што Аляксандар стаяў з паднятымі рукам бяз зброі і іншых прадметаў у руках і быў застрэлены прадстаўнікамі сілавых структураў

«Амапавец сказаў ісьці ў бус па чалавеку, які ляжаў на падлозе»

«Я адмовілася, сказала: „Не пайду, пакуль вы мужчыну не падымеце, і ўвогуле нікуды з вамі не паеду, пакуль вы яго нармальна не пасадзіце“, — расказвае акторка Алена Гіронак пра затрыманьне ўчора. — На што ў адказ пачула: „Не табе тут дыктаваць умовы. Зараз усім астатнім будзе горш ад таго, што ты тут паўстаеш“».

Гісторыі гвалту сілавікоў пасьля выбараў >>

Amnesty International: «Урад Беларусі павінен неадкладна пакласьці канец міліцэйскаму гвалту»

«Мы з шокам і трывогай бачым, як гэты рэжым, які на працягу некалькіх тыдняў ужываў гвалт у дачыненьні да дэманстрантаў на вуліцах і ў месцах утрыманьня пад вартай, сёньня накіраваў АМАП у масках для зьбіцьцяў і арышту бастуючых рабочых проста на іх працоўных месцах», — заявіў прадстаўнік арганізацыі

Менск. У БДТУ пад воклічы «Верым, можам, пераможам» працягваецца забастоўка.

🔧 Раскажыце, што адбываецца на беларускіх заводах!

Ці абмяркоўваюць забастоўку, ці ідзе яна, ці кіраўніцтва цісьне на рабочых? Пішыце нам: @SvabodaBelarus

Менск. Каля 50-й гімназіі, настаўнікі якой запісалі зварот у падтрымку забастоўкі, сабраліся былыя вучні і настаўнікі, каб выказаць падтрымку.