‼️Палітзняволеную пенсіянерку Алену Гнаўк змясцілі ў карцар

❗️65-гадовую актывістку Алену Гнаўк адміністрацыя баранавіцкага СІЗА пакарала «суткамі» ў карцары. Там яе будуць утрымліваць да 1 ліпеня.

Нагадаем, 17 чэрвеня Гнаўк асудзілі на тры з паловай гады калоніі ва ўмовах агульнага рэжыму і аштрафавалі на 3200 рублёў. Алену прызналі вінаватай па двух артыкулах Крымінальнага кодэкса.

❗️З 2020 года Алену Гнаўк мэтанакіравана пераследавалі: затрымлівалі і арыштоўвалі па адміністрацыйных артыкулах 17 разоў, штрафавалі агулам на 173 базавыя велічыні, дома праводзілі ператрусы, асудзілі па «справе карагодаў» і за абразу Лукашэнкі па крымінальных артыкулах. Пад вартай Алена ўтрымліваецца ўжо пяць месяцаў.

Крыніца: "Вясна" #Алена_Гнаўк #палітвязні #суд #карцар #здзекі