Ці лічаць беларусы праблемы гендэрнай роўнасці актуальнымі? Анлайн-прэзентацыя вялікага даследвання ад Фемгрупы КР

31 жніўня аб 19:00 (па Менску) адбудзецца прэзентацыя «Уяўленні беларускага грамадства аб гендэрнай роўнасці».

Дадзеныя для даследвання яго аўтаркі сабралі пры дапамозе інтэрнет-апытання жыхароў і жыхарак Беларусі. Удзел у даследванні ўзялі 402 чалавекі.

Задачы даследвання:

— выявіць, якія ў беларусаў і беларусак ёсць уяўленні/дасведчанасць аб гендэрнай роўнасці, ці ведаюць яны, што гэты тэрмін значыць, і ці лічаць праблему гендэрнай няроўнасці актуальнай для Беларусі.

— вызначыць, якія гендэрныя праблемы здаюцца беларусам і беларускам найбольш актуальнымі (у апытанцы гаворыцца пра канкрэтныя праблемы, не называючы гэта гендэрнай (не)роўнасцю).

Каб атрымаць спасылку на прэзентацыю трэба запоўніць невялікую анкету да 30 жніўня ўключна: https://forms.gle/GbASEcmNWtx4FME87

Прэзентацыю будзе праводзіць Лена Агарэлышава, адна з аўтарак даследавання, удзельніца Фемгрупы КР, гендэрная экспертка, магістр сацыялогіі.

Мерапрыемства праводзіцца Фемгрупай КР пры падтрымцы Women in Europe Foundation і Tu-Was Foundation of Gemeinsinn

Спікер Каардынацыйнай рады Андрэй Ягораў разважае пра тое, якую палітычную норму Расея экспартуе ў Беларусь:

«У сучаснай Расеі палітычныя забойствы — гэта такая норма палітычнага жыцця. Ды і эканамічнага таксама, проста мы менш ведаем. І няма там ніякага "вяртання 90-х" ці ўвогуле нейкіх сутнасных зменаў сістэмы пасля таго, як кухара кокнулі, яна так заўсёды працуе.

***

Леў Рохлін — генерал, быў знойдзены забітым на ўласнай дачы, 1998

Галіна Старавойтава — палітык, дзяржаўны дзеяч, дэпутат Дзярждумы, застрэлена, 1998

Уладзімір Галаўлёў — дэпутат Дзярждумы, кіраўнік выканкама палітычнай партыі "Ліберальная Расея", застрэлены на шашы, 2002

Сяргей Юшанкоў — дэпутат Дзярждумы, сустаршыня партыі "Ліберальная Расея", застрэлены ля свайго дома, 2003

Сяргей Магніцкі — аўдытар, заявіў аб існаванні схем для маштабнага крадзяжу бюджэтных сродкаў праз незаконнае вяртанне падаткаў, арганізаваных расейскімі чыноўнікамі і сілавікамі, забіты ў турме, 2009

Барыс Нямцоў — палітык і дзяржаўны дзеяч, дэпутат Яраслаўскай аблдумы, застрэлены, 2015

Сяргей Скрыпаль, былы супрацоўнік ГРУ, палкоўнік, у 2006 годзе быў асуджаны ў Расеі за дзяржаўную здраду, спроба забойства, Скрыпаль і яго дачка Юлія пацярпелі ад наўмыснага атручвання нервова-паралітычным рэчывам з сямейства, вядомага як "Навічок", 2018

Аляксей Навальны, палітычны і грамадскі дзеяч, спроба забойства, атручэнне баявым атрутным рэчывам з групы "Навічок", 2020

і многія іншыя.

***
І гэтыя нормы будуць пераносіцца ў Беларусь разам з сінхранізацыяй падатковых сістэм, увядзеннем адзіных адукацыйных стандартаў і іншай "інтэграцыяй".

Адно без другога не існуе».

❓ Ці згодныя вы са спадаром Ягоравым? Пішыце ў каментарах!

Кінь кізяк у дэпутата: прычым тут КР? Смаленск беларускі?
https://youtu.be/tqv_EZsQfTw

Дайджэст навінаў Каардынацыйнай рады — як беларускі палітык пераплыў Басфор, новая акцыя Сумленных Людзей «Кінь кізяк у дэпутата» і чый усё ж такі Смаленск?

Ян Рудзік раскажа, як адрэагавала Каардынацыйная рада на заяву экс-рэдактара NEXTA і Уладзіслава Жывіцы — дэпутата Смаленскай Абласной Думы. Спойлер: не ўсе падтрымалі такую ініцыятыву.

Што думаеце пра гэтыя навіны і ўвогуле пра такія відэа? Пішыце ў каментарыях!

Выбары ў КР: як іх правесці і ці патрэбныя яны ўвогуле?

Сябры Каардынацыйнай рады Лізавета Пракопчык і Яўген Караулаў паразважалі на стрыме Еўрарадыё, чаму трэба як след прадумаць працэдуру выбараў у КР, калі яны адбудуцца, і наколькі гэтая ідэя мае сэнс у сённяшніх абставінах.

Што думаеце, якім чынам мусяць прайсці выбары? Пішыце ў каментарах!

Чым займаецца фракцыя Грамадзянская салідарнасць у Каардынацыйнай радзе?

Кіраўнік фракцыі Павел Патапаў пералічыў асноўныя напрамкі яе дзейнасці:
— Палітычная дэкларацыя права беларускага народа на паўстанне
— Праект Устаноўчага сходу і ў цэлым плана на пераходны перыяд
— Выпрацоўка пазіцыі па пытанні палітвязняў
— Выпрацоўка пазіцыі па верыфікацыі беларускага бізнэсу
— Ініцыяванне абмеркавання канцэпцыі рэформы мясцовага самакіравання

Далучайцеся да сацсетак фракцыі, каб сачыць за яе навінамі:
Telegram: https://t.me/CivilSolidarityBelarus
ТiкTok: https://www.tiktok.com/@civilsolidarity
Youtube: https://www.youtube.com/@CivilSolidarity

Заканчваецца беларускі пашпарт. І што цяпер рабіць?

Адказвае адвакат, былы кандыдат у прэзідэнты і сябра Каардынацыйнай рады Алесь Міхалевіч:
https://euroradio.fm/zakanchvaecca-belaruski-pashpart-i-shto-cyaper-rabic-parady-advakata

Мы можам і не пісаць прозвішча — вы ўсе ведаеце, пра каго ідзе гаворка. Маша — наша гераіня, сімвал любві, неверагоднай сілы, прынцыповасці і агульнай барацьбы за дэмакратычную Беларусь.

Сёння тры гады як Марыю Калеснікаву выкралі людзі без апазнавальных знакаў. Ужо 7 месяцаў мы нічога пра яе не ведаем і, зразумела, гэта не проста трывожна. Гэта жахліва.

Марыю хацелі вывезці з Беларусі, каб пазней паліваць брудам і расказваць, як яна ўцякла. Але ў небяспечнай для жыцця сітуацыі яна знайшла законны спосаб застацца — парвала пашпарт на дробныя кавалачкі. Сёння рэжым таксама знішчае беларускія пашпарты, але розніца ў мэтах. У Марыі была мэта застацца ў роднай краіне любым коштам, а рэжым спрабуе не ўпусціць вольных беларусаў у краіну любымі спосабамі. Вось толькі сіла беларусаў ужо не мае межаў — дыяспары, беларусы ў «падполлі» і нават людзі ў засценках працягваюць змагацца. Іх не разгарнуць.

Маша, любім цябе і хутчэй чакаем на волі. Сіл табе, сіл усім блізкім, сіл беларусам, якія ўсё роўна неверагодныя. Маша ведала, што казала.

Сябра Каардынацыйнай рады Вольга Кавалькова стала гераіняй чарговага так званага расследавання аб дзейнасці дэмакратычных сіл на «Беларусь-1»

Сёння палітык пракаментавала сваё з'яўленне ў гэтым фільме:

«Усе мы ведаем працу прапагандыстаў, нічога праўдзівага ў іх матэрыялах няма, чарговая хлусня, склееная з розных адказаў на іншыя пытанні. Апошнім часам я праводжу шмат камунікацый з прадстаўнікамі дэмакратычнай і грамадзянскай супольнасці розных краін, каб разам арганізоўваць мерапрыемствы, камунікацыйныя пляцоўкі, шукаць выйсце, што мы можам разам зрабіць, як аб'яднаць нашыя намаганні. Дзяўчына на відэа прадставілася памочніцай Міхаіла Хадаркоўскага. З ёй я абмяркоўвала тое ж, што і з іншымі калегамі — гэта арганізацыя дыскусій з экспертамі, на якіх можна абмеркаваць будучыню рэгіёну Расіі і Беларусі з пункту гледжання тых людзей, якія змагаюцца з расейскім імперыялізмам. Мы правялі некалькі званкоў, але яе не ўдалося верыфікаваць, таму мы спынілі зносіны. Вядома, ніякія файлы я ім не дасылала.

Такія пляцоўкі, безумоўна, неабходныя, бо ў такім выглядзе, у якім існуе Расея сёння, гэта пагроза для нашага рэгіёна. Таму мы павінны камуніцыраваць з усімі антыімперскімі сіламі і зрабіць усё для таго, каб яна перастала існаваць у такім выглядзе, як існуе сёння.

У Белтэлерадыёкампаніі працуе шмат крамлёўскіх прапагандыстаў, мэта якіх - раз'яднаць усе дэмакратычныя сілы і не даць ім аб'яднацца ў барацьбе з агульным ворагам, таму і выйшаў гэты фільм, менавіта зараз. Намі праведзена вялікая праца ў напрамку супрацоўніцтва з дэмсіламі розных краін і, спадзяюся, ужо ў пачатку наступнага года такія камунікацыйныя пляцоўкі запрацуюць».

Каардынацыйная Рада, як прадстаўнічы орган дэмакратычных сілаў Беларусі, прызнаны міжнароднай супольнасцю, звяртае ўвагу на чарговыя факты рэпрэсіяў з боку беларускага рэжыму ў адносінах да грамадзянаў Беларусі замежжа.

Поўны тэкст заявы тут

«Упэўнена, што па-ранейшаму «Я магу ўсё змяніць» застаецца адным з яе жыццёвых прынцыпаў». Таццяна Хоміч пра гадавіну затрымання Марыі Калеснікавай

Сяброўка Каардынацыйнай рады, сястра Марыі на сваіх старонках у сацыяльных сетках прызналася, што ёй складана каментаваць і гаварыць зараз пра свае пачуцці:

— Мне не хапае маёй любімай сястры, хвалююся за яе здароўе, балюча ад усведамлення гэтай лічбы…

Я ўяўляю, як Маша і зараз кожны дзень, робіць у засценках, што можа. Напэўна, ветлівая. Спакойна ўсміхаецца ў адказ на любыя прыдзіркі, «парушэнні або пакаранні», змяшчэнне ў ПКТ і падаўжэнне ПКТ да канца 2023 года, адсутнасць лістоў. Гэтак жа ветліва, настойліва і ўсё з такой жа годнасцю і ўсмешкай патрабуе вярнуць сабе перапіску, званкі, спатканні, піша звароты і дамагаецца сустрэч з адміністрацыяй. Сочыць за сабой, імкнецца выглядаць акуратна і добра, наколькі гэта магчыма. Нават калі яна ў камеры адна.

Дзень за днём Маша і ў такіх умовах кожны дзень працягвае змагацца за свае правы і свабоду. Упэўнена, што па-ранейшаму «Я магу ўсё змяніць» застаецца адным з яе жыццёвых прынцыпаў. Сёння гэтыя словы аддаюцца рэхам для мільёнаў беларусаў, магчыма падаюцца далёкім мінулым. Упэўнена, што Маша па-ранейшаму верыць у сілу і смеласць беларусаў, у кожнага з нас, гатоўнасць дапамагаць і падтрымліваць адзін аднаго, нават у гэты складаны час.

Старэйшая экалагічная арганізацыя Беларусі Экадом ініцыявала заяву ад Нарады фракцый Каардынацыйнай рады наконт так званых слуханняў па ўводу ў строй другога энергаблока БелАЭС, якія пачаліся 8 верасня.

Мы заклікаем міжнародную супольнасць да эфектыўных і адэкватных сітуацыі дзеянняў, накіраваных на прыпыненне, замарожванне гэтага праекта. Гэта як эканамічныя, так і палітычныя, міжнародныя механізмы і рычагі ўплыва, у тым ліку міжнародныя дамовы аб ядзернай бяспецы, удзельніцай якіх Беларусь пакуль з’яўляецца.

Прачытаць заяву цалкам можна па спасылцы

Мы зыходзім з таго, што далейшае развіццё Рэспублікі Беларусь можа быць забяспечана толькі паслядоўным і незваротным стратэгічным курсам на дэмакратычную трансфармацыю Беларусі, яе еўрапейскую інтэграцыю, канчатковай мэтай якой з'яўляецца паўнапраўнае членства Беларусі ў ЕЗ.

Уся рэзалюцыя цалкам — па спасылцы: https://rada.vision/by/rezaljucyya-ab-imknenni-suverennaj-demakratychnaj-belarusi-da-syabro-stva-ez

🇪🇺 Татьяна Хомич в Европарламенте: От нас не нужно ограждаться забором

Татьяна Хомич выступила в Страсбурге перед депутатами Европарламента.

— Мы часто слышим, что разрешение политического кризиса и кризиса прав человека в Беларуси возможно после того, как Украина победит. Да, Беларусь должна быть частью будущих многосторонних переговоров о региональной безопасности. Но тогда же должен подниматься вопрос внутриполитической ситуации, вопрос остановки репрессий, освобождения политзаключенных. Иначе, все усилия беларусов за эти годы напрасны. 

У нас нет времени ждать, многие политзаключенные могут не дождаться этого момента.

Изоляция Беларуси и ограничение в физической мобильности, только будет толкать Беларусь в объятия России.

От нас не нужно ограждаться забором. Нам чужды имперские мотивы соседней страны, нас не нужно закрывать и изолировать.

Нас не нужно жалеть, нам нужна ваша помощь и поддержка.

Мы не знаем, сколько нам предстоит бороться за демократию в Беларуси, но мы проходим этот путь вместе.

«Беларусы, якія пражылі большую частку жыцця ў свабоднай Еўропе разумеюць, наколькі складаным будзе шлях уступлення ў Еўразвяз». Міхаіл Рубін, як і Таццяна Хоміч, таксама выступіў у Еўрапарламенце

Сябра КР Міхаіл Рубін пражыў у Германіі больш за 30 гадоў. У сваім звароце да еўрадэпутатаў у Страсбургу ён адзначыў, што для яго ўдзел у форуме — гэта ў першую чаргу вельмі эмацыйная і вельмі асабістая падзея.

— На канферэнцыі Новая Беларусь, якая прайшла нядаўна ў Варшаве, мы прынялі рашэнне аб уступленні ў Еўразвяз. І мы, беларусы, якія пражылі большую частку жыцця ў свабоднай Еўропе, вельмі адчуваем адказнасць за гэтае рашэнне. Мы разумеем, які доўгі і складаны будзе шлях да гэтай мэты, — адзначыў палітык. — Жадаю каб гэтае мерапрыемства ў Еўрапарламенце стала пачаткам шляху, які прывядзе маю радзіму ў Еўразвяз, і мы ўсе яго пройдзем разам і кожны данясе тое, што можа.

Таксама падчас свайго выступу сябра КР падрэсліў, што беларусы замежжа не перастаюць думаць пра родную краіну:

— Нашыя сэрцы непарыўна звязаны з Беларуссю. Апошнія тры гады — гэта найперш боль. Бесперапынны боль, калі мы бачым тое, што адбываецца на іншым боку калючага дроту, знаходзячыся тут, у адносна мірнай Еўропе. Гэта адбываецца не недзе далёка і некалі, а тут і зараз, у цэнтры Еўропы.

Новы выпуск навінаў Каардынацыйнай рады
https://youtube.com/watch?v=xKMsoSVvloY

5 верасня 2023 года беларускі рэжым унёс змены ў заканадаўства Беларусі, паводле якіх шэраг адміністрацыйных працэдур можна здзяйсняць толькі на тэрыторыі Беларусі асабіста. Або па даверанасці, якая таксама выдаецца ў Беларусі. Таму атрымаць новы пашпарт або абмяняць пашпарт без наведвання Беларусі будзе немагчыма.

Прадстаўнікі Каардынацыйнай рады распавядаюць, што трэба рабіць, калі пашпарт сканчаецца: як атрымаць праязны дакумент.

Таксама ў гэтым выпуску навін раскажам пра некаторыя фракцыі і пра тое, што яны зрабілі за апошнія некалькі тыдняў.

Арцём Брухан — пра пазіцыю НАУ па сітуацыі з пашпартамі

Сябар Каардынацыйнай рады з фракцыі «Грамадзянскае дзеянне / За Новую Беларусь» Арцём Брухан назваў нашумелы ўказ пераследам па палітычных прычынах і элементам злачынства супраць чалавечнасці.

Нагадваем, што пакуль Аб'яднаны пераходны кабінет узгадняе пашпарт Новай Беларусі з урадамі іншых краін свету, у некаторых краінах вы можаце атрымаць пашпарт замежніка. Інструкцыі шукайце па спасылцы.