На скрыжаваньні вуліцы Кульман і Якуба Коласа сілавікі спынілі аўто, якое сыгналіла ў заторы. Падышлі, пра нешта паразмаўлялі і сышлі

🚑 Сілавікі не прапусьцілі «хуткую дапамогу», якая ехала з уключанымі маякамі.

Відэа: канал Антона Матолькі

Менск. Людзі з калёны на Сурганава разыходзяцца вялікімі групамі ў розныя бакі (большая частка — па Арлоўскай, яшчэ некалькі тысяч — па Багдановіча ў бок Зялёнага Лугу)

💯 Колькасьць дэманстрантаў у Менску ацэньваюць ад «дзясяткаў тысяч» да «100 тысяч і больш»:

➖ Карэспандэнты «Свабоды» кажуць пра 100 тысяч і больш.
➖ БелаПАН: «Вызначыць колькасьць удзельнікаў маршу складана, бо калёна расьцягнулася на кілямэтры, але, паводле ацэнак журналістаў, якія працуюць увесь час на нядзельных акцыях, можна казаць пра як мінімум 100 тысячаў».
➖ «Інтэрфакс», спасылаючыся на апазыцыю, піша пра звыш 100 тысяч.
➖ ТАСС: «Дзясяткі тысяч дэманстрантаў ідуць у Менску па вуліцы Сурганава».
➖ РИА Новости: «У Менску апазыцыя арганізавала шматтысячнае шэсьце»

Марш у Менску працягваецца, дасылайце нам відэа — на @SvabodaBelarus ⚡️

Берасьце, 15:30. Нягледзячы на спробы разагнаць марш і затрыманьні, людзі сабраліся ў цэнтры гораду, гукаючы «Жыве Беларусь!»

🚇 Усе станцыі менскага мэтро адкрылі ў 17.08. У 12.30 закрывалі аж 12 станцыяў

Акрамя маршу, сёньня ў Менску паабапал праспэкту Дзяржынскага людзі сталі ў ланцуг салідарнасьці.

Горадня, сілавікі груба штурхалі жанчын, якія былі ў іх на шляху. Жанчын, што сядзелі на лаўцы, адтуль зганялі
Відэа @belamova

➖ Мінула тры з паловай гадзіны, як перад пачаткам акцыі ў Менску затрымалі журналістаў Дзьмітрыева і Зоркага. Усё яшчэ не адпусьцілі.

➖ У Горадні на маршы затрымалі прынамсі чатырох непаўналетніх ва ўзросьце ад 14 да 17 гадоў. Пра гэта расказала адна зь дзяўчат, якую выпусьцілі, калі па яе прыехалі бацькі. Яна паведаміла, што затрымлівалі жорстка. Яе схапілі за шыю і паклалі тварам у асфальт. Разам зь ёй затрымалі, а потым адпусьцілі яе хлопца. Пад Ленінскім РАУС Горадні. Па ейных словах, затрымалі больш за 100 чалавек.

➖ Праваабаронцам вядомыя імёны 46 затрыманых сёньня на акцыях у дзясятку гарадоў Беларусі

Яшчэ кадры таго, як адбываўся разгон ў Горадні. І на гэтым відэа бачна, як сілавікі шчытамі штурхаюць жанчын, якія стаяць побач

Відэа, дзе зашкальвае гук, даслалі нам зь менскіх вуліц. Менавіта так «праводзяць» сілавікоў кіроўцы аўтамабіляў

Тым часам на вуліцы Арлоўскай у гэтыя хвіліны працягвае ісьці калёна.

👮 «Я буду вас біць, забіваць, і нічога мне за гэта ня будзе», — па словах гарадзенкі Вольгі, адзін вайсковец сказаў гэта пры затрыманьні.

Хапалі і мужчын, і жанчын, білі дручкамі, адцясьнялі шчытамі, кажуць гарадзенкі, у якіх затрымалі сваякоў. Асабліва «стараліся» сілавікі ў вайсковай форме, кажуць яны

А вось такая атмасфэра ў самой калёне, на якую выйшлі паглядзець людзі з суседніх дамоў і якую працягваюць суправаджаць бубначы.

Менск. Калёна маршу праходзіць па вуліцы Арлоўскай каля будынку Цэнтральнага РУУС. Людзі скандуюць «трыбунал», «не забудем — не простим»

Вось як выглядаў той самы сьцяг са Шчучыншчынай на адным з дамоў у Менску

Жонка прафэсара Алеся Краўцэвіча расказвае, як зьнік яе муж