Адкрытае агульнае пасяджэнне Каардынацыйнай Рады, 22.10.2024

1) Дэбрыф візіта дэлегацыі КР у Бундэстаг,— Спікер, віцэ-спікерка
2) Неабходнасьць падтрымкі былых беларускіх добраахвотнікаў на баку Украіны і чальцоў іх сямей,— Фракцыя "Воля"

https://youtube.com/live/oW72puDvpXg

❗️Каардынацыйная рада прыняла Агульную стратэгію дзеянняў на “бязвыбарах”-2025.❗️

Падрабязнаці хутка 🔜

Каментар спікера Каардынацыйнай рады Анжалікі Мельнікавай:

«Сёння Каардынацыйнай радай большасцю галасоў была прынята агульная стратэгія дзеянняў дэмакратычных сіл на безвыбарах 2025, арганізаваных Аляксандрам Лукашэнкам. Гэтая стратэгія была распрацавана сумесна Каардынацыйнай радай, Офісам Святланы Ціханоўскай і Аб'яднаным пераходным кабінетам і Каардынацыйнай радай. Была сфармавана рабочая група, якая некалькі месяцаў працавала над гэтым дакументам. У ім выкладзены асноўныя дзеянні і пазіцыі дэмакратычных сіл, а таксама план дзеянняў, прапанаваны беларусам. Гэтая стратэгія — наш адказ недэмакратычным "безвыбарам" Лукашэнкі».

Беларуская дэлегацыя Каардынацыйнай рады ўпершыню афіцыйна прыме ўдзел у сесіі ПАСЕ ў студзені 2025 года.

6 лістапада Камітэт міністраў Савета Еўропы ўхваліў стварэнне Інфармацыйнага офіса па Беларусі ў Вільні, цяпер чакаецца галасаванне ў Сейме Літвы. Таксама пачнецца праграма стажыровак для беларусаў у Савеце Еўропы, нягледзячы на тое, што Беларусь не з’яўляецца членам арганізацыі.

Адкрытае агульнае пасяджэнне Каардынацыйнай Рады, 12.11.2024

1) Прэзентацыя Прыярытэтаў Міжнароднай Працы,—А. Мамаева, Еўрапейскі Выбар
2) Адкрыты мікрафон. Навіны камісій і фракцый,— Усе дэлегаты

https://youtube.com/live/Z722BIVrGoY

Аліна Коўшык пакідае Каардынацыйную раду ў сувязі з новым прызначэннем на пасаду кіраўніка тэлеканала «Белсат»

Яна падкрэсліла, што не можа сумяшчаць абавязкі ў Каардынацыйнай радзе на новай пасадзе.

"Я добраахвотна складаю мандат сяброўкі Каардынацыйнай рады", — заявіла Аліна. Лідарства фракцыі "Еўрапейскі Выбар" пераходзіць да Валерыя Мацкевіча.

Стратэгічны дыялог паміж дэмакратычнымі сіламі Беларусі і Украінай

На форуме імя Астрожскіх у Кіеве спікерка Каардынацыйнай рады Анжаліка Мельнікава прапанавала наладзіць дыялог паміж дэмакратычнымі сіламі Беларусі і ўкраінскім урадам. Яна адзначыла, што беларускія эксперты могуць працаваць па пытаннях бяспекі, сацыяльнай палітыкі, культуры і іншых сферах. Таксама яна прапанавала падпісаць мемарандум, каб дэмакратычныя сілы Беларусі прызнаваліся легітымнымі прадстаўнікамі грамадзянскай супольнасці.

Мемарандум можа ўключаць пытанні бяспекі, вываду расійскіх войскаў і ядзернай зброі з Беларусі, а таксама ўдзел дэмакратычных сілаў у мірных перамовах па Украіне.

Заклік не прызнаваць «выбары» ў Беларусі ў 2025 годзе

«Лукашэнка не мае права праводзіць выбары, бо з'яўляецца міжнародным злачынцам, вінаватым у злачынствах супраць чалавечнасці і саўдзеле ў агрэсіі. Дакументы з доказамі ягоных злачынстваў ужо перададзены ў Міжнародны крымінальны суд у Гаазе.

Мы заклікаем міжнародную супольнасць не прызнаваць гэтыя "выбары". Дыктатар не павінен мець такой легітымнасці».

Адкрытае агульнае пасяджэнне Каардынацыйнай Рады, 19.11.2024

1) Палаженне аб мерапрыемствах КР,— Яўген Караулаў, Камісія па пытаннях Статута й іншых унутраных дакумэнтах КР.
2) Палаженне аб рэйтынгавым галасаванне ў КР,— Яўген Караулаў, Моладзевы Наступ.

https://youtube.com/live/Fea66omtsDk

⚠️ Інфармацыя аб затрыманні і экстрадыцыі Васіля Веремейчыка

13 лістапада Васіля Веремейчыка, чальца Каардынацыйнай рады фракцыі "Беларусы" і экс-дабраахвотніка Палка Каліноўскага, затрымалі ў В’етнаме. Ужо 14 лістапада яго экстрадавалі ў Беларусь у выніку аперацыі КДБ.

Мы заклікаем усіх беларусаў, якія працягваюць барацьбу з рэжымам, быць надзвычай асцярожнымі і ўважліва выбіраць краіны для знаходжання. Некаторыя дзяржавы могуць не забяспечваць належнага ўзроўню бяспекі і быць уразлівымі для аперацый спецслужбаў Лукашэнкі

Заява Каардынацыйнай рады па сітуацыі з Васілём Верамейчыкам

13 лістапада 2024 года ў Хашыміне (В'етнам) быў затрыманы Васіль Верамейчык, дэлегат Каардынацыйнай рады і былы намеснік камандзіра батальёна "Волат" Палка Кастуся Каліноўскага.

Па атрыманай 19 лістапада інфармацыі ад мясцовай паліцыі, ён быў экстрадаваны ў Беларусь ужо на наступны дзень - 14 лістапада.

Па наяўных дадзеных, аперацыя была арганізавана Камітэтам дзяржаўнай бяспекі (КДБ) Беларусі. Хуткасць экстрадыцыі сведчыць аб загадзя падрыхтаванай спецаперацыі. У Беларусі Васілю Верамейчыку пагражае больш за 20 гадоў турэмнага зняволення ці нават смяротнае пакаранне па абвінавачаннях звязаных з яго палітычнай дзейнасцю і ўдзелам у баявых дзеяннях на баку Украіны.

Аб затрыманні Васіля стала вядома 14 лістапада. Каардынацыйная рада неадкладна звярнулася да міністэрстваў замежных спраў ЗША, Польшчы і Украіны, міжнародных арганізацый з просьбай умяшацца, высветліць абставіны справы і прадухіліць магчымую экстрадыцыю. Прадпрымаліся таксама спробы арганізаваць юрыдычную абарону Васілія, якія аднак сутыкаліся з тым, што адвакаты ў В'етнаме ў большасці сваёй адмаўляліся ўзяцца за гэтую справу. Тыя, хто пагадзіліся, не змаглі атрымаць доступ да інфармацыі, бо мясцовая паліцыя адмаўлялася даваць каментары. Толькі 19 лістапада стала вядома, што Васіля, верагодна, дэпартавалі ў Беларусь ужо на наступны дзень пасьля затрыманьня.
Сітуацыя Васіля Верамейчыка патрабуе асаблівай увагі.

Пасля ўдзелу ў пратэстах 2020 года ў Беларусі і пагрозы арышту ён эмігрыраваў ва Украіну, дзе ўступіў у Полк Каліноўскага. У якасці намесніка камандзіра батальёна "Волат" ён удзельнічаў у баях на поўдні і ўсходзе Украіны, быў паранены ў Мікалаеўскай вобласці, узнагароджаны медалём за заслугі.

Таксама Васіль з’яўляецца сузаснавальнікам Асацыяцыі беларускіх добраахвотнікаў. У 2024 годзе ён быў абраны ў Каардынацыйную раду Беларусі.
Па падставах, якія мы лічым неабгрунтаванымі, у 2023 годзе дэпартамент міграцыі Літоўскай Рэспублікі забараніў Васілю Вреамейчыку ўезд на тэррыторыю Еўрапейскага саюза. Гэта вымусіла яго шукаць прытулак у патэйцыйна небяспечных краінах.

Каардынацыйная рада Беларусі звяртаецца да міжнароднай супольнасці і праваабарончых арганізацый з заклікам прыкласці ўсе намаганні для абароны жыцця і правоў Васіля Верамейчыка.

Мы заклікаем:

- Урады краінаў свету спыніць супрацоўніцтва з сілавымі структурамі Рэспублікі Беларусь, у тым ліку прыпыніць дамовы аб экстрадыцыі і прававой дапамозе.
- Перагледзець падыходы да прадастаўлення міжнароднай абароны і гуманітарнага ВНЖ беларусам у Літоўскай Рэспубліцы і распаўсюджаннай практыцы прызнання беларусаў «пагрозай для нацыянальнай бяспекі», акцэнтуючы ўвагу на індывідуальных абставінах кожнага выпадку.
- Ініцыяваць перамовы з уладамі Беларусі аб магчымым абмене Васіля Верамейчыка на грамадзян Беларусі, асуджаных у Літве і Украіне за шпіянаж у інтарэсах Беларусі.
- Урад Украіны прызнаць Васіля Верамейчыка ваеннапалонным і ўключыць ў абменны фонд
Мы заяўляем аб недапушчальнасці экстрадыцыі палітычных актывістаў у Беларусь, дзе яны падвяргаюцца несправядліваму пераследу.
Заклікаем дэмакратычную супольнасць да скаардынаваных дзеянняў у мэтах абароны Васіля Верамейчыка і прадухілення новых такіх выпадкаў.
Мы выказваем салідарнасць з Васілём і яго сям'ёй і заклікаем да неадкладных дзеянняў у барацьбе за яго выратаванне.

Беларусы заслугоўваюць лепшага!

Сёння, калі нас спрабуюць запалохаць і пасварыць, важна памятаць пра тое, што нас аб’ядноўвае. Толькі разам, захоўваючы агульныя каштоўнасці, мы здолеем перамагчы любыя цяжкасці.

Сапраўдныя выбары магчымыя, калі вярнуцца незалежныя медыя, на волю выйдуць несправядліва асуджаныя і кожны атрымае права ўдзельнічаць у выбарчых працэсах на роўных умовах.

Мы адмаўляемся прымаць дыктатуру і заяўляем: «супраць усіх» – гэта наш голас за свабоду і годнасць.

Адкрытае агульнае пасяджэнне Каардынацыйнай Рады, 03.12.2024

1) Разгляд кандыдатаў у дэлегацыю Каардынацыйнай Рады у ПАРЭ,— А. Мамаева, МК, Еўрапейскі Выбар.
2) Абмеркаванне палажэння аб рэйтынгавым галасаванні,— Фракцыя «Хопіць Баяцца».

https://youtube.com/live/X_Qmjm9Mwg0

Другі стратэгічны дыялог з ЗША сёння пачаўся ў Вільні. Прадстаўнікі ЗША і дэмакратычных сіл Беларусі, у тым ліку дэлегаты Каардынацыйнай Рады сёння праводзяць сэсіі па наступных тэмах:

📌Суверэнная, Стабільная, Дэмакратычная Беларусь
📌Правы чалавека і палітвязні
📌Адказнасць рэжыму
📌Нацыянальная культура і ідэнтычнасць
📌СМІ і камунікацыі
📌Прыватны сектар (бізнэс)

Пазней сёння мы апублікуем каментар спікеркі КР Анжалікі Мельнікавай і спытаем, што адбываецца за закрытымі дзвярыма і пра што вядзецца размова.

«Беларусы годныя лепшага». Кангрэс вольных беларусаў

📅 Калі? 26 студзеня 2025 года
📍 Дзе? Варшава, Польшча

Дэмакратычныя сілы Беларусі і грамадскія арганізацыі запрашаюць далучыцца да вялікага мерапрыемства 26 студзеня. Мы збяромся, каб паказаць: беларусы годныя лепшага!

Што вас чакае?
▫️Дыскусіі палітычных лідараў і актывістаў;
▫️Блок пытанняў і адказаў;
▫️Выступы вядомых беларусаў і беларусак, музыкаў і артыстаў;
▫️Прэзентацыі беларускіх НДА і ініцыятываў. Новыя партнёрствы і магчымасці.

Як прыняць удзел? Каб стаць удзельнікам, калі ласка, падайце заяўку праз анлайн-форму (https://docs.google.com/forms/d/e/1FAIpQLSeddVy658UdKe_flhUbCPz3GNyWqSEvsAhvmbtYitib7ionIw/viewform).

Далучайцеся да нашай супольнай справы і падтрымайце рух за дэмакратычныя змены ў Беларусі!

📢 Каардынацыйная Рада ў стратэгічным дыялозе ЗША з дэмакратычнымі сіламі Беларусі

На першай секцыі «Суверэнная, стабільная, дэмакратычная Беларусь» спікерка Каардынацыйнай рады і каардынатарка палітычнай секцыі Анжаліка Мельнікава асвятліла стратэгічныя падыходы дэмакратычных сіл да так званых «выбараў 2025 года» і падкрэсліла неабходнасць падтрымкі ад усяго цывілізаванага свету:

«Барацьба за дэмакратыю ў Беларусі не з’яўляецца ізаляванай. Гэта частка больш шырокай барацьбы за свабоду і правы чалавека ў нашым рэгіёне. Ад вайны ва Украіне да выклікаў, якія стаяць перад суседнімі краінамі, такімі як Малдова і Грузія, мы сутыкаемся з агульнымі пагрозамі. Наша барацьба ў Беларусі непасрэдна ўплывае на будучыню ўсяго рэгіёну. Менавіта таму нам трэба больш, чым проста адзінства сярод беларускіх дэмакратычных сіл і адвага. Нам патрэбныя саюзнікі, накіраваныя на стратэгічнае ўзаемадзеянне, пошук эфектыўных інструментаў і падтрымку».

Цягам дня ў розных секцыях стратдыялогу прынялі ўдзел Павел Латушка, Уладзімір Астапенка, Алесь Міхалевіч (Каманда Латушкі і Рух «За свабоду»), Таццяна Хоміч (Беларусы), Маргарыта Ворыхава (Моладзевы Наступ), Віталь Рымашэўскі і Павел Церашковіч (Наша Справа/БХД).

Беларускія ветэраны, сем’і беларускіх ветэранаў і добраахвотнікаў, загінулых у вайне за Украіну, павінны быць уключаны ў сістэму гуманітарнай падтрымкі на роўных з палітвязнямі і членамі іх сем’яў. Беларускія добраахвотнікі, якія абараняюць Украіну, — гонар нашага народа. Сёння ветэраны не павінны заставацца пакінутымі. Сем’і ветэранаў і сем’і загінулых павінны атрымліваць падтрымку. Наша агульная задача — пашырыць паўнамоцтвы фондаў і арганізацый, якія працуюць па гуманітарных пытаннях з Беларуссю, каб уключыць гэтых людзей у сістэму падтрымкі.

Віталь Рымашэўскі, фракцыя хрысціянскіх дэмакратаў

🌍 Дні Беларусі ў Брусэлі – час для аб’яднання і падтрымкі!

Дэлегаты Каардынацыйнай Рады працягваюць удзел у беларускім тыдні ў Брусэлі.

📢 Спікерка КР Анжаліка Мельнікава дае каментар проста з паседжання кансультатыўнай групы Беларусь-ЕС: што абмяркоўвалася, якія ўжо ёсць дасягненні, нашыя прыярытэты.

Еўрапейскі парламент праводзіць канферэнцыю высокага узроўню ў падтрымку народа Беларусі

Гэта канферэнцыя высокага узроўню арганізавана супольна Еўрапейскай службай вонкавых дзеянняў і Еўрапейскім парламентам у супрацы з Еўрапейскай камісіяй у рамках Дзён Беларусі ў Бруселі: серыі імпрэз у падтрымку беларускага народа напярэдадні так званых "прэзідэнцкіх выбараў" у студзені 2025 года.

Мэта канферэнцыі - прадэманстраваць нязменную падтрымку ЭС беларускага народу, праліць святло на сітуацыю з палітычнымі зняволенымі і абмеркаваць шляхі дэмакратычнай будучыні ў Беларусі.

Спасылка на трансляцыю.