👁 Беларускі тэатр: #аналітыка таго, што адбывалася ў гэтай сферы ў траўні-ліпені.

▪️Звальненні выбітных майстроў сцэны і пераход да новай сістэмы фінансавання, якую ў мінкульце даўно анансавалі, але толькі цяпер нарэшце вызначыліся з тэрмінамі.

▪️Уцёкі ў нацыянальную класіку (зварот да якой па азначэнні не можа быць пройгрышным) і новыя ўмовы існавання ў замежжы. Умовы, якія творцы робяць для сябе спрыяльнымі.

▪️Беларускі тэатр "тут" і "там" (акцэнт змяняецца ў залежнасці ад лакацыі актараў), або чым жыла тэатральная тусоўка гэтым летам.

👉 Чытаць агляд тэатральнага жыцця Беларусі ад аналітычнай групы Беларускай Рады культуры.

Пры падтрымцы #ArtPowerBelarus @radakultury і Дацкага інстытута культуры і фінансавым спрыянні Еўразвязу.

👁 Беларускі поп & рок: летняя #аналітыка.

Музычнае лета 2023 нельга назваць фестывальным ні па той, ні па гэты бок мяжы. Актыўнай дзейнасці арганізатараў канцэртаў у Беларусі замінаюць ідэолагі, а ў замежжы — адсутнасць гарантаванага фінансавання.

▪️Зрэшты, жыццё ва ўмовах татальнага ціску спрыяе творчасці музыкаў у краіне: за лета ў Беларусі запісаныя прынамсі тры новыя якасныя альбомы, у замежжы — толькі адзін.

▪️Але ні пра фэсты, ні пра музычныя навінкі вы не прачытаеце ў беларускай незалежнай прэсе. Не знойдзеце там і культурніцкай аналітыкі. Чаму? Разважаюць нашыя эксперты.

👉 Чытаць агляд музычнага жыцця Беларусі (травень — ліпень 2023) ад аналітычнай групы Беларускай Рады культуры.

Агляд тэатра Беларусі (травень — ліпень 2023)

Пры падтрымцы #ArtPowerBelarus @radakultury і Дацкага інстытута культуры і фінансавым спрыянні Еўразвязу.

👁 Беларускае кіно: #аналітыка таго, што адбывалася ў гэтай сферы летам.

Травень — ліпень 2023 года выдаліся для беларускага кіно надзіва ўраджайныя. Што цікава, здарыліся збольшага падзеі сімвалічнага кшталту – якія штосьці важнае азначаюць, але не змяняюць парадку дня.

▪️Можа, гэта і ёсць цяперашні стан беларускага кіно: мы захраслі ў сімвалічным вымярэнні. Гэтак, у паміжжы.

▪️Асноўныя падзеі са свету кіно Беларусі — у аглядзе ад аналітычнай групы Беларускай Рады культуры.

Чытаць наш агляд музычнага жыцця Беларусі (травень — ліпень 2023) і агляд тэатра за гэты ж перыяд.

Пры падтрымцы #ArtPowerBelarus @radakultury і Дацкага інстытута культуры і фінансавым спрыянні Еўразвязу.

👁 Літаратура: #аналітыка, тэндэнцыі і назіранні.

▪️Беларуска-ўкраінскія літаратурныя сувязі разрываюцца не толькі на ўзроўні супрацоўніцтва афіцыйных структураў, але і з пункту гледжання асабістай (не)сімпатыі творцаў да беларусаў.

▪️Літаратурная крытыка ў глыбокім крызісе. Так было заўсёды, скажаце вы. Але вось факт: нагодай для гутаркі з карэспандэнтам Радыё Свабода становяцца 2 (так, дзве!) рэцэнзіі адной аўтаркі ў інтэрнэт-часопісе.

▪️Цягам лета з'яўляецца ўсё больш наватарскіх тэатральных праектаў на аснове літаратурных твораў, а незалежны пісьменніцкі саюз рэлакуецца з Беларусі і засноўвае новы інфармацыйны рэсурс.

Больш — у аглядзе літаратурнага жыцця Беларусі (травень – ліпень 2023) ад аналітычнай групы Беларускай Рады культуры.

Чытаць наш агляд беларускай музыкі (травень – ліпень 2023), агляд тэатра і кіно за гэты ж перыяд.

Пры падтрымцы #ArtPowerBelarus @radakultury і Дацкага інстытута культуры і фінансавым спрыянні Еўразвязу.

👁 Беларускае мастацтва: #аналітыка таго, што адбываецца ў сферы арту ўнутры і за межамі краіны.

▪️Беларускія мастакі, якія воляю лёсу апынуліся за межамі Беларусі, робяць чарговыя (досыць паспяховыя) крокі на шляху да ўключэння ў творчы ландшафт новых краінаў.

▪️У розных гарадах Еўропы і свету ладзяцца выстаўкі, дыскусіі, арганізоўваюцца пленэры ды арт-рэзідэнцыі з удзелам актыўных беларусаў.

▪️Арт-актывісты ўнутры краіны таксама працягваюць дзейнічаць, аднак іх голас намнога больш сціплы, суцішаны і падкрэслена апалітычны.

▪️Навіна пра смерць легендарнага мастака Алеся Пушкіна ў беларускай турме агаломшвае усю супольнасць.

Больш — у аглядзе беларускага арту (травень – ліпень 2023) ад аналітычнай групы Беларускай Рады культуры.

Чытаць нашыя агляды беларускай музыкі (травень — ліпень 2023), тэатра, кіно і літаратуры за гэты ж перыяд.

Пры падтрымцы #ArtPowerBelarus @radakultury і Дацкага інстытута культуры і фінансавым спрыянні Еўразвязу.

👁 Беларускі поп & рок: #аналітыка таго, што адбывалася ў музычнай сферы ўнутры і за межамі краіны ў жніўні-кастрычніку 2023.

Асноўныя трэнды:

▪️Вайна дзяржавы з непаслухмяным мастацтвам: прысуд TOR BAND як факт, што музыкі для ўлады больш небяспечныя, чымся забойцы. Што наперадзе? Творчасць патройнае фільтрацыі, татальная цэнзура і самацэнзура.

▪️Канцэртавая дзейнасць у Беларусі адфільтраваная да неабходнага дзяржаўнай ідэалогіі максімуму: у спісах арганізатараў — толькі патрэбныя людзі, што радыкальным чынам паўплывае на ўжо амаль няісную індустрыю.

▪️Эмігранцкія альбомы, сярод іншага, два лонґплэі — "Там" гурта Leibonik і праект Emihranty Лявона Вольскага. Жанр эмігранцкае песні ўзмацняе міфічны водападзел паміж тымі, хто з’ехаў, і тымі, хто застаўся.

👉 Падрабязней — у аглядзе ад аналітычнай групы Беларускай Рады культуры.

Чытаць музычную аналітыку за люты-красавік і травень-ліпень 2023.

Пры падтрымцы #ArtPowerBelarus @radakultury і Дацкага інстытута культуры і фінансавым спрыянні Еўразвязу.

👁 Тэатральная #аналітыка — агляд за жнівень-кастрычнік 2023.

Прорва паміж беларускім тэатрам у краіне і за мяжой з цягам часу становіцца ўсё шырэйшай і глыбейшай.

▪️Дзяржаўны падыход да тэатру: ніякае сучаснасці. Пастаноўкі мусяць быць пра вайну, іскрыць патрыятызмам, арыентавацца на Расію. Гэта размывае адметнасць айчыннага тэатру і ўсё больш ператварае яго ў глыбока правінцыйны.

▫️Тэатральная эміграцыя акрэсліла два падыходы да развіцця: захаванне ўласнай адметнасці ці ўбудоўванне ў мясцовую сістэму. Тэатр у замежжы працягвае сутыкацца з нястачаю фінансавання, нязначным падтрыманнем ад інстытуцыяў і г.д. Найбольш эфектыўным шляхам пераадолення праблемаў пакуль ёсць дзейнасць Свабоднага тэатру, убудаванага ў брытанскую тэатральную сістэму.

Падрабязней — у аглядзе ад аналітычнай групы Беларускай Рады культуры.

Чытаць аналітыку тэатральнага жыцця за люты-красавік і травень-ліпень 2023.

Пры падтрымцы #ArtPowerBelarus @radakultury і Дацкага інстытута культуры і фінансавым спрыянні ЕЗ.

👁 Літаратура: #аналітыка, тэндэнцыі і назіранні.

Літаратурныя працэсы ў межах Беларусі і за мяжой кардынальна розныя.

▪️У краіне функцыянеры прыбіраюць з паліцаў бібліятэк хрэстаматыйныя творы. Так, Мінская пракуратура ў жніўні прызнала экстрэмісцкімі два творы Вінцэнта Дунін-Марцінкевіча і прадмову Язэпа Янушкевіча да аднаго са збораў твораў пісьменніка. Стэрыльнасць паліцаў у кнігарнях цяпер адцяняюць прагалы на стэлажах бібліятэк, "няправільныя" кнігі адпраўляюцца ў спецсховішчы.

▫️Відавочныя плюсы "тамвыдату": адсутнасць абсурднае цэнзуры ў параўнанні з тым, што адбываецца ў індустрыі ўнутры, у тым ліку магчымасць выдаваць табуяваныя ў Беларусі тэмы. Мінус таксама ёсць: дарагавізна высылкі кніг ад рэлакаваных выдавецтваў да чытачоў па ўсім свеце.

Больш — ў аглядзе ад аналітычнай групы Беларускай Рады культуры.

Аналітыка за люты-красавік і травень-ліпень 2023.

Пры падтрымцы #ArtPowerBelarus @radakultury і Дацкага інстытута культуры і фінансавым спрыянні ЕЗ.

👁 Беларускае мастацтва: #аналітыка таго, што адбываецца ўнутры і за межамі краіны.

▪️Мастацкая супольнасць у Беларусі зазнае значныя страты, пераслед і спробы сцерці грамадскую памяць пры цяперашнім рэжыме. Зрэшты, застаюцца і тыя, хто не бачаць нічога заганнага ў супрацы з Расіяй. А імпрэзы кшталту Восеньскага салону з “Белгазпрамбанкам” выклікаюць заклапочанасць наконт аўтэнтычнасці мастацкага выказвання ў дзяржаўных сцэнарах.

▫️Артысты, працуючы ў розных краінах Еўропы, не спыняюць сваіх думак пра Беларусь. 16–17 верасня адбыўся Першы Кангрэс беларускае культуры ў эміграцыі, дыскусіі на якім былі прысвечаныя гістарычнаму і сучаснаму досведу беларускіх мастакоў у эміграцыі, фармаванню культурніцкіх супольнасцяў і разрыву культурніцкіх сувязяў паміж Беларуссю і дыяспараю.

Больш — у аглядзе ад аналітычнай групы Беларускай Рады культуры.

Пра галоўныя трэнды мастацтва летняга сезону 2023 чытайце тут.

Пры падтрымцы #ArtPowerBelarus @radakultury і Дацкага інстытута культуры і фінансавым спрыянні ЕЗ.

👁 Беларускае кіно: #аналітыка, тэндэнцыі і назіранні.

Жнівень-кастрычнік 2023 сталіся для беларускай кінасферы багатымі на падзеі. Тым не менш, не пакідае адчуванне калі не стомы, дык пэўнага прыпынку ў развіцці індустрыі. Што гэта за прыпынак і адкуль такія дваістыя "ашчушчэнія" ўзяліся — разбіраецца аналітычная група Беларускай Рады культуры.

Асноўныя трэнды:

▪️Беларусь становіцца зонаю змоўчвання, і гэта робіцца інструментам падзелу і ўлады.
▪️Дзяржаўнае кіно перараджаецца ў сімуляцыю.
▪️Эмігранцкае кіно распадаецца, але працягвае інстытуцыялізавацца.

Падрабязна пра падзеі са свету кіно Беларусі — у аглядзе.

Чытайце таксама аналітыку за люты-красавік і травень-ліпень.

Пры падтрымцы #ArtPowerBelarus @radakultury і Дацкага інстытута культуры і фінансавым спрыянні ЕЗ.

❗️Увага, #аналітыка!

Пачынаем публікаваць агляды культурніцкага жыцця беларусаў у студзені - сакавіку 2024 года.

🎭 Прыпынак першы: тэатральны.

Чытачы дазнаюцца пра прэм’еры новых і рэ:віталізацыі старых пастановак, гучныя (і зусім ціхія) звальненні рэжысёраў, а таксама судовыя справы, вынікі якіх дасюль невядомыя.

У выпуску таксама: функцыянеры патрабуюць спектакляў пра вайну, але вартага ўвагі новага матэрыялу на гэтую тэму ўсё няма. Гледачы патрабуюць відовішчаў, але якасных пастановак у Менску днём з агнём не знойдзеш. Да тэатральных касаў выстройваюцца чэргі, але гэта не адзнака поспеху.

Наш тэатральны крытык рэзюмуе: “Пункт невяртання да беларускага дарэвалюцыйнага тэатру ўжо пройдзены. Пачатак 2024 года засведчыў пра такі пераход з бязлітаснасцю”.

Чытаць агляд цалкам

Ранейшыя выпускі аналітыкі пра тэатр знойдзеце тут, тут і тут.

Пры падтрымцы #ArtPowerBelarus @radakultury і Дацкага інстытута культуры і фінансавым спрыянні Еўразвязу.

Працягваем вывучаць ландшафт сучаснай беларускай культуры.

🎬 Вашай увазе — #аналітыка беларускага кіно ў студзені - сакавіку 2024 года.

🔺Беларусы павольна ўбудоўваюцца ў еўрапейскую і сусветную сістэму кіно, але напрошваецца пытанне: ці не згубяцца ў ёй?
🔺Імпрэзаў і паказаў нашмат больш, чым новых стужак, а сама мадэль існавання галіны яшчэ па-за межамі індустрыі.
🔺Беларускім гледачам па-ранейшаму дасяжна не так шмат з новага беларускага кіно, але попыт на яго застаецца высокім.

Наш аглядальнік робіць таксама акцэнт на тым, што Беларусь дасюль цікавая айчынным кінематаграфістам у эміграцыі збольшага падзеямі 2020 года.

Чытаць агляд цалкам

Ранейшыя выпускі нашай аналітыкі пра кіно знойдзеце тут, тут і тут .

Пры падтрымцы #ArtPowerBelarus @radakultury і Дацкага інстытута культуры і фінансавым спрыянні Еўразвязу.

Працягваем публікаваць агляды культурніцкага жыцця беларусаў у студзені - сакавіку 2024 года.

📚 Прыпынак трэці: кніжны.

▪️ Нацыянальная кніжная палата Беларусі падвяла вынікі працы выдавецкага сектару ў 2023 годе. Па-беларуску выйшла 965 кніг і брашураў, гэта крыху больш як 12% ад усяго кніжнага патоку.
▪️ У краіне працягваецца ракіроўка выдавецтваў: установы закрываюцца, ліквідуюцца, аб’ядноўваюцца, пераходзяць пад кантроль іншых міністэрстваў. Творчы працэс ідзе.
▪️Флюгер Мінскай міжнароднай кніжнай выстаўкі-кірмаш сёлета чарговы раз паказваў строга на ўсход, а на форуме “Пісьменнік і час” саліравалі прапагандысты.
▪️На першы погляд, беларускія выдаўцы ў замежжы існуюць у намнога больш спрыяльных умовах, але і тут не ўсё так гладка.

Чытаць агляд цалкам

Ранейшыя выпускі #аналітыка пра літаратуру знойдзеце тут, тут і тут.

Пры падтрымцы #ArtPowerBelarus @radakultury і Дацкага інстытута культуры і фінансавым спрыянні Еўразвязу.

Рыхтуемся завяршыць працоўны тыдзень пад актуальныя мелодыі беларускіх выканаўцаў. А паслухаць тут напраўду ёсць што!

🎼 Прадстаўляем чарговы агляд культурніцкага жыцця беларусаў у студзені - сакавіку 2024 года і аб’яўляем наступны прыпынак: музычны.

Узбуйненне — ці не галоўнае слова музычнага сектару па стане на сёння. З’яўляюцца новыя буйныя гульцы, раней створаныя супольнасці растуць і мацнеюць, калектывы аб’ядноўваюцца і пера-аб’ядноўваюцца дзеля крутых праектаў.

Беларускі пост-панк літаральна крочыць па планеце: нашыя гурты ладзяць крутыя туры па Еўропе і сягаюць Лацінскай Амерыкі.

Музычная ж абстаноўка ў краіне не настолькі буяе пазітывам: тут па-ранейшаму працягваюцца рэпрэсіі, а на вялікай сцэне радыя бачыць адно “правільных” герояў.

Чытаць агляд цалкам

Ранейшыя выпускі #аналітыка пра музыку знойдзеце тут, тут і тут.

Пры падтрымцы #ArtPowerBelarus @radakultury і Дацкага інстытута культуры і фінансавым спрыянні Еўразвязу.

Вы прасілі, а нашая аналітычная група — зрабіла.

☀️ Прадстаўляем агляд падзей культурніцкага жыцця беларусаў з акцэнтам на захаванне нацыянальных традыцый.

У выпуску:

🔺 Звычай калядавання, распаўсюджаны ў беларускіх вёсках, пускае ўсё мацнейшыя карані сярод беларусаў, якія цяпер жывуць у еўрапейскіх сталіцах.

🔺 Танцавальна-спеўныя вечарыны (а мо, ужо вячоркі?) збіраюць аншлагі ў гарадскіх клубах, а танцы, якім можна навучыцца за хвіліны, захопліваюць пляцы вялікіх святкаванняў.

🔺 Старажытныя спевы становяцца часткай рэчасінасці нашых сучаснікаў, а дзеці беларусаў могуць вучыцца па спеўніку, складзеным у пачатку ХХ ст.

Чытаць агляд цалкам

#аналітыка падрыхтаваная пры падтрымцы #ArtPowerBelarus @radakultury і Дацкага інстытута культуры і фінансавым спрыянні Еўразвязу.

Аналітычная група @radakultury заўважыла: за першыя тры месяцы 2024 года сучаснае беларускае мастацтва згадваецца (у розных кантэкстах) каля сотні разоў. Гэта і выставы, і фэсты, і дыскусіі.

Пачаў выходзіць падкаст пра мастацтва, збіраюцца архівы, мемарыяльныя калекцыі. Парадаксальна, але беларускае мастацтва стала больш даступнае для беларусаў у замежжы, чым для тых, хто застаецца ў Беларусі. Тут выставы закрываюцца, адмяняюцца, а творцам даступныя выказванні адно на абмежаванае кола тэмаў.

❗️Сёння перад вамі — незвычайны агляд. 2️⃣ часткі, больш як 5️⃣0️⃣ падзей у цэнтры ўвагі і шмат-шмат аўтарскіх імпрэсій ад арт-івэнтаў.

Чытаць агляд цалкам:
частка 1
частка 2

Ці спадабаўся такі фармат? Дзяліцеся ў каментарах.

Ранейшыя выпускі #аналітыка пра беларускае мастацтва знойдзеце тут і тут.

Пры падтрымцы #ArtPowerBelarus @radakultury і Дацкага інстытута культуры і фінансавым спрыянні Еўразвязу.