🖥 ‼️ Латвія забараняе вяшчанне ўсіх расейскіх каналаў, але выдае ліцэнзію "Дажджу".

📌 Латвійская Нацыянальная рада па электронных СМІ з 9 чэрвеня забараняе вяшчанне і рэтрансляцыю на тэрыторыі краіны 80 тэлевізійных каналаў, зарэгістраваных у Расеі. Рашэнне будзе дзейнічаць да заканчэння расейскай агрэсіі супраць Украіны і вяртання Крыма.

📌 Таксама рада прыняла рашэнне аб выдачы ліцэнзіі на вяшчанне тэлеканала «Дождж», які быў закрыты ў Расеі ў пачатку сакавіка. Кіраўніцтва і частка супрацоўнікаў канала пакінула Расію. Яны маюць намер аднавіць вяшчанне з Латвіі.

#вайна_ва_Украіне #телеканал_Дождж #расейскія_тэлеканалы #санкцыі #Латвійская_Нацыянальная_рада_па_электронных_СМІ

Крыніца: reform.by

Зняты з пасады гендырэктар «Белкнігі» – неафіцыйная інфармацыя

Паводле папярэдніх даных, прычына ў недастатковым прасоўванні літаратуры беларускіх выдавецтваў. Часова выконваць абавязкі кіраўніка «Белкнігі» будзе Генадзь Сілінскі.

Дарэчы, летась у інтэрв’ю расейкаму выданню Аляксандр Вашкевіч казаў, што раман Джорджа Оруэла «1984» займае чацвёртае месца сярод самых прадаваных кніг у Беларусі. Першыя два месцы – гэта кнігі лагапеда Надзеі Жукавай, трэцяе – у кнігі «Рэвалюцыя» Віктара Марціновіча, а далей ішлі «Каласы пад сярпом тваім» і «Дзікае паляванне караля Стаха» Уладзіміра Караткевіча.

Крыніца: @motolkohelp

📌📖 Выдавец Андрэй Янушкевіч па-ранейшаму знаходзіцца за кратамі

📌 Яго і супрацоўніцу Насту Карнацкую затрымалі 16 траўня пасля ператрусу ў новай кнігарні “Кнігаўка”. Андрэй Янушкевіч быў асуджаны на 10 сутак адміністрацыйнага арышту, але пасля на волю ён не выйшаў. Яго асудзілі яшчэ на 10 сутак. Ён зноў не выйшаў.

📌 Наста Карнацкая была пачаткова прысуджана да 13 сутак арышту, але на волю таксама не выйшла.

#пераслед_выдаўцоў #Андрэй_Янушкевіч #Наста_Карнацкая #кнігарка_Кнігаўка

‼️Улады Беларусі адказалі на петыцыю пра недапушчэнне ліквідацыі польскіх🇵🇱 і літоўскіх🇱🇹 школ

❗️У петыцыі грамадзяне патрабавалі вярнуць навучанне на мовах нацыянальных меншасцяў, звяртаючы ўвагу на тое, што ў старой рэдакцыі Кодэксу аб адукацыі гарантавалася атрыманне агульнай сярэдняй адукацыі на мовах нацыянальнай меншасці.

У адказе на петыцыю пра недапушчэнне ліквідацыі польскіх школ у Гародні і Ваўкавыску, і літоўскіх у Рымдзюнах і Пелясе ўлады проста цытуюць артыкул 82 Кодэкса аб адукацыі, які вызначае, што навучанне і выхаванне ў Беларусі можа ажыццяўляцца на беларускай або рускай мовах, і што Кодэкс вызначае магчымасць вывучаць мову і літаратуру нацменшасці ў школах.

❗️Як вынік – у польскіх і літоўскіх школах будзе па адной гадзіне ў тыдзень на гэта. 📷 newgrodno.by

📌‼️ Расейскія ваенныя караблі Чарнаморскага флота страцілі кантроль над паўночна-заходняй часткай Чорнага мора: ваенна-марскім сілам ВСУ атрымалася адкінуць іх ад украінскіх берагоў больш за на 100 км, паведамляюць у ВМС ВСУ.

📌 Адзначаецца, што расейскі марскі флот спрабуе вярнуць кантроль, выкарыстоўваючы берагавыя ракетныя комплексы і крылатыя ракеты паветранага базавання.

📌 Армія РФ разгарнула ў Крыме і ў Херсонскай вобласці берагавыя ракетныя комплексы тыпу "Баль" і "Бастыён" і перакідвае дадатковыя сілы на востраў Змяіны.

#вайна_ва_Украіне #украінская_армія #востраў_Змяіны #расейская_армія #расейскія_ваенныя_караблі

Крыніца: news.liga.net

❗️Уздоўж беларуска-украінскай граніцы стаяць расейскія вайскоўцы з ракетнымі комплексамі “Іскандэр-М”, самалётамі аператыўна тактычнай авіяцыі і зенітна-гарматныя комплексамі “Панцыр-С1” і ракетнымі сістэмамі С-400.

🇺🇦Пра гэта паведамляе Генеральны штаб Узброеных сіл Украіны.

Адзначаецца, што на Валынскім і Палескім напрамках істотных зменаў у абстаноўцы не адзначаецца.

📷 AFP/GETTY IMAGES

#вайна #Украіна #мяжа #РФ #Іскандэр

📖Беларускія праграмісты стварылі платформу для беларускіх аўдыёкніг

🖌Праект атрымаў назву “Кніжны воз”. Тут можна знайсці аўдыёкнігі і для дарослых, і для дзяцей. Сярод выданняў, напрыклад, “Нататкі таткі” Андрэя Хадановіча, “Кот Шпрот і вежавы гадзіньнік” Ганны Янкуты, “Пра сланоў і барсучкоў для дзяўчат і хлапчукоў” Андрэя Скурко і іншыя творы.

🎧Для зручнасці кнігі падзеленыя на аўдыёфрагменты.

📷 facebook.com/knizhnyvoz

📌‼️ Беларускія і расейскія ВНУ выключаны з Балонскага працэсу.

📌 Пра гэта паведаміў намеснік кіраўніка Міністэрства адукацыі і навукі РФ Дзмітрый Афанасьеў на пашыраным пасяджэнні Камітэта Савета Федэрацыі па навуцы, адукацыі і культуры.

📌 Балонскі працэс — працэс збліжэння і гарманізацыі сістэм вышэйшай адукацыі краін Еўропы. Балонская дэкларацыя была падпісаная 19 чэрвеня 1999 года з мэтай стварэння адзінай еўрапейскай прасторы вышэйшай адукацыі. Беларусь далучылася да працэсу ў 2015 годзе.

#Балонскі_працэс #беларускія_ВНУ #вышэйшая_адукацыя #выключылі_з_Балонскага_працэсу

Крыніца: reform.by

📌‼️ 32 журналісты загінулі ва Украіне з пачатку ўварвання расейскіх войскаў.

📌 Пра гэта паведаміў міністар культуры і інфармацыйнай палітыкі Украіны Аляксандр Ткачэнка.

📌 Арганізацыя «Рэпарцёры без межаў», якая вядзе лік ахвярам і пацярпелым сярод журналістаў, ужо падала некалькі іскаў у Міжнародны крымінальны суд з патрабаваньнем унесьці гібель журналістаў на вайне Расеі супраць Украіны ў сьпіс ваенных злачынстваў.

#журналісты_на_вайне #вайна_ва_Украіне #журналісты_загінулі_ва_Украіне #Рэпарцёры_без_межаў

❗️Дзяніс Івашын другі год запар сустракае дзень народзінаў за кратамі. Гарадзенскаму журналісту сёння спаўняецца 43 гады.

📌Палітвязень Дзяніс Івашын ужо амаль 15 месяцаў знаходзіцца ў турме №1 у Гародні па абвінавачаннях ва ўмяшанні ў справы супрацоўнікаў унутраных органаў і здрадзе дзяржаве.

Яго жонка Вольга ў інтэрв’ю выданню “Новы Час” расказала пра тое, што за час зняволення Дзяніс не згубіў аптымізму, верыць у перамогу і сваё вызваленне, загартаваў волю, характар і дух, пашырыў свой жыццёвы і прафесійны досвед, пераасэнсаваў каштоўнасці і змяніў прыярытэты, але застаўся верным і адданым патрыётам Беларусі⚪️🔴⚪️.

Фота з сямейнага архіву #Дзяніс_Івашын #СМІ #Гародня #палітвязні

📌 Нашаніўцаў Ягора Марціновіча і Андрэя Скурко накіравалі ў калоніі

📌 20 траўня Менгарсуд пакінуў прысуды палітвязням Ягору Марціновічу і Андрэю Скурко без зменаў.

📌 6 чэрвеня стала вядома, што Марціновіча накіравалі ў бабруйскую калонію № 2, а Скурко — у магілёўскую калонію № 15, паведамляюць праваабаронцы.

📌 Нагадаем, 15 сакавіка суд Заводскага раёна Менска прысудзіў галоўнаму рэдактару «Нашай нівы» і кіраўніку аддзелу маркетынгу і рэкламы па два з паловай гады калоніі.

За кратамі іх утрымліваюць ужо амаль 10 месяцаў.

#Ягор_Марціновіч #Андрэй_Скурко #палітвязні #пераслед_журналістаў #газета_Наша_Ніва

Навіны спорту ў аглядзе Радыё Рацыя👇

🎾Беларуская тэнісная федэрацыя падала апеляцыю ў Спартовы арбітражны суд і плануе абскардзіць рашэнне ITF аб прыпыненні сяброўства БТФ у ITF і адхіленні беларускіх каманд ад удзелу ў найбуйнейшых камандных турах.

🤸‍♀️Суддзі пасля задавальнення пратэсту расейскага боку аднялі ў Аліны Гарнасько перамогу ў практыкаванні са стужкай

🎾Афіцыйны сайт ВТА апублікаваў новую версію рэйтынгу. У ім чэмпіёнка "Ралан Гарос" Іга Cвёнтэк займае першую пазіцыю. Найлепшая з беларусак - Арына Сабаленка, шостая. Аляксандры Сасновіч з 47 месца ўзнялася на 36.

🤺Алімпійскі чэмпіён і італьянскі фехтавальшчык Даніэле Гароца падпісаў міжнародную антываенную дэкларацыю Беларускага фонду спартовай салідарнасці.

⚽️Дзі Марыя гатовы падпісаць кантракт з "Ювентусам" толькі на год

📷 pixabay.com

📌Рызыкі паўторнага ўварвання расейскіх войскаў з тэрыторыі Беларусі па-ранейшаму мінімальныя, - заявіў журналістам Уладзімір Зяленскі🇺🇦.

«Мы рыхтуемся да ўсіх рызык уварвання, але пакуль нашы аналітыкі, эксперты, не бачаць рэальных рызык паўторнага ўварвання з Беларусі», — сказаў прэзідэнт Украіны.

Крыніца: РБК-Украина

📷 rbc.ua

#Украіна #вайна #расейская_агрэсія #Беларусь #Уладзімір_Зяленскі

❗️ Затрыманага ў пятніцу журналіста бабруйскага выдання «Коммерческий курьер» Дзмітрыя Суслава асудзілі на 15 сутак арышту па арт. 19.11 КаАП (распаўсюд экстрэмісцкіх матэрыялаў).

Суд прайшоў на тэрыторыі ізалятара часовага ўтрымання.

Пра затрыманне Дзмітрыя Суслава стала вядома ў пятніцу, 3 чэрвеня. Супрацоўнікі РАУС прыйшлі ў рэдакцыю выдання і без тлумачэння прычын забралі журналіста. Да позняга вечара яго трымалі ў РАУС, пасля чаго адправілі ў ІЧУ.

Крыніца: БАЖ