🌟 Ітогі і вынікі Канферэнцыі "Новая Беларусь"

Канферэнцыя "Новая Беларусь" завяршылася важнымі вынікамі і актыўным удзелам Каардынацыйнай рады:

1. Новы склад Аб’яднанага Пераходнага Кабінета: Прэзентаваны новыя прадстаўнікі, якія ў бліжэйшы час пройдуць працэдуру ўзгаднення ў Каардынацыйнай радзе.

2. Пратакол узаемадзеяння паміж СЦ, ОСЦ, АПК і КР: Прыняты асноватворны дакумент для пабудовы супрацоўніцтва і даверу ўнутры дэмакратычных сілаў.

3. Платформа 2025: Агульная рамка для працы, якая падтрымана палітычнымі структурамі і грамадскімі ініцыятывамі. Платформа адкрытая для падпісання.

4. Міжнародны гуманітарны фонд дапамогі рэпрэсаваным: створаны фонд, які збірае сродкі ад дзяржаваў на падтрымку рэпрэсаваных. Размеркаваннем сродкаў зоймуцца ByHelp і BySol.

📌 Па выніках канферэнцыі аргкамітэт таксама распрацаваў праекты дэкларацыяў, якія адкрытыя да падпісання ўсімі суб’ектамі і партнёрамі:

- Заява аб неканстытуцыйным захопе ўлады: Дэмакратычныя сілы падкрэсліваюць, што Аляксандр Лукашэнка не павінен быць дапушчаны да выбараў 2025 года.

- Дэкларацыя аб адказнасці і аднаўленні справядлівасці: Лукашэнка і датычныя да злачынстваў супраць чалавечнасці павінны панесці пакаранне.

- Дэкларацыя аб знешнепалітычных прыярытэтах: Падкрэслены еўрапейскі выбар Беларусі і падтрымка Украіне.

- Праект дэкларацыі аб палітвязнях: Абавязак дамагацца вызвалення палітвязняў праз санкцыі і дыпламатычны ціск.

- Праект дэкларацыі аб падтрымцы незалежных медыя: Адзначана неабходнасць праграмнай і інстытуцыйнай падтрымкі незалежных медыяў і блогераў.

- Праект дэкларацыі аб моладзевай палітыцы: Усталяваны прыярытэты і падыходы да моладзевай палітыкі Дэмакратычных Сілаў Беларусі.

Удзел Каардынацыйнай рады ў рабоце канферэнцыі быў вызначальным. Менавіта Каардынацыйная рада будзе ўзгадняць новыя прызначэнні ў Аб’яднаным Пераходным Кабінеце, а таксама ажыццяўляць грамадскі кантроль над выкананнем прынятых дэкларацый і платформаў якія адлюстроўваюць ключавыя мэты і задачы дэмакратычных сіл Беларусі.

📢 Сябры, рады прадставіць нашу новую медыякаманду Каардынацыйнай Рады!

Мы сабралі крэатыўных прафесіяналаў, якія будуць адказваць за свежыя ідэі, цікавыя праекты і прыцягненню новай аўдыторыі. Цяпер каналы КР стануць яшчэ больш інфарматыўнымі і карыснымі для беларусаў!

💡 Знаёмцеся з камандай:
- Арцём Шапараў — адказны за медыя. За яго плячыма шматгадовы вопыт і мноства паспяховых праектаў.
- Наталля Галаўчук (вядомая ўсім блогерка «Данута Хлусня») — прафесіянал сваёй справы з вялікім досведам у журналістыцы. Цяпер яна будзе трымаць вас у курсе ўсіх галоўных падзей, аператыўна і аб’ектыўна асвятляючы важныя тэмы.
- Сяргей Бяспалаў — эксперт у галіне камунікацый з вялікім досведам правядзення інтэрв’ю. Цяпер ён будзе задаваць самыя актуальныя і цікавыя пытанні нашым дэлегатам, раскрываючы іх меркаванні, ідэі і стратэгіі.

Ужо зараз вы можаце назіраць вынікі іх працы на нашых платформах. Сачыце за абнаўленнямі!

⚡️Агульным пасяджэннем Каардынацыйнай Рады былі прынятыя рашэнні аб стварэнні трох камісій:

1️⃣ Камісія па пытаннях Статута Каардынацыйнай Рады — Кіраўніком стаў Яўген Караулаў з фракцыі “Моладзевы наступ”. Камісія створана з мэтай ўрэгулявання канфліктаў пры спрэчных трактоўках дакументаў Каардынацыйнай Рады.

2️⃣ Камісія па адукацыі і навуцы Каардынацыйнай Рады — Кіраўніком стаў Павел Церашковіч з фракцыі “Наша Справа”. Мэтай Камісіі па адукацыі і навуцы з’яўляецца каардынацыя рэалізацыі палітыкі дэмакратычных сіл Беларусі ў сферы адукацыі, навукі і інавацый.

3️⃣Міжнародная камісія Каардынацыйнай Рады — Кіраўніцай стала Аляксандра Мамаева з фракцыі “Еўрапейскі Выбар”. Мэтай Камісіі з'яўляецца прадстаўленне інтарэсаў беларусаў і Беларусі на міжнароднай арэне для набліжэння дэмакратычных зменаў у краіне.

✍️ Камісіі ў Каардынацыйнай Радзе – гэта важныя формы узаемадзеяння дэлегатаў, якія дазваляюць эфектыўна кіраваць праектамі, размяркоўваць адказнасць і кантраляваць працэс выканання задач.

Па выніках слуханняў па працэдуры ўзгаднення прадстаўнікоў АПК у Каардынацыйнай радзе 14 жніўня 2024 года прынятыя рашэнні:

✅ Уладзімір Астапенка рэкамендаваны на пасаду прадстаўніка АПК па міжнародным і еўрапейскім супрацоўніцтве.

✅ Маргарыта Ворыхава рэкамендавана на пасаду прадстаўніцы АПК па моладзевай палітыцы.

✅ Вадзім Кабанчук рэкамендаваны на пасаду прадстаўніка АПК па абароне і нацыянальнай бяспецы.

Спікер КР Анжаліка Мельнікава: “Агульным пасяджэннем як вышэйшым кіруючым органам Каардынацыйнай рады было прынятае рашэнне аб ухваленні прадстаўнікоў АПК, якія 4 жніўня былі прызначаныя Прэзідэнткай-элект Святланай Ціханоўскай падчас Канферэнцыі “Новая Беларусь”. Гэта важная падзея, якая рэальна дэманструе высокую і адказную ролю Каардынацыйнай рады як прадстаўнічага органа. Гэта дэманструе і ўзмацненне ўзаемадзеяння беларускіх дэмакратычных сілаў. Я ўпэўненая, што нашыя структуры будуць і далей працаваць разам плённа і эфектыўна для дасягнення агульных мэтаў. Шчыра вітаю Ўладзіміра Астапенка, Маргарыту Ворыхаву і Вадзіма Кабанчука і жадаю поспехаў у працы. Дзякуй вам за вашу справу. Жыве Беларусь!”