Рада Эўропы заклікала ўлады Беларусі спыніць гвалт і пачаць дыялёг
• Масавыя арышты мірных удзельнікаў пратэстаў і шматлікія выпадкі жорсткага абыходжаньня зь імі недапушчальныя на нашым кантынэнце.
• Перамовы наконт выхаду з крызісу ня будуць пасьпяховымі, калі ў іх ня будуць удзельнічаць усе бакі, уключна з тымі, хто ў апазыцыі да ўладаў.
• Рада Эўропы гатовая дапамагчы Беларусі на шляху да сапраўдных рэформаў.

Хто быў сьведкам затрыманьня гэтага хлопца, ведае, хто ён, ці вы яго сваякі, — напішыце на @SvabodaBelarus

🥊 Гуркоў не зьбіраецца вяртацца ў Беларусь

Славуты беларускі тайбаксэр-чэмпіён і сьпявак гурту Brutto цяпер ва Ўкраіне. У інтэрвію «Трыбуне» ён сказаў, чаму не зьбіраецца вяртацца на радзіму: «Будзе непрыемна, калі АМАП праломіць галаву Гуркову або наадварот»

Незвычайная акцыя салідарнасьці з Максімам Харошыным, якога ўчора выкралі «людзі ў цывільным», а пасьля моцна пабілі ў РУУС, працягнулася. Сёньня ў яго менскую краму кветак «Первый цветной» зноў чарга

«„Арганізацыя беспарадкаў“ — за дзьве сякеры ў машыне»

«Яны мяне абагналі, падрэзалі, выскачылі дзесяць чалавек з дубінамі ў чорных строях, — кажа мянчук Сяргей пра падзеі 12 кастрычніка. — Разьбілі шыбу мне ў машыне, выцягнулі, пачалі біць. Празь пяць хвілін я страціў прытомнасьць, бо трываць арганізм больш ня мог».

Гісторыі гвалту сілавікоў пасьля выбараў: https://bit.ly/34i7PZf

Ганна Севярынец пра тое, чаму расьце ўзровень гвалту сілавікоў супраць мірных пратэстоўцаў:

«Трэба, каб у людзей страляла ня толькі тысяча амапаўцаў, у якіх, мабыць, няма нічога сьвятога, а трэба, каб у людзей стралялі тэрміновікі, салдаты».

Тэкст і відэа гутаркі >>

Сьвятлана Ціханоўская зьвярнулася да рабочых заводаў:

«Вас палохаюць тым, што любая новая ўлада распрадасьць заводы, што вас пазбавяць заробку, і вы ня зможаце карміць свае сем’і, — кажа яна. — Але вам ня кажуць, што доўгія гады рэжым рабіў усё для таго, каб вы не атрымлівалі годных заробкаў»

Менск, праспэкт Дзяржынскага. На 26-павярховым доме ўжо ў чацьвёрты раз вывесілі вялізны бел-чырвона-белы сьцяг

🇨🇭 Яшчэ адна краіна далучылася да санкцыяў Эўразьвязу супраць беларускіх уладаў: Швайцарыя

13 кастрычніка набылі моц абмежаваньні адносна 40 беларускіх чыноўнікаў з раней зацьверджанага Брусэлем санкцыйнага сьпісу, паведаміла Міністэрства эканомікі, адукацыі і навукі Швайцарыі

🚑 Пабітага і зьняволенага мэдыка-рэнтгеноляга паўторна асудзілі ў Магілёве

Сёньня сканчаўся папярэдні 14-дзённы прысуд Андрэя Вярбіцкага. Ды Ленінскі суд па відэасувязі прысудзіў яму яшчэ 12 дзён за «несанкцыянаванае шэсьце»

Згадка «канстытуцыйнай рэформы» ў Беларусі ў заяве Рады Эўропы насьцярожыла Сяргея Навумчыка.

Ці ня Крэмль лябіяваў згадку прапанаванай Лукашэнкам і нібыта «доўгачаканай усімі жыхарамі краіны» рэформы?

💯 Спэктакль «Тутэйшыя» ад «Купалаўцаў» за няпоўныя два дні паглядзелі звыш 100 тысяч разоў. І на Youtube-канал «Купалаўцаў» за месяц падпісаліся звыш 100 тысяч чалавек.

Незалежная трупа ўтварылася ў 2020 годзе — гэта былы калектыў Нацыянальнага акадэмічнага тэатру імя Янкі Купалы. «Можна забраць у нас будынак, але ў нас нельга забраць Янку Купалу», — пісалі яны

🦄 «Ружовыя поні — гэта не такая ўжо і нэгатыўная канатацыя»

Чаму ўкраінскі журналіст Аркадзь Бабчанка, які крытыкаваў беларускія пратэсты за мірны характар, зьмяніў думку.

Відэа, 24 хвіліны >>
Тэкст, тэзісна >>

Студэнты МДЛУ правялі традыцыйную сьпеўную акцыю

Нягледзячы на прысутнасьць «народнай дружыны» ў корпусе і бус без нумароў пад корпусам

Учора на відэа зьнялі момант, як у Менску невядомыя стралялі па хлопцу, які ад іх уцякаў. «Эўрарадыё» піша, што знайшло хлопца.

Вучань політэхнічнага каледжу Міша кажа, што проста пераходзіў дарогу, калі яго павалілі на зямлю (яму пасьля сказалі, што дзейнічаў ГУБАЗіК), павялі ў машыну, некалькі разоў ударылі — і ён вырашыў уцякаць, сам ня ведае чаму

Менск. Жыхары Лебядзінага, як заўважыў наш чытач, «упрыгожылі праспэкт Пераможцаў, па якім часта езьдзіць картэж Лукашэнкі»