📌‼️ Італія і Польшча - за статус кандыдата ў ЕЗ для Украіны. З Францыяй, Германіяй - перамовы

📌 Польшча і Італія падтрымліваюць прадастаўленне Украіне статусу кандыдата ў чальцы ў Еўрапейскі звяз. Пра гэта заявіў у Twitter кіраўнік канцылярыі прэзідэнта Польшчы Якуб Кумах па выніках сустрэчы польскага прэзідэнта Анджэя Дуды з італьянскім калегам Серджа Матарэлам.

📌 Дуда дадаў, што перамовы аб прызнанні Украіны кандыдатам у ЕЗ таксама ідуць з Францыяй і Нямеччынай, перадае Польскае радыё.

📌 Напярэдадні саміту ЕЗ Дуда паехаў у турнэ па Еўропе, каб пераканаць лідараў Еўразвяза даць Украіне статус кандыдата.

#вайна_ва_Украіне #Анджэй_Дуда #Італія #Польшча #прыём_Украіны_у_Еўразвяз

news.liga.net

Анджэй Дуда і Серджа Матарэла (фота - ЕРА)

📌‼️ Тры гады "хіміі" запрасіла абвінавачанне для палітзняволенай Васілевіча.

📌‼️ У судзе Савецкага раёна Менска 10 чэрвеня працягваўся суд над палітзняволенай Наталляй Васілевіч, якую абвінавачваюць ў абразе прэзідэнта (ч.1 арт. 368 Крымінальнага кодэкса) і абразе прадстаўніка ўлады (арт. 369 Крымінальнага кодэкса).

📌 Справу разглядае суддзя Аляксандр Воўк.

📌 Наталля Васілевіч была затрыманая 15 снежня 2021 года. Да суда ўтрымлівалася ў следчай турме ў Жодзіна.

📌 Сёння дзяржабвінаваўца запрасіў для Васілевіч абмежаванне волі з накіраваннем у папраўчую ўстанову адкрытага тыпу тэрмінам на тры гады.

📌 Чакаецца, што прысуд будзе вынесены ў аўторак, 14 чэрвеня.

#Наталля_Васілевіч #палітвязні #пераслед_актывістаў #рэпрэсіі #турма_ў_Жодзіне

spring96.org

❗️Алег Хамянок: Беларускія медыя могуць знайсці выйсце з крызісу

Украінскі медыя-аналітык Алег Хамянок пад час міжнароднай сустрэчы "Журналістыка ва ўмовах канфлікту" зрабіў ацэнку сучасным беларускім медыя. На яго думку, медыя ў Беларусі знаходзяцца ў крызісе:

- Абсалютна відавочны крызіс медыя. Крызіс – гэта заўсёды не толькі разбурэнні, але і магчымасці. Я бачу, што анлайн-медыя на сённяшні дзень вельмі добра развіваюцца ў Беларусі. Гэта датычыць, як магчымасцяў даносіць інфармацыю да аўдыторыі, так і атрымліваць інфармацыю ад аўдыторыі праз сістэмы краўдсорсінгу праз сацыяльныя медыі.

Сустрэча з Алегам Хамянком адбылася ў грузінскім Кабулеці пад час міжнароднага трэнінга для журналістаў з Беларусі, Украіны, Малдовы, Арменіі, Азербайджана, Расеі і Грузіі.

Беларускае Радыё Рацыя

📌‼️ "Беларуская нацыянальная меншасць у Польшчы" - сустрэча з Яўгенам Вапам

📌 14 чэрвеня Беларускі Дом у Варшаве запрашае на сустрэчу з Яўгенам Вапам - кіраўніком Беларускага cаюза ў Польшчы, галоўны рэдактарам штотыднёвіка беларускае меншасці ў Польшчы «Нівы», дырэктарам Беларускага Радыё Рацыі.

📌 Арганізатар мерапрыемства: Беларускі Дом у Варшаве
ulica Kryniczna 6, 03-934 Warszawa, Polska. Пачатак: 18.00.

📌 Яўген Вапа распавядзе пра жыццё беларускай нацыянальнай меншасці на Падляшшы, пра тое, як у іх атрымліваецца захоўваць беларускую мову з пакалення ў пакалення і як яны падтрымліваюць дэмакратычныя змены ўнутры Беларусі.

#Яўген_Вапа #беларусы_Падляшша #Беларускі_Дом_у_Варшаве #беларусы_Варшавы #беларуская_дыяспара_ў_Польшчы

📌 Ва Украіне пашыраецца петыцыя на імя Уладзіміра Зяленскага, у якой заклікаюць неадкладна даць украінскае грамадзянства ўсім беларусам-добраахвотнікам. Гэта абумоўлена тым, што ў Беларусі, пры сённяшнім палітычным рэжыме, ім пагражае крымінальны пераслед і як вынік – сур’ёзны тэрмін зняволення.

📌 Акрамя таго, пад ціскам, у якасці закладнікаў, знаходзяцца іх сваякі, - гаворыць грамадская дзяячка з Пінску Вераніка Іванова:

📌 - Калі паглядзець на розныя відэа з Украіны, то можна заўважыць, што многія беларусы хаваюць свае твары. І Такім чынам яны спрабуюць абезапасіць сваіх родных. Калі б не небяспека для сваіх родных, то колькасць беларусаў, якія абараняюць Украіну, была б у дзясяткі большая.

📌 Паводле апошняй інфармацыі ўкраінскага агенцтва “УНІАН”, супраць расейскай агрэсіі ваюе каля 1,5 грамадзян Беларусі, якія між іншага ўваходзяць не толькі ў полк Кастуся Каліноўскага. Ёсць і іншыя лічбы, як найменей ўдвая большыя.

#вайна_ва_Украіне #полк_Каліноўскага #беларусы_ваююць_за_Украіну

📌‼️ Чарнагорыя акажа Украіне ваенную дапамогу

📌 Урад Чарнагорыі адобрыў прадастаўленне дадатковай ваеннай дапамогі Украіне. Пра гэта паведамілі ў Мінабароны Чарнагорыі.

📌 Пакуль невядома, пра які канкрэтна памер ваеннай дапамогі Украіне з боку Чарнагорыі ідзе гаворка.

📌 Па дадзеных UA War Infographics, найбольшую частку свайго абароннага бюджэту на дапамогу Украіне перадалі Эстонія, Латвія, Польшча, Славакія і Літва.

#вайна_ва_Украіне #Чарнагорыя #дапамога #салідарнасць

news.liga.net

❗️ Родным палітвязня Дзяніса Івашына зноў адказалі ў спатканні

Родным палітычнага вязня Дзяніса Івашына ў чарговы раз адмовілі ў сустрэчы зім. У адказе, які размясціла ў сацыяльных сетках жонка вязня Вольга Івашына, гаворыцца, што "зыходзячы з матэрыялаў крымінальнай справы, абставіны ажыццяўлення злачынстваў, падстаў для прадастаўлення спаткання няма". Таксама стала вядома, што справа Дзяніса Івашына паступіла ў пракуратуру Гарадзенскай вобласці для накіравання ў суд.

Дзяніс Івашын – палітычны зняволены і журналіст. Яго падазраюць па двух крымінальных артыкулах: "Здрада дзяржаве" і "Умяшанне ў дзейнасць супрацоўніка органаў унутраных спраў". Ён адмовіўся пісаць Лукашэнку ліст аб памілаванні.

📌‼️ Мінабароны Украіны паведамляе пра расейскія войскі ў 10 населеных пунктах Беларусі

📌 Пра гэта ў эфіры нацыянальнага тэлемарафону заявіў прэс-сакратар Мінабароны Украіны Аляксандр Матузянік.

📌 Па інфармацыі прадстаўніка Мінабароны Украіны, беларуска-ўкраінскую мяжу прыкрываюць сем батальёнаў ВС Беларусі.

📌 "У апошнія некалькі тыдняў узброеныя сілы Беларусі ў складзе да сямі батальёнаў спрабуюць "прыкрываць" участак беларуска-ўкраінскай мяжы", - адзначыў спікер Мінабароны Украіны. Ён назваў гэтыя дзеянні дэманстратыўнымі, таму што "магчымы напад Украіны на тэрыторыю Беларусі гучыць яшчэ смяшней, чым магчымы напад на тэрыторыю Расеі".

#вайна_ва_Украіне #украінска_беларуская_мяжа #агрэсія_з_боку_Беларусі #Мінабароны_Украіны

reform.by

📌 Гарачая фаза вайны можа цягнуцца яшчэ некалькі месяцаў, пасля чаго будзе зацішша. Але як хутка скончыцца сама вайна -- невядома. Такой думкі прытрымліваецца аналітык украінскага Інстытуту будучыні Ігар Тышкевіч:

- Вайна ва Украіне ідзе з 2014 года. Зараз актыўная фаза. Вайна ідзе з моманту анексіі Крыму. Або з першага забітага - гэта з 2 сакавіка 2014 года. Гэта першы забіты ўкраінскі вайсковец у Крыме. Яна не прыпынялася ні на секунду. Зараз актыўная фаза. Гэтая актыўная фаза будзе працягвацца яшчэ некалькі месяцаў. Пасля, хутчэй за ўсё, будзе часовая замарозка канфлікту.

Ігар Тышкевіч звярнуў увагу, што адкрыццё другога фронту з беларускага боку фактычна немагчымае. Але Беларусь застаецца саўдзельніцай агрэсіі.

#вайна_ва_Украіне #Ігар_Тышкевіч #анексі_Крыму #украінскі_Інстытут_будучыні

Беларускае Радыё Рацыя

У Міністэрстве аховы здароўя паведамляюць, што не трэба хвалявацца за пранікненне ў Беларусь воспы малпаў,

Такая верагоднасць завозу вельмі нізкая. Таксама санітарна-эпідэміялагічная служба распрацавала спіс афрыканскіх краінаў, куды не рэкамендавана выязджаць, дакумент апублікаваны на сайце Рэспубліканскага цэнтра гігіены і эпідэміялогіі.

Па словах лекара Дзмітрыя Паўлава ўсе адказныя службы, як і медыкі падрыхтаваныя да сустрэчы з інфекцыяй:
"Яно ўмоўна ўмеранае захворванне. Гэта значыць, ніякіх небяспечных рызык няма. Тым больш, у нас ёсць службы санітарнай аховы тэрыторыі, а тым ліку нашы работнікі. Клінічна гэта можна выявіць адразу".

На сённяшні дзень адзінкавыя выпадкі воспы малпаў па за межамі Афрыкі, між іншых выяўленыя ў ЗША, Канадзе, Аўстраліі, Іспаніі, Партугаліі ды Вялікабрытаніі.

📌‼️ Фінляндыя афіцыйна заявіла пра павелічэнне паставак ваеннай тэхнікі Украіне. Паведамленне аб гэтым апублікавала Міністэрства абароны краіны.

📌 "Фінляндыя не забудзе Украіну і ўкраінцаў. Мы працягнем дапамагаць - рыхтуем новы пакет абароннай дапамогі", - цытуе дакумент міністра абароны Анці Кайканен.

📌 У паведамленні сказана, што 10 чэрвеня 2022 г. прэзідэнт Фінляндыі па прапанове ўрада прыняў рашэнне, што Украіна атрымае дадатковую дапамогу ваеннай тэхнікай.
Ніякай дадатковай інфармацыі аб змесце, спосабах і тэрмінах дастаўкі дапамогі пакуль няма.

#вайна_ва_Украіне #Фінляндыя #дапамога_Украіне #Анці_Кайканен

news.liga.net

Латвія падтрымлівае імкненне беларусаў стаць часткаю дэмакратычнай супольнасці!

Так кажа прэзідэнт Латвіі Эгілс Левіц. Пра гэта ён заявіў учора падчас сустрэчы са Святланай Ціханоўскай у Рыжскім замку. Ён таксама падкрэсліў важнасць падтрымкі грамадзянскай супольнасці і стварэння згуртаванай беларускай дыяспары. Левіц спаслаўся на досвед Латвіі падчас савецкай акупацыі, калі латышы ў выгнанні працягвалі заклікаць міжнародную супольнасць не прызнаваць акупацыю Латвіі, а таксама каардынавалі свае дзеянні праз Сусветную федэрацыю свабодных латышоў.


«Беларусы могуць разлічваць на нашу пастаянную падтрымку – мы будзем разам з беларускай апазіцыяй змагацца за дэмакратыю ва ўсёй Еўропе, у тым ліку, вядома, і ў Беларусі», – сказаў ён.

📌 Мяжу Беларусі на паўднёвым напрамку прыкрываюць сілы спецаперацый, МУС і пагранічнікі. Пра гэта паведаміла прэс-служба Мінабароны, апублікаваўшы два дзясяткі фатаграфій у пацверджанне.

📌«Беларускія вайскоўцы працягваюць выконваць задачы па ўзмацненні аховы ўчасткаў дзяржаўнай мяжы Рэспублікі Беларусь. Сумесна з пагранічнікамі, супрацоўнікамі МУС, ваеннаслужачымі ўнутраных войскаў, на паўднёвым напрамку службу нясуць падраздзяленні сіл спецыяльных аперацый нашай краіны», - гаворыцца ў паведамленні.

📌 Сёння Мінабароны Украіны заявіла, што Беларусь разгарнула на мяжы сем батальёнаў, акрамя таго, у дзесяці населеных пунктах заўважаны расійскія войскі.

#вайна_ва_Украіне #беларуска_украінская_мяжа #беларусы_на_вайне #Мінабароны_Беларусі

reform.by

📌‼️ Групоўка ваенна-марскіх сіл Расеі ў Міжземным моры налічвае 18 надводных караблёў, дзве падводныя лодкі і паступова ўзмацняецца. Пра гэта начальнік штаба ВМС Італіі адмірал Энрыка Крэдэндзіна заявіў у інтэрв'ю Corriere della Sera.

📌 Адмірал адзначыў, што такой канцэнтрацыі ваеннай прысутнасці Расеі ў Міжземным моры ніколі раней не было.

📌 "Калі баявыя падводныя ракетаносцы ходзяць ля межаў тэрытарыяльных вод, мы абавязаны іх ідэнтыфікаваць і ўстанавіць за імі пастаяннае назіранне", - сказаў Крэдэндзіна. Пры гэтым ён лічыць, што зараз караблі ВМС РФ "не ўяўляюць пагрозы".

📌 27 лютага Турцыя закрыла пралівы Басфор і Дарданэлы для праходу ваенных караблёў Расіі, калі яны накіроўваюцца з Міжземнага мора ў Чорнае.

#вайна_ва_Украіне #беларуска_украінская_мяжа #беларусы_на_вайне #Мінабароны_Беларусі

news.liga.net

Адмірал Энрыка Крэдэндзіна (Фота - EPA)

У судзе «па справе Аўтуховіча» абвешчаны перапынак да 13 чэрвеня

Праваабаронцам стала вядома, што ўчора на судзе Мікалай Аўтуховіч паскардзіўся на стан здароўя. Ён захварэў з-за таго, што ў камеры высокая вільготнасць і вельмі холадна. У судзе абвясцілі перапынак да 13 чэрвеня.

На судовым працэсе ў Гародні пачаўся допыт апошняга абвінавачанага па справе – Мікалая Аўтуховіча, якому інкрымінуюць 12 артыкулаў Крымінальнага кодэкса. Падчас суда Аўтуховіч заявіў, што «цалкам віну не прызнае», і што «нейкая частка праўды ёсць, аднак яна не тычыцца тых людзей, якія сядзяць разам са мной у гэтай зале суда».

«Справа Аўтуховіча» – гэта крымінальны працэс у Беларусі па абвінавачаньні шэрагу асоб на чале з Аўтуховічам, якога затрымалі 8 снежня 2020 года па падазрэнні ў стварэнні «тэрарыстычнае групы».

📷Свабода

📌 Новы, больш небяспечны штам каронавіруса можа з’явіцца ў любы момант. Пра гэта заявіў на брыфінгу ў Жэневе генеральны дырэктар Сусветнай арганізацыі аховы здароўя (СААЗ) Тэдрас Аданам Гебрэйесус, які звярнуў увагу на памылковае меркаванне аб тым, што пандэмія ковіда ў свеце скончылася.

📌 Па словах Гебрэйесуса, хоць у свеце зніжаецца колькасць заражэнняў кавідам і смяротных зыходаў, СААЗ заклікае краіны захоўваць пільнасць.

📌 «Пандэмія не скончылася, і мы будзе казаць пра гэта да таго часу, пакуль яна не скончыцца», — рэзюмаваў Гебрэйесус.

#каронавірус #пандэмія #Тэдрас_Аданам_Гебрэйесус #Сусветная_арганізацыя_аховы_здароўя

📌‼️ Беларуская і ўкраінская дыяспары ў Беластоку запрашаюць на Акцыю памяці загінулых беларускіх і украінскіх змагароў за Вольнасць.

📌 Як пішуць арганізатары, з 2020 года і да сёння ў змаганні за незалежнасць Беларусі загінулі 10 чалавек: Аляксандр Тарайкоўскі, Аляксандр Віхор, Аляксандр Будніцкі, Нікіта Краўцоў, Арцём Парукаў, Генадзь Шутаў, Канстанцін Шышмакоў, Раман Бандарэнка, Вітольд Ашурак і Андрэй Зельцэр.

📌 Сёлета ў вайне за Украіну загінулі шэсць беларускіх добраахвотнікаў, якія змагаліся супраць расейскай агрэсіі – ўзгадваюць арганізатары. З пачатку поўнамаштабнай вайны з 24 лютага гэтага года ва Украіне загінула больш за 22 тысячы грамадзян, у тым ліку 243 дзіцяці.

📌 Акцыя памяці пройдзе ў нядзелю, 12 чэрвеня, а 16-ай гадзіне каля будынка беларускага консульства ў Беластоку.

#каронавірус #пандэмія #Тэдрас_Аданам_Гебрэйесус #Сусветная_арганізацыя_аховы_здароўя

Беларускае Радыё Рацыя