📖 Раман беларускага пісьменніка Альгерда Бахарэвіча “Сабакі Еўропы” ўлады прызналі экстрэмісцкім.

📌 Пра гэта сам пісьменнік, які цяпер жыве за мяжой, даведаўся з публікацыі ў дзяржаўнай газеце.

📌 У рамане дзяржаўная экспертыза нібыта знайшла “распальванне сацыяльнай, палітычнай і ідэалагічнай варажнечы”, а таксама “заклікі да масавых беспарадкаў дзеля незаконнага захопу ўлады”.

Больш на сайце Радыё Рацыя.

#Альгерд_Бахарэвіч #раман_Сабакі_Еўропы #прызналі_экстрэмісцкім #Андрэй_Янушкевіч

📌 Беларускі музей, які не спыняў працу нават у час Другой сусветнай вайны, чакае наведнікаў у Міжнародны дзень музеяў.

📌 Перадусім з Днём музеяў звязаная традыцыйная штогадовая акцыя, якая ладзіцца ва ўсім свеце – “Ноч музеяў”.

У Беларусі адзін з чатырох самых старых музеяў знаходзіцца ў Пінску.

📌 Установа захавала першыя экспазіцыі, якія ствараліся яшчэ ў сярэдзіне 1920-х гадоў.

Больш на сайце Радыё Рацыя.

#Міжнародны_дзень_музеяў #Пінск #музеі_Пінска #Ноч_музеяў

‼️⚡️ 21 траўня ў Дзень палітвязня ў Беластоку беларускія праваабаронцы зладзяць сустрэчу салідарнасці.

📌 Яна пройдзе ў сядзібе Беларускага Радыё Рацыя па адрасе Цепла,1 і пачнецца а 15.30. Сустрэча прымеркавана да ўгодкаў гібелі ў калоніі Вітольда Ашурка.

Плануецца мастацкая частка, выступы праваабаронцаў, былых вязняў, падпісанне паштовак тым, хто знаходзіцца ў турмах.

#Вітольд_Ашурка #Дзень_палітвязня #памяць #салідарнасць
#Беласток

📌 18 траўня музыку, лідару гурта Neuro Dubel Аляксандру Кулінковічу споўнілася бы 50 год. Больш за тры гады таму ён нечакана пайшоў у лепшы сусвет. Сёння яго згадваюць беларусы ва ўсім свеце. А ў Менску і Варшаве адбудуцца адмысловыя канцэрты памяці.

📌 18 траўня ў Варшаве адбудзецца вялікі канцэрт, прысвечаны 50-годдзю з дня нараджэння Аляксандра Кулінковіча, у 19.00 па мясцовым часе ў клуб «Remont» па вуліцы Waryńskiego 12a.

📌 20 траўня, у пятніцу, у менскім клубе «Графіці» па завулку Калініна, 16 адбудзецца творчы вечар гурта Neuro Dubel у гонар 50-годдзя А. Кулінковіча.

#Аляксандр_Кулінковіч #беларуская_рок_музыка #Варшава #Менск #Neuro_Dubel

📌 Таварыства беларускай культуры ў Беластоку правяло 47-ы Конкурс школьных тэатральных калектываў.

📌 Сёлета першае месца заняў дзяцячы калектыў з Орлі «Казка».

📌 Пра значэнне конкурсу для падтрымання беларускай культуры на Падляшшы гаворыць старшыня БГКТ Васіль Сегень.

Больш на сайце Радыё Рацыя.

#Беласточчыны #БГКТ #беларусы_Беласточчыны #Беласток #Васіль_Сегень

‼️⚡️ У дачыненні да Андрэя Стрыжака дадаткова распачата крымінальная справа па ч.2 арт.361-3 Крымінальнага кодэкса за фінансаванне і іншае матэрыяльнае забеспячэнне ўдзелу на тэрыторыі замежнай дзяржавы ва ўзброеным фармаванні, узброеным канфлікце, ваенных дзеяннях.

📌 У Беларусі на Стрыжака ўжо распачата некалькі крымінальных спраў, у тым ліку за ўдзел у экстрэмісцкім фармаванні і фінансаванне экстрэмісцкай дзейнасці.

#Андрэяй_Стрыжак #апазіцыя #крымінальная_справа #пераслед_актывістаў #экстрэмісцкія_фармаванні

‼️⚡️ На суд над актывісткай прафсаюза РЭП Зінаідай Міхнюк не пусцілі нават мужа.

📌 Жанчыну абвінавачваюць у абразе Лукашэнкі, кваліфікаваўшы гэта па ч. 1 арт. 368 Крымінальнага кодэкса.

📌 Зінаіда Міхнюк — актывістка прафсаюза РЭП, была затрыманая 25 сакавіка пасля вобшукаў у яе дома і ў офісе арганізацыі. Жанчыну да суда змясцілі ў СІЗА №7 Берасця.

Больш на сайце Радыё Рацыя.

#Зінаіда_Міхнюк #Берасце #пераслед_прасаюзных_актывістаў #суды #абраза_Лукашэнкі

📌 Шосты пакет антырасейскіх санкцый Еўразвязу заблакаваны. Пра гэта паведаміў еўракамісар Паола Джэнтылоні.

📌 Пакет быў прадстаўлены на пачатку траўня і ўключаў, у прыватнасці, забарону імпарту расейскай нафты з 2023 года.

📌 Аднак супраць гэтай меры выступілі Венгрыя і яшчэ некалькі краін Еўразвязу, якія моцна залежаць ад расейскай сыравіны.

Больш на сайце Радыё Рацыя.

#Еўразвяз #санкцыі #Паола_Джэнтылоні #расейская_нафта #забарона_імпарту_расейскай_нафты

📌 Больш за пяць тысяч разоў іншаземцы спрабавалі незаконна трапіць у Польшчу з Беларусі ў бягучым годзе, у тым ліку на пачатку траўня зафіксавалі ўжо 617 такіх спробаў – паведамляе straz_graniczna.

📌 За мінулыя суткі, 17 траўня, незаконна трапіць у Польшчу спрабавалі 23 іншаземцы. Сярод іх – грамадзяне Маўрыкіі, Малі і Бангладэш. Самая вялікая група – 11 чалавек – спрабавала незаконна пранікнуць у краіну ў раёне Чарэмхі.

#нелегальная_міграцыя #Польшча #straz_graniczna #памежная_служба #польскія_памежнікі

У Сочы затрымалі былога беларускага палітвязня Юрыя Касцюка

Хлопца затрымалі ў аэрапорце, калі ён збіраўся вылецець у Азербайджан. 24-гадовы берасцеец быў абвешчаны ў Беларусі ў вышук паводле арт. 361-4 Крымінальнага кодэкса (садзейнічанне экстрэмісцкай дзейнасці). Раней Юрыя судзілі за знявагу дзяржаўных сімвалаў.

📷Вясна

Больш на Радыё Рацыя:

Мастакі ўсяго свету выказваюць сваё стаўленне да барацьбы дэмакратыі з аўтарытарызмам.

24 лютага 2022 года Расея напала на Украіну. Мірнае жыццё 40-мільённай еўрапейскай краіны разбурана. Украінцы аказваюць упарты супраціў агрэсару.

У кліпе выкарыстаны 337 постэраў мастакоў з усяго свету.

https://www.youtube.com/watch?v=szwdMvUqUnM

Беларускія ўлады шукаюць контрсанкцыі: спачатку забарона праязджаць па тэрыторыі краіны, а цяпер дызель па падвышаных цэнах

У Беларусі 12 памежных АЗС, замацаваных за пунктамі пропуску, будуць прадаваць дызельнае паліва па 3,58 рубля за літр. Як паведамляе „Белнафтахім“, новаўвядзенне пачне дзейнічаць ужо з 20 траўня.

📸 plus48.by
Больш на Радыё Рацыя

Мама Ілана Маска з‘явілася на вечарыне ў сукенцы ад украінскай дызайнеркі Дар’і Данец.

📸 Інстаграм @mayemusk