📌Таццяна Грыневіч сустрэлася з беларусамі Х’юстана

🎸Беларускі бард Таццяна Грыневіч працягвае творчыя гастролі па гарадах ЗША. 5 траўня адбылася сустрэча з беларусамі ў Х'юстане (штат Тэхас).🇺🇸

Сустрэчы беларусаў у Х'юстане адбываюцца не часта, таму яны вельмі каштоўныя самі па сабе. А візіт Таццяны Грыневіч да беларусаў у гэты далёкі амерыканскі горад аказалася сапраўдным святам і вялікай радасцю.

🎤Выступленне беларускай спявачкі было разнастайным і шчырым. Яна выканала песні на словы беларускіх паэтаў-класікаў, правяла шэраг гульняў, танцаў, разам з беларускімі дзеткамі спявалі дзіцячыя песні, а таксама ўсе разам выканалі “Купалінку” і “Тры чарапахі”.

🤍❤️🤍Кожны з прысутных беларусаў прымаў удзел ва ўсіх конкурсах і гульнях, якія праводзіла госця з Беларусі. А самае галоўнае, па словах Таццяны, што яна прывезла ў Х’юстан беларускае слова, да якога прагне кожная душа беларуса-эмігранта.

📷 Радыё Рацыя

#Грыневіч #выступ #Х'юстан #беларусы #бард