❕ Менск. Калёна пратэстаўцаў ідзе па праспэкце Незалежнасьці з Якуба Коласа да плошчы Перамогі

Некалькі сотняў дэманстрантаў з воклічамі «Жыве Беларусь!» рушылі па ходніках ад Нямігі ў бок Палацу спорту. Да іх далучаюцца іншыя людзі

Менск. З вуліцы Якуба Коласа ідзе калёна людзей да плошчы Перамогі

Менск. Вялікая калёна пратэстоўцаў цяпер знаходзіцца на праспэкце Пераможцаў на падыходзе да Палаца Спорту

Менск. Шматтысячная калёна, якая рушыла з плошчы Якуба Коласа, цяпер ідзе праспэктам Машэрава, да яе ўвесь час далучаюцца людзі. Скандуюць «Лукашэнку ў аўтазак!» Шмат бел-чырвона-белых сьцягоў, сьцяг мікрараёну «Ўсход» з трыма сланамі, які нядаўна зрабілі актывісты.

Каля Палацу спорту калёна вырашыла ўнікнуць затрыманьняў, людзі пераходзяць на другі бок праспэкта, да гандлёвага цэнтру «Галерэя».

Такая ж сытуацыя і на праспэкце Машэрава. Там сілавікі бягуць за людзьмі, калёна разьвярнулася зноў у бок праспэкта Незалежнасьці

Менск. Калёну з праспэкту Машэрава сілавікі выціснулі ізноў у бок плошчы Якуба Коласа. У бок плошчы Перамогі паехалі аўтазакі

Пакуль у Менску зацішша, паглядзіце, колькі людзей выйшла ў Горадні!

Людзі бягуць у бок плошчы Якуба Коласа, за імі рухаюцца паўтара дзесятка мікрааўтобусаў

Менск, праспэкт Незалежнасьці ў раёне плошчы Якуба Коласа. ДАІ перакрылі для руху вуліцу Чырвоную, што злучае плошчу Якуба Коласа і вуліцу Машэрава

Мікрааўтобусы і аўтазакі насупраць «Галерэі». Людзі перабягаюць на супрацьлеглы бок

‼️ Сілавікі разьбілі калёну ў раёне плошчы Якуба Коласа, пачынаюцца жорсткія затрыманьні каля дома па Незалежнасьці, 44. Загналі людзей у кут паміж дамамі, атачылі з усіх бакоў. Кардон сілавікоў стаіць каля гімназіі №23 на праспэкце Незалежнасьці

Шматтысячная калёна паварочвае на праспэкт Машэрава з Незалежнасьці

Аўтазакі і сілавікі перасьледуюць людзей на праспэкце Пераможцаў, людзі спрабуюць мяняць кірунак руху. Частку пратэстоўцаў заблякавалі каля былой крамы «Алеся» на праспэкце Пераможцаў, сілавікі з дубінкамі выштурхоўваюць пратэстоўцаў