Бабруйск: за збор подпісаў — штраф і звальненьне

16 верасьня ў Бабруйску асудзілі зборшчыцу подпісаў за адкліканьне мясцовага дэпутата Кацярыну Корзан: яе аштрафавалі на 540 рублёў за ўдзел у несанкцыянаваным мерапрыемстве.

Корзун на судзе сказала, што 30 жніўня сапраўды прыйшла на плошчу Леніна, але толькі з мэтай законнага збору подпісаў за правядзеньне сустрэчы з дэпутаткай Палаты прадстаўнікоў Рынейскай, у мітынгу і шэсьці ня ўдзельнічала. Міліцыянты Канавалаў і Бараценка сьцьвярджалі, што яна «размахвала рукамі і крычала», хоць на прадстаўленым імі відэа гэтага не відаць.

З 16 верасьня маці трох малых дзяцей Кацярына Корзан ужо не працуе на мясакамбінаце — кантракт разарваны «па згодзе бакоў».

Паспрабавалі затрымаць хлопца — людзі адбілі. Пасьля міліцыя пусціла газ з балёнчыка. Даслана чытачамі Свабоды

Горадня цяпер

Момант зь пярцовым балёнчыкам. Даслана чытачамі Свабоды

Беларускія адвакаты запісалі вiдэа ў падтрымку арыштаваных юрыстаў Максіма Знака і Ільлі Салея. Яны таксама выступілі супраць парушэньня закону з боку ўлады ў дачыненьні да сваіх грамадзянаў.

«Мы ня носім балаклаваў і не хаваем свае імёны. Мы дапамагаем людзям. У нас адна мэта – выканьне закону. Мы адвакаты, і мы будзем дапамагаць сваім грамадзянам», – кажуць яны ў сваім звароце.

🇺🇸 Дзяржсакратар ЗША Майк Пампэо заклікаў усе краіны, асабліва Расею, «паважаць сувэрэнітэт Беларусі».

Пампэо падкрэсьліў, што Вашынгтон каардынуе зь Вялікай Брытаніяй і Эўразьвязам санкцыі, закліканыя абараніць «законныя патрабаваньні беларускага народу».

«Беларусы, якія пратэстуюць супраць фальсыфікацыі вынікаў выбараў, сапраўды натхняюць усіх нас. Жорсткасьць да іх мусіць спыніцца. І ўлады павінны вызваліць грамадзяніна ЗША Віталя Шклярава, якога затрымалі памылкова», – сказаў Пампэо.

Менск раніцай, Сьляпянка. Побач Акадэмія МУС. Даслана чытачамі Свабоды

Сьвятлана Ціханоўская складае санкцыйны «сьпіс Тарайкоўскага»:

«Нам перадалі імёны і прозьвішчы тых, хто катуе і б'е людзей. Таму мы рыхтуем асобны сьпіс чыноўнікаў і сілавікоў, якія ўдзельнічалі і працягваюць удзельнічаць у міліцэйскім свавольстве. Мы назвалі яго «сьпісам Тарайкоўскага». Аляксандар Тарайкоўскі стаў першай ахвярай міліцэйскага гвалту. У санкцыйны сьпіс увойдуць асобы, датычныя да катаваньняў, незаконных арыштаў і зьдзекаў з затрыманых. Для ідэнтыфікацыі вінаватых мы актыўна працуем з праваабаронцамі і праектам «Чорная кніга Беларусі». Сьпіс будзе апублікаваны і будзе пастаянна пашырацца.

Я прапаную сілавікам спыніць гвалт і перайсьці на бок беларускага народу. У адваротным выпадку вам не пазьбегнуць справядлівага суду і пакараньня», інфармуе Пул Первой

Ад чытачоў Свабоды

Намесьнік міністра замежных спраў Украіны Яўген Енін пра дзеяньні Беларусі ў «справе хасідаў»:
«Улады Беларусі сьвядома садзейнічаюць таму, каб у раёне пунктаў пропуску была вялікая колькасьць людзей»

Беларускія ўлады "літаральна некалькі дзён таму ўносяць Ізраіль у чырвоны сьпіс: для грамадзян, якія прыбываюць з гэтай дзяржавы, забаронены нават элемэнтарна транзыт. Але беларускія ўлады вырашаюць парушыць чамусьці сваё ўласнае заканадаўства і дазваляюць уезд на тэрыторыю сваёй краіны соцень і соцень прадстаўнікоў дзяржавы Ізраіль. Больш за тое, яны ствараюць умовы для іх транзыту ў бок украінска-беларускай мяжы. Яны відавочна сьвядома садзейнічаюць таму, каб у раёне пунктаў пропуску была вялікая колькасьць людзей, што відавочна не спрыяе прафіляктыцы распаўсюджваньня COVID-19".

Больш прачытаць можна тут