Менск з вышыні

На скрыжаваньні Коласа і Сурганава сілавікі расьцягваюць калючы дрот

Наваполацак. Сілавікі спрабавалі гвалтоўна затрымаць пэнсіянэраў у горадзе. Мужчыну з кійком спатрэбілася дапамога мэдыкаў

Менск, як выглядала калёна каля ГЦ «Рыга»

Віцебск, сілавікі заблякавалі машыну, якая сыгналіла пратэстоўцам, а людзі ў адказ патрабуюць, каб яе адпусьцілі

З боку плошчы Якуба Коласа па аднайменнай вуліцы ў кірунку вуліцы Сурганава паехалі дзясяткі транспартных сродкаў сілавікоў: аўтобусы з АМАПам, міні-аўтобусы, машыны хуткай дапамогі.

🔁 Людзі разьвярнуліся і пайшлі назад па вуліцы Сурганава. Галава калёны стала яе хвастом

Сілавікі ж чамусьці перакрылі вуліцу Багдана Хмяльніцкага 🤔

АМАП перакрыў таксама вуліцу Куйбышава, якая прымыкае да Сурганава

Горадня. Падчас маршу на Савецкай вуліцы зьнік доктар гістарычных навук, прафэсар Алесь Краўцэвіч. Ён не выходзіць на сувязь. Паводле «Белсату», яго затрымалі, ён у Ленінскім РАУС

Менск, людзі працягваюць ісьці маршам па горадзе

На скрыжаваньні вуліцы Кульман і Якуба Коласа сілавікі спынілі аўто, якое сыгналіла ў заторы. Падышлі, пра нешта паразмаўлялі і сышлі

🚑 Сілавікі не прапусьцілі «хуткую дапамогу», якая ехала з уключанымі маякамі.

Відэа: канал Антона Матолькі

Менск. Людзі з калёны на Сурганава разыходзяцца вялікімі групамі ў розныя бакі (большая частка — па Арлоўскай, яшчэ некалькі тысяч — па Багдановіча ў бок Зялёнага Лугу)

💯 Колькасьць дэманстрантаў у Менску ацэньваюць ад «дзясяткаў тысяч» да «100 тысяч і больш»:

➖ Карэспандэнты «Свабоды» кажуць пра 100 тысяч і больш.
➖ БелаПАН: «Вызначыць колькасьць удзельнікаў маршу складана, бо калёна расьцягнулася на кілямэтры, але, паводле ацэнак журналістаў, якія працуюць увесь час на нядзельных акцыях, можна казаць пра як мінімум 100 тысячаў».
➖ «Інтэрфакс», спасылаючыся на апазыцыю, піша пра звыш 100 тысяч.
➖ ТАСС: «Дзясяткі тысяч дэманстрантаў ідуць у Менску па вуліцы Сурганава».
➖ РИА Новости: «У Менску апазыцыя арганізавала шматтысячнае шэсьце»

Марш у Менску працягваецца, дасылайце нам відэа — на @SvabodaBelarus ⚡️

Берасьце, 15:30. Нягледзячы на спробы разагнаць марш і затрыманьні, людзі сабраліся ў цэнтры гораду, гукаючы «Жыве Беларусь!»

🚇 Усе станцыі менскага мэтро адкрылі ў 17.08. У 12.30 закрывалі аж 12 станцыяў

Акрамя маршу, сёньня ў Менску паабапал праспэкту Дзяржынскага людзі сталі ў ланцуг салідарнасьці.