‼️У Беларусі асуджаная яшчэ адна расейка, прызнаная палітзняволенай

🌹Вера Цвікевіч атрымала год калоніі агульнага рэжыму, паведамляюць праваабаронцы. Крымінальную справу разглядаў суд Маскоўскага раёна (суддзя Вольга Малашэнка). Па ёй таксама праходзіла настаўніца рускай мовы і літаратуры, палітзняволеная Наста Кухарава.

У сілавікоў аказалася фота, на якім Кухарава і Цвікевіч ідуць у адным шэрагу на адной з вулічных акцый пратэсту ў Мінску. 🤍❤️🤍Іх прызналі вінаватымі ў "арганізацыі і падрыхтоўцы дзеянняў, якія груба парушаюць грамадскі парадак...".

Таксама 6 траўня, толькі ў Гародни, была асуджана грамадзянка Расеі, палітзняволеная Сафія Сапега.

📷 Аляксандра Коца

#Цвікевіч #Кухарава #расейка #суд #прысуд

Развітацца са Станіславам Шушкевічам прыйшлі сотні людзей

Развітанне з першым кіраўніком незалежнай Беларусі Станіславам Шушкевічам. Сёння, на другі дзень развітання, якое праходзіць у архікатэдральным касцёле Найсвяцейшага Імя Марыі ў Менску, каля касцёла выстраілася чарга з людзей, якія прыйшлі развітацца з палітыкам і праводзіць яго ў апошні шлях. Многія прыйшлі з чырвонымі і белымі кветкамі. На цырымоніі развітання, сярод іншых, прысутнічаў надзвычайны і паўнамоцны амбасадар Польшчы ў Беларусі Артур Міхальскі, які ў пачатку году на патрабаванне ўладаў вымушана выехаў з Беларусі. Некаторыя амбасады прынеслі свае вянкі памяці Станіславу Шушкевічу. Калі выносілі труну, апладысменты доўжыліся больш за 10 хвілін. Хаваюць Станіслава Шушкевіча на Паўночных могілках Менску.

📷ЕВРОРАДИО

#Шушкевіч

Заўтра ў Беластоку – чарговая акцыя Салідарнасці

Акцыя салідарнасці ў Беластоку. Заўтра, 8 траўня, каля будынку беларускага консульства на вуліцы Электрычнай, пройдзе чарговая акцыя, якую ладзіць беларуская дыяспара. Яна арганізуецца ў дзень, калі ў Еўропе святкуюць дзень заканчэння Другой сусветнай вайны. Пачатак а 15-ай гадзіне. Арганізатары просяць браць з сабою ўкраінскія, польскія і беларускія нацыянальныя сцягі.

📷Радыё Рацыя

#Беласток

Барысаўскі актывіст Ігар Леднік не выйшаў на волю пасля 15-ці сутак арышту

На Ігара распачата крымінальная справа па ч.2 арт. 367 КК “Паклёп на прэзідэнта Рэспублікі Беларусь”. Таксама з’явілася інфармацыя, што яго хутка могуць перавесці ў Жодзіна і суд над ім можа адбыцца праз два месяцы. Ледніку пагражае да пяці год пазбаўлення волі.

Напярэдадні адміністрацыйнага арышту ў сацыял-дэмакрата адбыўся вобшук. Была канфіскавана зарэгістраваная партыйная сімволіка, некалькі асобнікаў аналітычнага часопіса БСДП “Пазіцыя”, а таксама некалькі кніг.

Ігару Ледніку 60 год. Ёсць праблемы з сэрцам. Мае другую групу інваліднасці.

📷Радыё Свабода

#Затрыманні

У Менску не хапае педагогаў

У Менску не хапае педагогаў. Кіраўнік Мінгарвыканкама Уладзімір Кухараў у эфіры дзяржаўнага канала расказаў пра недахоп настаўнікаў пачатковых класаў і выхавацеляў у дзіцячых садах у беларускай сталіцы.

«Сёння ў Менску ёсць вялізная праблема забеспячэння спецыялістамі, – прызнаўся Кухараў. – У першую чаргу гэта дзіцячыя дашкольныя ўстановы (больш за 450 вакансій), а таксама больш за 50 вакансій настаўнікаў пачатковых класаў».

📷Радзіма

#Настаўнік

Прэзідэнт Украіны Уладзімір Зяленскі заклікаў канцлера Германіі Олафа Шольца зрабіць «моцны крок» і наведаць Кіеў 9 мая.

Пра гэта ён заявіў у выступе перад прадстаўнікамі брытанскага аналітычнага цэнтра Chatham House.

«Ён запрошаны, запрашэнне адкрытае, яно ёсць ужо некаторы час. Яго запрашаюць прыехаць ва Украіну, ён можа зрабіць гэты вельмі магутны палітычны крок – прыехаць 9 мая ў Кіеў. Я не тлумачу значэнне, я думаю, вы дастаткова адукаваныя, каб зразумець, чаму», – сказаў Зяленскі.

#Зяленскі

‼️ “Для палякаў ён застанецца сябрам”

Прэзідэнт Польшчы Анджэй Дуда🇵🇱 напісаў ліст сваякам Станіслава Шушкевіча. Гэты ліст зачытаў пасол Польшчы ў Беларусі Артур Міхальскі падчас пахавання першага лідара незалежнай Беларусі.

У лісце адзначаецца: “Для палякаў ён застанецца сябрам, які высока цаніў кошт нашага польска-беларускага добрасуседства, якое вынікае з багатай агульнай гісторыі”. Польскі лідар выказаў надзею, што “спадчына не будзе страчаная, і мы дажывём да таго часу, калі вуліцы беларускіх гарадоў будуць насіць яго імя”.

Дуда назваў Шушкевіча “сведкам і суаўтарам вялікіх гістарычных змен, якія прывялі Беларусь на шлях незалежнасці і дэмакратыі…”

✝️ Станіслаў Шушкевіч памёр 3 мая. Учора, 7 мая, яго пахавалі на Паўночных могілках Менска. Труну накрылі бел-чырвона-белым сцягам.

📷 twitter.com

#Дуда #Шушкевіч #Міхальскі #Польшча

😢24 прадстаўнікі беларускіх медыя знаходзяцца за кратамі

“І гэта наша галоўная бяда”, - кажа намеснік старшыні Беларускай асацыяцыі журналістаў – Барыс Гарэцкі, і прыгадвае, што сярод апошніх затрыманых – галоўны рэдактар выдання “Новы Час” – Аксана Колб:

- На жаль, спіс журналістаў за кратамі ніколі не памяншаўся за апошні год менш 20 чалавек. І рэпрэсіі працягваюцца. Аксана Колб – выдатны прафесіянал, патрыёт. Чалавека проста захапілі ў палон. Дарэчы, мы размаўлялі з галоўнымі рэдактарамі бельгійскіх выданняў і падлічылі, што з беларускіх выданняў мы маем 5 галоўных рэдактараў за кратамі. Вось так выглядае беларуская медыя-прастора. Нягледзячы на гэта, выданні працягваюць сваю працу, здаецца тут ёсць чым ганарыцца.

😢У Беларусі амаль не засталося незалежных СМІ. Большасць рэдакцый і журналістаў вымушаныя былі пакінуць краіну. Некаторыя рэдакцыі – тэлеканала “Белсат”, агенцтва “БелаПАН” і “Радыё Свабода” ўлады прызналі так званымі “экстрэмісцкімі фармаваннямі”.

📷 baj.by

#журналісты #Гарэцкі #медыя

💪Глабальны пікет салідарнасці з Беларуссю

Святлана Ціханоўская заклікала беларускія дыяспары ва ўсім свеце выйсці 29 мая на Глабальны пікет салідарнасці з Беларуссю.🤍❤️🤍

Палітычныя падзеі апошняга года вымусілі з’ехаць у сталіцу Польшчы🇵🇱 мноства нашых суайчыннікаў. Мы ведаем, што наладжванне жыцця ў іншай краіне – гэта нялёгкая задача і не кожны можа сабе дазволіць час на ўдзел у акцыях дыяспары, але на гэты раз нам патрэбны кожны з вас! Калі ласка, не заставайцеся ў баку! Толькі разам мы можам паўплываць змяніць сітуацыю да лепшага – заклікаюць у Цэнтры беларускай салідарнасці ў Варшаве.

📷 з адкрытых крыніц

#Ціханоўская #салідарнасць #беларусы #Варшава

⚡️З “Азоўсталь” у Марыўпалі эвакуіравалі ўсіх жанчын, дзяцей і старых

“Гэтая частка Марыўпальскай гуманітарнай аперацыі завершана”. Пра гэта казаў падчас вечаровага відэазвароту да нацыі прэзідэнт Украіны🇺🇦 – Уладзімір Зяленскі:

- Дзякую камандам Міжнароднага камітэта Чырвонага крыжа і Арганізацыі аб’яднаных нацый, якія дапамаглі нам правесці першы этап эвакуацыйнай місіі з “Азоўсталі”. Удалося ўратаваць больш за 300 людзей: жанчын і дзяцей. Фактычна мы вывелі цывільных з “Азоўсталі”. І рыхтуем зараз другі этап эвакуацыйнай місіі - раненых і медыкаў, калі ўсе выканаюць дамоўленасці і не будзе хлусні.

Прэзідэнт Зяленскі дадаў, што ідзе праца над тым, каб эвакуіраваць усіх абаронцаў Марыўпаля, а таксама цывільных жыхароў. Ён назваў гэта вельмі цяжкай задачай, але і надзвычай важнай.

Марыўпаль — горад у Данецкай вобласці Украіны на беразе Азоўскага мора. Да вайны там пражывала больш за 440 тысяч чалавек. Гэта быў адзін з самых буйных і важных прамысловых і эканамічных цэнтраў краіны.

📷 з адкрытых крыніц